大家或者唔为意,我将《
选战(一)出阵 》一文嘅标题改咗,归番入「专业机构投资者」系列里面。讲真,搞个新系列,闲闲地要写三五篇,谂到要响两个月内,出咁多篇文章,啲懒气就喺咁飘出嚟,结果都喺放弃写「选战」系列呢个念头,改番做平时用开嘅标题好啲。
各位对今次特首选战嘅讨论,似乎唔太踊跃,尤其注册回应,都只喺得果几位。我唔介意自己唔够号召力,但后嚟
汤博士 一连出咗十二篇,啲反应都喺咁上下,坦白讲,都几失望。有朋友话,
边个做下届特首都喺咁样 ,大家要咁谂嘅,就难怪反应咁冷淡啦!其实,唔同人做特首,结果又点会冇分别?莫讲话完全唔一样,简直就喺天渊之别。一个特首嘅理念、风格、行为,都会直接影响每一个香港人嘅命运。
特佬嘅真面目 就睇美国大选,特朗普定希拉里胜出,已经喺两个唔同嘅世界。特佬上场果堆大动作,
退出 TPP 、
推本土制造 、
逼车厂返美国生产 、
重推输油管工程 、
勒令起边境围墙 、
禁止七国公民入境 ,之类之类,简直喺翻天覆地。佢又展示自己嘅强势统治,
将批评佢禁令嘅署理司法部长革职 ,更警告会扣起「
庇护城市 」嘅拨款;自己要起围墙,就搵 MEXICO 埋单,
唔喺就徵人地重税 。对
中、日 、
德 三大经济龙头,当然亦唔少得嚟个下马威,连轰佢地操纵货币啦!咦?操纵货币呢家嘢,乜唔喺美国认第二,冇人敢认第一咩?乜乜 QE、乜乜扭曲操作,扮唔记得?
其实,特佬喺乜嘢人,唔难睇穿。生意人我见得多,呢一种,可谓至 CHEAP 果只。攞人货唔想找数,就拖你几条街,跟手话你啲货 QUALITY 唔得,声大夹恶要告你呢样果样,最后扮哂好人放你一马,同你倾五折找数。好似 TPP 呢种对等式圆桌会议,一於 BAN 哂佢,再逐个关门慢慢倾,唔喺点攞到你尽。同佢打工嘅,佢要裁你,就求其搵啲嘢出齐三封警告信,有杀冇赔,到炒你果日再出埋律师信,连最后个月都要你白做。佢真喺当成个美国,喺佢自己间公司,家阵搞到内忧外患,唔知佢点收科。
对付呢种人,一啲都唔难,当佢透明就得。同佢做生意,可免则免,
个 OFFER 几好都喺假 ,最后总要你赔突。一定要做嘅,都要同佢保持距离,FULL PAY IN ADVANCE 至开工,唔使俾面,你同佢熟,即喺找死;俾佢睇穿你冇得拣,咁你就可以死得。特佬上场,边个国家最大镬?好易睇啫,
最热情款待果件罗 !果个国家,嚟紧呢几年,唔使旨意有运行。MEXICO 就够醒啦,
即时取消会面 ,反正俾面你都唔会有数。阿爷仲劲,大家咁高咁大,使乜睇你台戏?你吹下水,我就
TAKE ACTION ,等你吹得咁过瘾?最后咪死地气,
乖乖地打番电话过嚟 !你唔玩 TPP,
人地就埋阿爷堆 ,喺日本先至咁低声下气,点解?对住中国人,就讲民族尊严,对住美国佬,咪扒地膜拜罗!
未来几年嘅展望 芳间嘅评论,以及呢度好多朋友、网友,对 2017 年嘅展望,普遍唔敢太乐观。大家都著眼於特佬为市场带嚟嘅不确定性,以及美国加息,对资产价格嘅潜在压力。有评论甚至认为,
十年一遇嘅 7 尾年份 ,可以准备弹药捞底添。其实,任何一个年头,对果年嘅展望,都喺咁不确定啦!未来,从来都喺预测唔到,正如 2015 年,中港股市大跌,都唔喺 7 尾;2016 年英国公投脱欧,又有几多人估到?对於依赖「
预期 」去作出决策嘅投机者,年年都喺咁严峻,今年,又有何分别?
我就话特佬上场,最大嘅赢家,将会喺中国,而香港,更喺非常利好。不过利好,都唔代表唔严峻嘅,同美国有瓜葛嘅企业,就真喺要醒定啲,打起贸易战上嚟,可以好大剂,就算只喺出下口术,都吓餐死。我奉劝各位生意人,反正美国佬啲 TERMS,从来都喺咁难顶,喺时候要 DIVERSIFY 下啲生意啦!剔除呢方面,2017 以及打后几年,香港会形势大好,尤其响金融方面。至於可以好成点,就要睇边个特首上场,有能力食得住呢个势。
环球经济嘅转捩点 记得旧年年头嘅祝愿里面,我话过,
2016 年嘅投资环境,会非常严峻 。作为长线投资者,我讲嘅「严峻」,同投机者讲果种,喺截然不同。你地追溯一下当中嘅连结,就会发现,早响
美国加息当日 ,我已经写出咗相同嘅展望,亦提到环球经济,开始进入另一个阶段。当时虽然冇讲明,所谓另一个阶段,具体上喺乜嘢意思,但其实响美国宣布加息嘅前一刻,
我特意出咗个回应 ,里面已经透露咗,进入另一阶段嘅转捩点。呢个转捩点,就喺美国响环球金融舞台上,丧失领导地位嘅果一刻:2015 年底加息!
各位千祈唔好误会,以为所谓另一阶段,喺指美国开展咗加息周期。我曾多次强调,环球经济,已经进入一个新常态。其实,
环球经济新常态 ,根本唔算点「新」,十年低息,亦讲唔上喺乜嘢周期,只不过,执著於
传统主流经济学 嘅死硬派,始终唔肯面对呢个现实。所以,佢地会将当中一系列阻碍加息嘅因素,形容为「
突发事件 」,但如果肯去细心剖析呢堆事件背后嘅因,就唔难发现,喺同新常态嘅因,完全吻合。
简单而言,环球经济新常态,已经成为咗「
现在嘅基础因素 」,即喺唔会随便受市场变化影响嘅长期因素。话说响
2015 同
2016 嘅年底,我都估美国唔会加息,仲俾人
寸我估错息口走向 添。原来真喺有人,对啲估下估下嘅嘢咁认真,难怪呢个世界,咁多投机者。我话美国唔加息,喺基於「现在嘅基础因素」作推算,但由於呢种因素,属长期性,所以短期参数有所偏离,一啲都唔出奇。作为长线投资者,唔喺要估中呢啲短期参数,因为我地持货,
由几年,到几十年不等 ,点可以靠估去做投资决策?最重要,喺当见到事物有偏离果阵,睇清楚偏离背后嘅因,呢个就喺所谓嘅,
真正去了解市场 。
两个年底,美国都喺响
冇加息条件之下加息 ,尤其 2016 年底果次,特佬都未正式上场,前景仲未明朗,加嚟做乜?再睇番两个「偏离」嘅共通点,都喺环球投机市场,对加息落哂重注;加上联储局本身,亦持有大量资产,即喺佢自己,都喺一个投机者。加息,已经唔再喺乜嘢经济周期嘅问题,而喺变成咗一个被动嘅投机决定,满足投机市场嘅需要。所以点解我话,美国响金融舞台上,已经丧失咗领导地位,而呢个转捩点,就正正意味著,环球经济,开始进入另一阶段。
新常态嘅阵痛 吓?又喺另一个阶段?即喺乜嘢?简单讲,就喺响新常态嘅基础上,衍生出嚟嘅一股反作用力。新常态之下,
市场走向归边 ,对投机者喺非常不利,因为通过投机上位,会越嚟越困难,甚至近乎冇可能。投机市场对现状失去耐性,结果积聚强大嘅反作用力,
通过押注 ,迫使联储局加息。但呢个都只喺冰山一角,我讲嘅投机者,唔单止响金融方面,而喺涵盖每一阶层、每一个体,因为任何个体,都难免有一定程度嘅投机性。个体嘅生活质素,持续优化嘅同时,亦要付出难以上位、难以自决嘅代价。结果,就出现反全球化,同本土嘅势力;英国脱欧、特佬上场,就正正喺呢股反作用力推动嘅结果。
呢个现象,可以称之为「环球经济新常态嘅阵痛」。市场上陆续有声音,预期黑天鹅出现,甚至渴望黑天鹅嘅降临,意图通过洗牌,从持份者手上抢夺资源。呢股歪风,席卷全球,包括我地嘅香港,甚至影响埋时下年青人,令佢地嘅所谓理想,建基於一个
输打赢要嘅心态 。早前我写《
遗憾 》一文,就喺要分享我对呢方面嘅感受,而唔喺好似
某位网友话斋 ,表达对受攻击嘅遗憾。佢睇咗我成篇小说咁长嘅文章,就只喺见到里面嘅一条草,都几可惜。
或者我可以再交代一下,告别回应箱,只喺顺带,唔喺《
遗憾 》嘅主旨。告别,亦唔喺因为受到攻击,只喺「
以文深交,不再 」。我出文嘅目的,志在分享,但既然时空有限,回应箱又失去咗分享嘅意义,咁告别就喺好自然嘅决定。至於佢提到另一位经常受攻击嘅网友,我谂,
视得论坛为战场嘅 ,佢应该唔太介意,甚至乐在其中,更讲唔上遗憾啦。其实冇话边个著,边个唔著嘅,道不同啫!
息差与加息 回正题,称之为阵痛呢个阶段,为市场带嚟嘅不确定性,甚至会影响到长线投资者,对「现在嘅基础因素」,失去信心,而我话「
严峻 」,就喺咁嘅意思。不过对我嚟讲,反而更睇清楚宏观市场嘅真相,
冇做出沽货呢类错误决策 。环球市场嘅阵痛,令香港成为最稳健嘅投资地,所以有评论认为,美国加息会令资金大量流走,我唔认同。资金喺会流向投资环境最好嘅地方,而所谓投资环境,唔喺单睇息差嘅。
讲开息差,记得我有次提到,当市场预期加息果阵,
低息现债就会被抛售 ,导致债价下跌。
有人质疑 ,点解只讲低息债,难道高息债唔会被抛售?原因好简单,加息对债券最直接嘅影响,就喺息差,所以低息债喺首当其冲。但高息债基於回报率高,加息对息差嘅影响就相对轻微,所以受经济预期影响,大於受息差预期影响。而加息对经济嘅预期,又众说纷纭,冇一致嘅睇法,所以高息债价,只会个别发展,跟加息冇一个必然嘅关系。就睇美国响呢两个年底嘅加息,对我手持嘅高息债,完全冇影响,债价仍然高企。唔单止喺咁,我两次提及果只
内房债基 ,2016 年底加息,无阻佢嘅升势,到依家都仲喺继续升紧。
香港嘅金融角色 讲到债券市场,香港作为中国对外嘅融资窗口,加上未来一带一路嘅庞大融资需求,我地嘅债市,前景将会非常亮丽。再加上美国响金融舞台上,已经丧失咗领导地位,而特佬「美国优先」嘅封闭政策,真喺落实嘅话,更会令美元加剧丧失国际货币呢个宝座,咁到时,联系汇率,就真喺要脱勾。不过呢个脱勾,唔会好似芳间某啲评论话,喺为咗乜乜楼价高企、乜乜星加坡式金融自决呢啲咁无谓嘅师奶嘢,而喺就人民币未能全面国际化呢段期间,通过港币同人民币建立嘅互联机制,以港币暂时充当国际货币嘅地位。大家可能会觉得我痴人说梦,不过,真喺发生嘅话,到时边个有能力领导香港?林郑?定喺林郑旗下嘅任志刚?
《
归边 》一文里面,我提到
尾班车事件 ,就喺要带出,金融制度嘅优化,唔喺要阻人发达,而喺优化香港嘅
投资环境 ,吸引嘅,喺长线投资者,唔喺果啲想嚟捞一笔嘅大鳄。你监管制度完善,金融体系稳定,可预期性高,咁就算外面加息,资金亦唔会随便流走。CY 讲到金融,开口埋口,就话要「服务」祖国,祖国使鬼你「服务」?香港喺绝对有条件,担当前线嘅角色,「协助」同「贡献」国家嘅金融大业,唔喺好被动咁「服务」人地。咁嘅理念,难怪 HEAD 唔住旗下嘅财金机构,搞到要另起炉灶,整个金发局出嚟,一开始就已经喺错。
金发局对选举嘅启示 金发局成立果阵 ,讲到明喺独立运作,自给自足,即喺唔使政府支援啦!咁又喺,另起嘅炉灶,使乜要支援?不过最近,
林郑同叶刘一唱一和 ,竟然话金发局支援不足;叶刘我都算佢,但林郑又唔通失咗忆?我谂胡须曾嘅回应,已经好俾面,俾著我,就会好直接咁答:「其实金发局,早就应该要 DELETE」!话说旧年三月底,
证监 、
金管局 分别发出咗通告同指引,之后香港嘅投资市场,正式分家,同时稳定咗债劵同基金两个市场。呢单
尾班车事件 ,发生之后半年,
金发局就建议 ,要中港嘅散户,齐齐玩债劵喎!当时,我真喺 O 哂咀。
果班人嘅理念,响基础上已经好有问题。鬼唔知香港嘅债劵市场,
有巨大发展潜力 咩!但喺个游戏,唔喺咁玩。我地要重质,唔喺盲煲大个量。债劵市场,应该要优化同专业投资者嘅关系,而对於散户,就应该通过优化基金,作为投资债劵嘅桥梁,方为正道。点可以为咗做大佢,就乱咁嚟?林郑批金发局支援不足,喺自暴其短,咁嘅料,点请得郁任志刚?不过,睇咗
任志刚公开赞林郑嘅讲话 ,加埋为佢拍
果段片 ,我终於明白点解。记得当年任总撑唐英年,真喺劳心劳力,相比今日,完全喺两个截然不同嘅景象。今次,我对呢位堪称金融界嘅沙皇,都几失望,你撑边个,唔喺问题,但你交行货,都唔该做得似样啲。
吉祥物与龙头 我真喺想问下林郑,究竟点解要参选?
临危受命 ,即喺唔喺你自己嘅意思,喺人地叫你做。胡须曾喺由一个施政理念为基础,推动佢参选特首嘅决定,所以佢嘅思维,非常清晰,而领导能力,就自然生成;但你就调转咗,喺因为要做特首,先至去寻觅一个施政理念,去迎合呢个决定。两者,喺天渊之别,所以剔除所谓「中方」支持嘅话,你喺输胡须曾九条街,但绝对唔喺因为起步迟,而喺因果错配。你得到嘅支持,同一切粉饰,都喺人地为你安排,彷佛你就喺选举嘅一件吉祥物。咁你嘅领导能力,从何而来?任志刚,喺好难 HEAD 得住,如果佢又喺人地安排俾你,塞去你旗下,你点 HEAD 住佢?你咁「打得」,唔通到时又
另起炉灶 ,搞个乜发局出嚟,夹硬要佢支援?
我果然冇睇错,今日成个选举形势,已经俾胡须曾呢个龙头 LEAD 住,而其他三个参选人,都喺被牵住走。佢每一步嘅 TIMING,SET 得非常准确,一举一动,
取消 TSA 、
丁居屋混合发展 、
网上众筹 、
负入息税同累进利得税 、
政改及廿三条立法 ,都成为热话。赞定弹,唔重要,问题喺有冇人议论。
佢嘅政纲 ,就好似一份施政报告咁,成为公众焦点,连其他三位参选人,
甚至 CY ,都不自觉做咗佢跟班,要作出认真嘅回应。
至於叶刘,
我都话佢太早出政纲 ,冇人关心,冇人谈论,就连内容喺乜都冇人记得。
依家再更新政纲 ,由「赢返香港」,改成「凝聚共识、促进和谐」;改写主题,已经喺大忌,仲要抄胡须曾嘅理念,唔知会唔会又俾人当透明?而林郑个
造势大会 ,成个俾面派对咁,呢样都算,八大愿景唔见咗,主题变成修补撕裂,求再次团结,又喺抄胡须曾理念,连个口号「同行」,唔知佢自己知唔知,都喺抄胡须曾嘅「
有你同行 」。寻日只喺公布
部分政纲 ,唔通因为入硬闸,冇必要出哂成份政纲?定喺佢根本冇心参选?连公布果部份,都喺九成抄,就算交行货,可唔可以认真啲?
今次特首选举,论实力,真喺悬殊得唔寻常。FACEBOOK 喺公开网站,好难造马,
林郑果边 ,个个 POST 都上万个嬲嬲,
有网友话 ,喺 MULTI-ACCOUNT 玩抹黑喎!FINE!我就当你啱,咁
胡须曾果边 呢?唔喺净喺废青先至识得用 FACEBOOK 嘛!再者,人地连廿三条都出埋,
响树仁又撞到正示威 ,到今日我睇哂佢成个 FACEBOOK PAGE,半只嬲嬲都搵唔到,就算有持唔同意见嘅网民,都喺好理性同包容咁回应,呢样又点解释?我谂,佢成功搞得掂廿三条,你都咪话冇可能。
我喺阿爷嘅话,一定等佢储够人气,最后一刻嚟一个众望所归。但就算真喺咁发生嘅话,事前,大家都唔会知,因为胡须曾,
真喺可以做到滴风不漏 ,唔似得 CY,连唔使讲果句都讲埋。呢啲就喺叫做「诚信」,阿爷至 LIKE。
新常态嘅第三阶段 姑勿论有冇乜嘢,造王之类嘅阴谋论响背后,我想问各位,重要咩?
环球经济新常态嘅阵痛 ,已经影响到香港每一个阶层,各参选人之中,只有胡须曾有机会扭转呢个局势,期间,佢亦证明咗俾香港人睇,佢有呢方面嘅能力。
今日,我已经可以预言,新常态嘅第三阶段,会喺啲乜嘢。唔好以为,我讲果种
反作用力 ,会足以推倒成个新常态,点解?不如我反问大家,唔用手机,得唔得?取消最低工资,得唔得?将公屋改建番做多户一厕,得唔得?个体喺唔会为咗满足自己嘅
投机性 ,而牺牲宝贵嘅生活质素,去选择
一个倒退 ,皆因代价太大。再者,投机,一定赢架?到最终,都喺要面对现实,接受新常态,接受归边,呢个就喺所谓嘅第三阶段。
阵痛,可以维持几年,至十几年,甚至更长,亦因地区而异。又记得一位网友话,
香港人,似乎走在世界嘅前列 ,胡须曾以四个「优质」做愿景,以提升竞争力为大前提,就正正喺面对现实,配合新常态,配合归边,朝住第三阶段走嘅大方向。而佢亦喺唯一嘅参选人,可以将愿景配合到具体政纲。香港,喺绝对有先天优势,成为全球首个步入新常态第三阶段嘅地区。或者你会问,讲,就个个都天下无敌,凭乜嘢信佢?咁我不如又再反问,唔信佢,可以信边个?唔通喺,连理念都未搞清楚嘅林郑?
政经 政治、经济,从来都喺息息相关;关心楼市、关心投资嘅,就更加要关心呢个选举,更加要踊跃表态。唔知各位仲记唔记得,两年半前我响呢度,
呼吁大家签名反占中 嘅往事?汤博士亦跟手出咗九十篇「
反占中 」系列,果阵大家嘅反应,非常热烈,当时嘅景象,记忆犹新。相比今日,只能慨叹一句:俱往矣!
但占中,都只喺几个月,特首选举嘅结果,就影响香港成五年咁长,试问人生,有几多个五年?难得一个公开平台,俾各位表态,就算意见唔一致,都叫做参与过,努力过。当然,大家亦可以选择买定花生,食住等睇戏,不过到时千祈唔好埋怨,点解自己会变成戏中嘅主角。姑勿论个结果会点,最终承受嘅,都喺香港人自己。
记得当年,我批 CY,会为香港
带嚟横运 ,批
消极施政 ,会令社会撕裂,结果中哂。上届特首选举,
山长水远走去投白票嘅香港人 ,我寸足佢地五年。
最重要喺无悔 适逢今日情人节,我就响度祝福大家,情人节快乐啦!
送各位一首歌,应下节。其实,就算喺身边嘅人,都未必可以完全理解,何况喺政治家?我唔排除会信错人,但我亦唔介意,起码我同自己做咗交代,咁你呢?呢首歌,咁啱喺由两位女歌手合唱,即喺如果胡须曾,真喺当选嘅话,就最适合送俾林郑同叶刘,至於个 HIM 喺乜水,自己体会啦!
信错人,唔紧要,最重要喺,无悔!
Elaine & Barbara:I Know Him So Well VIDEO