地产博客 > 资深会员专栏 返回
浏览人次:49286    回应:121
资深会员专栏

港灿式茶餐厅(一)唔系嘛?买大陆屋?

 

引刀一快

2015年12月9日
  引刀长居广州,乃正牌港灿,爲何有香港这块世界级风水宝地唔好好享用,走去大陆攞苦嚟辛?仲失咗香港09年以后嘅地産大升市,真系港灿中嘅傻港灿!其实廿多年嘅大陆经历,有苦有乐,有失.........亦有得!请容引刀娓娓道来。
  话说廿多年前,引刀喺香港A level考试成绩差到痹,当时好多同学重读、或者考TOEFL出国,引刀家里经济真系嘛嘛地,唔舍得年迈双亲之余,亦唔想为学业耗尽父母积蓄,因爲人家出国可能系因爲叻仔,引刀自己知自己事,出国系因为自己唔够勤学,完全系自己衰,冇嗱嗱声搵工养家已经好唔生性,实在唔应该驶屋企咁多钱。有日忽发奇想,不如试下“廉价出国”,返大陆读书!反正引刀再考A level都唔慌好得去边,即刻搵资料,原来,当年香港人提起大陆大学都会谂到嘅暨大(暨南大学),同泉州嘅华侨大学,两间都系侨校,系面对港澳台侨生爲主嘅,报名同考试都同大陆其它大学嘅联招分开,引刀读书咁屎,当然大包围,侨校同联招两边都报,当时嘅同学,一班难兄难弟学渣,听见引刀想返大陆读书,都以爲引刀烧坏脑,我提议佢地一齐试下,个个耍手拧头,话香港唔承认学历,白读!而且觉得大陆好落后,去玩下就好,长住咪搞,而我就计计数读完香港都回归喇,可能有用呢!
  其实引刀呢个决定都系谂住大包围啫,香港课程课本都系英文,准备大陆考试全部中文,所有teams要学过晒,仲要去适应中文试题、同埋大陆考试模式,最惨就系,引刀最刹食嘅practical试,当时大陆欠奉,少咗得分环节,所以把握唔见得比A level高。不过,因爲对港澳同胞嘅照顾和谅解,试题会适度降低难度,但系讲明英文科试卷就要比国内生所考嘅难啲啲。
  考试结果,重考嘅A level陪难兄难弟们全军覆没,而大陆两个考试都录取咗,唔好以爲大陆嘅考试水准会低过香港,有时人嘅潜力,就系要换个环境至可以发挥,引刀都系命焦,如果细细个就返大陆读书,咁就唔驶成日俾阿爸阿妈打喇..............!
  因爲1989年发生嘅事情,往后所有高校都要新生军训一个月,本来港澳生免役,但系我唔想俾人觉得香港人娇生惯养,我不但随团军训,而且放弃入住留学生楼,同大陆学生一齐住十人宿舍,一张碌架牀放咗书柜仔同其它“家当”,活动空间就剩低上半身90公分、下半身50公分宽度,加上完全不能敞开蚊帐瞓觉,所以如果今日引刀不幸要住笼屋的话,都可以顶得住。
  讲到呢度,大家会问,同大陆楼有咩关系呀?讲古佬呃饭食就梗系慢慢讲兼卖关子喇,做做自我介绍先,欲知且看下回分解!
  
   
 
 
我要回应
我的称呼
回应 / 意见
验证文字
 
会员登入
登入ID 或 网名
密码
1. I am nobody 2015-12-09 07:28:01
沙发
2. 历史长河 2015-12-09 08:00:43
恭喜弓力兄出文,原来真是农务系。等待续集。
3. Jerry 2015-12-09 08:12:27
恭喜刀兄出文,小弟穷二代既朋友富二代也是读这间大学。当时他爸叫他去外国, 他说:「我都唔识英文」哈哈


4. 引刀一快 2015-12-09 08:15:47
Jerry兄

我冇讲读边间喎。
5. 引刀一快 2015-12-09 08:18:38
出国唔驶识英文架,出到去两个月就个个都lock lock声喇,生活系有压力去加速学习嘅。
6. 打工仔 Andy 2015-12-09 08:21:36
引刀兄

劲秋! 好野!
小弟敬佩万分!
7. 引刀一快 2015-12-09 08:22:15
打工仔兄

咪笑我喇,引刀呢种正式系港灿。
8. 鱼蛋仔 2015-12-09 08:33:22

恭喜引刀兄出文!

睇引刀兄所述的时间,可能我们的年纪相差不远。哈哈!

引刀兄可以去国内留学已经不错了。我中学会考后,妈妈跟我说:爸爸要退休了,你要工作养家。我最后是读夜校考A level的。成绩当然一般啦。

期待你的下文!

9. 引刀一快 2015-12-09 08:44:12
鱼蛋仔姐姐

多谢多谢!读夜校考A level,你都好辛苦喎,不过有福依然在,你如果对中医药有兴趣,读完香港嘅部份,可以嚟大陆进修,学术嘅嘢都系拾级而上,过去少得嘅,往后大把机会补番。
10. 自我陶醉 2015-12-09 08:48:48
哗! 刀兄流浪记真系耐人寻味! 
11. 抱长剑一扬眉,白云苍狗何离离 2015-12-09 08:50:30
刀兄的遭遇真系同我有啲似,我亦系考试全部担梯,HHHHHHHH个只,走投无路之下把心一横,走咗去外国洗大饼,结果无论学业同事业都走出咗困境,回首一刹那,几十年就咁过咗去。。。



12. 望东楼 2015-12-09 08:52:51
以我所知,祖国大学入学额系玩配额嘅。好似北大有一半学位系留比有北京户籍嘅学生,而余额就定额分配全国各省市,比方广东省有五十个《冧巴老作》等等。所以如果刀叔当年投考北大可能都照入。

听讲祖国啲学霸好劲,考试无敌,SAT可以考满分。
13. 引刀一快 2015-12-09 08:54:40
自我陶醉兄

你篇嘢先系万衆期待呢!几时有得睇呀?
14. CD ROM 2015-12-09 08:57:06
刀兄,一早竟见到你的大作,吓一跳~~~ 哈哈。

由十九岁写起,似乎呢一篇,有排连载了! 大陆系咪一般香港人想像咁样?要靠你第一身剖白一下喇~


15. 引刀一快 2015-12-09 09:04:01
PN兄

全对,我当年听到部份去到清华、北大嘅港澳生,并唔好受,受到白眼,就系因爲呢个原因,话佢地未够班,人家千军万马过独木桥,而港澳生就享受优惠。
不过,点入系一回事,企唔企得稳,就要睇表现。
引刀执番身彩,好在冇胆粗到报果边嘅学校,话时话,我后来有同北大嘅人接触过,都系有血有肉嘅人啫。
16. 引刀一快 2015-12-09 09:06:44
CD ROM兄

讲到大陆,我相信陆漂如你我者,大家各有遭遇,所以亦各有感受,呢个题目,好丰富!
17. 望东楼 2015-12-09 09:17:46
我都领教过北大校友个种舍我其谁嘅傲气。
18. 占士 2015-12-09 09:20:41

刀兄,终於等到您的大作发表!谢谢分享!非常有故事性!无论多忙都要上来追看呀!哈哈哈

19. 引刀一快 2015-12-09 09:29:14
To 11楼 抱长剑兄

互勉之!我亦想向香港新一代传达一个讯息,喺香港考试失败唔系天崩地冧,只要有韧力,大把路可以行,唔好自暴自弃,亦唔好愤世疾俗,世界总有一日属于你们的。
20. 引刀一快 2015-12-09 09:33:31
占士兄

多谢多谢,你嘅经济策略篇先叫大作呢!
21. 引刀一快 2015-12-09 09:33:36
占士兄

多谢多谢,你嘅经济策略篇先叫大作呢!
22. 引刀一快 2015-12-09 09:36:21
To 17楼 PN兄

唷,原来PN兄系北大人!过江龙喎!为港人争气!
23. Sugar 2015-12-09 09:57:26

引刀大大:

估唔到你动作咁快!抵赞!!!

广州是我喜欢的地方,虽然有好长一段时间她的市容都有点"脏,乱,差"(尤其火车站附近).16岁那年暑假尾我死悭死抵攒了点钱终于进行了人生第一次"远征"---坐火车去北京!那时来回程都经广州的.在回程的火车上结识了在广州华师大谂硕士的于立新.这位高个子大姐姐来自哈尔滨,和我一见如故一路上谈天说地不亦乐乎....火车到了广州我们要话别了.还记得她轻轻地捉住我的手,放进怀里(现在似乎还感受到那份温暖)...说:小赵,我真不舍得你!....要不,你先不要回香港,来华师大宿舍住两天好吗?...就这样,我打电话回港问准了老爸,就在广州住了两星期....华师大工程系硕士班能人异士真太多,让我这"初生之犊"大开眼界"....

好了,为免喧宾夺主,引刀兄我或者迟些在我的文章中再娓娓道来吧!


24. 2011年开始 2015-12-09 09:59:15
恭喜引刀兄出文,大部分香港人对大陆的资料来自有既定立埸的传媒,引刀兄的第一身经历正好给香港人另一角度看中国.
25. 引刀一快 2015-12-09 10:12:09
Sugar 大大san!

何来喧夺之有!你的畅情回覆正是为引刀生色贴金呢。

北方人好钟意改名做“立新”,大陆能人异士确实不少,原来Sugar亦受过北方人嘅情感洗礼,热切期待你分享,到时我就冇你咁客气,一定会写好多囬覆。
26. 新抱仔 2015-12-09 10:16:38
好正呀!我好想睇埋落去,引刀,快d出文啊!好想了解国内与我们的不同,好有兴趣呢!

Suger姐

你都好劲呀!那么小便跑那么远,好厉害,好期待你们2位的文章呀!好正!
27. 引刀一快 2015-12-09 10:21:26
2011年开始女士

我保证会用中肯嘅态度去分析中港之事,当然,所谓中肯,我亦只是一家之言,但系我廿多年来亲身经历,应该多少有点参考性。
香港嘅传媒,有时的确对大陆有偏见,但系有时又会非常准确,甚至,有部份事情,其实大陆系故意借香港传媒发布。
28. 引刀一快 2015-12-09 10:22:51
多谢新抱仔,不过想快得过你系好难嘅事。
29. 打工仔 Andy 2015-12-09 10:26:21
糖姐

小弟系80年代都试过坐36小时火车上北京! 有机会我也分享一下。
30. Sugar 2015-12-09 10:30:16

引刀大大:

本来今日较忙,看了你的文章我不禁搁下杂事先写几行.

是的!上次聚会我也和长河兄提及过,我和北方人特别投缘,从来不分彼此的.....我欣赏他们豪迈率性对人热诚没坏心眼儿.....

昨天还打算写租客求爱不遂拒交租被X艶毒辣的收租婆暴力驱逐之破事儿....现在决定改为写Sugar岭南旧事---华师大能人异士篇,哈哈!

31. 引刀一快 2015-12-09 10:37:12
华师大廿几年前有过段黑暗历史,我记得我刚到广州时,听到华师发生大量风化案件,有女生自杀,好愤概。
32. 向饭民说不 2015-12-09 10:43:58
甘就真系唔明点解引刀兄会甘负能量,讲起楼价,广州的升幅绝对不低于香港,加上以引刀入大学的时间计算,毕业出来工作之后,当时的人仔应该系100元港纸对120人民币。如果投资大陆房地产,肯定发过猪头。还有引刀毕业的时候,应该系大陆楼价第一次泡沫爆破的时期,绝对是买入广州楼的好时机。

入宝山,空手回。引刀兄不要怪政府啦。

不要以为民主国家就好,小弟儿子刚入加拿大大学,证明了一直相信的民主poor guy国家,最终都系牺牲小朋友的教育,而将资源投放在老年人身上,结果是人口老化问题越来越严重。而年轻人越来越不敢生孩子。

加拿大大学不敢加学费,只有想办法家杂费,刚收到学费单,真系水蛇村甘长,有些可以waive的费用,要你自己去申请,你话黑唔黑。宿舍租金达5/6千元港币一个月。

还有大学做埋大二朵,欠交学费,一个月的月息1%以上,年息达12%以上,比信用卡更加金。外国信用卡,有很多年息都系10%。

33. 新抱仔 2015-12-09 10:45:08
Suger姐,

天呀!你的题材好鬼正!快D写啦!

打工仔,
坐36小时火车?天呀!昏掉了,太夸张了,难以置信!
34. 新抱仔 2015-12-09 10:46:11
引刀,

好可怕的历史!
35. 向饭民说不 2015-12-09 10:48:13
讲起大陆大学,小弟太太系大陆的fuxking U 毕业,8964时当年她也去卧轨,而她的同届同学有很多人发展非常好,有很多出了国,去了美国,加拿大,澳洲,纽西兰,个个都发展非常好。来香港都系住5星级酒店。

感觉到引刀应该都系入宝山,空手回,在或者系抓到鹿,不懂脱角。
36. Sugar 2015-12-09 10:48:27

引刀大大:

真的???没听立新她们提过....可能大家都想忘记不快事.我们那时晚上十点几还在偌大的校园徘徊.....不过记得李桦(念心理学)的男友伟良总是陪我们....

37. 引刀一快 2015-12-09 10:54:04
华师大所在嘅五山,比较偏僻,当年正系民工、盲流大量入穗时期,好多离乡别井岀嚟打工嘅民工,长期压抑,当中自然有唔少害群之马。
38. 引刀一快 2015-12-09 11:29:17
向饭

好多谢你咁畀面喎,岀嚟嗱?
首先,你搞错咗少少时间,我买第一间大陆屋,系几乎摸顶,总之你讲嘅甜蜜爆破系我买咗屋之后年几两年嘅事,虽然依家总价系当年摸顶价四五倍,引刀仍然引以爲戒。
我呢20年遇到啲电视剧式嘅唔如意事,否则我会有几个宝山,唔系讲入与唔入,就系手上有宝山!不过呢D事,我唔想写。
尊夫人系北大人?捞得好好正常呀,净系人脉关系网都赋予极大优越性,由军政界到商界都有人,想乜有乜喇。
不过,有一点最值得我自豪和安慰,我喺呢度遇到另一半,乜都值回票价喇。
向饭,我其实好有韧性,能量气场是正是负,睇耐啲再评价为好。

39. law student 2015-12-09 11:39:24
热烈祝贺刀兄出文, 期待拜读下集.
40. 引刀一快 2015-12-09 11:45:27
多谢law student兄

我系lout student!
41. yyfan 2015-12-09 11:47:14
刀兄,如果你真是暨大毕业,应该听过假洋鬼子之说,小弟其实来自华工,六四后第一批大学毕业生(89届其实唔算第一批,因为佢地已经毕咗业),有机会同犯民分享下对六四睇法,毕竟我地果代正正系置身这场运动中
42. 引刀一快 2015-12-09 11:53:12
yyfan兄

原来yyfan兄系华工嘅师兄!系咪89级,93届?
我已经喺文中作补充修正,我唔系暨大架,边间就唔喺度公开喇,费事俾人追斩,广州嘅港澳生中,辈份系你师弟,我93级。

有机会多多交流!
43. Sugar 2015-12-09 11:55:55

见到Fan老板我一定要搭讪(呜......今日肯定要 OT 了)       >.<

你指华南理工大学???好犀利喎!

立新她们带过我去你学校游荡~~~

44. yyfan 2015-12-09 12:06:41
向饭

其实广州楼价系近十年八年先升得多,之前我93年买入,04年卖出都要亏,而且住宅出租租金奇低,要投资应该买写字楼,我系广州有间写字楼租一万,业主买返来先100万

我个仔系加拿大明年都可能入U,不过又话想参军,好在加纸跌返十年前个价
45. 我爱中国 2015-12-09 12:15:30
To: 向饭民说不
看你言论,应支持中港融合,为何要送子女向外读书?
建制弱点系口裹支持,但动作就向西方,包括读书,旅游都是
如大人不带子女认识祖国,下一代只会継续为反而反
46. yyfan 2015-12-09 12:17:37
刀兄
我系86级,90届,当年第一次参加游行好似是4月反官倒,最后罢课补考搞到果年无心温书,奖学金都拿不到,我地果届毕业分配无人收

我记得曁大唔使军训,我地就要,朝早五点起身操,历时两周,应该系大二,所以唔关六四事
47. yyfan 2015-12-09 12:20:47
SUGAR SIS

系啊,我地果时被人叫二流子,暨大叫假洋鬼子,华农土包子,中山医书呆子
48. Sugar 2015-12-09 12:28:09

Fan 老板:

咁你上次甩底损失真系大!!!

原本可以同引刀兄畅谈往事....你哥儿俩肯定共聚同醉,千杯少!!! 哈哈哈!

我嘅 second degree 读法律,不过响北京~~~



49. 向饭民说不 2015-12-09 12:31:38
我绝对支持中港融合,同送子女出国留学有咩冲突。眼睛看远一点。

而支持中港融合,事实本人是属于大香港主义者。现在中港融合,是香港兼并深圳。港璨自闭青年不会明白。从来要兼并他人领土,都系要用鲜血才能换回来。

见你甘回应,证明阁下真系典型的自闭青年。事实上小孩在外国都发现香港学生根本非常自我封闭。反而大陆学生开放很多。
50. 向饭民说不 2015-12-09 12:35:32
45楼,又是属于假中立的黄尸。讲开香港人抹黑大陆,今日各大媒体都大肆报道,

 太阳报A1:广州女大生援交风 引爆爱滋


好像是发现新大陆一样。而事实是,援交之风日本有,香港有,台湾有,全世界都有。

这就是假中立废材利用负能量破坏社会安定的方法。
51. yyfan 2015-12-09 12:37:22
SUGAR SIS

所以我下次聚会已向ronald申请参加

我有同学衣家系广州做律师,1st degree是中医,六四系学运领袖之一,他的经历也是传奇,有机会你地应该倾下
52. Sugar 2015-12-09 12:45:07

Fan老板:

世界真细小.......说来话也长!

好的,在这里三言两语难述当年起伏跌宕,有机会再详谈吧!


53. 望东楼 2015-12-09 12:54:18
刀兄,我无资格成为北大人,只系职场相遇。
54. 向饭民说不 2015-12-09 12:56:40
讲开64,当年的死亡人数分分钟比最近法国空袭死亡人数小。

我地一直都被亲西方媒体抹黑到以为当年真系死了很多人。是一场屠杀。

但是如果是屠杀,点会得几个天安门母亲。如果是屠杀,点解没有任何证据。当年亲西方的力量可以安排那些领袖离开大陆,但是点解就是没有带证据离开。
55. yyfan 2015-12-09 13:20:53
饭民兄讲得冇错,广场确实冇死人,学生永远是政治斗争的牺牲品,作为当时参与者,我地只是希望给当年的学生一个平凡,佢地大部分冇意推翻政府

事实上认识的同辈已经不想再提,六四留下给我地嘅也只是一段回忆
56. To 向饭 2015-12-09 13:27:06
如中国美好,那建制子女应留学中国,旅游多去中国内地。如果大人不以身作则,下一代只会同中国越行越远
57. 新抱仔 2015-12-09 13:29:06
89年我那时是小学生,都想知发生什么事?只知爷爷好像哭了。
58. 向饭民说不 2015-12-09 13:47:19
56楼,都话你自闭。你这样的思维只会令自己失去竞争力。

今日大陆西方学生来中国留学,同时很多中国人出国留学,非常正常的行为。
59. Joe 2015-12-09 14:01:41

 

人唔读你读,杀出新血路!

引刀大大果然精彩....

60. 向饭民说不 2015-12-09 14:08:52
楼上,不过我就不明白点解引刀充满负能量。或者是今日毒媒日日放毒,令好多人不自觉地被洗脑。以为天就来跌下来。

事实是香港比较其他地方,这几年发展其实是比较好的。
61. middle middle class 2015-12-09 14:22:28
引刀兄,乜咁有兴致出文呀?  近期咁多位师兄师姐出文,好不热闹,亦是我等申手牌网友之褔。  你呢个中国通,得闲爆多少少经济料…

Anyway,热奇切祈待!
62. To 向饭 2015-12-09 16:07:29
那有西方鬼佬来中国读书?
63. 向饭民说不 2015-12-09 16:41:17
楼上,确认了你就是假中立的井底之蛙黄尸。


64. 丽娜 2015-12-09 16:48:58
引刀兄,小妹感受到你当时的奋斗,是不容易啊,普通话应该那时不懂吧?要适应国内的生活,特别是那时还未很先进,真的很有勇气。那时可能去台湾升学受欢迎D。
65. 引刀一快 2015-12-09 16:54:39
一觉醒来,感激大家关注,倒序囬覆。

To 62楼兄台

西方鬼佬来华学习,多得很呢!

我就讲讲近20年来华留学生变化趋势,当然,系粗略嘅。

20年前,留学生最多就系日本,后来可能因爲中国经济崛起,韩国来华学习人数激增,反而日本人减少,到咗2000年开始,非裔人数开始越来越多,同时,东欧学生亦越来越多,不过东欧来华多数女士,美加、澳纽等“西方鬼佬”,个人观察系2005之后增长比较快,相对少见系拉丁裔。
66. 引刀一快 2015-12-09 17:02:17
To 64楼 丽娜女士

你真系心水清!我当时唔识普通话,虽然以前读过苏浙嘅“国语”教学,其实只系台湾老师佢有佢讲,学生唔识聼!但系因爲系香港人,同房有广东人帮忙,讲真,普通话唔系“学”返嚟,而系“讲”返嚟嘅。

当年嘅难适应嘅地方,我会另外写,睇下可唔可以啓发下D年青人。
67. 引刀一快 2015-12-09 17:05:15
To 61楼 middle middle class兄

引刀出文系因爲又输咗铺大嘅!你问打工仔就知道架喇。

经济料我一定会中肯报导,保证唔会道听途说。
68. 引刀一快 2015-12-09 17:06:50
To 59楼 Joe兄

慢慢睇,你会发现引刀都有正能量。
69. 历史长河 2015-12-09 17:07:57
刀兄,你冇辜负'传奇'个称号。加油!
70. 引刀一快 2015-12-09 17:13:40
To 56楼兄台

出国留学唔系背弃民族,最紧要系学咗嘢识得攞返自己国家做贡献。


71. 引刀一快 2015-12-09 17:24:29
To 47、55楼 yyfan兄

你系“二流子”?华师就自称“莘莘学子”!

当年89嘅事件,有唔少人借机上位,当年你知道晚上11点宿舍关灯喇,我学院有个师兄,半夜走去搵路灯借光写“报告”,日日将同学、师兄弟嘅言行上报,结果因爲“有功”捞咗个辅导员职位,中国搞得唔好,同呢种选拔风气好大关系。
72. 打工仔 Andy 2015-12-09 17:30:22
引刀兄

你真识讲笑, 你今次赢晒就真!

共赢之
73. 引刀一快 2015-12-09 17:35:06
To 69楼 长河san

互勉互勉!话我传奇定系话我踹气先?

其实,立足社会唔容易,每个人嘅故事,都传奇。


74. 引刀一快 2015-12-09 17:37:00
To 72楼 打工仔兄

我真系输咗,引刀系输死蠢!
75. Sammy 2015-12-09 17:43:33
引刀兄

小弟敬佩!
76. yyfan 2015-12-09 17:51:11
刀兄

讲起辅导员就把几火,我地果个本来一直企系学生果边直至所谓胜利大游行,点知后来秋后算帐佢可以当自己是旁观者去指责我地


厦门人洁地灵,是当年入山必经之路,你系厦大定集美?
77. 历史长河 2015-12-09 19:40:30
刀兄,Fan 兄,我个经历同你地都有相似之处,只不过是交叉换位,你来我往。哈哈,有机会大家交叉感染一下!
78. Oscar Lam 2015-12-09 21:16:55
引刀兄的学生年代与众不同,期待你的下一篇文章。
79. To 向饭 2015-12-09 21:42:25
你唔我用意,我实在见了很多自称建制父母,D子女亦变了黄色,如果政府不再做野,建制成年人唔能够带领年青人认识祖国,最后香港亦变成敍利亚
80. Joe 2015-12-09 23:08:08
To 60/F

饭兄,刀兄不是独孤一味负能量的,就不防等待其正能量的一面吧....

81. To 引刀 2015-12-09 23:16:10
人仔又应跌几多?谢
82. 向饭民说不 2015-12-10 00:34:49
引刀你吾系输死蠢,你系输做人太负面。你系大陆完成大学课程,但是却miss了大陆经济增长的20几年。

但是你不但不检讨自己,还要怪大陆黑暗。这就是时下香港班废青的写照。完全缺乏竞争力。
83. 自我陶醉 2015-12-10 00:39:19
向饭兄、Joe 兄,

正如law student兄说,所谓正能量,就是用积极正面态度,面对人生各式各样的挑战。

对市场走向好坏的判断,是各人以自己认知对未来大方向的估算,用的是判断力和分析力,根本与什么正能量、负能量拉不上任何关系。如果看淡就是负能量的话, 那么分析员是否再也不用分析数据呢? 只要全部看升,永远看升,人云亦云便可以了,对吗? 这就是各位心目中的正能量吗? 这样真的是客观分析吗?

根本就是胡说八道,混淆是非。
84. 向饭民说不 2015-12-10 00:40:46
81楼,全世界都跌,人仔吾跌是很难的。好多废材好希望人仔跌,等他们可以回去20年前反大陆做大爷的尊严。

不过如果大陆人仔跌,香港经济一定无运行。当年董伯伯讲过,大陆好,香港好,他没有说,大陆差,香港死得更快。

最近楼价跌,就是人仔贬值trigger的。人仔未贬值时,楼价站的几硬,废青以为楼价,就可以买到楼,问题当经济差的时候,废青要担心的是自己的工作。
85. 朗晴 2015-12-10 00:47:08
刀兄,谢分享
好想睇续集.
86. 引刀一快 2015-12-10 06:24:12
朗晴兄

第二期出版咗喇!
87. 引刀一快 2015-12-10 06:32:41
自我陶醉兄

你讲中咗我一直冇表达好嘅理念,精准清晰。


88. 引刀一快 2015-12-10 07:30:58
To 75楼  Sammy兄

共勉之!
89. 引刀一快 2015-12-10 07:34:17
To 76楼 yyfan兄

厦大、集美两间我都去过,两间喺大陆高校嚟讲都系超靓,好有校园味。

不过我系广州,唔系果边喎。
90. 引刀一快 2015-12-10 07:36:09
To 77楼 长河san

呵呵,交叉交叉,共叉之。
91. 引刀一快 2015-12-10 07:37:29
To 78楼 Oscar Lam兄

引刀与衆不同,和你一样。
92. 引刀一快 2015-12-10 07:40:17
To 81楼

人仔跌几多就即系应跌几多。
93. 向饭民说不 2015-12-10 10:06:48
自我陶醉,要自欺欺人,无人可以改变,但是网上很多散布负能量的写手,肯定就有政治原因。回归之前,大家一样生活,一样的面对高楼价,面对高通胀,但是当时人人都开心。今日,其实无乜变,但是就是因为毒媒日日播毒,发放负能量信息。真系以为天就来跌下来。其实香港比较其他地方,发展还是好的,比较废青喜欢的台湾,日本,其实更加好。

真正胡说八道,混淆是非的就是这些假中立的负能量losser。
94. yyfan 2015-12-10 10:17:00
刀兄

冇谂到广州除咗暨大外仲有其它学校招收港澳生,虽然离开广州十几年,但每次返去都会有好多回忆,所以大陆总部都会放系果度,曾经几次想搬去深圳以方便上落

长河兄所言交㕚何解?
95. 自我陶醉 2015-12-10 11:06:30
93楼 向饭兄,

政治永远都系黑暗嘅,全世界有边度唔系? 所以我从来都冇兴趣讨论。

咩论点都好,冇市场点会有人在意?  咁点解以前嘅论点冇市场,依家有呢? 物先腐而后虫生,所谓的饭民,所谓的废青,都只是应运而生,其他不作讨论了。

同台湾、日本比算好,就心满意足,这就是正能量吗?  同南韩、星加坡比又如何, 小弟认为只有不断与强者相比,力求上进,才是真正的正能量,只与losers比的人,永远都只会是loser。
96. 向饭民说不 2015-12-10 11:44:43
楼上,你又系度玩假中立,回归以来,我地见到一些假中立的传媒不断的颠覆是非,抹黑。还有咩都赖政府。总之咩都系政府的错。
你就无兴趣政治,但是却系度玩政治。不要当人傻啦。
97. 向饭民说不 2015-12-10 11:44:45
楼上,你又系度玩假中立,回归以来,我地见到一些假中立的传媒不断的颠覆是非,抹黑。还有咩都赖政府。总之咩都系政府的错。
你就无兴趣政治,但是却系度玩政治。不要当人傻啦。
98. 向饭民说不 2015-12-10 12:08:48
还有一个和强者比较多人,正常都系好正能量吧。

不过现在很多崇美L,又真系好难讲,呵呵。
99. 引刀一快 2015-12-10 12:14:25
To  93楼 向饭

经济嘅嘢,你又夹硬拉咗去政治!
100. 引刀一快 2015-12-10 12:23:21
To 94楼 yyfan兄

唷,全国联招,包括兄台母校呢!以前联招同侨校系分开在港招生,分开考试,依家有冇合并我就唔清楚。

长河san系捉狭鬼,我以前讲过大陆人港人观念习惯交叉感染,佢攞嚟讲笑啫。
101. 引刀一快 2015-12-10 12:31:05
自我陶醉兄

向饭呢种睇法,就系表达紧一种极端思想,时而左,时而右,冇绝对派系,但系对好多事物都用上极端睇法。
102. 自我陶醉 2015-12-10 12:38:16
引刀兄,

我估佢只系借题发挥,表达对现今政治环境的不满,又或者是对抺黑现政府的势力的一种积极回应,呵呵!
103. 引刀一快 2015-12-10 13:29:51
自我陶醉兄

就系,佢最大嘅题目就系引刀系废柴。
104. 引刀一快 2015-12-10 13:50:29
To 94楼 yyfan兄

本科四年可能系人生中最深刻嘅四年,期间个人嘅思维、能力快速成长,参与人格形成,举足轻重。而且广州文化沉淀远比深圳深厚,好多喺广州读过书嘅人,都好留恋。
105. 向饭民说不 2015-12-10 14:56:57
楼上,又系度玩假中立,假客观,现在香港的所有申请,甚至系tsa,都非常政治化。
还有,政治经济是分不开的。
我都被港大的民意调查骗了很多年。港大民意调查应该系好客观,好中立啦,原来是骗人的。
106. 引刀一快 2015-12-10 20:43:39
向饭

系咪净系你嘅睇法先至系真中立,真客观?

数据要客观,好容易,只要不保留地公开取得数据手法,大家清楚数据由来,咁就相对地客观。
107. 历史长河 2015-12-10 21:11:24
刀兄,调查问卷的设计大有学问,同样的问题点问则可以基本决定结果。试想下面一个问题,不同问法去问同一个人很可能得到不同答案:

1. 楼市有周期,楼市已升足13年,您认为楼市还会再升吗?
2. 长升路上有波幅,楼市已从高位调整将近5%,您认为楼市还会再跌吗?
108. 引刀一快 2015-12-10 21:35:36
长河san

呢个关键就系访问对象是否有自身看法,和怎样的应对态度。

问一个外行的,根本从未考虑和接触楼市嘅人,系好容易作出答案导引,所以问卷应该公开,睇数据嘅人同时知道提问方式,从而判断对数据嘅采纳程度。
然而,应对态度牵涉嘅问题太广太深,有人顺德人,有人包詏颈,提问者气场强大,或者美艳动人,配合正面导引形式嘅问题,如果再针对气场弱小人群选对象,的确可以左右数据。
109. 向饭民说不 2015-12-11 11:21:46
引刀,我就好有立场,我是属於大香港主义者,所以就好痛恨那些负能量,不思进期,自闭而等运到的废材。同时我又相信香港有境外组织不断播毒,目的就是搞乱中国,搞乱香港,这违背了大香港的主义。
还有,长毛霸公屋,证明公屋政策,其实人民公社,根本是有问题的。
110. 引刀一快 2015-12-12 00:52:55
向饭

我同你唔同,我系大中华主义,总之国家民族系大前提,我以前唔明你点解成日话我负能量,依家明晒!原来你系大香港主义者,你眼光就俾香港呢块弹丸之地局限咗!

眼光拉阔D,睇睇咩叫鞭策,咩叫溺爱。
111. yyfan 2015-12-12 08:20:51
刀兄

以你的观察,大陆依家咁嘅状况,共产党救唔救到?我就觉得败也共产党,成也会是共产党
112. Scoliosis 2015-12-12 09:07:58
2日冇睇就甘热闹,Thumbs up! 正能量终於回归呢个blog,我小出声都忍唔住出来同大家打招呼!
113. 引刀一快 2015-12-12 17:32:53
To  111楼 yyfan兄

你我都系长枕大陆嘅人,不过可能着眼点有所不同,个人睇法,要救,唔会少於5-6年,如果系冇高瞻远瞩而夹硬急救,改革开放以来累积嘅成果会冇晒。
114. 引刀一快 2015-12-12 17:34:06
To 112楼 Scoliosis兄

稀客,请多多交流!
115. yyfan 2015-12-12 22:01:25
刀兄

好在你话仲有得救,事实习近平嘅上任可能真是可以扭转咁多年积落嘅问题,否则再来一对胡温则是死路一条
116. 向饭民说不 2015-12-12 23:04:03
引刀这些所谓的大中华主义者,似乎只是想透过革命推翻现政府。然后建立一个所谓的普选的政府,以为只有民主,中国就会强大。

因刀可能是真正的爱国者,但是在目前同引刀一样的想法的不同势力,包括了饭民背后的金主。

因刀可能又是一个理想主义者,真系以为推翻中共,就可以救中国,但是事实是如果中国今日发生革命,中国被境外势力,分裂的机会是非常大的。到时西藏独立,新疆独立,台湾独立等等。因刀的大中华理想又点达到。

64,幸亏当时邓小平打败了境外势力搞的颜色革命,否则,中国人又要过着水深火热的生活。

今日中国有10亿人口,means that,中国的物流运输一旦出现问题,成个中国人的生活肯定成问题,而香港人一样会有很大问题,真系生灵涂炭。
117. 引刀一快 2015-12-13 04:14:24
116楼 向饭民说不


引刀从来没有任何颠覆中国政府之行为或构想,亦从未在任何媒体上表达反政府言论。


喂,向饭,你讲嘢有冇经大脑架?
118. yyfan 2015-12-13 08:05:22
向饭

引刀只系道出大陆问题,字里行间都见唔到任何反政府的痕迹,可能你想多左?
119. 自我陶醉 2015-12-13 08:11:56
向饭兄,

说话真系唔可以随意乱讲,刀兄日日都身在大陆,乱扣帽子会害到人!
120. 无奈 2015-12-13 11:08:24
迟来的恭喜,刀兄传奇果然非同凡响,逆向思维需有勇气,尤其是甘与大陆生为朋足显远见,易建构人际关系。👍
121. 长期粮尾 2015-12-14 01:19:00
116 向饭
你并非本土香港人,你才是极端主义,非友即敌。
满脑子强国人思维。