【珍惜香港】middle middle c1ass 提到
DT,其实 SSD 推出果阵,
我都有埋怨过老曾,令我嘅资产重组、转名等计划,被迫搁置。不过,当记起自己第一次买楼上车果阵,
假扮炒家嘅日子,我好快就谂通咗。况且,塞翁失马,焉知非福?如果唔喺咁,我就唔会去重新评估自己嘅投资方向,最后捕捉到
债嘅机遇啦!
所以,
引刀兄话,正能量不切实际,我不敢苟同。
我认为,正能量,喺非常重要。SSD 出不逢时,如果我以消极嘅心态,一怒之下,卖哂啲物业,咁就真喺大件事。当然,卖哂啲物业,番咗啲 CASH,话唔定今日,会发到猪头咁呢?信我,以咁嘅心态,吐番嚟嘅钱,最终都喺会蚀埋。
真实嘅环境,我地改变唔到,未来嘅预测,极其量亦只喺五五波。自己嘅态度,引申出嚟嘅一系列选择,先至喺决定命运嘅关键因素。所以点解,响冇必要嘅情况之下,
我喺唔会为咗一个逃避,而选择破产。因为,你有得拣,都仲要拣逃避嘅话,咁呢个逃避,就只会带嚟更大嘅追逼,最后变成
一世嘅逃避。
至於中国嘅问题,我当然睇得到,
只喺冇睇得咁灰。唔好净喺顾住,个股市楼市,点样舞高弄低,只要我地中国人,
整体嘅生活水平,一直响度改善中,夫复何求?反观美国,无论响经济上,科技上,都喺龙头,但喺要保持住自己嘅生活水平,同一哥地位,
所消耗嘅内外资源,何其庞大?
睇下,
第二回合,又喺开细,
佢唔喺唔想加息,但真喺加唔到。相对而言,中国未来嘅发展,仲有好大嘅选择空间同弹性,唔会好似美国咁,呢样唔得,果样唔得,焗住一定要点行。呢一点,同
向饭兄嘅睇法相类似,而中国除咗减息之外,当然仲有好多招可以出。
环球经济新常态之下,增长放缓,喺全球性。中国莫讲话要保七、保六,就算保到五,都已经好劲。今日见到烧煤唔环保,可以叫停;一孩唔得,即改两孩;沪港通、深港通,几时啱 TIMING 就几时上。试问世界上,仲有边个
大型经济体,可以做得到?使唔使俾国会拉下布,或者要玩下公投先?
自从中港股市大跌之后,
社会嘅气氛,的确喺差咗,我问十间商户,十间都喺咁讲。不过,再问深入啲,原来佢地嘅生意,又唔喺太差喎,周围嘅消费,仲喺好旺场。所以点解我话见到,
本地消费,仍然强劲,绝对唔喺胡吹。有啲人,以前赚钱太容易,今日可能要辛苦番啲,或者呕番少少出嚟,咪睇开啲罗!
最近个 CCL 回咗少少,有啲人就开心到要开香槟咁,讲到个市好快就跌三、五成啦!其实,边可能个指数永远咁升,连小型波幅都冇?
只喺因为咁,就话大市调头向下,未免太武断。咁如果下个礼拜,或者再下个礼拜,个指数又回升番少少,唔通又可以话个市,好快就升三成,甚至一倍?
Joe 兄话,安稳做其好友,或者我可以换句话,
正能量,唔等於盲看好,只喺面对未知嘅将来果阵,响众多可能性之中,
选择一条正面嘅路。咁就算你嘅选择,所基於果啲,较正面嘅可能性,唔兑现都好,你响呢个过程嘅得著,亦唔会白费,
而呢啲冇白费嘅得著,就成为你将来嘅运气。呢度有啲人,成日话我好彩,我只能够话,就算真喺有运,我嘅运,都只喺由我之前种下嘅一系列因,整合而成嘅果。
因果关系,就喺咁微妙!话说,同政府借钱交学费嘅大学生,一出嚟做嘢,就要背起一笔债,有人讲到佢地,几惨几惨。大女今年入港大,都喺同政府借钱交学费,老豆有钱都唔俾,喺唔喺好 CHEAP?记得以前,
同大家分享过,佢初中果阵,被同学邀请去六四烛光晚会果单嘢。我同佢倾咗好耐,佢亦问咗好多问题,结果都喺佢自己决定唔去。之后,我又带过佢去
理大投唐,到占中期间,佢仲快过我提出一齐去签名反占中。
最近任命副校风波,搞到港大满城风雨,佢问我,
学生会费喺咪可以唔交喎!话说,
学生会发起公投,佢有谂过去投票,反对果两项无聊嘅议案,不过最终都喺冇去。我问点解,佢话,
大学唔喺搞政治嘅地方,去投票,就等於认同公投呢个做法,不如集中精神读好书,搞咁多嘢做乜?借钱都要还架!原来,如果你成绩好,喺有渠道申请到奖学金,就算唔可以全盖学费,都帮补一下啦!
我自问唔喺好识得教女,
我俾到佢嘅,只喺一股正能量啫。
个别嘅因,唔一定造就必然嘅果,
但只要喺正确嘅方向,怀著善意嘅心,那怕种下乜嘢因,那怕造就乜嘢果?过程纵有波折,最终嘅结果,就算唔喺你预期嘅结果,都会喺一个
美好嘅结果。而所谓,正确嘅方向,善意嘅心,就喺果一股正能量。
正能量,真喺非常重要!