有兩個黑社會的大佬, 彼此認識, 各自也有一隻合心水的馬。有一日, 兩隻馬都分別同大佬講想自己出去闖下, 且心意已決。兩個大佬見盡世情險惡, 精通權術, 同樣攪盡腦汁希望馬仔回歸。但兩者與馬仔的關係有點不同。一個以王者身分看他的馬，視他為做野的馬, 要他貼貼服服, 唔服都要佢服, 唔到佢揀。另一大佬本身由細睇住他的馬大, 當他為世姪。前者於是搵出面的嘍囉同靓妹同佢蒲, 氹佢索冰, 索左一排就同四圍堂口大佬講唔可以賣野比佢, 要買就返去搵自己大佬買。另一大佬就選擇放隻馬仔走, 把口還是祝佢成功。最後, 第一個大佬的馬返去大佬度, 也好快洞悉大佬條妙計, 但無奈上曬癮, 又無其他路可行, 唯有先留著。另一個大佬的馬出去闖, 當然不是話禁易, 一直都無所作為。有一次收到風有人要僕佢大佬, 佢知單人匹馬趕去無用, 亦死梗, 但仍先趕去大佬度, 皇氣黑氣都call云, 結果大佬同馬仔都排彩, 但保得住條命。兩俊馬仔, 一個馬心懷不憤, 伺機發圍, 另一個心懷感激。一個大佬當隻馬是牧羊狗，另一個大佬當隻馬是人。做大生意的老闆, 若是人老豆的話, 會當自己的仔是人, 還是隻牧羊狗。權術那人唔識, 唔懂識也可問到識, 但權術本質是好是壞, 各老闆心知肚明, “駕馭”兩隻字罷了, 黑門路自然能達到目的, 但黑路絕不會引向白結果。
App下載
