地產博客 > 敢說亮話 返回
瀏覽人次:19007    回應:2
敢說亮話

茶餐廳亂話(1016)抗疫要好似火鳳凰

 

湯文亮博士

紀惠集團行政總裁
2021年6月16日

  今早去到茶餐廳,有客人話他的公司剛結業,遣散所有員工,不過,請大家不用擔心,他只是用火鳳凰戰術抗疫,原因是公司的疫苗接種率與香港整體差不多,大約有18%,點講同事都唔肯去打疫苗,仲話唔係唔想打,而是疫苗有嚴重副作用,每一日都有十幾人打完疫苗之後送院,仲問老闆夠唔夠膽寫包單話冇事,客人當然話唔夠膽,但有咁多同事唔打疫苗,始終會出事,萬一有同事確診,公司就要關門21日,既然如此,不如自己結業,仲有一個預算,唔會比突如其來的確診殺個措手不及,就算同事話去打疫苗都改變不到他的主意,因為他亦趁此機會削減人手以及薪金。

  老闆話唔明白,既然結業,點解又話削減人手及薪金,客人話今次好似火鳳凰浴火重生,既然同事不願意接種疫苗,有攬炒意思,不如早日結業,同時間開一間新公司,招兵買馬,但有一個條件,就是要接種疫苗,老闆話千祈唔好咁樂觀,從市面上的餐廳食肆所見,不少都沒有C區設立,並不是地方不夠,而是員工未能全部接種疫苗,打了疫苗的會比較搶手,客人話了解到這個情況,估計舊公司有部份同事會再次入職,問題應該可以解決,做生意一定要博,如果任由同事唔打疫苗,到政府拉人封艇21日,到時搵鬼可憐。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2021-06-16 11:27:12
9官唔誓願就冇得留低、大狀棍寸寸貢就拆佢地盤…侵埋狀師玩、切埋中嬸非常西官、乖乖地…阿爺焗要睇夠50年、其實策略裝定…就怕西人唔玩嘢…乖乖地邊有籍口提早收你皮。
3. 引刀一快 2021-06-17 14:40:49
十一仔又落史忽咒。