地產博客 > 敢說亮話 返回
瀏覽人次:17965    回應:8
敢說亮話

茶餐廳亂話(964)既然有爭拗就唔好結婚

 

湯文亮博士

紀惠集團行政總裁
2021年4月22日

  今早去到茶餐廳,氣氛唔係幾好,有一對即將結婚的情侶在茶餐廳食早餐,兩個人為了小小事拗到面紅耳熱,雖然後來就和好如初,他們離開之後,老闆話那對情侶經常到茶餐廳,不過時間唔啱,我們很少見到,那對情侶有一個特點,就是經常爭拗,場面都幾火爆,騷擾到其他客人,老實說,既然唔夾就唔好結婚,甚至連拍拖都唔好,我又覺得老闆講得唔係幾啱,唔拍拖又點知唔夾。

  澳洲維多利亞省始終取消一帶一路,在中國唔准澳洲海產農產品入口之後,這個是可以預料結果,其實取消仲好,如果勉強與維多利亞省開通一帶一路,一定會受到澳洲政府百般阻撓,什麼也不順利,既然大家唔夾,倒不如暫時取消,中澳政府要有一個冷靜期,直至有一方覺得有需要再推行一帶一路,我個人認為,取消對中國比較有利,中國現在要轉打防守,無謂將時間金錢浪費在澳洲佬身上,首先要做好本身工作,唔好被其他國家有機可乘。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2021-04-22 13:29:42
香港人,尤其新一代,將買屋計劃,放喺大陸屋度,從維多利亞港,一帶一路買上大灣區,就算唔上游,起碼有大屋住先。
2. 十一哥 2021-04-22 16:50:08
刀刀  咁係唔到水魚嘅、應該配套介紹埋份打更筍工、包出糧…落咗叠就關人…
3. 引刀一快 2021-04-22 18:01:44
水魚?呢幾年信我上咗大灣區嗰啲?
佢地大鑊喇,一早買咗大灣區嗰啲,剛剛夠5年,升咗150%,都唔知賣唔賣好,賣咗又冇得坐飛機環遊世界,我知道佢地依家好困擾。
4. 引刀一快 2021-04-22 18:04:00
係呢,十一仔,呢幾年你口中我嗰啲雞棚,依家養緊孔雀喎,可唔可以整海南孔雀飯㗎?
5. 十一哥 2021-04-22 21:53:56
刀刀  160都過到日…做乜要偷孔雀食 ?  你果D所謂大灣貨…有2手承接嘅咩  ?  真係揾到…使乜日日人揾交替咁吖、香港一件頂你20件…返嚟趁下大茶飯…好過灣埋食160啦!
6. 引刀一快 2021-04-23 05:14:00
剛剛打完更,準備去倒夜香,哇哇哇,睇見十一仔又留言。

酸到呢,理智都失埋。十一仔,當你有大劉咁多錢,多多都係假,呢鋪就係你輸,將你講過嘅全部推翻。廣州琶洲半年升50%,自己上網查,唔係有承接點升?

香港一件頂幾多話?20件?頂100件仲好,最終同質化。所以我呢幾年日日推薦年輕人考慮大灣區,灣埋灣埋第日就知道沒行錯。

160唔食嚕,今晚食羊肉串、燒羊肝、加新疆麵,加埋菜蔬、油塔子,220,兩個人都食到打包。

BTW,你真係有大劉有錢?失覺嗮。
7. 十一哥 2021-04-23 09:26:45
刀刀  咁老友先溫馨提示…貪平咁食法真係好易食到打包㗎、怪得你咁恨做大流啦 ! 成個8婆咁…又唧都唔識笑、有錢到成日焗冷氣係最痛苦㗎、真係唔好咁咒11哥、刀刀又唔同嘞…灣埋一角160-220幾開心…
8. 引刀一快 2021-04-23 13:20:28
十一仔,係男人都想做大劉喇,唔通想做你咩。
講乜都好,成績出咗嚟,阿爺嘅大灣區就係有前途,就係win咗你。俾少少風度睇下,一味胃酸倒流,好難睇。
220,160,係你睇到嘅部分,你都冇份食。你果啲浸雞同浸雪雞,咪話我知3800一隻呀,搞笑,仲冇我食果啲靚。
八婆仔?全世界都睇到,係你潛意識嘅反映。