地產博客 > 敢說亮話 返回
瀏覽人次:10421    回應:9
敢說亮話
茶餐廳亂話(874)特朗普可不可以特赦自己
 
湯文亮博士
紀惠集團行政總裁
2021年1月9日

  今早去到茶餐廳,老闆話昨晚有上山頂睇落雪,希望是瑞雪,今年疫情過去,經濟回復正常,不過有一件肯定好事,就是特朗普一定要下台,問題是他可不可以特赦自己。

  老實說,如果身冇屎,點解要特赦自己,正是此地無銀三百兩,唔好講民主大國的總統不可以特赦自己,就算連澳門特首都唔可以,回歸後澳門立法會曾經企圖通過特首免責,但被二萬澳門人示威,中央政府又不准之下否決。

  特朗普雖然不可以特赦自己,但副總統彭斯可以,我估計特朗普現在兵行險著,鼓吹激烈支持者包圍國會,仲有人命傷亡,他一定會被罷免,彭斯接替做美國總統,他反而有權特赦特朗普,不過,彭斯這樣做,他的政治前途就沒有了,所以,彭斯不肯罷免特朗普,並不是對特朗普感情深厚,而是為自己著想,在美國方面,就算不能罷免特朗普,都要解除他發動核戰的權力,與此同時,不能再給他簽署任何行政指令。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 冇話要特赦 2021-01-09 11:27:13
冇需要特赦,因爲侵普好可能係有精神病。美國司法冇可能追究一個精神病患者嘅法律責任。佢嘅律師團會用呢個point辯護,一定甩到身。

至於佢班支持者佔領國會,同卖部分共和黨人,同埋前年香港班勇武盲俠,跟佢埋癲埋一份。就更加唔關佢事,佢係精神病的受害者merely,佢需要醫生照顧同呵護。
2. 為自己著想 2021-01-09 11:30:28
醫生可唔可以幫自己打疫苗?應該可以
3. 傻侵係傻嘅 2021-01-09 11:40:02
傻侵係傻嘅。

係真傻,唔係扮傻。

所以唔洗特赦。
4. 回2樓 2021-01-09 11:50:45
精神科醫生認爲自己患上精神病,可唔可以處方精神科藥物俾自己食?係得嘅,因爲佢一個人孭曬醫生同病人兩方嘅責任。

理髮師可唔可以幫自己理髮?理前邊頭髮可以,左右兩邊和後邊,應該唔得。
5. 十郎 2021-01-09 11:56:12


      坦白講 , 我支持特總統連任㗎 , 呢次真係天佑美國 , 無奈。

6. 十一哥 2021-01-09 12:07:08
Twitter比咗個平台侵侵放火…而家封佢號,.扮撲火、同侵侵真係一擔擔…。
外夷典型DNA…兵分兩路、賊行先…打到殘…餓到半死、神棍跟尾…派奶粉招信徒…鞏固戰利、香港就係示範…有狗性先可以做漁業、做魚業可以做假鬼扮貴族、順我者昌正解…
7. C 2021-01-09 12:35:16
: 留得青山在,那怕冇床位。
8. 向泛民说不 2021-01-09 13:24:30
当民主变成宗教,民主变成比粗口更加难听的声音。
特朗普将民主变成了恶魔。
9. 回4樓 2021-01-09 14:10:25
能醫不自醫有無聽過?🤔🤔