地產博客 > 敢說亮話 返回
瀏覽人次:19440    回應:1
敢說亮話

茶餐廳亂話(861)要賣樓才可以移民不如唔好移民

 

湯文亮博士

紀惠集團行政總裁
2020年12月27日

  今早去到茶餐廳,有客人話睇唔好香港前景,打算用BN0計劃移民,問大家對他的自住單位有冇興趣,他可以減少少價,其實,他的要價已經高過市價很多,所以,沒有其他客人表示有興趣,當眼光落在我身上時,我話已經冇quota,想買都唔得,老實說,現在買樓,一定大幅鋤價,而大家又時常見面,最好都是傾下閒計,唔好講買賣,邊個贏邊個輸都唔好。

  有分析員認為明年樓市會大冧,理由是很多人會用BN0計劃移民,但我認為不會,如果要賣樓才可以移民不如唔好移,賣樓移民即是斷絕後路的孤注一擲,非去到最後一步都唔會做,如果在彼邦生活得不如意,不會被仍然在香港的人取笑,而是被彼邦的人取笑,如果在香港仍然有樓,就可以話暫時移居不是移民,就算在彼邦生活得不開心都可以回香港,所以,我認為一定會有人移民,人數多少我不敢肯定,但賣樓移民的人不會太多,說到底,移民急讓是促銷手法而已。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2020-12-28 00:14:41
賣樓都唔怕,筆錢買一間外國樓,有剩供一間喺大灣區,兩邊都有屋,啲舊嘢唔使全清,值得留嘅有紀念價值嘅,可以放大灣區,得閒兩邊走,尤其冬天,返大灣區越冬,不知幾舒服。