地產博客 > 敢說亮話 返回
瀏覽人次:18543    回應:15
敢說亮話

茶餐廳亂話(623)林鄭都要學茶餐廳老闆

 

湯文亮博士

紀惠集團行政總裁
2020年1月26日

  今早去山頂跑步,本來打算跑三個圈,但跑跑下落雨,跑了兩個圈就收工。跑完步去到茶餐廳,不少熟客讚老闆,話林鄭都要學佢。林鄭回港後第一次有關武漢肺炎記招,對外宣佈已經去信國務局要求供應口罩。老實說,既然林鄭講得出口,我又唔信國務院會拒絕,但點解林鄭回港前,又沒有一個官員提及,所以我話香港政府唔夠膽當機立斷。其實,口罩的作用未必如想像中咁大。不過,就會提高大家防疫的心理質素,自動會減少去人多地方,甚至趁這幾日長假自我隔離。政府能夠無限量向市民提供口罩,好過派錢多多聲。老闆話這的確是事實,有不少客人來幫襯都是因為想攞一個口罩,同街有一間茶餐廳即使七折,生意仍然不及他的茶餐廳。一個口罩,就可以睇到官員的能力。老實說,順風順水邊個唔識做官,官員就是要有應變能力,逆風仍然可向前行。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Stephen Wong 2020-01-26 09:09:53
當年讀書時無考過.
3. 讀書時無考過 2020-01-26 12:30:54
本土人都是消費者主義,八百萬人一人一日用一個都要八百萬個,中國唔夠口罩全世界都唔夠口罩,關讀書咩事?咁叻自己整。
5. Fisherman 2020-01-26 14:56:58
To 2F
我睇1F嘅意思唔係你諗個樣。
正如博士文章,各人有各人睇法和解讀。
新正頭,何必勞氣。
恭喜發財,和氣生財。
6. 自我陶醉 2020-01-26 15:48:32
天之道, 損有餘而補不足。

幾努力要除人口罩都冇用,個天要你帶口罩,你就要帶,這就是天道,真係對現今政府的最大諷刺。


7. To 5 2020-01-26 16:04:17
果個係三樓跳咗
冇勞氣,不過如果你問啲細路仔老豆啲錢點嚟,佢答你係去機度㩒,咁咪解釋咗點解哩代人唔明求人不如求己。
8. 引刀一快 2020-01-26 17:30:41
自我陶醉兄

今日強哥抽支應景籤,天網恢恢疏而不漏,始終舉頭三尺有神明,作孽終自斃。
9. 自我陶醉 2020-01-26 19:51:28
引刀兄

車公嘅靈簽年年都咁應景㗎啦! 2018話明日大愚,車公就即刻 整支畫餅充飢簽俾佢嘆! 今年話佢知天有眼,叫佢等天收冇可疑啦!哈哈哈!
10. 應景籤 2020-01-26 20:24:53
如果天理同公義係可以由你同我響度任意解釋嘅,咁仲係天理公義嘅?
11. ! 2020-01-26 21:12:54
成語一向是天網恢恢,今次簽文是天眼恢恢,確有所暗示。哈哈!

12. 有所暗示 2020-01-26 22:41:03
舊年嘅簽文,其實只係叫香港人唔好再淨係專注搞地產。冇飯開,也隨着沒有新血應驗了。明日大愚,可能只有住劏房的家庭可以出來揶揄講苦知其不可為而為之。
13. 引刀一快 2020-01-26 22:51:48
To 10樓

的確係由你我,不過唔係隨意,要討論的話,大家比較理據,唔係隨口嗡。
14. 引刀一快 2020-01-26 23:20:17
To 11樓

一般老話法都係講天眼昭昭,同天網恢恢,意思相近,睇字眼不如睇結果,個天捉邊個就係邊個,係咪?
15. WWSG 2020-01-26 23:52:40
公說公有理,婆說婆有理,大家都有理,雙方都不要逞英豪,咬著對方不放,係咪?
最伏是攬炒,誰會長線投資?你估最後誰怕誰?可謂損人20,自損100,簡直白癡。
16. 大家比較理據 2020-01-27 01:33:32
任何人都可以去求簽
甚至可以選擇去求的年月日時與地
而神明也必定給予答案,因為一定有一支簽跌出嚟
所以不論是劉業還是葉劉或是何志平,結果都是一樣,因為求的主體是「香港」和「香港人」
求簽人求的時候如何的誠,到解的時候又是另一回事,往往是自己糊弄自己
既然求簽的人說明是米之連三星專誠去為香港同香港人求簽,那麼為啥逞英豪的忽然變了林鄭?
17. 引刀一快 2020-01-27 15:08:30
攬炒就一齊死,唔攬炒就係班後生死,呢種處境,係邊個做成嘅?
我唔支持攬炒,不過更唔支持推卸責任,尤其係不顧香港未來只顧自己眼前利益嘅做法。
弊,呢啲說話居然要淡友嚟講,好似去咗第二個時空咁。