地產博客 > 敢說亮話 返回
瀏覽人次:36852    回應:5
敢說亮話

雲加的口頭襌

 

湯文亮博士

紀惠集團行政總裁
2014年10月29日

  英超球隊阿仙奴領隊雲加,一向以維護旗下球員見稱,甚至可以說是護短,例如在一場比賽,對方球員在禁區內犯手球,如果球證唔判罰十二碼,雲加一定鬼殺咁嘈,而在同一場比賽,若果是阿仙奴球員犯手球,球證亦沒有俾十二碼,若果有記者問雲加,他會答睇唔到,對於睇唔到的事是不會作出評論,有人以「我睇唔到」為雲加口頭襌。
 
  其實,說我睇唔到的人又何其多,大約在半年前,我感覺樓市有上升趨勢,主要因為除租務不弱,租金上升外,各區缺盤情況嚴重,尤其是那些鎖匙盤,不過,報章報導的與我所看到的完全不同,報章充滿著蝕讓,劈價,筍盤,撻訂等字眼,我認為既然各區缺盤情況嚴重,鎖匙盤不翼而飛,在這種情況下,點解又可以有劈價,蝕讓等出現,於是我問一些記者,他們竟然對我說,的確是有劈價,蝕讓,亦有一些個案可供參考,至於高價成交個案,他們睇唔到,所以,他們的報導是沒有錯,我無話可說。
 
  今日,傳媒又差不多一面倒幫那些佔中人士,我亦知道不少記者在收工之後到佔領區享受嘉年華式佔領,與佔領人士已經有一份感情,對於要他們離開的人包括政府,警察,反佔中人士,則視為不法之徒,對於佔領者的行為,則視而不見,報導亦頗為偏幫那些佔領人士,在明眼中早已睇通睇透,記者們這種我睇唔到式的報導,其實加強佔領人士的佔領心態,認為他們所做的是天經地義,於是有持無恐,更加覺得不需要撤離,久而久之,有那種心態的佔領人士慢慢地被群眾孤立,記者幫他們,最後是害了他們。
 
  以前,睇粵語長片,黃曼莉做後母,一定惡到死,將丈夫之亡妻的兒女折磨,對自已兒女百般呵護,現實又不是如此,很多做後母的對丈夫前妻的兒女千依百順,要乜有乜,對他們的錯過視而不見,對自己的就嚴加管教,到成長後,優劣立見,丈夫成盤生意點夠膽俾成副敗家樣的前妻兒女管理,大權就會落在第二任妻子的兒女身上,這是真實的版本。有時候,睇唔到都未必好。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. AC123 2014-10-29 10:39:18
湯生, 你吾知定睇吾到, 記協早兩日在警署門口發哂聲明話D記者採訪報導不偏不倚, 你走寶la, 錯過左個咁鬼好笑嘅笑話.
2. 肥婆四 2014-10-29 11:09:18
睇唔到已不算甚麼了,付錢嫖妓做新聞亦不使人覺得驚奇,依家睇新聞就好似碗飯摻雜沙粒,小心食,小心睇便是。
3. 亮劍 2014-10-29 12:41:21
我和小女喺年中,睇過 TVB 一個關於街頭魔術師的節目,那些魔術師好叻,真係可以用神乎其技来形容。
我當時就借機同囡囡講解,呢個世界好多時都有「耳聽三分假、眼見未為真的現象。」所以做人要獨立思考,還要有尋根問底精神!

有時我們看新聞報導,會見到一些片段,但呢D播出街的片段,好多時都有斷章取義嘅情況發生。例如弍佰人圍三警半個鐘果单嘢,俾着係爛果出嘅話,就只會出兩警揮棍嗰幾十秒,咁那些不知就裡的讀者,如果無批判性思考的話,就會覺得呢兩個警察好暴力,人哋只係一班手無寸鐵嘅示威者啫,使唔使開警棍呀!!
不過好在呢個世界有樣野叫「天理,」你傳媒選擇性報導,咁公信力、中立及持平等就受到考驗,而讀者亦可選擇罷買同罷看呢D傳媒,陰乾呢班傳媒棍!
有時報应可以來得好快,例如上年年尾,我們三傻及湯博士不停話傳媒老点,细價楼应係爆边而唔係仆街,结果係点?
而唔好俾我批死,現在最想佔領區清場嘅群體,第一當然係佔領區附近的商户及住户,但之後应輪到泛民溫和派。
4. 引刀一快 2014-10-29 16:45:10
黃曼梨做惡家婆多之嘛,佢個苦様扮親阿媽都係寡母婆守仔嘅。
5. 住在柴灣的地產界巨人 2014-11-01 22:03:25