我有一個老友非常好人，學足政府一樣，容許非必要員工可以work from home ，搞搞下發覺唔係幾夠人用，人力資源話要請人，佢話今次真係好人難做。
老友問我公司員工接種疫苗情況，有冇強迫性，我話已經有七八成員工接種，當然沒有強迫，我亦擔當不起這個責任，但員工知道，如果唔接種疫苗，有機會令到香港不能解封，公司不能夠正常營運，最後他們就會失去工作，所以，員工是主動去接種疫苗。
我問老友，他的員工接種疫苗情況，老友話一個都沒有，尤其是那些work from home 員工，他們擔心大家接種疫苗之後，香港回復正常，他們要正常返工，老友表示很無奈，仲話最衰係香港政府帶壞個頭，以身作則叫公務員work from home ，這個世界並不是我為人人，人人為我，就算政府容許公務員work from home ，公務員未必會去接種疫苗，政府可以做一個小統計，究竟有幾多公務員已經接種疫苗。
老友問什麼行業最多人接種疫苗，我認為是唔接種就冇工開的行業，由此可見，太好福利，反而令更少人接種疫苗。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
