地產博客 > 文亮語 返回
瀏覽人次:47494    回應:32
文亮語

股市大跌,哪些人會受到困擾

 

湯文亮博士

紀惠集團行政總裁
2015年7月8日

  半夜,突然間收到一位後輩電話,非常多謝我的「細價樓爆煲論」,令他可以逃過今次股市大跌市,老實說,我並不是太明白,我講的是細價樓爆煲,而非細價股爆煲,點解要多謝我,原來,他有不少朋友是林一鳴支持者,最近兩三個月買了樓,而他們所付的首期,大部份都是由他們的父母加按物業所得,當然,他們亦有多少積蓄,本來,股市升跌,對那些人沒有什麼影響,但是當他們落訂之後,聽到有些專家講股市將進入大時代,便將那些準備付首期的款項投資在股票市場,希望在股票大時代撈一筆,話唔定不需要他們父母的支助,但近日股市急跌,他們準備付首期的款項唔見了一大截,而且所買的物業就嚟要成交,都唔知點樣算,最後,或者要求助財務公司,後輩同我講,那些人現在非常困擾,而我那位後輩沒有買樓,雖然一樣是在股票市場上輸了一些錢,但不需要為物業成交而憂心,況且,投資股票,輸贏都是很平常事,如果輸唔起,就唔好買股票。

  其實,除了後輩買樓的朋友外,有很多買了新樓的人亦有同樣情況,他們大多數已經準備好足夠成交的款項,而且見大局已定,便將未用的款項投資在股票市場,今次股市大跌,的確令他們受到困擾。大家唔好以為買了樓的人才會受到困擾,那些換樓的人情況更加不妙,他們要擔心買了他們自住單位的人是否能如期成交,如果那位買家撻訂,他們便沒有足夠的金錢成交新買的單位,雖然可以殺買家訂金,但亦會給賣樓給他們的人殺訂,除損失金錢外,又不可以改善居住環境,還可能牽涉法律承擔問題,總之是很麻煩,幾方面依期成交就最好。

  在股市未大跌前,樓市創新高價屢現,我唔知道最近以創新高價買了樓的人會不會成交,如果唔成交都是人之常情,他們反而沒有受到多大困擾,最多是損失訂金,反而那些屢次不肯收訂,希望以創新高價買樓的人就錯過了良機,樓價將會有一段長時間都不能回復過去兩三個月的水平,隨著供應增加,細價樓樓價將會受到衝擊,那些人雖然沒有實際損失,但精神上就受到極大困擾。而今次股市大跌,一定會累及樓市,財務公司將會降低對物業估值,那些向財務公司以物業借了錢的人就要小心,財務公司是會隨時要他們填差額,將會令他們受到極大困擾。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 支持博士 2015-07-08 09:05:28
完全同意博士既分析,我諗果班股樓蟹民今次頭都痕埋
2. 扫把头 2015-07-08 10:08:56
博士, 你的港交所ELN有没有强制买货?
3. Li 2015-07-08 10:14:57
請教各位波浪大師,不是説每個市必經什麼牛一,二,三浪嗎?
為什麼現在又突然熊了?
那些什麼恆比值,又到了什麼水平?
4. 路人甲 2015-07-08 10:34:49

唔知有無人買樓, 未成交之前, 拿啲錢去股巿度搏呢?
5. 占士 2015-07-08 10:44:30

路人甲兄,各位師兄,我都是有位朋友在前段時間港股大市很牛時買港交所賺了些錢,上個月跟我到大陸買房子,就用贏來的錢一筆過買了一套房子,鎖定了利潤,我認為她這次做得很好,以往她都是在股票市場賺了錢,由於不懂進退,到最後不僅把賺的錢還回去市場,而且把本金也虧了!

6. 樓市好友 2015-07-08 10:50:23
博士嘅爆煲論開始靈驗啦! 其實細價樓跌20%-30%先至係正常. 樓市先至健康. 

我亦有樓收租. 但叫我對樓價一直升, 租金一定加, 一定無可能. 我始終想做個有良心嘅業主. 找個好嘅租客, 好過不斷加租, 趕走租客. 

CY政府太廢了. 都係俾市場自行調低20%-30%樓價. 睇好機會買下一間. :-)
7. Small Potato 2015-07-08 10:53:38
如果D人真係咁様將D首期去睹,就真系慘,吾知幾時先可以番身,財富既野,真係無得急亦急吾到,財不入急門!
8. 2011年開始 2015-07-08 11:09:47
股市波動更加顯得磚頭穩陣
9. 向饭民说不 2015-07-08 11:25:54
博士点解突然买I Kill you later呢?
10. hkhope1 2015-07-08 11:38:47

博士的古仔越來越有意思了。加按借財仔的炒股的就要爆倉了,錯誤的根源竟然是他們有買樓。

11. 扫把头 2015-07-08 11:50:34

To 6:

完全同意. 很开心见到汤博士赢一鸣博士. 按97经验, 2首业主不知警但是大地主会主动减价, CK应该第一个带头.

 

12. 囧月 2015-07-08 12:25:20
博士講得好中

早幾星期交易成交前渣住幾十個都諗緊好唔好用d 錢黎投資滾大去

好彩最好忍左手 雖然冇升又冇跌 但係就踏實安心好多
13. 引頸一切 2015-07-08 12:25:25

喂, 博士, 唔好又下下針對父母加按物業上車既人啦, 一碌野打一船人

對番你個題黎講根本唔只呢班父母幹上車族, 用黎緊交首期去股市博個班人根本真係賭徒. 困擾既應該唔識理財又有賭博心態既人

14. PL 2015-07-08 14:03:45
占士兄,
小弟想問o下現在去深圳買樓投資可以嗎?
謝指教

15. 蜕变中嘅懒人 2015-07-08 14:40:00
懒人諗:easy come、easy go,來如電、去如風,係今次槓桿扑來暴力撑、戲劇性股災嘅特式,懒人同揸住全大藍籌股嘅股民都定過抬炸彈,懒人唔驚因為今次無入過市、n年買落嗰啲直頭無眼睇,都唔知仲值唔值錢,無眼睇+可以不理;至於揸住全大藍籌股嘅股民都唔使驚,因為佢哋係中央暴力搶救嘅對象,人工呼吸+心外压肯定有機會甦醒,驚就两份。

最驚嘅係揸住神仙股、創業股、仙士股、老千股,搭棚股........嗰啲唔係被拯救對象,心理上要準備慷慨赴刑場、引刀成一快,因為就算股指反彈過籠都仲係股沉海底、蒲頭無望,唔驚就假。

至於細價股如果具真正實力同業績嗰啲,應該都唔使驚,至多等耐少少至返到家鄉。
至於細價樓有持貨實力者當然定過抬油,但剛剛用盡飲奶力上咗車嘅仁兄仁姐就係考驗IQ、EQ、AQ嘅時刻,亞媽話淡定有錢剩,你哋有無人信呢?祝好運。
16. 路人甲 2015-07-08 16:22:56

' 返家鄉 ' 這3個字, 真係令人心碎! 

每次做一個決定, 便要準備好離開家園, 往外闖蕩江湖之感, 真有趣!
買樓要驚會遠離家鄉, 層樓平左, 有排都未能回鄉.....
買股票仲衰, 分分鐘愈漂愈遠, 客死異鄉, 哈哈!

真的諷刺!!

大家的心理質素要好才行!
否則, 輪了人又輸陣, 真係難受了.
17. Peter Paker 2015-07-08 17:03:09

林一鳴講樓中,講股又中,真係勁準 wor

18. 丸子 2015-07-08 17:24:25
博士講中哂我的經歷。上年中買樓時,預備好一舊錢full pay, 阿爸突然跟我說未到成交日,仲有1,2個月,不如買下股票賺返轉都好,結果我當然拒絕左,因為太冒險,結果那隻賭業股跌左一大截,果時大家唱好,阿爸心郁郁,好彩冇咋!
19. to 17 2015-07-08 17:25:44

博士呢篇文完全無提林一鳴, 唔明閣下點解要提"林一鳴講樓中,講股又中,真係勁準 wor"?

請指教討論價值係邊?

20. 蜕变中嘅懒人 2015-07-08 17:52:45
TO 19樓兄台

博士呢篇文在第一段有提到林一鳴,只係提到但無任何直接評論,純客觀提示並無任何用意,請諒。
21. PP fans 2015-07-08 18:02:06
To 17 樓Peter Paker,
離開咁耐,幾時開始講嘢唔用數據支持?
單單打打,唔似PP?
22. 大跌 2015-07-08 18:35:18
跌9成
23. to 21 2015-07-08 18:37:41
Peter Parker : 「林一鳴講樓中,講股又中,真係勁準 wor」, 他短短三句邊句或邊個字有單打成份呢﹖不要自己心有鬼來疑神疑鬼。
24. 占士 2015-07-08 18:58:13

網友剛發來的一首由李克勤唱的紅日改編歌如下,在熊市的日子裡給各位輕鬆一下!

熊日   李克強

大戶就似披了羊皮
大戶造市真太離奇
大戶就似恐嚇著你做人沒趣味
在營造Deep V 隔一天沽你
到最後 資金再運回賤美

摩根、GoldmanCiti、德銀 那個信得過?
徬徨時我有蟹貨獨坐一角像是沒協助

在某年 那四叔講過
記得要 call call 落力在春天買貨

一生之中高峰股災 我也要走過
從何時跌市有你四叔跟我地獄內唱和

像熊日之歌 老散都知錯
結伴行 股災也定能踏過

讓晚風 吹雞蛋殼
伴送著清香一束 站在IFC祭我
望佢升 偏偏估錯
個股市每到高處回落...Fall
快要輸死我 woo woo

末日就似即將來臨
末日令我輸光頭痕
絕望大市使我面對未來沒信任
別流淚 心酸 四叔輸得甘過你
佢定能 一生蟹著陪伴你

25. 蜕变中嘅懒人 2015-07-08 20:47:12
占士兄

睇完試唱完兄台隻新詞舊歌,輕鬆唔到仲憂鬱咗啲,笑聲俾眼淚中和咗,不過都先多謝兄台POST咗隻歌仔先。
27. 息魔 2015-07-09 02:52:15
區區一個股市小調整,何以能夠減少陸人既身家,何以減少他們來港買樓意欲,何以令樓價下跌,港樓價短期內必定再創新高
28. 引刀一快 2015-07-09 05:05:24
10樓 hkhope1

快手注册喇,依傢D人真係好TVB架。
29. 引刀一快 2015-07-09 05:51:16
To 19樓

你應該問佢攞“數據”嘛!
30. 引刀一快 2015-07-09 06:07:26
23樓係捩橫折屈,自己話中有鬼就話人心中有鬼。

做人磊落D好。
31. 引刀一快 2015-07-09 06:24:05
23樓 

我上年已經講緊大陸經濟唔掂,當時呢度得我一個講咋,我係咪勁凖呀,冇數據喎。
32. 自我陶醉 2015-07-09 08:51:02
To 24/F 沾士兄

我手痕改咗少少。

熊日   李真強

大戶就似披了羊皮
大戶造市真太離奇
大戶就似恐嚇著你做人沒趣味
在營造Deep V 隔一天沽你
到最後 資金再運回賤美

摩根、Goldman、Citi、德銀 那個信得過?
徬徨時我有蟹貨獨坐一角像是沒協助

在某年 那老畢講過
跌定了 記得記得落力在低位掃貨

一生之中高高低低 我會看清楚
從何時老畢教過癲升股市最忌喺高位接貨

像熊日之歌 孖展不啱我
結伴行 股災也定能踏過

讓晚風 吹醒你我
伴送著大堆筍股 超低價益我
實再升 真真不錯
個股市每到高處回落...Fall
有好嘢會益我 woo woo

末日就算即將來臨
末日未怕輸光頭痕
絕望大市使我面對未來沒信任
別流淚 心酸  襯低執好貨
佢定能 再創新高陪伴我

33. chinamanfung 2015-07-09 20:07:09
從另一方向想,因為要救股市已不斷減息降準,最後還有中國式QE未出,大陸在此經濟轉型時刻一定不惜代價救市,結果可能是另一埸資產泡沫的起點呢!