地產博客 > 文亮語 返回
瀏覽人次:35045    回應:19
文亮語
 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 亮劍 2014-01-14 09:03:29

梁振英見縫插針」改劃GIC地皮起樓,就此奔忙年多,花大量人力物力說服居民,在不少地區都引發爭議,原來身水身汗的成績單,就係最多只可興建多約54005600個住宅單位,效益有多高?咪「真糟糕」囉!

政府花大氣力處理36GIC地皮改劃建住宅,對万零呎瑣碎地也要計算,都要認真計較,不肯馬虎,用「錙銖必較」來形容,極為貼切!

長策會訂出目標,話10年要建成供應47萬個單位,但是其中約7萬個單位的土地,仍然無落,更遑論有土地供2030年之後的住屋和經濟發展需要!

 

現在香港剩得住宅地缺乏嗎?

 

請問 TVB那個【守護生命的故事】,你班高官有冇睇過?老老實實我睇完之後,就對香港嘅醫療設施嘅軟硬件充滿信心,而俾著我係一个大陸人,如果我或屋企人第日有乜冬瓜豆腐、奇難雜症,而要施大手術的話,我就會不惜腰間錢來港求大國手開刀,面對呢條大水喉,可製造大量高中低就业職位嘅產业,你政府點應對?是否喺香港開過多間公立醫院?至於私立醫院,好似「將會」起倒一大間咁大把,面對呢件到口肥肉,你政府仲話要將原本規劃用來做私院嘅地,用來起公屋,請問你 CY係咪有病呀?

無數外資機構,同本地丰產人仕,都係咁喺度投訴你香港國際學位不足,但你 CY 呢班友又做過乜?咪又係攞呢啲地去起你嘅住宅囉!

酒店房間不足,攪到旅客要入住有牌或冇牌影子賓館,但你呢个十九政府又點攪呀?咪又係將啲地攞嚟起公屋居屋?

其餘商舖、甲級寫字樓及文娛康樂設施,通通不足,乜叉嘢土地,全被你哋劃曬去起樓以達你哋呢个 47 伙樓宇供應目標,咁以後大家係唔係剩攪掂住就得?唔使返工揾食啦?

 

一邊就係四大有成億呎地喺度日日曬太陽,但另一方面就狂呼冇地起住宅,高官四出盲搶地,其他乜嘢填海造地、綠化地及重建老殘舊屋邨又唔攪--------

 

一言以蔽之「揾狗笨賊」到冇朋友!

2. 法子 2014-01-14 09:07:59
要用城市配套土地增建單位,美其名是令房屋增加供應,其實這是自欺欺人的
------------
還有更加「自欺欺人」的,就是增加不了土地,就把原先有的大單位「一開二」變成兩個「蚊型單位」去交數。

咁就可以同人講:「我推了幾萬個單位。」
3. 東 2014-01-14 09:19:18
「老實說,樓價幾時有下跌,買樓的人並沒有少付樓價,不過,他所付出的樓價一部份變成辣招稅,政府官員若果以此邀功,說自欺欺人已經是恭維的說話。」

其實係有一班無物業的人, 明明自己點都唔會買, 卻要抱住酸葡萄, 睇你點死的心態...
買果個佢要俾 n% 稅? 抵佢死!
賣果個賣平左 n% 錢? 抵佢死!

依家的政府, 卻係為左呢班葡萄L, 出乜D物D, 封殺現有業主, 以及真正想做業主的人.......
4. 法子 - 梁振英自欺欺人系列 2014-01-14 09:38:58
(1)梁振英增加不了土地供應,就只識一味加稅。結果如何?原本550萬的樓現在賣520萬,但要交80萬稅給政府。

就這樣,梁振英就解決了高樓價的問題。

(2)梁振英增加不了土地供應,就只把原本用來建醫院、學校、遊樂場、消防局的地來建「住宅」。

就這樣,梁振英就解決了高樓價的問題。

(3)還有更加「自欺欺人」的,就是增加不了土地,就把原先有的大單位「一開二」變成兩個「蚊型單位」去交數。咁就可以同人講:「我推了幾萬個單位。」

就這樣,梁振英就解決了高樓價的問題。




但這樣市民的居住環境會變更差啊!
5. 路人 2014-01-14 09:39:52
絕對應同亮劍的想法
6. 真兇 2014-01-14 09:47:56

聰明既人,細心睇清梁振淋病所行各項政策,其實正正培養,培植民粹。為民粹提供源源不絕既養份資源,硬生生把民粹層面擴大到成為香港主調。

不彷睇清此二人行為模式便可有更深領悟。(過去大多政治野心家技倆)

7. 網民 2014-01-14 09:49:24
這很好呀, 要不今早電台上那對刁民和刁棍之後的千萬人, 還要到錢債處討特衰正苦的債呢.
8. LIKE! 2014-01-14 10:09:42
博士 & 樓上各位師兄, 讚啊!
9. 買過1000呎大單位 2014-01-14 10:10:05
過幾年樓市正常化之後, 過1000呎大單位得幾個%, 係咁俾換樓客狂搶, 想唔發都幾難, 我已經儲足籌碼, 時機一到, 就入番多件貨, 係買過1000呎大單位, 等收錢, 諗吓咋!
10. 山高雲低 2014-01-14 11:37:03

核心問題:

香港真的不是沒地,只是政府沒地起公屋。因為這是蝕本的社會福利。

四大發展商的地大把。

 

11. to 10 2014-01-14 12:05:43
為何自力更生住C樓的要住豆腐潤, 攤大手板或茄殊出糧的可以申請公屋, 幾年唔批的可以興訟, 搞搞震假離婚的可以分戶, 人多可以換單位?
12. 斷咕冇痛苦 2014-01-14 15:14:20
有冇可能政府故意用完呢D公共地起樓后之至打郊野公園主意去起公共設施既阻力會比現在小D呢?
13. 狗噏當秘笈 2014-01-14 21:19:06
香港不缺地,攞一個%出來已經夠一百萬人住,s h i t  !
14. 珍惜香港 2014-01-15 05:31:50
珍惜香港

之前我話過,有啲嘢响得閒果陣會問下湯博士,但因為篇幅會好長,所以遲遲未寫。不過,博士呢次又提起前特首曾蔭權,既然喺咁,我就响度花啲時間,依家就寫。

我想問博士嘅喺,究竟依家點睇庸梁?我 scan 過年半前博士响呢度發表過嘅文章,原來閣下當日喺挺梁嘅,咁依家算唔算喺轉咗軚?而因應呢個改變,閣下又有冇 review 過自己對前朝曾蔭權,甚至喺對唐英年嘅睇法?我絕對唔喺要抽你後腳,只不過我認為,如果閣下嘅轉軚,只喺因為庸梁達唔到你嘅期望,而並冇對自己嘅一貫理念作出過基礎上嘅修正,咁呢個轉軚,喺冇乜意義。今日你對呢個庸梁失望,他日你就會期待第二、三、四個庸梁出現,一個又一個失望,沒完沒了。

所有曾經真心挺過梁嘅人,都有一個共通點,就喺遇人不淑。遇人不淑呢樣嘢,唔一定會致命,有啲成功人士都有呢個問題,其中一個典型嘅例子,就喺又搞平價航空又搞數碼電台果個電子工業家,喺邊個就唔咁直接講啦。我自去年九月底開始响度留言,對博士嘅文章都好欣賞,不過如果博士解唔開呢個結,恐怕我就只可以贈你一句:切忌遇人不淑矣!

真正嘅大師,喺可以 sense 到宏觀裡面嘅決定性因素,去判定今日同未來一啲重要嘅事實。

乜嘢喺宏觀裡面嘅決定性因素?仲記唔記得响特首選舉初期,庸梁落區拉票,有市民大讚佢嘅八萬五,佢點答人地?佢話喎:你讚我鬧我都好,實事求是啫!其實,八萬五喺咪真喺佢搞出嚟嘅,已經唔再重要,因為單睇佢呢個答案,就已經好肯定,呢個人絕對唔可以做特首!後嚟佢見勢色唔對,又改口話:八萬五彭定康留落嚟芝嘛!一個咁冇承擔嘅人,你對佢可以有乜期望?之後好多事,包括明報「一鋪清袋」論,夢熊飯局等等,都一一引証咗呢個結論:

有功自居、有錯不認;好大喜功、漠視協商;心胸狹窄、拒納意見;惡者奉之、賢者拒之。

佢呢啲特點,特首選舉果陣我以署名珍惜响 i-cable 嘅留言都講唔少(參考:)。我只喺一個蟻民,唔喺乜嘢大師,我亦唔認為佢呢啲嘢要去到大師級至睇得穿。咁點解當時咁多香港人睇唔出,連博士响果陣都睇唔出?原因可能就如當日我响 i-cable 咁話活在繁榮的大樹下,看不順眼一點枯枝就要換掉整棵大樹,港人如夢初醒,實還在夢中。後嚟庸梁上任後,被發現佢响選舉果陣用幅牆封咗個僭建;原來佢呢個特首運,喺一個橫運嚟!咁香港仲點會有運行?跟住個元旦遊行,阿婆嘅說話,一針見血:一個咁嘅人,幾好都喺假!阿婆都可以喺神級,點解?呢啲就喺所謂睇穿咗宏觀裡面嘅決定性因素!

其實選委投票前香港人仲有一個改變命運嘅機會,呢個就喺我响 i-cable 另一段留言度提到嘅最後機會理大全民投票。响百忙之中,我都要帶埋屋企人去理大投唐英年,就喺因為我知道呢個投票喺好關鍵,如果我唔投呢一票,對唔住自己良心。果陣選委倒戈投梁本嚟已成大局,不過如果理大嘅結果喺唐英年跑出,咁阿爺唔單止唔會逆港人嘅意願,反而仲會對我地另眼相看,結果選委一定回軚投唐。港人自發投票成功改變選舉結果,意義何其重大!唔單止將會改寫香港嘅歷史,甚至會成為香港普選歷程嘅一個重要里程碑!

真喺發夢冇咁早,原來大部分人遠道而嚟竟然只喺去投一張白票,以為咁就代表乜嘢反小圈子喎!如果我喺阿爺,就真喺睇唔起你地啲香港人,俾埋你都唔識揀,仲成個細路咁要反叛,究竟你地夠成熟去玩普選未?一個人要有資格去揀,就先要識得响有限嘅嘢裡面揀,呢個根本就喺大人教細路嘅幼稚園道理!唔知大家當日有冇去投票?投咗邊個?定喺投咗白票?唔使話我知,自己反思。

記得果陣响 i-cable 同挺梁者辯論,佢地講嘅嘢,不外乎喺話經濟好果陣啲富商處處賺到盡,覺得曾班子向大地產商傾斜,庸梁以民生為主,唔會同大地產商妥協等等。其實呢樣對地產霸權嘅不滿,有時亦出現响博士嘅文章度。博士文章對曾蔭權嘅批評,主要响兩方面:一為政策傾斜大地產商,增加土地供應不力;二為推出 SSD 等打擊樓市政策,成庸梁辣招嘅始作俑者。對於呢兩樣嘢,我嘅睇法好唔同。

曾蔭權接手老懵董嘅爛攤子果陣,只喺一句「做好呢份工」。呢個人謙卑正面,能者必擁之,所以一開始我就睇好佢;有人話佢只喺好彩喎,就算真喺好彩又點?一個有運行嘅人做咗特首,香港都會有運行,有乜唔好?況且治港唔喺玩泥沙,個人唔掂點會有運行,呢啲叫因果關係,睇庸梁就知。我雖然唔信教,但見曾氏作為一個虔誠嘅教徒,處事一定唔會逆天而行,後嚟得以証實,此人嘅作風,果然喺順住大勢走,唔會逆市

我從來都唔認為有乜嘢地產霸權,就算有,都只不過喺香港經濟結構衍生嘅一個大勢所趨。所謂大勢,只能順,不能逆,因為冇經濟,就冇民生;試問如果冇咗所謂嘅地產霸權,最低工資又點可能會 WORK?曾班子唔喺向大地產商傾斜,只喺順大勢而行,以協商而唔喺對著幹嘅手法對人。如果土地供應喺曾班子失職,咁庸梁大鑼大鼓咁搞又點解搞唔掂?如今庸梁搞到要盲目搶地去破壞香港嘅配套,博士先至知道,曾蔭權喺為咗唔想犧牲啲乜嘢?

至於話佢將樓價飆升嘅問題歸咎於物業投資者,何以見得?因為佢 SSD 等嘅政策?咁博士有冇諗過,一個作風咁順勢嘅虔誠教徒,點會响金融海嘯啱啱過咗之後,大膽搞埋啲咁逆市嘅嘢?原因好簡單,曾班子出招,根本就唔喺為咗要打擊樓價,呢個只不個喺為出招護航嘅借口。我响另一篇留言提過,以前嘅樓市,喺以炒賣主導,果陣嘅供求實況喺好唔清晰。果陣啲地代,會特別優待啲炒家,佢地甚至將用家拒之門外。同一個吉盤,可以响短期內成交 N 次,呢啲所謂嘅成交量,同埋衍生出嚟嘅乜乜指數,根本冇代表性。咁乜嘢至喺真正嘅供求

當物業嘅一個成交,喺會導致一個有需要住嘅人或家庭可以攞嚟住嘅,咁呢一個成交,先至算喺 fulfill 咗市場上嘅一個需求。

博士究竟有冇研究過,八萬五真正嘅教訓喺乜嘢?八萬五只喺果,真正嘅因,喺老懵董同埋佢果隻頭馬,即喺依家呢個庸梁,完全睇唔清個樓市,將當時嘅供過於求當成喺唔夠供應記得金融海嘯之後,任總曾經警告過會有第二甚至第三波嘅風險。曾班子揀果個時刻出招,唔喺為咗滿足响乜嘢電台講過乜嘢嘅人,而喺因為果陣正喺樓市應金融海嘯調整後反彈嘅時刻,响呢個 timing 順勢出招,對個市影響最細。真正嘅目的,唔喺要打擊樓價,而喺要清除摩貨及短炒,令到以上所講嘅真正供求實況透明化,避免重滔當年八萬五嘅覆辙!所以我至將佢取名為曾任改革,呢樣嘢,其實唔喺淨喺用嚟保護本港金融體系嘅。

曾任改革,喺要樓市導入供求主導嘅正軌;真正嘅目的,其實喺長遠保護樓市!

博士講過好多次,曾班子出招後,樓價應聲下跌,政府沾沾自喜,不過諗唔到後嚟會回升得咁快。不過我見到嘅同博士好唔同,樓價下跌,喺因應炒家離場,市場自我平衡至供求主導嘅結果,後嚟會回升,亦只喺因為市場開始進入真正嘅供不應求。呢啲嘢,曾班子已經預咗,响供求實況透明化之後,再重訂房屋政策,可惜果陣已經供應乏術。如果曾任改革董政時代執行,供求透明化之後,老懵董就唔會睇錯市,亦唔會有八萬五,香港嘅樓市亦會避過咗果一劫。

最後我又想重複問多一次,究竟博士依家點睇庸梁閣下當日挺梁,咁依家算唔算喺轉咗軚?而因應呢個改變,閣下又有冇 review 過自己對前朝同曾蔭權,甚至喺對唐英年嘅睇法?

主宰命運嘅,喺人,唔喺數字。所以我重點睇嘅,喺人,唔喺數字。
15. Oscar Lam 2014-01-15 08:34:52
To: 14/f 珍惜香港
你對事情的看法很深入,且相當獨特。
16. 珍惜香港 2014-01-15 19:20:29
珍惜香港TO:15/F Oscar Lam

過獎,愚見啫。既然博士無緣睇到,下次有 mood 再問啦!
17. samkc 2014-01-16 14:06:01
18. 四眼仔仔 2014-01-31 07:22:50

湯Sir,睇咗你今BLOG 才兩個星期(好偶然底下找到),有相逢恨晚之感覺,我在CY選出之後賣咗層樓(用來收租的),現在有點後悔,這個就是理財經驗唔夠,現在想買回已不能了,拜讀你的三間樓投資法後,覚得真正保障到自己的就是投資(或買樓),唔好靠人哋或政府,現在只有等機會再買返,冇辦法。

現政府管治雜亂無章,庸才輩出,好似財政司長咁講15年後會出現財赤,咁奌解之前又派錢,因為之前冇料睇唔到? 派又派得衰過人,要退休後先用得,俾人鬧兩句又改變主意,講句嘢都無乜信心咁,喺政府架構裏面,很多呢啲人,捱到夠鐘退休食長糧,唉冇眼睇。

在此僅祝 新年快樂,身體健康

(千祈唔好唔寫嘢,教育下我哋啲晚輩,好過派銭)

19. Ricky 2014-01-31 08:24:57
珍惜香港,請多分享. .