地產博客 > 文亮語 返回
瀏覽人次:14420    回應:2
文亮語

千祈唔好介紹醫生比朋友

 

湯文亮博士

紀惠集團行政總裁
2022年9月17日

  今日有錢佬搵我食午餐,話有一個老友叫佢介紹醫生醫心肺,佢的確有一些名醫老友,但應唔應該介紹比那位老友。

  我話唔應該,這是有抄家冇封榜的事,醫得好是應該,醫得唔好就會比人怨,我記得十幾年前,有一位老友話我太肥,應該早日做通波仔,仲介紹醫生給我,亦已經見了那位醫生,在準備訂手術室之前,我話考慮一下,話哂上了手術狀,條命就三七分帳,閻羅王佔七,躺在手術牀的人佔三。

  我於是自己去養和,護士問我睇邊個醫生,我話唔知,有冇得揀,護士於是給我一個有幾十個醫生的資料表給我揀,醫生成三角形排列,我揀了最高的一位,訂埋單人房,醫生在房間同我講,他睇過我的病歷,我未必要通波仔,最好做多一次顯影,做完之後話唔使通波仔,我在醫院休息了一晚,第二日出院,那位醫生至今每年仍然同我做身體檢查,至今我仍未要通波仔,我朋友知道之後話唔好意思,現在他唔敢介紹醫生比其他人,有錢佬話明白,不過唔知點推。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十郎 2022-09-17 18:53:50


      有抄家冇封誥。

2. 唔好介紹 2022-09-17 20:14:42
二話不說,就叫你剝牙種牙.
你諗你,一世流流長,跟你一世,冇左就生唔番.快啲走人,遲啲個荷包就冇咖啦!