地產博客 > 文亮言 返回
瀏覽人次:16168    回應:6
文亮言

有危便有「基」

 

湯文亮博士

紀惠集團行政總裁
2022年4月27日

  小澤在這幾日過得非常愜意,大有君臨天下之勢,佢認為中國人所說的是敗軍之將,何以言勇絕對是錯誤,小澤知道自己也是敗軍之將,但愈戰愈勇。無他嘅,有源源不絕的軍火供應,根本用都用唔晒,一個國家消耗量竟然要咁多國家加速生產,稍為慢一些小澤就會親自打電話催交軍火,現在歐美不少國家總統聽到小澤電話都心驚膽顫。

  小澤話香港那些所謂投資者經常講有危便有機,其實,有危便有基才對,基當然是澤連斯基,唔通是基佬。在俄烏衝突之前,烏克蘭的國民生產總值在歐洲排尾二三,現在不用理會國民生產總值,因為歐洲大多數國家,包括美國在內都有責任養活烏克蘭人民及重建烏克蘭,原因是不少國家藉俄烏衝突,沒收估計超過一萬億美元的俄羅斯人資產,如果不將那些資產送給烏克蘭,這點是講唔通,而事實上小澤已經開出條件,除了免除580億美元債務之外,仲要即時資助500億歐元,以及每月70億美元,直至烏克蘭重建完成,現在歐洲國家非常頭痕,只希望小澤高抬貴手,收順一些。

  近日烏克蘭基輔星光熠熠,除了那些歐盟小國總統到訪之外,英國首相以及美國最高級的文武官員,國務卿布林肯以及國防部長奧斯汀亦訪問基輔,試問在世界上有那一個國家有如此面子,中國搞冬奧,籌備了幾年,被美國一句外交抵制,差點兒令冬奧胎死腹中,所以,不能不佩服小澤,請人固然難,但唔歡迎德國總統去基輔才顯得有實力,難得的是德國官方並沒有責怪小澤,仲送了幾十架豹型坦克畀烏克蘭。老實說,如果不是有俄烏沖突,真的不是太多人認識澤連斯基,現在當然無人不識,從今以後,有危便有機應該改為有危便有基。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2022-04-27 19:35:25
近兩個月,喺大陸大部分人都支持侵略烏克蘭,理由不外乎一個,就係話烏克蘭入北約的話,美國佬就可以喺烏克蘭架設飛彈大炮威脅俄羅斯。

依家好嘞,美國佬啲飛機大炮唔使擺喺烏克蘭,烏克蘭就快夠錢自己造。
2. 有對等資訊的人 2022-04-28 06:39:11
一樓,好多人同我講話俄羅斯可以閃電戰KO烏克蘭,沒有對等資訊,往往就是這樣。
3. 一元 2022-04-28 07:39:05
!!不就是美國導演的演員。

西毒梅不是公佈宅人司机吸毒吗?得罪美国,西毒梅封殺,还有人关心乌克兰?

当然,剧情是美国用道德去绑架班契弟,拖死俄罗斯。

美国又大发卖武器,能源财。 

輸的是班契弟,输了国家利益,得到什么? 

!!印度都醒过班美契弟
4. 有景轟 2022-04-28 16:49:55
會唔會司機同丁丁打龍通,呃九歐佬同美佬?
5. 引刀一快 2022-04-28 19:39:30
4樓

有可能,不過偏向陰謀論,死咁多人嚟呃錢,炸咁多建築物。
仲有個問題,志願軍入去萬幾人,有一定嘅監察作用。如果真係揸流灘,瞞唔過美國佬。
唯一可能,全世界夾埋滾中國,唔會嘅,希望。
6. 引刀一快 2022-04-28 19:42:58
2樓 有對等資訊的人兄

知唔知點解呢幾日唔見咗十一座順嫂?佢就係等緊5月9號之前嘅大規模進攻,希望到時可以出嚟攞彩。
大家抌櫈仔睇戲喇。