地產博客 > 文亮言 返回
瀏覽人次:21608    回應:48
文亮言

比特幣的樂與怒

 

湯文亮博士

紀惠集團行政總裁
2022年1月24日

  星期六疫情到了一個關鍵性階段,除了有26宗確診之外,還有130宗初確,估計政府最後要將葵涌區所有人要強檢,有人大鬧政府點解唔強迫打疫苗,其實,政府已經做了很多,而且強迫唔到,甚至會出現反效果,唔打疫苗的人點叫都冇用,或者殺到埋身,多些人確診,那些人就會自動自覺,就算排幾個鐘打疫苗都冇問題。

  對於某一類投資人士,他們關心比特幣仲緊要過新冠疫情,夫死夫還在,就算確診,大不了入ICU住幾日,很快就可以出院,很多時受某一個確診者連累要去捉Go灣的人,還未放疫監,那位確診者已經出院,但比特幣真正大鑊,從六萬八美元高位到現在三萬六,只不過是三個月時間,玩比特幣的人真的很傷,有人話政府應該禁玩比特幣,我唔明白點解要禁,如果禁玩,即是將投資比特幣的人趕去做黑市買賣,隨時贏了錢都收唔到。

  在比特幣六萬八美元的時候,有年輕投資者問我有冇買比特幣,我話唔識,佢話我的投資太死板,比特幣是最有升值潛力的虛擬貨幣,已經有銀行願意貸款八成給比特幣投資者,比特幣有無限上升空間,短期來說,十萬美元已經很保守,與此同時,中美洲國家薩爾瓦多公開宣布投資比特幣,所以,我應該改變我的投資策略,我話非常滿意現狀,見到投資比特幣的人咁開心就夠,唔使一定要自己投資。

  現在不少玩比特幣的人很嬲,他們認為那些評論員不負責任,比特幣明明可以分文不值,點解要唱到值十萬美元一個,仲話係最保守估計,其實,有人發怒反而是好消息,令到大家以後對比特幣出現戒心,唔會太過重注,好過政府禁玩比特幣。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 2022 2022-01-24 11:24:24
買比特“弊”不如去馬交。去馬交你輸咗都知道輸畀邊個;買比特“弊”你輸咗,連邊個老千呃咗你都唔知,因為係虛擬嘅。你贏嘅只係一個網上數字,輸嘅就係真金白銀。老襯!
3. 引刀一快 2022-01-24 12:52:22
早排好似話會上50萬美元啊。
4. 曾代理 2022-01-24 19:41:33
比特幣都唔算太差,只係跌一半,近期股市內房科網股都唔知跌几多,包括03年132元入的匯豐銀行,04年4元上市中國銀行。
5. 一元 2022-01-24 20:56:27
個名都叫一元都“比特”!

资本主义社会一直都騙子横行,造就很多生子冇屎忽的“有錢人”。

!过到海,就是神仙
6. 有對等資訊的人 2022-01-25 06:17:37
作者係唔係買左又輸左$?如果有用ETH買NFT咪無事囉,仲有$賺。坂本龍一NFT升左十倍以上,只是一個月時間,你無咪輸$,我有。為何D人輸$?因為沒有對等資訊。不過老人家識得買同操作,又有幾個?
7. 一元 2022-01-25 08:51:49
一个月升十倍。

当年雷慢好似幾厘回報,慢慢爆,都骗了很多人。

今次“雷快”…应该会快快爆,

!!核爆
8. 自我陶醉 2022-01-25 09:31:00
Crypto熱其實係反映全世界對濫發貨幣不信任,買bitcoin前幾個特性、重點一定要知,否則千祈唔好掂:
1. bitcoin好明顯係投機,唔係投資

2. 當美元崩潰,基本上除咗瑞郎,冇咩貨幣信得過,而瑞郎急升又有政府幹預,好難完全對沖貨幣崩潰風險,至於貴金屬,紙黃金其實同貨幣一樣被嚴重濫發,要買就買實金,當大部份人醒覺買實金,黃金先會大升,機會有啲渺茫。 當中Crypto係冇選擇中嘅選擇,其實可以當佢係買貨幣制度崩潰嘅保險,對於有外匯管制,而貨幣同理財能力差嘅國家嚟講,一年通脹過千巴仙,貨幣年年貶值,揸crypto比揸本國貨幣更安全,點會完全冇價值? 不過,相信冇人會笨到全副身家攞去買保險

3. 至於冇外匯管制,冇貨幣風險嘅地區,當然係可以輸晒嘅閒錢先去買,咪諗住贏梗博晒老命,等開飯嘅錢千祈唔好搞,就當細路仔時,將用剩零用錢入落豬仔錢罌,唔洗日日倒出嚟數,就好似玩老虎機咁,每次預咗輸,入少少,等派彩

4. Bitcoin調整9成都試過幾次,絕不能高追,歷史高位調整少過4成唔好諗,入市亦要按下跌比例分段買,現在才是建倉時機嘅開始

5. 控制注碼,設定佔資產比例上下限,若急升亦要take profit做rebalancing
9. 一元 2022-01-25 12:16:45
妹仔,

解释下瑞郎,有何Backup?那么信任?

之前瑞士好似都帮isa查逃税,所谓中立国是笑话。 
10. 有對等資訊的人 2022-01-25 16:54:23
7樓,因為貪所以輸,風險管理,懂嗎?我不是幸運,我考試永遠估不中題目,解決方法係讀齊佢,久而久之,知道自己是無幸運。你有本事買到個Banksy NFT 嗎?我唔係睇少你,而係你根本唔學又唔識,所以用老人家眼光,成日話爆爆爆,不務正業等。人地賺到醒目$,就話佢遲早PK。心態決定左人的格局。我一把年紀,日日學習中,日日有新野學,你自我滿足,固步自封。我睇你唔起。
11. 有對等資訊的人 2022-01-25 17:38:07
8樓,投機人玩bitcoin, 但用家就用eth。crypto市值同Apple 差不多,咁細,所以有上落,風險管理,買優質NFT可對沖價格上不穩定性,我仍是新手,多多指導。
12. 好過啦 2022-01-25 23:49:12

有人大鬧政府點解唔強迫打疫苗,其實,??????  不如強迫人哋買: 比特幣 好過啦...



13. 自我陶醉 2022-01-26 08:29:27
11樓

非常同意Ethereum實用性比bitcoin更高,而在香港bitcoin的市場認受性則較佔優,畢竟是首隻crypto。 個人認為,crypto上落大不一定因市值太細,而係貨幣有央行做庄維持秩序而crypto冇,並且大部分貨源歸邊,主要庄家控制貨源,市場貨源及交易量不足,一旦有較大手交易,就會導致價格大幅波動。 

至於NFT,我沒參與過交易,據我理解,NFT不是貨幣或商品,而是投資一些指定藝術品,個人創作,遊戲等版權、使用權或擁有權的交易單位,升唔升值同你擁有嗰樣商品有關,就同買一張畫一樣,價格視乎市場需求,不同商品的NFT價值沒有劃一標準,可升亦可跌,不知我的理解是否正確,請多多分享NFT投資心得,如何衡量個別NFT是否優質。  

如果我係artist, 我一定會考慮用自己作品趁熱潮賺番啲NFT,買就暫時沒這個打算。也許到Metaverse比較普及,有更多人參與買賣時,有需要會再考慮。
14. 有對等資訊的人 2022-01-26 09:23:01
13樓,我有投資NFTs, 基本上甚麼東西都可以用NFTs 形式出售。例如周董的bear,其實係賣會籍,佢Fans 又點止一萬人?有左佢個bear NFTs, 有好多不同的待遇。Banksy 的NFTs, 是一間公司用了一億在蘇富比買了Banksy 一幅畫,公司將該畫的擁有權拆細到10000份,供人可以附庸風雅,話比人知,佢係個幅名作的其中一個擁有人。另外有D在一級地段地方, 開一間會員餐廳,用NFTs作membership prove, D人又可轉手,blockchain 可以verify 真假。有D就好似閃咭,另類投資。林林種種,買家又要有internet sense,又懂潮流方向,更需要懂得操作。長短線用於不同NFTs, 打破以往投資藝術品的不透明交易,你不用煩去証明你買的NFTs真假,因為合約是去中心化,買家可以用好簡單的方式就知道你的NFT真偽。NFTs 令好多人好容易進入收藏家的行例,其實好多人有心頭好,NFTs 係做到後生仔帶住部手機但內有自己個人收藏品。如果每個後生仔用10000用於NFTs, 而多數NFT是限量,就算不限量,分左第一第二至N期,每期都有不同價值,又冇沽空,只是好東西,一定升。最後,好多名人的頭像是用NFT來令自己獨一無二,但又屬於某一個社羣,好多有$的後生仔想入果個社群,所以另到有些NFT賣到一個天價的原因(100萬以上的NFT),例如BAYC。D人問為何有咁多有$的後生仔?因為佢地識字,識電腦,有對等資訊,我地中國人係唔會明或唔會接受,因為覺得佢地不務正業。但有一球美金以上的細路仔,真係好多。
15. 自我陶醉 2022-01-26 10:19:21
的確有趣,那麼藝術品由誰保管,有特定custodian嗎? 會定期核實存放的實物是否真品嗎? 要交管理費嗎? 如要,費用如何釐定? NFT擁有人有權參觀嗎?
16. 引刀一快 2022-01-26 10:23:45
14. 有對等資訊的人兄

請教一下,樓上你提到Banksy嘅作品,呢件作品是否原來就係數碼創作?還是往常嘅噴塗壁畫,然後數碼化?名人嘅頭像係一件實物,Banksy嘅原畫亦係實物,呢度牽涉模擬數碼轉換,如果NTF有版權,而模數轉換冇限制,請教一下,點樣保證佢不被濫製而影響價值?
17. 有對等資訊的人 2022-01-26 11:26:34
15及16樓,關於Banksy, 是比較複雜的NFT,我只可以從簡,實物由公司保留及保護,因為佢不會將10000份完全出售,有1份以trust 形式hold住,以免有人統一業權,張作銷毀,因為好多買NFT的人想,只留在blockchain 內 forever ,因為無人可以將佢再加工或塗鴉或被偷。其他的藝術品的NFTs,有D不再保留實物的。果張畫是banksy 親手的油畫布version, 刻公司買左後張其數碼化後,定左10000個坐標式的格仔,各NFT就是代表該格仔,NFT holder 是刻格仔的擁有人。擁有人有参與權,非三言兩語可解釋,你地問題是有人提出亦已解決了,詳情你地要上網Google 一下。此NFT已有membership 成份。好好的項目,我覺得比坂本龍一更好,可惜香港好少渠道知道。至於NFY定價,我覺得1500美元一個,唔算親民,但可接受,總價值基本上已經係一隻GEM仔殼GO 價了。
18. 有對等資訊的人 2022-01-26 11:29:21
Sorry, 有D錯別字,寫得太快。
19. D 2022-01-26 11:50:59
 其實美国人不敢同俄羅斯打。作势而已。
20. 自我陶醉 2022-01-26 13:18:03
17樓

持有藝術品一般有兩個目的,一是觀賞,二是收藏,放在倉庫是浪費,喪失了觀賞價值,參與投資,而導致將藝術品直接銷毀,更是暴殮天物,匪夷所思,怎能談得上附庸風雅?

若我真正有一件藝術品,以NFT形式賣出,但保持實際保管權,觀賞權和收藏權,起不是很着數? 至於作炫富之用更談不上,這只是告訴別人自己連一件藝術品都買不起,就像買納米樓和格仔鋪一樣。這聽起來就像紙黃金一樣虛無飄渺,更似為冇能力而又需要追求虛榮感的人而設的騙局呢!
21. 有對等資訊的人 2022-01-26 13:35:44
20樓,所言甚是。但新世代的想法同我地唔同,我是老人家,我只跟遊戲規則。如果佢哋覺得袋在電話,blockchain 比實物好(可以隨時show 比朋友睇),我都無辦法。我只是一個投資者,我着眼回報,可以長或短持有。放在家中的藝術品,一日不變現,只是一種嗜好。我暫時未到傳統收藏者的境界,用一億買幅畫,幾百萬買D野玩下就OK, 成億,我仲係投資行先。
22. 自我陶醉 2022-01-26 14:31:13
資訊兄

真正收藏家,通常錢多到唔知點洗,應該唔會有變現的煩惱。 就好似有啲人買私人飛機豪華遊艇一樣,得閒攞出嚟玩下,就是樂趣,佢哋邊會計保養費,同埋能否變現。

閣下對NFT的態度正確,投資最緊要量力而為,有sense 的話,投資老千股也能賺大錢,最緊要做好風險控制,知道自己在做什麼樣的投資,和在與誰對賭呢!

23. 有古怪 2022-01-26 18:45:58
好多老千喺呢度一唱一和,氹人落疊用真金白銀買虛擬貨幣;大家小心。好多時“專家”面具背後就係魔鬼。貪字變個貧。切記!
25. 有對等資訊的人 2022-01-27 05:01:25
23樓,你講得對,世界任何一個地方都有老千,有個地方特別多,在網絡上及金融業更多大盗。
D老人家對住D唔識的投資或生意就話不務正業(包括我的有少少$的父母),我大學讀完書之後,用左10年就超越佢地一生的資產,宜家咪死死地氣請教我。不懂不要玩,要玩就要識,要識就努力學,學就要學好,我讀書時以為自己英文好叻,去到英國一級大學讀書時,我第一份功課就比professor 話英文水平低,我先知世界之大,要humble 。成功的人,永不做別人的啦啦隊,未參與過的,更加無資格評論。
26. 一元 2022-01-27 08:53:25
不知道有没CDO,MBS,I kill you later的對等资讯?

在白人社会,你信自己比对家更有对等资訊?

!!呢下智慧高

睇得起我,就驚。
27. 有古怪 2022-01-27 09:02:55
老千爲咗要充,一定扮到身光頸靚、珠光寶氣。
梁醒波(演老千)唱:擔返枝大雪茄,充生晒認經理…………
29. 有古怪 2022-01-27 09:55:00
咦?我冇指名道姓,竟然有人對號入座?『此地無銀三百兩,鄰居阿二未曾偷。』
係咪好好笑呀?哈哈哈哈哈哈哈
30. 有對等資訊的人 2022-01-27 11:50:08
26 樓,我當年無買,因為分析過。如果肯細心睇,冇事,輸$果D人,好多因為只聽佢個相熟的banker 講自己無去睇一手資料。自己要承擔風險,鬼叫佢地讀書少。
中信泰富就輸左好多。
白人社會,有八成人是蠢,你無接觸到勁人啫。在中國生活果D的白人,大部分在自己地方撈唔起的,加上有D係俄羅斯,東歐人,更加普通貨。
香港有白人住壽臣山,亦有住天水圍,唔通一樣咩。
倫敦,NY,SV 勁果D,你一世都未見識過啦。
你連對等資訊幾個字都未明,再講都無謂。

31. 有對等資訊的人 2022-01-27 12:20:56
27樓,我有見識過,LV皮帶,大大個扣,帶隻地通拿,著住西裝背心,扣埋最後一粒鈕,中環二三線寫字樓出沒,佢地有名的,金融老鼠,不過可能你都冇資格見到,因為人地都知你無$可呃。
32. 有古怪 2022-01-27 13:07:37
以前做老千,都要落本裝身。今時做老千,容易得多,只要上網噏下就得,麻甩都可以扮靚女。吹到天花龍鳳,冇人踢爆就自得其樂。其實只係自欺欺人。唉………
33. 一元 2022-01-27 13:48:32
對等资訊兄,

那麽,请教下!根据你的分析,cdo和nft,有什么不同?而至你有不同决定?

街边塗鸦比房屋值钱?

除了看不明的数学公式!
34. 有對等資訊的人 2022-01-27 15:05:02
33樓
去中心化的產物是一種迷思,是新一代的信仰。時代巨輪不能逆轉,我們老一代的思維將被放棄。你明就明,唔明就唔明。他們的世界,你我永不懂。他們的理想國,我們更不懂。

If I burn, you burn with me.  這是新一代的信仰。

街边塗鸦比房屋值钱 ?
普通人一定說房屋,但我答唔到您,因為我不是普通人,富爸爸說過,你住的屋是負債,非資產,因為沒有產用現金流。
當我有一間收租不夠三厘的樓,但有持的作品,藝術品,手錶年年有10%升幅,你叫我如何答您?


35. 有對等資訊的人 2022-01-27 15:30:48
33樓

仲有,房屋我有,但我睇得好輕,我買只是因為以下原因:
1.年輕時,想令父母覺得安心D;
2. 不想同無樓人士睇齊 (有$不買樓,同買唔起樓是兩回事)
3. 想專注事業,租樓可能要搬;後生時,等車的時間都覺得浪費,一星期做足7日;
4. 不想同人解釋為何不買樓;
5. 有D文件要show 地址比人睇,買個好地址,做野方便D。

如果無以上問題,我一定不買樓。
我D樓甘多年都跑輸我的投資。

36. 有古怪 2022-01-27 17:31:59
老千即係老千,點吹都無用,穿崩了。

有智慧嘅人會答你:如果街邊塗鴉係畢加索真跡,咁肯定值錢過嗰間屋。

高下立見。哈哈哈哈!
37. 一元 2022-01-27 18:12:28
去中心化是否指“去货币化”?

你觉得政府会放弃“发钞权”? 由一串binary取代? 无中心化,有乜信用?

比特币1,比特币2~

不和以前用贝壳作钱一樣,你接受吗?

我反而信將來物换物,大家公平d。
38. 自我陶醉 2022-01-27 19:00:56
淨係畢加索先賣到錢,唔係啩? 畢加索有咩名畫你知唔知? 畫蒙羅麗莎嘅達文西你識冇呀? 梵高聽過未?

大把名畫畫家我諗你都未聽過:
Georges Seurat
Gustav Klimt
James McNeill Whistler
Jan van Eyck
Johannes Vermeer
Sandro Botticelli


不過你都錯唔晒,其實畢加索嘅作品,可能同你二年級畫嘅畫差不多,點解你畫出嚟就唔值錢呢? 藝術品貴就貴在獨一無二,有人欣賞就可以係無價珍品,賣到幾多錢係由收藏家、有錢人決定,是海鮮價,貴要理由的嗎? 

要用你開飯買屋嘅思維去量度,只證明你唔同level呢!有機會買張機票去羅浮宮欣賞下咩係藝術啦!買機票一定平過你層樓。 哈哈哈!

39. 有古怪 2022-01-28 11:29:20
蘇富比都未去過,喺網上抄一堆名就扮識,係咪好好笑呀?哈哈哈哈哈哈
40. 自我陶醉 2022-01-28 12:51:46
39樓

地下好多沙,慢慢繼續拿,唔洗急。 你覺得一兩億買件藝術品睇一世好貴咩? 賭王投件3磅黑松露兩啖食咗,都33萬美金啊! 一晚食咗你半層樓啦,乜你唔知咩?

叫你唔好攞等住開飯嘅錢買bitcoin, 又覺得人係騙子,你輸唔起梗係唔好玩,留番啲錢俾首期啦! 我見你哋咁疑惑點解藝術品貴過你間爛鬼樓咁多先好心提下你啫,識又好,唔識又好,就算只識喺網上搵資料都已經高你幾班啦,淨係識不加思索嘅古怪仔! 哈哈哈!

BTW,上網唔只可以搵資料㗎,藝術品都可以上網投標的,你有嘢賣佢會有專人上門,仲去蘇富比做咩? 

41. 引刀一快 2022-01-28 13:08:47
係喎,如果以前買間屋嚟放陳皮、普洱,依家總值一定遠超間屋。
42. 引刀一快 2022-01-28 13:09:16
十一仔,微服出巡?哈哈哈哈
43. 有古怪 2022-01-28 14:17:15
香港第一個互聯網數據交換中心(設於中文大學,當年仲係高錕做校長),我有幸掹衫尾參與創建,咁你話我識唔識?自欺欺人。哈哈
44. 自我陶醉 2022-01-28 15:15:31
失敬,失敬! 原來古怪仔係建築業巨子,唔知閣下負責紮鐵、油漆、定係鋪線呢? 唔怪之得對藝術一竅不通啦! 哈哈哈!

聽聞將來所有亞洲區海底光纖唔會再經香港,數據交換中心地位會被動搖嗎?
45. 一元 2022-01-29 08:28:32
又插下嘴,講下nft。

1.本质上nft/区块链,就是股票化“某些東西”。

2.是零pe的股票,“偽術”是不会有盈利。

3.一幅画,作为整体才有价钱。拆开的金劳,只能当0件卖。

4.画主肯将“公司”上市,必定高於原价,且是十分高!

5.总括,五十万买枝金劳的秒针,以为有隻金劳!
46. 自我陶醉 2022-01-29 10:25:26
半毛開始有啲長進,“一幅画,作为整体才有价钱。拆开的金劳,只能当0件卖。” 又講得幾啱。 

基本上,沒有單一控制和買賣權,別人用萬分一價錢就能永久擁有一件藝術品,你話邊個着數? 要向老千挑戰,先要問問自己有幾多斤兩先,哈哈哈!

知唔知咩係奇貨可居? 一塊金一樣可以切開賣,一樣沒有盈利,為何不斷升值? 明白的話,你咪知道藝術品點解會升值囉!


47. 引刀一快 2022-01-29 10:37:54
自我陶醉兄

我根據十一仔往常日日話人係老千呢個古怪傾向,我估古怪兄係做飲食相關業務,可能係包伙食。
48. 自我陶醉 2022-01-29 10:58:40
引刀兄

佢唔會係衰十一,古怪仔可能係以前嗰個裝修佬呢!
49. 一元 2022-01-29 13:36:25
妹仔,

你將金和“伪述品”相提並论, 基本概念都错了。

况且nft应该和.com比较。 和伪述品没甚么关系!

伪述品是互相吹捧。
50. 自我陶醉 2022-01-29 17:22:50
傻嘅,幾時得閒同你講nft, nft有咩值得討論,我識大把人買老千股賺錢,呢啲錢我從來都唔恨。哈哈哈!
51. 一元 2022-01-29 20:29:59
基本上,西方標榜的“自由”本質上

1.是羊與狼共存。大部分是羊,那些發放“对等資讯”的是狼。

2.羊的本質是甚么?跟風,不敢有獨立思维,要合群,人云亦云。

3.以黑暴為例,一班狼以“香港人”绑架成班羊,而要羊往火坑跳。羊又以为自己有草吃!

4.台湾/腊桃丸基本上一様。社会無力判断那事是否对自己好!

5.当然最要紧是令“羊”相信“伊癫园”是天堂。所以要玩

!!一羊一票選隻狼

狼食完羊还要说,我是你選的。

!!天材