地產博客 > 文亮言 返回
瀏覽人次:24918    回應:10
文亮言

賣樓支持移民後的生活費用是很危險

 

湯文亮博士

紀惠集團行政總裁
2021年5月3日

  上星期中原指數上升1.65%,距離兩年前歷史高位只有3.84%,又不是遙不可及的事,有很多人在英國推出BNO移民計劃之後話香港樓市會大跌,理由是不少香港人賣樓移民,老實說,的確有人用BNO移民,數字現在暫未能夠確認,但從中小學的退學潮,我相信不是一個小數目,不過,樓價不跌反升,我倒想聽一聽那些話移民賣樓,令樓價下跌的人解釋,原來答案都幾玄,那些人話,移民還移民,賣樓還賣樓,兩者是沒有關連,這個答案我是同意,但點解他們唔早一些講。

  我們經常在報章上睇到一些打算移民的人,話會將香港的單位出售,支持移民後的生活費用,一般人聽到之後不但不覺得奇怪,甚至認為是理所當然,我覺得非常危險,賣樓只不過是將香港樓變成外地樓,質素當然是提高很多,否則點解要移民,至於生活費用就要自己在當地賺取,如果是賣了香港樓來支持移民後出活費用,在無足夠入息之下,我恐怕終有一日那些移民是會很坎坷

  身邊亦有幾個朋友打算移民,我問要不要賣樓來支持移民後的生活費用,答案一律是不需要,他們會在當地買樓,香港樓不會賣,但會用作收租,租金支持當地日常生活費用,他們並且話移民還移民,賣樓還賣樓,根本是兩回事,老實說,我一早知道答案,所以我才夠膽講樓價不會下跌,但我又不能夠太早將答案講出來,否則就會被人質問,既然是移民,點解唔賣樓,樓價又怎會不跌,現在由別人自圓其說就最好。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 元朗灣區人 2021-05-03 12:48:08
既然走得,仲對香港咁有信心?

!!奇怪。

而家,放租半年都租唔出。

來緊十年,大灣區大把供應。靠收租食飯,危!

!!!住内地,賺香港人工,是新百年常態。
2. onclerkclerk 2021-05-03 16:17:03
刀哥哥,
住大灣區怎樣賺香港人工?
3. 引刀一快 2021-05-03 16:49:17
唷,乜灣元今次咁中肯,講出未來趨勢。
4. 元朗灣區人 2021-05-03 17:43:31
林引刀,

高鐵,城際,地鐵,鐡皮互聯互通。再加上統一大湾区票價。

广州,惠州,中山…到西九只收十零廿蚊。

深圳至大亞灣,大鹏城際都起緊。深惠,广深中軸…,广深港600km。

皇岗口岸,新设计,已見端艾。

!!半小時生活圈,很快成形。
5. 引刀一快 2021-05-03 20:27:54
oncherkcherk兄

既然兄台問到,我簡單歸納一下。

1,工作日住香港細屋、劏房、床位,周五晚、六、日,住大灣區大屋。

2,wfh,用電腦、手機做嘢,大灣區漫遊。

3,香港公司駐國內工作。

4,創業,多種多樣,成本風險有高有低。

5,大灣區父母住,周五六日同住。

6,將所有唔等駛嘢,同換季衫褲之類,全部攞去大灣區,香港居住環境馬上大幅改善。

7,同咗內地人結婚嘅男女,配偶排期來港,乾脆就攞咗身份證之後,繼續兩地模式。

仲有好多好多。

我估你會話香港年輕人未必接受,事實上係比例問題,已經有部分年輕人已經開始朝呢個方向考慮,亦有唔少人做緊,將來會越來越多。
6. 元朗灣區人 2021-05-04 09:16:29
林引刀,

你d模式,停留係樟木頭,祈福新邨,順德碧贵園。

基本上,退休人仕先合適。 

大湾区是習大親自设计的,新科技。咁多高铁,城轨……你仲認為星期六日渡假。 跟住政策走。
7. 十一哥 2021-05-04 09:47:32
刀刀 講嘢…佢慣咗跑山撲水…半夜揾食…居冇定所…幕天蓆地、最緊乜7都打孖上要大大大…

8. 引刀一快 2021-05-04 09:55:42
跑山最忌撞到兩頭蛇,踩佢個頭,會用屎忽咬人㗎。
9. 十一哥 2021-05-04 12:39:16
刀刀海鮮真係有牙㗎…好彩11哥成條鉄咁硬…
10. 引刀一快 2021-05-04 17:42:32
嗱,又俾佢個屎忽咬嘞。