地產博客 > 文亮言 返回
瀏覽人次:18585    回應:9
文亮言

樓價下跌令政府減慢建樓速度

 

湯文亮博士

紀惠集團行政總裁
2021年4月22日

  今早有老友到公司吹水,佢話團結基金叫政府加快建樓速度,解決基本民生問題,老友唔明白,政府明知道樓價上升是因為供應不足,點解唔增加供應,問題是很容易解決。

  政府的房屋政策不時受到報章評論員影響,最近報章點講樓市,大多數會話經濟不佳,有很多人移民,樓價一定下跌,跌幅甚至有三成咁多,老實說,政府睇到這些評論,又點夠膽大幅增加供應,否則,樓價真的大幅下跌,就會被人話是政府推冧樓市,令到120萬個業主損失慘重,所以,政府必定要放慢建樓速度,但最大鑊就是樓價沒有下跌,就算疫情都唔可以令樓價下跌,但政府沒有增加供應,始終不能夠解決樓宇供應不足老問題,老實說,如果評論員話樓價飆升,政府就責無旁貸去增加供應,否則就會俾人話明知樓價上升都唔增加供應,究竟班官員識唔識做官,識唔識解決問題,所以,政府是否增加供應,評論員的影響是十分巨大,老友話點解政府唔相信我們,而要信那些評論員,我估政府會認為我們有切身利益,一定唔會講樓價下跌,所以唔相信投資者的評論。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2021-04-22 12:56:50
剛剛今日新出台,廣州樓房產證少於5年要俾5·5%所得稅。
2. 無奈 2021-04-22 16:14:14
刀兄,收到。
大陸樓價升到離譜,廣州天河區有樓價去到3萬/呎。
環球均升,港樓獨憔悴。

大陸冇乜水位時,港樓快追落後了。
3. 無奈 2021-04-22 17:09:03
問誰可解釋,越打壓越升。
4. 引刀一快 2021-04-22 17:56:21
無奈兄

我喺度嗌咗五六年中港同質化、大灣區,依家所有人知道咩事啦。
港樓肯定追,只要唔係溢價貨,唔使驚。
5. 鳥5 2021-04-22 18:28:51
刀兄,香港同質化,同步化,係要真正國家統一貨幣。D果係科學。物理現像。歐洲係指歐元區內國家。係咪?其他仲包括地元文化語言
6. 鳥5 2021-04-22 18:37:22
刀兄,香港亞爺閘左水已經幾年㗎喇,大大舊台黎已經幾年前既。有幾多打正税出境呀!内圈點玩仲得,資金出境,5係以前。子女讀書外遊人民正常活動,可以!銀碼大大大嚿出境?唔係以前!同個水畀你好耐㗎喇
7. 引刀一快 2021-04-22 19:11:56
鳥5兄

如果要統一貨幣,咁成個東盟跟中國就有用,淨係香港,我覺得留返港元有著數。
8. SYB 2021-04-22 21:17:24
所以要多謝博士大力唱樓價升幅世界第一
9. 鳥6 2021-04-24 16:10:19
黃竹坑新盘1房單位(300尺)入埸費才1100萬,筍到爆。A1組飛可以買一大拖三細,限買4間。 三房單位平均三千幾萬有交易,爭崩頭。

香港樓價下半年創硬歷史新高。移民潮,封關封多幾年,碎料。阻唔到樓價升。香港人太有錢。冇計。