地產博客 > 文亮言 返回
瀏覽人次:14992    回應:12
文亮言

下半年有機會撤樓市辣招

 

湯文亮博士

紀惠集團行政總裁
2021年1月7日

  有老友問,在兩三個月前,不時有知名人士叫政府撤辣,點解近日聽唔到那些聲音,我話以現時樓市情況,撤辣是浪費彈藥,政府亦並非沒有聽從撤辣聲音,首先將工商物業印花稅回復正常,但市況不佳,撤辣起不到任何作用,叫政府撤辣的人唔敢再出聲,其實,政府現在有撤辣條件,不過萬事俱備,只欠通關。

  老友叫我對樓市作出一個最大膽預測,我認為政府會在下半年撤銷樓市辣招,就算不是全部,最低限度都會大幅度調低國內人士在香港買樓的印花稅,但襄王有心,神女無夢,過往經常叫政府撤辣的人現在連提也不提,我見冇人講,唯有我講。

  撤辣是要相當高技巧,一般人認為樓市下跌時應該撤辣,這是錯誤的想法,因為在撤辣後樓市仍然下跌,市民就會話樓市弱過藥煲,撤辣都冇用,正確做法就是樓市開始復甦時撤辣,這樣會加快樓市復甦速度,從而振興經濟,老友話這是一廂情願想法,撤辣是大塊文章,政府一定要通過各方面資詢才夠膽執行,我話如果是這樣就蛇都死,星架坡很快會撤辣,國內資金被坡佬食哂。

  我唔同意老友話一廂情願,起碼是兩廂情願,財政司陳茂波話香港下半年復甦,他有何數據可以作出這個預測,即使開關,香港經濟最多只能平穩發展,除非是撤辣,在人民幣強勢下,大量資金到港買樓,如果不用付辣招印花稅,樓市必然上升,經濟才有機會復甦,但很可惜,在這關鍵時候,竟然冇人叫政府撤辣,波哥唯有做些少暗示,有人要求,政府才會撤辣。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2021-01-07 10:46:50


十一哥 2020-10-26 18:54:12
習大高手...自己出聲開底牌…等你諗、美癈冇得褪…冇得揀、隻揪肯定冇膽…曬冷已失先手、老美個個識計數…呢一下儍侵玩完…好處係落台好過埋唔到尾、換個荷官…蹓傾計唔會冇面、嘍囉跟車太貼就好蝕底…

解釋下以上判斷、老美選民好識計數、如果阿爺就住佢怕咗佢…即係儍侵戰術正確…口講仁義道德嘅…都會支持佢食住上…儍侵一定贏到開巷、點知阿爺先開牌哂埋冷、提埋寒戰…擺明峽路勇者勝、老美薯嘜通街…都係換個荷官…落台有階…再蹓傾計就冇咁鷄。

重溫一下…十一哥夠唔夠精準 ?     ...雀仔真係唔洗太灰....、阿爺真係戰略縱橫..以冇招激到對手成日舞刀自插、大囉喱揸到F1嘅境界…我地勤勤力力座定定得嘞…等吃等喝、睇到放火箭成班後生仔女…有D眼濕、呢代中華兒女有福了...


2. 十一哥 2021-01-07 11:03:08
阿爺呢鑊咁狠…成個字頭連根拔、仲邊有人敢玩嘢 ? 
投資就係賭仔去大檔、最緊要係鐵竇…敢殺敢賠、冇怕有牌爛仔玩冚檔…仇家劈友、賭得安心又放心…幾時會介意招呼臭檔。


3. 忍者 2021-01-07 12:47:22
聽落湯生好似收到風咁噃。

不過又咁講,自從疫情之後,就算安排好哂既計劃,到時又唔同講法。
4. 鳥5 2021-01-07 13:06:14
十一哥,我到而家,未走貨呀!差5多會通水!
6. 鳥5 2021-01-07 13:27:36
我幾有信心,D幾個月,揸貨大戶其實係企侵侵攪政变果边!通常放壞消息,揸貨向果边!當然唔係絕對!但大機率!阿爺都如時。。。不過差不多!小弟觀察中!美國散戶,十年平均輸8成。上年贏七成?小心就嚟做世界!小弟二萬二千左右吹雞All In .去到今日都有啲驚!哈哈哈。我只打靶牛都未走!適當時候通水!
7. 鳥5 2021-01-07 13:35:04
減辣大原則係點加上黎,就點減落去!咁既然大家認為ccL冇跌!咁咪等ccl跌兩成先囉!哈哈哈哈。而家供款能力仲係企喺危險性7成!點放畀你呀?哈哈哈哈
8. 鳥5 2021-01-07 13:54:59
究竟呢個係咪細價樓爆煲論壇?定係大升論壇呢?博士?哈哈哈哈哈!就嚟細價樓爆煲!我認同吖做曬功課!博士應該係夢想成真先係㗎?咁得意!哈哈哈哈!
9. 細價樓爆煲論壇 2021-01-07 14:24:01
你梗係唔記得左佢地係度之始祖寇買歷嘞。
10. 鳥5 2021-01-07 15:26:38
十一哥,有D數要留下!港股結算日全年跌三個percent!但地產股跌咗兩成!過往一年大股東增持!小心!市場上冇乜人留意!就要更加留意!叢林法則!
11. 鳥5 2021-01-07 15:30:00
資金同(市場資出奇低調)!信号係!大机率佢地比人玩緊!未知鹿死誰手!
12. SYB 2021-01-08 10:34:07
鋪市跌左多少有撤辣?
預計住宅也有同樣情況?
13. WWSG 2021-01-08 10:47:54
如果我捉棋,就會等經済轉好,再一野谷上去。