地產博客 > 文亮言 返回
瀏覽人次:17124    回應:12
文亮言

2021年樓市預測之開河的魚

 

湯文亮博士

紀惠集團行政總裁
2021年1月4日

  我在外國讀大學時,有一個中國同學,畢業後回國做政府公務員,官運亨通,官拜市領導,正所謂富貴若不還鄉,如錦衣夜行,於是在十幾年前,請了幾個舊同學到他所管轄的市作客,當然不是作客那麽簡單,而是讓我們了解北方在結冰的河流如何捉魚,真的是大開眼界,捉魚的網長度超過一公里,要用拖拉機起網,如果是網網千斤就大鑊,起碼是千斤的百倍,同學做領導,不斷與漁民互相祝賀,飲酒是少不了,我的同學酒量其實不太好,但當日飲酒不停,仲同其他人講,寧傷身體,莫傷感情,國內是這樣做官,唔知香港官員會不會話寧傷身體,莫傷感情。

  我問同學,點解可以有咁多魚,同學話,北方有一句話,封河的蝦,開河的魚,在冬天河流結冰前,河蝦是非常肥美,但北方人不會捕捉河蝦,因為這是河流冰封後河魚的糧食,當河流解封,河魚自然又大又肥美。

  有不少人問我明年樓市預測,我話應該好似開河的魚,在疫情下,香港冰封一年,今年很少國內人到香港買樓,不過,國內的購買力並沒有消失,只是暫時積聚,而且,去年港元隨美元下跌,令到國內購買力大幅增加,如果香港能夠在今年上半年解封,即使是單向性,樓價亦會大幅飆升,這是利好樓市最大因素,如果今年不解封又作別論。

  有分析員話,受社運影響,不少人賣樓移民,樓價一定會大跌,我認為如果要賣樓移民不如唔好移,其實,各國對吸納香港的移民並不太理想,所以不斷將移民條件降低,去台灣只需要200萬台幣,如此低廉價錢,唔需要賣樓才可以移民,不過,去台灣算不算移民我又不太肯定。

  有人話香港樓市悲情,仲有人買樓,今年樓價應該大跌,我都唔知點講,香港樓市連升11年,去年在社運及疫情下只是跌了1.07%,點解會俾人話是悲情樓市,反過來說就差不多,即是香港連跌11年,去年升1.07%才可以話悲情樓市。

  有老友話唔好亂講咁多,用到開河的魚咁複雜,2021年樓市升幾多或者跌幾多,但唔准用+-10%,這是廢話,我認為今年樓市會升5-15%,理由是開河的魚。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Y 2021-01-04 13:59:36
尋找鳥5
2. 鳥6 2021-01-04 14:34:59
尋找鳥5x2
3. 鳥7 2021-01-04 18:48:52
有請鳥5出嚟唱淡
4. 鳥5 2021-01-04 19:49:20
如果升10%,咁大戶可以大手泒?一手係二手上家?揸住四萬個空置單位諗乜?未來有冇空置要見賭War!開河之魚!誰派貨呢?2手?銀行跟足同你地一齊賭!諗清楚場内各方戰術先講啦!升!銀行,一手,二手,一褲都係嘅財仔盤。。全部人一條心一齊賭向上!諗清楚先講故仔啦!第二季D財仔會第一個high!
5. 鳥5 2021-01-04 19:50:55
未上車千祈唔好上車!贏錢唔關你事!樹大鑊更加唔關你事!
6. 鳥5 2021-01-04 19:56:11
財仔盤排到爆曬!圍內知㗎啦!甩到身體已經贏!輸少啲要還神!佢會唔出貨?商業融資而家要十個percent!一年升十個percent出,都叫平手呀!諗清楚我講啲乜!未上車千祈唔好上車!到今年年尾。。
7. 鳥5 2021-01-04 20:04:21
5可以升15%!係一手揸主權呀!一手旺二手静!係派貨派到二手靜呀!諗清楚成個局。玩緊乜先講啦!諗下乜嘢叫做一手旺二手静。Why!四萬個空置單位未計入ccl!諗一諗我講咩先啦!遊戲誰主浮沉!再講得罪人!年尾大家知!到時有專家話畀你聽阿媽係女人!
8. 鳥5 2021-01-04 20:08:12
唔使問我呢個專家啦!我只係一個隨口噏十中八嘅閒人!聽唔明係正常!中先係重點。。。係嗰句講嗰句。
9. 鳥5 2021-01-04 20:43:12
回覆向反兄!關於港元脫鉤睇法!的而且確你有見地,有做功課!好!香港被迫脫勾,係被動莊况!其實響02年!香港財金官員當時考慮過呢個問題!亦同大家睇都一樣,一概否定討論過!香港嘅通脹通縮輸入其實主要係大陸!而家喺疫情之後!基本上所有民生產品,已經可以咁講超過六成!客觀原因!比起02年!脫勾誘因會更大!大概係14年,任志剛提過!用外匯基金去發展香港土地基金。咁其實已經話畀你聽!外匯基金嘅角色係有談到個轉變!當港幣再唔需要同美金掛勾!咁即係話,外匯基金基金!港府就可以當自己錢洗!諗一諗!有一天!如果發生孌化!都可以歸納為你嘅預期區間之內!運籌帷幄
10. 鳥5 2021-01-04 20:46:14
不過今年市場機遇!先行進入貨幣戰区間!特別係下半年!
11. 鳥5 2021-01-04 20:52:04
對不起更正:係18年發表,用外匯基金嘅盈餘作為發展土地基金!當然字裏行間,冇提過脫歐呢件事!但係首次對外匯基金呢一種規劃(改變)
12. 鳥5 2021-01-04 21:20:54
向反兄,之於美金跌反而D樓跌。奇5奇?我今日答你。。。係就係咁奇!年尾會有答案!smart money已經行先!但5係香港D樓到!