地產博客 > 文亮言 返回
瀏覽人次:16297    回應:23
文亮言
栢傲莊活化香港樓市
 
湯文亮博士
紀惠集團行政總裁
2020年10月20日

  香港樓市在社運及疫情影響之下,一片死寂,樓價雖然保持平穩,但成交量非常之低,其實,成交量低也是好事,如果在惡劣環境下成交量上升,樓價反而會急跌,但成交量低當然不利在地產仲介市場搵食的代理,但業主冇理由平賣,買家亦唔追價,物業代理要急也急不來,究竟怎樣才可以激起樓市成交量。

  大家不用擔心,樓市是有活化劑,只要有一個大型新樓盤以低於市價發售,如果銷情理想,是會激起購買力,活化樓市,但試問又點會有地產商願意做這個衝鋒陷陣,吃力不討好的角色,更何況大家都等開關,屆時有無窮無盡購買力由國內湧至,新盤銷售便不是問題,點解要平賣。

  好彩不是所有地產商都持有同一概念,新世界大膽開盤,以低於二手樓價推售大圍栢傲莊,可能由於有心買樓的人,甚至物業代理都餓盤很久,雖然只有391個單位發售,但有22,700個認購額,超額認購接近60倍,破了20多年來紀錄,當時樓市熾熱,與今日不可同日而語,我認為今次大量超額認購是樓市活化劑,代表本土市場仍然有龐大購買力,其他地產商應該快速開盤,畢竟活化功能是有時間性,隔了一段時間,購買力就會消失,老實說,一次活化對樓市的影響不大,要連續性才可以見到效果,如果其他地產商繼續以優惠價推出新樓盤,今次活化功能不但不會消失,甚至會令活化變成催化,令成交量以及樓價都更上一層樓。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 雖然只有391個單位發售 2020-10-20 11:06:30
其實係三千九百幾個,超額唔夠十倍而已。
2. 元朗灣區人 2020-10-20 11:26:14
”無窮無盡購買力由國內湧至”。

博士真幽默。係囉,買高佢,有老表接。

韓正,駱官就真係“無窮無盡”…




土地供應。
3. 十一哥 2020-10-20 11:32:26
唔計生水流入、陀地賣咗樓D水流得去邊 ? 有啱心水…當賣咗舊嘅…而家換新咁解。
4. 鳥5 2020-10-20 12:28:50
超額十倍?哈哈!出5到貨呀!1個頭最高入12票!地代諗掂佢!就嚟去到雞棚嗰個地步㗎喇!力寶中心寫字樓最近做過兩萬蚊呎呀!升?升條啫咩!凡事唔好睇表面啦!出年去冇得托呀!圍內知呀啦!寫字樓商舖call緊窿!豪宅call緊窿!出年到住宅!圍內知㗎啦!唉!車位龍床盤直頭出唔到!
5. 鳥5 2020-10-20 12:39:09
新界啲house瓜9左㗎!5信?部份call左loan!新數銀行而家好審慎呀!唉!
8. 鳥5 2020-10-20 12:41:20
銀主盤排到爆!圍內知㗎啦!
9. 鳥5 2020-10-20 12:47:07
隨時一身債!未上車千祈唔好上車!呢個大雄市未完!
10. MT 2020-10-20 13:16:33
我信鳥5多D
11. 鳥6 2020-10-20 13:19:52
正一窮人擔心有錢人。香港多窮人,有錢人的世界窮人又點會明白。多年來不斷上升的樓市,已經造成了巨大的貧富差距,也令到一衆窮人們人的人生寄望,就係望香港樓價跌。唉,窮人咁有眼光,又點會落得如些收埸呢。 
12. 1個頭最高入12票! 2020-10-20 14:10:04
嗱, 哩次禾信你, 吹大左。
13. 超額唔夠十倍 2020-10-20 15:35:51
有樓望樓升,冇樓望樓跌。
14. 引刀一快 2020-10-20 16:00:27
鳥6哥

呢個世界,冇窮人就冇有錢人。
15. 十一哥 2020-10-20 16:09:38
觀點建基於角度、磚頭…有銀~守或走~從心所欲、冇銀幾時都有風險…想守冇力想走入肉、風險不能一概而論。
呢個路畸唇可廝守…住得過、而家貼市價…就算買貴多少~有力~唔會錯…。
16. X 2020-10-20 17:17:25
新時代銀紙爆炸,唔玩槓杆,注定落後;保守理財,已玩死好多人。
忠忠直直,......
17. 鳥5 2020-10-20 20:06:42
谨記樓市不敗之地!5係價格係HOLD power!
中文叫持貨能力!LEE到D識抄樓計價!統計流通!預計抄落後!乜野大牌入市!D到D地代!得罪D講!識條春詳?開槓桿島大D.就識!我講咁多野!你估為LEE到八可半人服務咩?驚有條友入黎第一次買樓冒冒下就high到做飛人!做功德㗎作!
18. 引刀一快 2020-10-20 21:22:19
鳥5兄

功德無量


不過,以後引入大陸做法之後,負資產唔使做飛人嘞,具體情況,學你話齋,唔講咁明,總之唔使做飛人。
19. 十一哥 2020-10-20 21:35:36
 雀仔   洗乜咁勞氣、買賣得失自作自受、賭磚頭勝負holding power最關鍵…重要過眼光好多。
20. 鳥5 2020-10-20 21:50:46
刀兄:失業率到6.4。結業高潮未到:9.8。銀行睇到做乜野!5係今日諗到嗰啲!新樓果D係可以5向銀行庄閒之間商業行為!銀行體系入面嘅錢!一萬五千億按揭收槓桿!好多行業資金鏈會斷!你未見過呢啲現場。。。
21. 鳥5 2020-10-20 21:52:32
銀行call loan!係call好客頂住西客條數!
22. 鳥6 2020-10-20 21:55:28
窮人holding power 不嬲都強過有錢人好多,而冇樓冇錢的窮人holding power 就更加不得了,因為冇得輸。 所以話理財的最高境界就係要建立holding power. 而永世不上車是第一步。
23. 引刀一快 2020-10-21 02:42:16
鳥5兄

我梗係知道依家唔好時勢喇,不過今次有啲唔同,大陸絕少有人供唔起樓做飛人,所以,香港都係。
24. 十一哥 2020-10-21 08:19:22
好眼光…holding power先印證到。
25. 忍者 2020-10-21 10:38:23
我又唔覺得呢個盤會成為活化劑。香港人唔係蠢,有平嘢就掃,佢試下開貴3成,睇下有冇人睬佢?﹗