地產博客 > 文亮言 返回
瀏覽人次:16519    回應:10
文亮言
香港樓價是否硬過條鐡
 
湯文亮博士
紀惠集團行政總裁
2020年4月6日

  上星期五,有老友話去酒吧吹水,享受在禁酒前最後一杯,老友話唔知點解,六點前最後一杯特別好飲。其實,要飲幾多都可以,只要是顧客自己帶去,酒吧是不能夠提供。不過,大家無謂挑戰這個弱勢政府,乖乖地唔好在酒吧飲酒14日。雖然話最後一杯特別好飲,但我認為始終唔及解除禁酒令第一杯,理由是最後一杯是苦,第一杯是甜的。

  有老友話香港樓價硬過條鐵,在疫情肆虐之下,竟然連升兩個星期,剛剛公布的樓價指數才勉強下跌0.03%,而香港樓價在大半年社運以及新冠疫情之下,比高峰期下跌了不足10%。所以,買樓始終好過買股。不過,市場上近兩三個月有不少低價成交,但點解樓價指數沒有反映出來。老友的問題我不懂得回答,主要我不是指數制定人,就算我是制定人,亦不懂得回答。不如我這樣說,樓市的變化是很大,即使是同一時間,成交價的高低差距很大,以一個數字來表達樓市的狀況,我相信是很難做到,最後亦取決於物業代理想表達的訊息。如果想買家入市,他們就會發放高價成交個案,反之就會講低價成交。嚴格來說,三個數字都信唔過,因為買樓的人會發覺,點解自己買唔到報紙所講的荀盤,賣樓的人又會話點解賣唔到市場傳聞的高價。至於樓價指數只比高峰期下跌不足10%,是否信得過,這是見人見智問題。

  我有一個實例,一對夫婦在兩年前打算買樓的時候問我意見,我話買樓不如買股票,三年後才買樓,那對夫婦當時聽我的意見。不過,在大約個幾月前賣了股票買了樓,因為他們發覺,雖然樓現在樓價指數與兩年前差不多,但當日打算買的樓宇平了大約10%,這不是最關鍵的問題,而是當日的是三樓,現在的是30幾樓,他們是畀一半借一半,即是輸了20%現金,但投資在股票亦輸了20%。不過除笨有精,這亦是過往幾個月,樓價指數沒有大跌理由,因為售出的都是優質單位,但市場上這些荀盤已經不多,在未來一段時間成交的都會是質素比較差樓盤,樓價將會反映出來。而事實上香港樓價並非硬過條鐡,樓價不跌只是成交的樓宇質素比較好,如果將質素計算在內,樓價應該有一定跌幅,試問樓價指數又如何反映到樓價質素。所以,一般人睇到指數沒有下跌以為樓價變化不大。其實,樓宇質素變化很大。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 鳥5 2020-04-06 12:43:47
要樓價大跌。宏觀歷史,其實係資金。借過龍先係主因。當年差唔多200萬個單位!只係十萬個資不抵債,樓價跌7成!當然亦冇八萬五實際推出過市場!所以要跌根本唔存在剛性需求!亦唔存在政府政策!不過銀行壞帳條數!最快年尾至下年第二季到。。
2. 鳥5 2020-04-06 12:52:26
香港向上年年頭已經冇乜生錢入。經濟只係向高位空轉!
3. 引刀一快 2020-04-06 13:07:37
鳥5兄

我就話港樓樓價硬過條鎢鈦合金,只要阿爺開條路俾人落嚟交樓款,想跌都難,唔夠就撤埋BSD,14億人托700萬樓市,唔難。
大陸樓市爆,絕對大鑊過瘟疫,所以唔可以俾香港帶頭冧。
港樓唯一下跌嘅可能,就係大陸先爆。
4. 大鄉里 2020-04-06 13:39:07
歐美在裸泳,華人移民美夢變噩夢。外國排華,亦有助中國團結。香港在中國加持下,攪不爛的,加分。復元需財,政府當然保樓市。全球放水,業主亦不是傻仔。
5. 鳥5 2020-04-06 19:02:07
反送中,佔中,港獨!阿爺入埋發展商數呀!阿爺而家戰術正如你所諗!同對付台灣仔一樣!利誘上去呀!香港窮啲咪效果好囉!明唔明呀!講咁白。。。遲啲阿爺落嚟掃貨係國家隊5係散戶大媽!愈買愈平兩年後!發展商雙鬼拍門!唔會有運行!
6. 鳥5 2020-04-06 19:15:07
刀兄,上面就點同香港嘅國策。上邊個鬥住樓市!5會大爆!玩少數贏錢!大部分人坐貨!咁樣去槓桿!GDP又勁有生錢入!香港樓市爆!有利長遠政策推行!明5明呀死而後生!
7. 鳥5 2020-04-06 19:24:22
靠香港啲樓!托住大陸D樓!阿爺公數落匯豐都食啲壞帳呀?兩邊貨幣系統獨立㗎嘛!唔好睇香港咁大先得架!香港啲樓臨等於大陸啲D樓冧!阿爺用行政手段lock住啲美金!入面樓同市民租客根本就糖水溫塘湖!香港啲樓古著水撳個掣就走啦!兩幾時嚟呀!上面5會死呀
8. 鳥5 2020-04-06 19:48:47
而家嗰幾個發展商!震緊!中聯辦一換位!政協政治協商!唔係你諗嗰啲嘢囉!冇協商呢件事㗎喇!中聯辦嗰個係京官!政治任務行先呀!
9. 鳥5 2020-04-06 22:39:05
刀兄,你講野其實好多都中呀!不過劇本太早出場!D人講極5明呀!你表述大灣區畫面可能要滯後多幾年左右先到!硬件而家有,我明!畫面入面D人,先係關鍵!係咪!
法以地為界。。今年先下決心執!
人則可越境而為。。先死而後生!你明既!亞爺諗乜
10. 鳥5 2020-04-06 22:42:10
5講咁白!咁樣通水,幾得罪人呀!