地產博客 > 文亮言 返回
瀏覽人次:21567    回應:23
文亮言

派錢對疫情有何幫助

 

湯文亮博士

紀惠集團行政總裁
2020年2月14日

  有家境不俗的年輕人打算買樓,但唔夠首期,希望他的父親可以幫手。佢父親話冇問題,以後每個會俾幾萬元給他。年輕人媽媽聲,現在他是唔夠首期,每個月俾幾萬元又有何作用。任何人知道這件事之後都話他的父親不對,父說可以話唔幫手,但每個月俾幾萬,幫唔幫都沒有分別。

  我認為大家千祈唔好鬧他的父親,香港的政黨亦會這樣做。現在武漢疫情不斷升溫,令到香港經濟受損,有政黨提議每個市民派錢10,000元,這個做法與那位父親又有何分別?我支持政府做任何抗疫活動,包括買口罩、醫療保護衣、包機接回滯留在湖北省武漢市的香港人、補償有任何隔離營的社區居民、捐助武漢的醫療人員,但唔贊成政府派錢,每人派10,000元。如果大小都計就要700億以上,再加上10億8億行政費,對疫情根本沒有幫助,點解會有政黨要求政府這樣做?

  我相信政府並不知道香港人缺什麼。其實,香港人並不缺錢,甚至醫療藥物、口罩等亦不缺,糧油食品更加不用擔心。香港人最缺乏的是信心,大部分人對官員沒有信心。在求人不如求己下,唯有靠自己買口罩、消毒藥水、糧油食品等。如果政府能夠令到市民信服,所有有關疫情的醫療用品全部不缺,比派錢更為實際。我唔怕老實講,派錢救災的確簡單。不過,就話俾市民知道政府根本唔識得怎樣救災,派10,000元只不過塞住大家把口。

  昨日早上,我相信大家都嚇了一驚。湖北省的確認病例大幅增加,有某人話中央將臨床診斷病例改為確診病例,所以大幅增加。不過,香港是一個金融城市,這樣的解釋不是太多人明白。我認為情況好似一間銀行,新接手的CEO會將不良貸款轉為壞帳,以後就算有增長都不會太大。其實,官場也是一樣,所以,上海市長應勇接替蔣超良出任湖北省委書記,王忠林接替馬國強出任武漢市委書記。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Philip wong 2020-02-14 09:44:53
十分贊賞博士的講法,事實上,將歷史負累拋棄,更能輕裝速行,也可不讓有些人操作疫情的恐懼感,此后每天新确疹例驟降,大家都會看到希望。
2. 唔怕老實講 2020-02-14 10:39:16
張獻忠上演望梅止渴,真片哥吞唔落追殺張獻忠,張獻忠只好關門追殺 AO。
3. 真真薯片 2020-02-14 14:38:31
正苦對市面物資短短既態度係順其自然,成日出黎講話有貨,唔好信謠言

香港人係超市已經兩星期買唔好米,消毒藥水同廁紙,眼見為實,買唔到係事實,有貨先係謠言,請局長唔好再散播謠言話有貨,信錯局長既謠言可能要用A4紙大便
4. 鳥5 2020-02-14 15:55:15
要用A4紙 All's哈哈!
5. 鳥5 2020-02-14 15:56:29
真真兄,真係幽默。哈哈!
6. 十郎 2020-02-14 16:37:27


      超市冇長城牌鹹牛肉 , 駛唔駛阿媽幫你買 ?

      有一個網友 , 成日怨冇口罩派 , 冇厠紙。E家太平盛世咩 ? 中國都要進口口罩、 防護服 , 唔幫手還怨阿媽。冇口罩就唔出街囉 , 中國2億人做野 , 12億人匿埋 , 用少好多口罩 , 國人無怨 , 合作無間 , 收聲啦。


7. 十郎 2020-02-14 16:51:08


      烏鴉哥 , 我察覺到財叔開始驚咧 , 隔離被貼大字報 , 仲未噴紅油。

8. 放一百個心 2020-02-14 16:54:58
大灣區已經變成發瘟區,大灣防疫能力不堪一擊。以大陸體制的透明度,大灣發瘟是常態,也是常識。

平嘢冇好嘢,成日話大灣樓價吸引的,應該是發咗瘟。
9. 十郎 2020-02-14 17:17:52


      黃鼠狼向母雞拜年。

      凸朗普願向北韓伸出援手 , 北韓未有傳染喎 , 北韓遲早有料。好野 , 哈哈哈哈哈哈。



10. 十郎 2020-02-14 18:40:56


      唔派錢 ? 記者會即刻派。還要迅速、簡易添。如果公司結左業 , 想救都冇對象。


11. 大鄉里 2020-02-14 19:08:12
笑話一則:

農夫養豬,

一天來了畜牧健康部人員,問農夫用乜養豬,農夫話用飼料養,人員話飼料有激素,罰款10萬。

一星期後,來了動物權益部人員,問農夫用乜養豬,農夫話用廚餘養,人員話農夫虐侍動物,罰款10萬。

又一星期後,來了人權組織人員,問農夫用乜養豬,農夫話用鮑魚,海參,鵝肝養,人員話農夫知不知多少人冇野食,你卻浪費食物,罰款10萬。

又一星期後,來了不知甚麼人,問農夫用乜養豬,農夫答:我每天每隻豬比100蚊,佢地鍾意食乜,等佢自已買。




12. 鳥5 2020-02-14 19:21:22
十哥'我都係跟根據上一集97地產風雲電視劇。咁樣斷估㗎咋。。不過如果啲大地商攞貨要八厘。咁財仔攞貨。抵押品扣除銀行嗰部份嘅孖展。佢哋瓜先係好正常。。。5係神呀。不過根據叢林法則。有幾多地方係草,就有幾多地方係羊,又有幾多係獅子老虎。。。咁樣嘅生態囉。十哥,你又好啦甩曬身。。哈哈
13. 鳥5 2020-02-14 19:31:46
十哥你件貨走先怕比人笑。。我第一個撐你。
14. 十郎 2020-02-14 20:35:50


      網上視頻所見。不知真偽 , 真相自己找。

       1--------北X戰時狀態。

       2--------各省村與村之間 , 已經封村 , 每家可以派一人出外購物 , 或者列一張表 , 例如粉、麵、菜、肉 , 交村委統一代購 , 每家派送。

       3--------街道上有紅臂章 , 截查路人。

       4--------有人不載口罩或者違反隔離令 , 被街上的街坊追打。





15. 湯瑪斯 2020-02-14 20:59:48
呢個三無政府真係無能、無腦、無心。應該特事特辦第一時間叫香港駐各地辦事處盡買當地口罩寄回香港,佢竟然搞投標。
買唔到口罩,應該用吓個腦,大量採購搓手液或酒精派給市民防疫!林鄭可恨,佢嘅班子同樣好唔掂!
16. 真真薯片 2020-02-14 23:21:42
400蚊盒口罩,1000蚊支酒精

正苦解決辦法:派5000蚊比低收入家庭
17. 派5000蚊比低收入家庭 2020-02-15 00:05:37
如果你想做 AO , interview 真係應該咁答
19. 十郎 2020-02-15 14:30:56


      其實通漲已經靜靜駕臨。

      過左年 , 因為受疫情 , 蔬菜漲價一倍 , 現在已經回落 , 豬肉魚豆都有漲幅。我係煮飯公 , 留意到有好多醬料冇貴到 , 例如李X記的樽裝醬料、豉油等 , 實際上係吾已開稀 , 用多左算唔算係漲價 ?

      我諗緊 , 飲食咁艱難 , 執左唔少 , 魚旦粉會唔會減番到廿幾蚊 ? 唔好笑 , 沙示都試過。減價做多左量 , 錢冇多 , 真係賺到辛苦。賣咖哩魚旦都被人裝修 , 裝修工人應該好好景 , 睇樣又唔係添。呢一煲全民找數 , 政府唔救就遲早“君體也相同” 。

20. 十郎 2020-02-15 16:32:43


      原來貼大字報追債 , 不是祇針對欠債單位 , 隔離左右成層樓都貼 , 管理處報左警 , 映埋相才撕得。我門口都有。

21. 全民找數 2020-02-15 17:43:10
十哥,如果你負責找埋卡數,咁就 perfect 嘞。
通脹加上減薪同濕熱,係唔係就係鳥哥所講嘅滯脹呢?
22. 十郎 2020-02-15 18:48:55


      呢一排 , 鳥哥收錢收到滯左 , 祇有佢一個人滯脹。


23. 一個人滯脹 2020-02-15 21:11:33
佢嗰啲叫產能過盛。
24. 十郎 2020-02-15 21:52:56


 
      
       https://youtu.be/6X2Nvx--k1U


       這樣吧 , 輕鬆下 , 聽支歌啦香港人。

      呢只歌 , 70年代謝賢嘉零失戀就會奏 , 本身唔係悲歌來嘅。我找左好耐 , 搵到的都不是當年的水準。直到呢只十足似 , 畫面靚 , 最後謝幕的動作好迷人。