地產博客 > 文亮言 返回
瀏覽人次:20033    回應:10
文亮言

黃色經濟圈四部曲

 

湯文亮博士

紀惠集團行政總裁
2020年1月6日

有幾個老友話最近黃色經濟圈這個話題大熱。其中一位請食飯,想聽下我這個庶民經濟學家講黃色經濟圈,於元旦晚上設席於中環一個行會員制度的私人會所。

劃地為牢
當晚,主人家話要與家人食飯,要稍後才到。佢話已經替我們準備好佳餚,鮑參翅肚全部有齊,實在太豐富,但食了幾個餸之後,主人家話外面立立亂,他唔可以到來,好似唔記得是他埋單。我唯有硬著頭皮問經理用現金找數得唔得,經理話唔得。不過,可以搵一個會員替我埋單。我俾返現金那位會員,最後仲加多一句,做生意點會劃地為牢。
這句話大家可能最近聽過,就是有人問經濟局邱局長關於黃色經濟圈。邱局長以劃地為牢作為答案,現在黃色經濟圈所涉及的生意以飲食為主,俗稱下門襯家生意,唔應該劃地為牢,否則,最終受害的人就是經營者。

僧多粥少
席間有篤信佛學的老友話現在黃色經濟圈的茶餐廳大排長龍,不知幾旺,絕對不是下門襯家。對於這個問題我要用禪學來解釋,話說有一間黃色寺苑,只有一個主持以及一個小沙彌,每一次化緣都滿載而歸。小沙彌於是叫多幾個朋友剃度,老和尚知道之後話慎防僧多粥少,果然不出老和尚所料,化緣人均收入大減,最後不歡而散。現在黃色經濟圈的商店不是很多,生意非常之好,但如果太多人開店而幫襯的人沒有增加,平均生意額就會下跌,不排除有個別商店要結業。所以,黃色經濟圈最重要的是消費者數目增長,而非盲目增加商店。

易入難出
席間有老友是經營茶餐廳,他亦打算加入黃色經濟圈。如果生意理想,亦唔介意畀一些經營費用,但做生意沒有絕對,他擔心最初的生意不俗。但兩三個月之後轉差,但仍然要交經營費,變成又要交租,又要交經營費,想退出又唔得,生意又唔好,想唔執笠都唔得。這個問題我不懂得回答,我只能夠話凡事有利有弊,參加者要衡量自己能夠乘受的風險。

綠林好漢
飲飽食醉後坐的士回家,司機認得我,問:湯生,你是黃抑或藍?如果是黃我講黃話,是藍我講藍話。我話吹無定向風,遇黃愈黃,遇藍愈藍。想唔得司機大佬話原來大家都是綠林好漢,黃中帶藍,藍中有黃。其實,大多數香港人都是綠林好漢,黃黃藍藍,點可以分得咁清楚。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 腥港人 2020-01-06 14:41:09
會去支持黃店,但戒唔到坐黨鐵,得閑口痕又會想食中資嘅麥當勞,咁到底係藍定黃呢?

好多嘢唔係十分絕對嘅,但如果你係老闆,大家能力差唔多,請個同聲同氣嘅伙記,紛爭少啲又唔見得係壞事。

與其諗黃色經濟圈嘅問題,不如諗下點解呢個世界無人攬藍色經濟圈。
2. 暴徒話事 2020-01-06 15:23:25
如果大家和平競争,冇問題。暴徒破壞藍店,黑社會話事。
難得一班冇良知的人,整天話公義,黃藍加綠!
3. xx 2020-01-06 15:33:43

我肯定不會幫襯黃色經濟圈店. 我想不出任何理由我為什麼要如此愚蠢地支持暴徒摧毀我自己的城市!
4. 不如諗下 2020-01-06 16:24:41
哩個問題其實無需深究,舖頭認黃,只係卓頭,世上冇幾多地方可以用反正苦嚟幫自己賣廣告。但係客仔始終會回歸質量,如果啲貨仔唔得黃仔會係第一個聲討,因為黃仔本來就係更現實,被人伏擊會報警仲鬧警察做乜唔快啲嚟。
5. Stephen Wong 2020-01-06 16:51:41
話之你黃定藍,品質價格最實際.
PK某些課品定價比那些只為生存留得一道門口仔出入的舖頭貴4四分一.
我唔會做傻仔去幫襯PK.
同樣黃食店又貴(品質差唔多),又唔敢講嘢,活受罪.
6. Vendetta 2020-01-06 17:51:17
消費盡量支持黃店  深藍唔幫襯 就係咁簡單



7. lol 2020-01-06 18:23:57
估D黃人大部份只會幫襯一兩次,當盡左人事,如食物唔得,一定找個心理籍口,當店鋪透明。

8. 樓市中哥 2020-01-06 20:10:31
真正的綠是藍絲前自覺黃,黃絲前自覺藍
9. 腥港人 2020-01-06 23:39:47
所有還原基本步,經濟圈之所以係經濟圈,除左產業鏈之外,更加要有內部兢爭。
10. 自取滅亡 2020-01-07 08:09:21
一個以支持暴力的圈子可以撐得很耐?