地產博客 > 文亮言 返回
瀏覽人次:49640    回應:223
文亮言

不賭是贏錢並不正確

 

湯文亮博士

紀惠集團行政總裁
2016年4月2日

  有很多時侯,大家都認為是金科玉律的道理,原來並不正確,或者不完全正確,如果我話不賭是贏錢並不正確,一定會俾人取笑,這條差不多是由盤古初開已經被認定是金科玉律,怎會不正確,他們會認為雖然是在澳門出生,受教育,自小在賭場旁邊出出入入,對賭術有多少認識,但亦不能改變這條金科玉律,大家千祈唔好誤會,我並不是說不賭是贏錢是錯誤的,我只是說並不正確,好似賭博同投資分別,投資並不是賭博。

  有年青人在去年打算買樓,最後,因為睇了我的「細價樓爆煲論」而沒有買,最近我再見到佢,隨口問他幾時買樓,他竟然話唔買,他打算去年買樓,最後冇買,現在樓價下跌,他基本上已經贏了,所以,他再也不打算買樓,不賭是贏錢,我知道他與其他人同樣對不賭是贏錢有所誤解,不過,就算問澳門人,甚至賭場揸fit人,都唔知道真正說法,其實是不賭錢是贏錢。

  我對年輕人講,如果以後唔買樓,不能夠證明是以前買貴樓,又怎樣能夠說贏錢,而且,樓價總有一日會升超過去年高峰,到那時候,唔通又要改口說不賭是輸錢,而且賭博和投資不能夠混為一談,其實,那個年輕人犯了與其他人一樣的毛病,去年冇買樓,今年樓價下跌,他們不會買,不敢確認已得利潤,如果今年樓價上升,他們反而追價買,其實,他們追價,即是確認輸錢,在賭場裡,這亦是各類必輸人物之一,他們敢輸唔敢贏,怎能夠唔輸。

  至於我現在叫人啱價就要買樓,雖然是好心但亦有私心,去年,我知道有不少人因為爆煲論而沒有買樓,如果我唔在適當時候叫他們買樓,他日樓價回升到超越去年他們打算買樓的時候,便會怪責我,話如果沒有聽我講,即使當時買貴,但沒有買錯,唔買就最錯,我當時知道賭仔心態,我現在叫人啱價就買,就算他們唔買,他日樓價上升,就不能怪我。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 阿戊 2016-04-02 08:35:05
不如直接D講下依家應該買既理由
2. 介意 2016-04-02 09:08:43
今年新樓並不便宜,老實說,黑廁開放廚迷你路台,全部呃緊實用面積,再加上高價管理費。
大發展商並沒有因應市況而下調售價。繼續惜售策略,直至新盤入伙推冧租金為止。
大西北細價樓回落明顯,呢d比較唔會輸入肉。

依家鼓吹新手入市接貴價新樓,十幾廿年後可能賺。(97買入,19年後,依家有d樓都仲輸緊)

希望湯生同能講出依家買入既真正原因。rather than講第日會賺呢d行貨說話。


3. 舍神 2016-04-02 09:59:22
口決:四出睇樓,冷血回價,佢急你唔急。
買樓要在跌市買,沽樓要在升市沽。唔多唔少要有点勇氣。
無農夫會等到最好天氣先播種,"天朗氣清"就唔係呢個價。

一句到尾: 唔嫖唔知身體好!^^ hehee

投資同賭,都是買 "未來" ,多少有點相同!
5. 怒婦炒魚柳 2016-04-02 10:55:01
後生仔老嘢心態,樓下跌70%都唔買,
老豆話供樓要供一世,你都傻~
繼續排公屋啦,阿仔!!
6. SHUN 2016-04-02 10:56:50
至少今年不要賭、留多D彈藥、下年再賭勝算較大、之前大小赌枱連開30口大、剛剛開2,3口細、就甘快追大、勝算低!
7. LYC 2016-04-02 11:22:09
應該係租客急,業主唔急。
租客個個月都輸緊,業主個個月都有人幫手減少負債還有錢袋呢!
8. Small Potato 2016-04-02 11:29:12
當差不多全人類,都預期跌嘅時候,其實都已經可以入市。只有係呢個環境,先較大機會買到D優質單位,而又可以鋤價,升市就只有追價。

即使我係海嘯既時候入市,當時有好多盤,但都吾容易搵到好野,所以心頭好既野,啱就要認真考慮。如果心態係"有錢使驚買吾到"既話,無絶對錯嘅,不過就好大機會一世都只有等待同覌望。
9. 37歲爸爸 2016-04-02 11:43:51
依家我真係打算買樓,已經開始睇緊,樓價仲係好貴,而且一路睇,價一路跌,都唔知拍唔拍板好,好忐忑,不過睇完博士近呢幾日嘅文章,我覺得真係要早d決定
10. 自我陶醉 2016-04-02 11:46:07
賭博遊戲嘅設計目的就係要贏你錢,唔賭咪就係已經贏番本來要輸嘅錢囉!

以買大細機會率計,輸嘅機會係51.39%,按照大數理論每1000舖,你輸514舖,贏只係486舖,500蚊舖要輸14000大元,平均每舖輸緊$14 或係2.8%負回報,唔賭已經贏番要輸嘅錢。

至於,買樓同賭博都係同理,如果有個庄同你講,你上舖冇買大,即係冇輸錢,依家隨時買,不論買咩都已經係贏家,因為本來你上舖已經輸咗,呢舖你唔買,小心真係會開大喎,我會諗咁係咪想侮辱我智慧。

從實際層面,如果你係自用,你唔買有可能繼續要交租,但就唔洗承受捱價嘅風險,你買咗雖然唔洗交租,但係一樣要畀息銀行賺,要交其他稅,差餉,管理費,同時亦會承擔下跌風險,所以,無論買定唔買,同樣有風險,而風險係來自未來樓價走勢,同之前有冇買根本毫無關係。

置業者其實應該評估未來風險及自己承擔力,唔係懷緬過去,而係要展望將來。

11. 如是 2016-04-02 11:54:41
絕大多數發展商都預期樓價唔會跌好多,才會行惜售策略,又或者開價高得滯,唯有被迫行惜售策略。若唔好彩有隻黑天鵝殺到,到時會唔會開倉大平賣呢!
12. 鳥5 2016-04-02 12:08:10
買左就5好睇,未買就要等2年(供應大),錢少就應該租啦!市埸升跌都关人事啦。。。
13. 蕭峰 2016-04-02 12:11:23
我在想,好多朋友係未真係落街去睇過? 又或者可以上中原睇下一d優質屋苑的成交價(唔係大西北個d)。

14. 狗頭貓 2016-04-02 12:14:57

廣東俗語 : 諗得清就冇得拎。

買樓賣樓有時也很講運。

15. 十郎 2016-04-02 12:20:02


      可以這樣解釋:今年買,就算跌咗,都比舊年買嘅,輸少d,輸少咗。








16. Small Potato 2016-04-02 12:20:28
見依家D優質盤,肯減少少既,都好快去到貨,但都系低估價3-10%內,我成日留意住,係想入貨,但層舊樓放吾出😉,又吾肯賤賣,就t唉! 如果當呢D減價盤消化完之後,個市整固一輪後,可望平穩。長期等待同覌望既朋友,最基本都已經輸左比時間,始終時間都係成本,時間亦只會係一去不回。
17. 自我陶醉 2016-04-02 12:21:01
狗頭貓兄,

賭博要贏有三個重要因素:
1. 風險分析
2. 資金管理策略
3. 運氣

除非有人成世都咁好運,否則,沒有1、2兩個因素配合,最後結果都會係一樣。

18. SHUN 2016-04-02 12:27:17
9樓請留意、呢道好多地產商喉舌、你日後做負資產時、呢班托市怪唔會可憐你。周圍經濟甘差、就算你份工好穩陣、無必要買貴樓!
19. 如是 2016-04-02 12:27:17
蕭峰兄,優質屋苑那當然企硬,一來買賣雙方都預期樓價唔會跌多,二來過去多年樓價急升養肥左咁多買家,自然僧多粥少。
20. 蕭峰 2016-04-02 12:42:48
其實每一次調整,都會震出一d優質盤,但好快被人承接,能否搵到好野,就係考驗你的眼光同勇氣。

上車盤另計。
21. 蕭峰 2016-04-02 12:54:12
to SHUN

你都幾無聊,你唱淡冇人理你,人地表達觀點,就係地產商喉結,冇證據亂講就係誹謗。
22. 觀眾 2016-04-02 13:05:16
話左Shun 係無料人好耐嫁啦 真係吾明人地要買樓 有需要咁都要被人話會變負資產 淡友把口真係呢!
23. Ann 2016-04-02 13:26:09
樓上9樓,你睇左邊句要決定買樓?做人要有主見。同21樓你肯定呢度無人係做地產,或者地產代理?
24. 神算 2016-04-02 13:40:36
未必係惜售,會係唔想推冧市價,但瘋狂折扣加按揭辦法,如果都去唔到貨,都幾濕滯。
25. 蕭峰 2016-04-02 14:05:09
to Ann

做地產、或者地產代理就肯定是地產商喉結?概念混淆吧!

論壇給每個人發表自己觀點,只要唱好就是喉結、地代?
26. SHUN 2016-04-02 14:20:00
唱淡就無聊?唱好咪係陰毒囉!幾百萬債務、一生人幸福、買樓呀…………你班地產佬為左自己開單呀!hk仲有言論自由嫲!人多吹好個市就好?我信李嘉誠都唔信你班害人精!
27. SHUN 2016-04-02 14:34:00
得閒你班友就打電話、叫下D熟客放盤、唔好坐係寫字檯道玩電話同我鬥咀。
28. SHUN 2016-04-02 14:38:58
我一個人吹淡姐、你班所謂好友就甘驚?無料地代…………哈哈哈!
29. 市民 2016-04-02 14:43:10
9樓,你去7樓或者25樓,佢地會揾D地代聲稱懵盛盛業主放盤比你的。多謝水魚。(代答 )
半年後連首期都冇埋!!!
30. 望東樓 2016-04-02 15:06:30
博士,我已經bookmark咗呢頁:『而且,樓價總有一日會升超過去年高峰』立此存照。

咁多位,地代只要成交,不問上落。係度嗌得最大聲樓價一定上嘅最大機會係高位入咗貨嘅艇戶。

大俠,你有冇去太古城之類嘅地方睇吓,報紙就話到劈得特別深,唔知係咪好多deep in the money嘅貨。咁當然係舊啲未必襯得起閣下。
31. SHUN 2016-04-02 15:26:38
30樓、我重申一点、有人收左$幫xx商散貨、一定會吹好、升市、跌市仲有鬼人買樓、地產股股價亦冧、xx商蝕得仲甘!
32. 向饭民说不 2016-04-02 15:32:31
樓價是否高過以前,最重要的其實是香港是否沒落。資金是否追逐香港樓市。

97年之前,因爲香港經濟依靠世界工廠角色,所以樓價持續上升。

03年之後樓價,開始上升,因爲大陸重新注入資金,加上08年的美國量化寬鬆。

今日香港人不要大陸資金,一旦熱錢流走,樓價憑咩創新高呢?

真系靠毒媒的塘水滾塘魚的本土經濟?得的話,大陸政府03年就不需要開放自由行救你香港于水火之間啦。
33. 蕭峰 2016-04-02 15:44:35
to 東樓兄

我明你想話,我係舊年坐艇嗰個,好肯定話你聽,我唔係,一直都話,搵緊樓,好似small potato兄咁,但冇啱價既。入左市,一定話你知。

其實博士都幾無奈,依家唔叫人入市,未來就被人吵,依家出聲,就等於叫人地買炭。

「去年,我知道有不少人因為爆煲論而沒有買樓,如果我唔在適當時候叫他們買樓,他日樓價回升到超越去年他們打算買樓的時候,便會怪責我,話如果沒有聽我講,即使當時買貴,但沒有買錯,唔買就最錯」

34. 望東樓 2016-04-02 15:45:34
大俠,非也、非也。記得閣下都係呢幾個星期至轉view。BTW我最鍾意人哋轉軚。
35. 引刀一快 2016-04-02 16:37:45
To 32樓 向飯

當年自由行開放真係明放水。


36. 真真薯片 2016-04-02 16:40:45
博士成日叫人今年要買樓

如果搵到劈價盤當然可以買, 但係劈價盤可遇不可求, 要撞手神

至於一手, 今年都係推左元郎, 何文田, 將軍澳, 元郎個價絕對唔係平, 將軍澳一樣, 何文田基本上唔係比打工仔買, 睇怕要等埋將中其他盤同荃灣西/南昌開賣一手先會再減價
37. 西門吹雪 2016-04-02 16:41:37
各位,大俠3月嗰幾個星期出去睇樓,體會到d筍盤比人掃緊ma。我早在3月頭已經講個勢似反彈。咁大俠體會到個市況同大家分享者。
不過我都吾止一次講,到底3月呢個係見底堅反彈,定係回光反照呢? 今次我連估都不用估。我諗大俠好快會体會到架啦,大俠到時記得分享下喎 =)
38. LYC 2016-04-02 16:44:46
唱跌個啲人就唔係租屋住,仲吹到有大把樓想買多間tim,唱升個啲就係上年買咗樓,小人之心!
博士都話實創新高啦,唔信咪繼續交租囉,多謝晒!

39. LYC 2016-04-02 17:04:10
http://hk.apple.nextmedia.com/realtime/finance/20160402/54940070
正如我所講,父母支持,一夠18歲就買.
海天晉咁貴都賣得咁好,證明2手樓無盤,將會帶動樓市爆升!
40. 真真薯片 2016-04-02 17:15:14
博士成日講今年樓市大造, 所以今年要買樓, 唔買之後又會升返

在下buy博士呢個講法, 但係今年劈幾多好視乎一手劈唔劈, 據報導, 今明兩年預計有三萬二單位落成, 落成唔係賣樓花, 比較易估亦應該比較準確, 而三萬二樓花據報導有六成仲未開賣/賣出, 問題係發展商想唔想拖到入伙都唔賣, 睇入伙期, 大部份新樓係16年尾到17年-18年上半年係入伙最高峯(所以16年萬八入伙應該會錯, 因為一大堆遲幾個月去去左17年, 不過實際上影響唔大), 即係發展商要到16年尾-17年全年先最有動機去推盤, 曾淵倉年頭都有同一講法, 今年賣樓壓力未係最大, 明年後年先係戲玉

如果一手今年就劈價, 二手樓一定會多左劈貨盤, 咁就今年買, 如果發展商明年先劈, 或者可能明年先多平盤

不過睇暫時既環境, CCL今年內見120機會都唔細, 問題係明年會唔會見110
41. 细味 2016-04-02 17:19:27
竟然推年青人宜家買樓?????

点解是年青人?   值得细味。





43. 真真薯片 2016-04-02 17:25:11
留名睇海天晉做唔做到一Q清加價加推

記得上星期話維港星岸放完價cut優惠, 依家點?
44. 蕭峰 2016-04-02 17:27:54
我感覺目前發展商在試緊,用元朗盤試細價樓,用何文田試緊豪宅的市場承受價。

45. 博士粉絲 2016-04-02 17:37:17
去年年初,我估計樓市見頂,所以出售收割。今年我抱悲觀,估計樓市再跌20%以上,記著,是再跌及以上。信不信,由你!
46. 何生 2016-04-02 17:39:16

【名家搶先睇】超人其實是看好樓市(何熊輝)

1,449
建立時間 (HKT): 0402 17:00

0
■用逆思維去想,超人其實是看好樓市的。

自去年第三季以來,股市大冧,中國經濟環境日差,加上加息陰霾揮之不去,樓價下跌早成輿論共識,不過半年過後,只有舖市冧了,至於中小型住宅單位樓價,僅跌不足成半後,近期出現反彈,原來這個跌市中,窮人樓最具抗跌力。

最近窮人恩物的未補地價公屋,呎價逆市屢創新高,其中香港仔華貴邨的個別單位,以呎價6,066元成交,倘計及補回地價,呎價市值約8,700元,試問現時呎價市值約9,000餘元的一般私人屋苑,呎價還有多少下跌空間?值得注意的是,早前跌價重災區的嘉湖山莊及沙田第一城等屋苑,最近減價盤已大幅減少,成交量亦開始回升。

新盤銷情方面,賣1.2萬元呎的元朗新盤,已出現買樓人群,一些中價豪宅,登記的認購倍數亦達8倍之多。至於銀主盤方面,中小型單位類別的物業,完全看不出有增加的統計數字,反觀位於九龍站上蓋,曾受強國人追捧的中價豪宅,反而出現個別的銀主盤。

最近富豪李超人表示,現時的香港經濟是20年以來最差,這言論一出,市場就將之解讀成睇淡樓市的看法。事實上,現時的失業率不足3%,工資亦未有普遍出現負增長,最差的經濟環境下香港仍有這樣的表現,所以樓價一直未有大冧。逆思維去想,超人其實是看好樓市。
47. 望東樓 2016-04-02 17:58:26
31/F Shun君,理論上有呢個可能。但如果條友嘅表現咁差,直頭倒米,正路一早俾人炒咗啦,係無?
48. Koichi Fuyumi 2016-04-02 19:19:53

從中X地產找出來的成交數字

01/04/2016 1期 3座 高層  F室   (租)$13,000 495呎 610呎 $26/呎 $21/呎

31/03/2016 1期 3座 低層  F室   $448萬 495呎 610呎 $9,051/呎 $7,344/呎

請教師兄,小弟亦想買番層樓收租,所以計咗一下條數。希望師兄們指點一下。

收入:

12,000 同座同向,高層租13,000,當低層減$1,000

支出:

利息支出,70%樓價,2.15%息,一個平月均5,600

首期機會成本,30%樓價,3.87%息(當買穩健中電收息),一個平月均4,300

交稅:1,700

差餉/地租:500(估)

管理費:2/實呎,990

月總支出:13,000左右

總結每月要比1000支出(供樓本金部分當儲錢,不算支出)

即是只要每個月貼租客一千蚊住我層樓我就可以搏升值。

請問條數是否咁計呢? 

49. 如是 2016-04-02 19:45:29

To 40/F 真真薯片兄,好好的分析,可能有部分按奈不住提早劈價。

To 30/F 東樓兄,請問點解要 bookmark 呀?有乜玄機?

50. See the facts 2016-04-02 19:46:46
 要看事實:

1. 滙豐銀行集團先話凍薪,被職員按章工作抗議才暫時擱置計畫,
2, 關鍵旅遊関門,
3. 太陽報停刊,
4. 星島凍薪及高層减薪,
5. DHC 関門.

不知到下一個關門是誰? 
51. 望東樓 2016-04-02 20:44:56
如是君,個句細佬咪已經『』咗囉。呀,應該係with respect to細價樓,畢竟正路講後生仔係由E仔開始。
52. 望東樓 2016-04-02 21:07:00
48/F,一間樓收幾多錢租可以好多外間睇唔到嘅變數,比方裝修、有乜家電、租客係公務員定髮型師、租客預俾一年租,要你減一成、租係公司交,所以肯俾多五舊,不過要換晒全屋冷氣、租務市場唔好,業主俾咗一個月免租。。。。。

BTW,租約係咪一張接一張?使唔使俾經紀佣?家電可以用幾耐?裝修可以頂幾耐?以前懶人就話自己搞掂。你識唔識?管理費:2/實呎:Are you sure?棟樓有返咁上下年紀當然有要大修嘅日子。管理費入面有無包維修基金?
53. 如是 2016-04-02 21:32:08
東樓兄,恕我愚昧,不明你真正意思。
難道細價樓不能總有一日會升超過去年高峰?
54. LYC 2016-04-02 22:14:52
又一個以徧蓋全的淡友,全港幾十萬個企業+最大顧主,拿幾單減薪新聞來唱衰經濟,都幾好笑。
更好笑的是一個淡友問另一個淡友樓價會不會創新高,大家互相吹跌,互相安慰,稱讚對方唱跌的分析,暫時忘卻交租的痛苦!


55. 狗頭貓 2016-04-02 22:33:03

回17樓自我陶醉前輩

絕對同意第2點資金管理策略。

至於風險分析,假設平常人智商100,業主和買家多數是平常人,大家都會做風險分析,結論業主願賣,買家要比業主更看好才會買,即是買家風險較高。如果諗得清真是乜都買唔成的 。由於買賣公平,買咗之後是龍是蛇,已是後話 。

以上只是空閒寫D嘢駁吓嘴吹吹水而已,但求笑吓。

56. 回LYC 2016-04-02 22:36:22
你EQ比引刀強,莊諧並重,又不陰險,讚!
57. 不做樓奴的香港人 2016-04-02 23:29:22
零售業有排暗淡,主要是大陸人去其他匯價更平和更優質的地方(如韓國和日本)消費,這個情勢相信會是中長期性,6月上海廸士尼再開幕,又搶走一批遊客,呢緊兩三年香港經濟幾肯定繼續低迷。萬一大陸出事如政變或經濟再加速變壞,咁就...?!不過呢樣好難估,政局和經濟仲變化緊。
但幾肯定係生意再難做左,裁員一定會不斷出現。未來兩三年樓價仲有得跌,有錢人去其他地方投資好過。唔好俾升左10年的樓市蒙蔽,1997年時大家唔信個市會跌咁多和咁耐,結果....PK再PK囉﹗﹗
年輕人要繼續忍耐和等待,不要現在做樓奴,買樓機會多的是,年輕時要投資在自己身上進修增值﹗﹗
58. 買金好過買樓!! 2016-04-02 23:41:01
59. 歷史長河 2016-04-02 23:48:41
回10樓陶醉兄,

博士的立論冇錯,長河以為你的例子倒喺錯誤。

簡單來講,「賭大小」喺隨機機率事件 - 無論連出幾鋪大,下一鋪出大的機率都是一樣。

房市升跌或然率則不屬這個範疇,用條件機率 (conditional probability)來描述較合適。亦即樓市明年的升跌并非完全與今年走勢無關。當然喺咩關係則喺另一個話題。

你所舉例子有問題,得出的結論當然就可能有問題。

60. 望東樓 2016-04-02 23:51:15
53/F,咁當然呢個世界乜都有可能。
61. Koichi Fuyumi 2016-04-03 00:10:56

望東樓師兄所言甚是,忘記咗佣金和免租期。

當每24個月搵一次租客,6500佣+6500兩星期免租+13000一個月搵租客時間,拉勻要再加一千一個月。

大型維修一般比咗以後,樓價會升番所以可以不計。除非遇上租霸玩野,應該基本維修有限錢。

結果係每個月要貼租客二千蚊左右先有得諗升值。如果未來市況平穩或者升得慢,要每個月搵錢貼租客住屋其實有少少難受。當然要升值有時可能要接受蝕頭段少少。

另一個考慮係加息。即使當OC要求回報一樣,每加0.25厘息就大約要貴$700息一個月。當一年加兩次息(半厘),租金要升番最少$1400(未計交多咗稅)先填到條數。所以未來租金會否每年以10%增長。亦是另一個考慮

62. 如是 2016-04-03 00:28:32
謝謝東樓兄!
63. 引刀一快 2016-04-03 02:06:29
To 57樓 兄台

唔駛咁悲觀,上海迪士尼開幕之後,會有一類新遊客!就係玩完上海迪士尼之後,好奇想比較一下香港迪士尼有咩區別嘅人,香港加油,咪衰俾人睇呀!
64. 望東樓 2016-04-03 06:46:56
如是君/小刀,我嘅思路跳躍咗,自己都無留意。多謝提醒。你可以話係幾時重返呢個位。當時嘅購買力係點?其他資產嘅價格同回報係點?呢個先係大家要問自己既問題。呢個先係真實嘅答案。

女神成日告解我,到你七老八十,比你中條超級六合彩又如何?
65. 西門吹雪 2016-04-03 07:40:33
回48,61KF兄
識好似你咁計就吾会喺度日日唱買樓必賺啦。
買中電?d人硬係要覺得買樓先穩陣,個個買股票都輸埋條底褲架ma. XDDD
我前排喺呢度叫人買中電,印象中樓市未開始跌,結果比人圍左幾日呀。
66. 引刀一快 2016-04-03 07:40:41
恭喜LYC兄

56樓果位仁兄話你“莊諧並重,又不陰險”喎,你仲唔向佢道謝?

雖然大家睇法唔同,你的確唔係陰險嘅人,陰險嘅係其他人啫,呵呵

至於莊諧並重,我覺得諧多D。
67. LYC 2016-04-03 08:16:48
樓上個班肯定冇樓收租,供款額大部份係還loan. 我啲租客租了N年都冇轉過,好小煩我,因為佢地好怕搬屋,驚我一唔高興,出信趕佢走,唉,未做過收租佬就發表其偉論!
你們咪信佢囉,仲好, 將來冇租盤供應,租金繼續爆升!
68. 自我陶醉 2016-04-03 08:55:08
55樓 狗頭猫兄

如果人人都有做風險分析,點會有啲人認為“樓”, 無論咩時候,咩價位都可以買,唔洗次次分析,而最後都一定會升?就算當人人都有做風險分析,都有好多人眼裏只見財路,唔見絕路,世界發生緊咩唔知,連香港經濟有幾差都唔知,就算知外面差,又覺得自己一定無問題,所以先會有買賣,大家得出嘅結論唔同。

舉個例,剛發生一場大地震,連家外街上的地都裂開了,有人會靠經驗和直覺即時跑到街外避難,有人會評估情況才決定,在評估風險時,有人會評估有餘震或再震的風險,有人會只用眼看,看完家裡的牆沒裂開,就認為自己間屋無比安全。 因此,每個人最後決定都有分別。除了智商外,經驗,判斷力,評估方法,每個人的假設和常識,對最終決定都有影響。

69. 自我陶醉 2016-04-03 09:06:10
59樓長河兄,

你個人真係幾有趣,一時又話樓市冇人可以預測,一時又話樓市明年的升跌并非完全與今年走勢無關,到底係有關定無關? 2014同2015又有咩關? 如果有關,咁你已知2015, 咁2016係升定跌? 2017又係升定跌?點解?
70. 歷史長河 2016-04-03 09:45:17
69樓陶醉兄,

如果生仔生女機率一樣,則一對公婆生兩個仔的機率為25%;

如果已知佢第一胎喺仔,那麼佢哋生兩個仔的機率則為50%。

前者為隨機機率,後者則為條件機率。咁你覺得樓市與賭大細喺一回事嗎?喺似隨機機率定條件機率多點?

說回樓市,長河一直認為的喺「長升路上有波幅」,不知這算唔算預測?如果我哋同意在很遠的未來一日樓的價格喺一個定數(100萬一尺),數學上來看則今年的升跌對未來的走勢喺會有影響。只不過這個影響會何時體現出來, 好難預測。

你問的問題,長河真的不知,否則也不會採用「夠錢就買」笨策略。我唔知唔等於博士唔知,博士現在建議去年冇買的可善價而入,我想佢應該有佢的判斷。所以話博士立論正確,而你以賭大細論輸贏的例子有誤。

71. 十郎 2016-04-03 09:53:44


      這是:'輸少當贏'的其中一種演繹。


72. 蕭峰 2016-04-03 11:05:20
73. 望東樓 2016-04-03 11:15:13
光一san,好難得係度搵到個用左腦又啱嘴形嘅。

維修後物業價格會上升:啱,正路係比維修價格高添。不過小心個期租約打七折。以呢個價位嘅樓,業主應該傾向維修以平為重心,理論上六個月乜都搞掂。

得閒多啲上嚟分享閣下嘅進展。
74. LYC 2016-04-03 11:54:04
租樓日日賺也是一種日日輸都可以當做贏的另類演繹!
75. 引刀一快 2016-04-03 13:09:21
To 68樓 自我陶醉兄

有D人地震之後,走去庇護站,立馬用電腦分析“數據”,然後向未出逃嘅人廣播,話數據顯示冇危險,千祈咪走呀。


76. 引刀一快 2016-04-03 13:15:38
To 70樓 長河san

“夠錢就買”唔夠,加埋“唔理賺蝕”,同埋“月入駛唔晒”,咁先可以概括你所講嘅投資策略。


77. 歷史長河 2016-04-03 13:31:30
刀兄,夠錢就買當然可以唔理賺蝕,何須重复呢?月入使唔哂?應該喺永遠不夠才對吧?

夠錢就買內含樓市智慧,你先悟悟,小弟得閒時同你交流一下。
78. 自我陶醉 2016-04-03 14:02:03
嘩! 做咩長河兄今日謙虛咗咁多,乜你唔係話只有神先知個市升定跌咩? 唔通博士係神? 到底你係想擦博士鞋,定係想話我錯先咁講呀? 哈哈!

有時聽人講嘢唔好只係用隻耳,要用個心聽,博士有話明年會升? 唔覺喎! 博士嘅目的今日都講得好明顯吓! 佢叫上年本來要買樓嘅人今年買,係一個保險,而唔係對後市嘅預測,如果有人要扮醒目未聽清楚就走去入多兩層博升,咪祝你好運囉! 但係蝕錢就唔好找博士麻煩喇!

79. 引刀一快 2016-04-03 14:05:20
長河san

乜唔係刁兄咩?

唔駛“悟悟”聲嘞,好似痾屎唔出咁,哈哈哈哈。

只要加上“唔理賺蝕”、“月入駛唔晒”呢兩個標籤,大家自然識得對號入座。

我細個嘅時候,鍾意聽POP Jazz,又係有錢就買,由黑膠到CD,乜都緊縮全部錢就係買音樂嚟聽,今時今日的確好多成為經典,但係幾乎全部喺網上可以免費聽。當年可以花十五份一嘅價錢租嚟聽,casssette幾蚊dup咗佢,咁我嘅少年人生就豐富得多。

香港始終只係一個城市,就好似廣州,以前屬於番禺,後來反過來將番禺變成轄下一個區,地方大咗好多倍,順德咁有米嘅地方,佛山話吞就吞。


80. 蕭峰 2016-04-03 14:27:43
博士上年叫停本來要買樓嘅人,佢覺得自己有份責任係適當時侯話人聽幾時入市,咁先係有交代。以博士江湖地位,如果預期明年跌的仲甘,佢會叫人地依家入市嗎?

81. 引刀一快 2016-04-03 14:36:29
自我陶醉兄

長河san講嘢客氣咗咁多,你咪又陪佢河蟹下囉。你睇我依家幾內斂。
82. 自我陶醉 2016-04-03 14:40:19
蕭兄,

乜你聽到我話博士預測明年跌咩? 唔知我講咗邊句令你有咁嘅諗法呢?
83. 自我陶醉 2016-04-03 14:45:05
引刀兄,

我都冇咩唔和諧呀! 壞習慣有時好難一次改哂!
84. 引刀一快 2016-04-03 14:49:41
自我陶醉兄

咁我又唔認為呢D係壞習慣喎,論壇冇火花邊度好玩嘅呀。


85. 蕭峰 2016-04-03 14:54:12
「博士有話明年會升? 唔覺喎! 」

最少博士預期明年唔會大跌先會講,舊年未入市的朋友可以考慮入手啦。
86. 自我陶醉 2016-04-03 15:10:11
博士話最多跌多15%,  畀3成首期跌15%都最多係等於投入額冇咗一半啫,唔算多!  唔算多! 哈哈!
87. 歷史長河 2016-04-03 15:13:30
回78樓陶醉兄,

我話博士立論正確,而你舉例反論唔正確,好簡單,唔好攪複雜。博士睇升睇跌我都未知,而短期升跌向來也唔喺我關注的。

如果有一日我認為你正確,我都會幫你擦的,加油啊。

不過你若對今次回避討論議題,都冇問題,我唔喺想向你求證乜也,只是指出誤區。
88. 自我陶醉 2016-04-03 15:20:38
長河兄,

如果有日我講嘢你覺得正確,我一定要好好檢討到底自己有冇講錯。 哈哈!
89. 歷史長河 2016-04-03 15:26:23
陶醉兄,尼句話正確,認同!like.
90. 蕭峰 2016-04-03 15:37:51
所以話,買樓講到尾係一個態度同勇氣既問題。

一個未落過水嘅人教人游水應該注意的乜乜,係好無謂嘅一件事。

91. 自我陶醉 2016-04-03 15:42:30
又係喎,有勇氣唔怕蝕一半,幾時都買得喇!  呀! 唔記得話你知,博士上年話估跌幾個巴仙,今年先話最多在高位回3成,希望博士之後唔洗再加碼喇!

呀,今日又學到嘢,原來睇跌就等於未買過樓。 真係唔講都唔知㖭!
92. LYC 2016-04-03 15:43:04
好明顯樓上位淡友根本從來都未買過樓,大概一直都冇上車的能力,卻說三道四話買樓E樣個樣,風險高,實死冇生,同佢吹水都晒時間晒氣!
93. LYC 2016-04-03 15:51:11
從你一直以來的回應,就知你冇本事買樓啦!
唔係只因你睇跌咁簡單,算吧啦你,努力工作去搵首期啦,再炒多幾年股票,天橋底實有你份!
94. 歷史長河 2016-04-03 15:52:10
我相信以陶醉兄的能力Full pay 20層應該唔問題,不過佢想半價入,可以買40層啫。
95. 阿 Dee 2016-04-03 17:03:21
講起淡友,我記得以前有個叫楊衛隆,成日教人管理風險,依家唔知去咗邊。
96. 引刀一快 2016-04-03 17:29:09
LYC兄

激將法係冇用嘅,Full pay20層嘅錢買40層,邊個唔想?
97. 引刀一快 2016-04-03 17:31:23
自我陶醉兄

睇跌就要瞓街喎,我依家去霸個靚位先,到時租俾LYC瞓,呵呵呵呵呵
98. 老餅 2016-04-03 17:37:37
睇跌要訓街?博士舊年睇跌咁我得閒去天橋底睇下見唔見博士蹤影先.
99. 歷史長河 2016-04-03 18:17:03
老餅兄,不好光看表面,博士資產配置中物業占幾成?佢去年有去貨嗎?有入貨嗎?

所以天橋底喺揾唔到博士的,可能能搵到長河。
100. Oscar Lam 2016-04-03 18:26:07
引刀兄,

廣州現時樓市如何?前幾天去上海,上海剛出了新條例限制外來人口購房,港澳則不受此限。
101. Oscar Lam 2016-04-03 18:31:43
另外,國內剛出台的購房營業稅改交增值稅對國內房地產發展亦可能有深遠的影響。
102. LYC 2016-04-03 18:37:34
唔好歪曲我意思,我係指長期毫無理據認為樓市實跌,所以唔買,再加上自以為股神咁炒股票,下埸會點,不用多講,現在天橋底啲靚位已經長期有人用被鋪霸位了!
我一直都係好心提醒淡友,完全係冇惡意的!
103. 引刀一快 2016-04-03 18:37:40
Oscar Lam兄

廣州依家樓市活躍咗好多,標價出現兩極分化,明顯就係針對外地人唔知價。

原來上海放限?上海一直都係骨子裡排外,可能覺得港澳買家素質高D,可以襯番佢個城市挂,具體情況我深入D瞭解再講。北上廣深都限購,依家多咗好多場外配資,到時推冧樓市嘅,極可能係冇歸屬感嘅外來人口。
104. Oscar Lam 2016-04-03 18:46:34
引刀兄,

上海對港澳人士並未放限,依舊是一個家庭一套。剛出台的政策對國內非上海戶口提出更嚴厲的限制購房。
105. Oscar Lam 2016-04-03 18:51:38
LYC兄,

自醉兄是真股神。炒幾年股後,真的有可能買幾層樓收租,不可不信。哈哈!
106. 自我陶醉 2016-04-03 18:55:07
引刀兄

咁你都信? 唔買樓就要瞓街的話,條街一早已經爆棚喇! 幾時輪到佢瞓。 呵呵!
107. 老餅 2016-04-03 19:39:46
我跟博士一樣,雖然看淡樓市,去年也沒有作任何買賣,好彩還不用訓街.
108. 引刀一快 2016-04-03 20:11:27
自我陶醉兄

我信架!就算人地LYC兄唔係親身經歷過,估計佢都係親眼見過唔少睇淡嘅人瞓街喇。


李+X今年睇淡,咁就可能要喺天橋底鋪一層金箔俾佢喇,係咪?

L=Lee  Y=? C=cheng,同 李?成 差唔多架咋,唔信佢信邊個?
109. LYC 2016-04-03 20:14:02
另一點就係一直唔買樓,係好難樓換樓換上大價樓嘆下開心下威下,租金始終都係跟隨通漲上升,長期都係通漲而唔係通縮架。我始終都諗唔明點解可以長期唔買樓去租屋住,一直都唔明我啲租客諗緊乜,不過,我當然唔會點醒他們呢!
歐洲富豪大遷徙,香港都係其中一個目的地啊!
110. 引刀一快 2016-04-03 20:15:40
LYC兄

何謂“長期毫無理據”?

係你長期對人家嘅理據視若無睹啫,經濟唔好,講咗一千次喇!
111. 蕭峰 2016-04-03 20:33:49
我絕對相信自醉兄係股神,毫不懷疑。

但一個股神唔等於理解樓市邏輯。

「博士話最多跌多15%,  畀3成首期跌15%都最多係等於投入額冇咗一半啫,唔算多!  」

以上好典型係股市短炒思維。

112. 自我陶醉 2016-04-03 21:31:22
Oscar兄過獎了,小弟的問題是唔識討價還價,又唔喜歡追人租,自問亦冇把握自己做收租佬成績可以跑贏REIT 及一衆收租股,所以,他日有幸唔玩股票,我會選擇做吓領滙股東或買啲有優質資產嘅收租股,1年收4、5厘, 而大部份時間ROE都有雙位數。

113. 自我陶醉 2016-04-03 21:38:26
蕭兄

你估換轉係李超人,佢又估個市會跌15%, 你話佢會唔會用現價投地?  唔會又係唔係有短炒思維?
114. LYC 2016-04-03 21:38:42
刀兄,淡友係好主觀地希望經濟差,樓市跌,所以睇樣樣野都係好差。我又覺得經濟唔係太差,個別行業係差咗少少,但唔足影響整個經濟,更加唔會導致大量人要斷供,賤價沽樓,反而好多其他行業正增聘人手,所以樓價已經調整完,將會平穩向上啊!
股市短炒一定輸,我唔信這些so-called股神,因為年輕時都試過研究過用不同方法炒野搵錢,最終當然係失敗收場啦!
115. see the facts 2016-04-03 21:45:26
 LYC 你狗眼看人低, 我講事實, 你可以不同意, 個人攻擊就太無品了你只是睇單邊市罷

我是睇雙邊市的只是現時環境, 我覺得要再跌多15% 才值得入番間, 再落再入如果我睇錯, 個市今年內如果上到中原指数160以上, 我就會放1間, 再上再放所以個市上或落我都無所謂

事實6. 穆迪及標普降中港評級

如果你不明白這些事實對香港經濟的影響, 去吓那些關門企業及凍薪的員工和商舖業主吧, 或者要發債的公司

就算這兩天海天晉賣了兩百伙, 都只是小兒科, 因為是臨海貨, 你看吓何文田個市啦

如果你用雙邊市的角度去睇個市,你會更明白四叔和湯博士等的言論
116. Jerry 2016-04-03 21:58:02
就算無樓又唔一定要訓街既,如果需要訓街,除左私隠度低D,老婆兒子不願意外,面積應該比豪宅大,哈哈!債息,股息都可以對沖租金既損失。有高手把樓加按或變現後,再用槓桿買債收息,應該已可對沖租金既損失,餘下既錢仲可以有錢養車,買下零食杯面買多部五十吋4KTV嘆下,哈哈!

領展當年上市才9元多定10元左右,現家40多元,仲未計多年來收左10多元既股息。十年來穩穩定定有五倍回報,也算不俗。

聽說醉兄已是財務自由,可能每月收股息債息數十萬,對沖豪宅租金不困難,哈哈

引刀兄,公共空間不能出租,犯法,哈哈

117. LYC 2016-04-03 21:59:24
討價還價其實係市場學一們學問,每次同租客商議租金而達成共識,當中一些心理戰,猜測對方諗乜,想點,對方是否好驚冇屋住,驚搬屋,企圖大我有間平靚正的屋要搬走等等,成個過程都幾好玩架。有一次個租客竟敢唔回覆我,我過了數星期後,通知佢一個月後搬走,佢即時道歉,以後都唔敢呢!
事實上,我接觸所有租客都準時交租,驚我收回單位,唔敢打搞我。
118. 蕭峰 2016-04-03 22:12:45
自醉兄,

說短線思維是因為,樓市係一個很笨的投資方式,和股市完全兩個概念。如果想低位入市而承受唔住短期繼續尋底的市場,就真係唔洗考慮樓市啦。

如果你閒閒地都有高於5%投資年回報,當然係睇唔上投資樓市啦!

119. LYC 2016-04-03 22:13:01
你現在用領展$40+講番當時$9冇乜意思呢,當領展$9時,你能預知現在$40+嗎,當中上上落落,能揸到現在嗎?
太多變數了!馬後炮係人都識得吹!
120. 占士 2016-04-03 22:14:39

各位師兄,在股票市場只有5%的人是真正賺錢的,我認為自醉兄,Jerry兄及兄等都屬於那5%的高人,他們在股票市場獲得比物業市場更高的回報是可以肯定的!如果可以的話,希望幾位師兄和大家多分享股票市場的投資策略和成功經驗,讓我們可以多多學習!哈哈

121. 蕭峰 2016-04-03 22:19:20
訓街係一個比喻,但次次出現即被圍攻,我諗,係因為呢度淡友都係億萬富翁,所以特別唔忿⋯⋯哈哈!

122. LYC 2016-04-03 22:24:04
大俠,大部份淡友都係租屋住,邊有咁多有錢人呢,佢地俾我講中了,心中不安因租屋住好冇安全感,佢地好驚真係老來要天橋底,我感覺到我的租客都係咁,但又唔敢買樓,佢地驚跌。好奇怪,我都唔明跌有乜好驚!
123. Oscar Lam 2016-04-03 22:30:09
回112自醉,

自醉兄在股票投資上有豐厚回報令人佩服,在下一直認為很難在股票市場上贏錢。我亦贊同不是每個人需要買自住或投資物業。是否買樓因人而異,投資自己熟悉的領域便好了。

對於長線物業投資者而言,我對物業價格不算敏感,入貨時主要看自己的負擔能力,但也會看timing,最主要不要在樓市氣氛最高峰時入貨,即千萬不要追貨,如去年初的樓市高峰期。對於未來樓價走勢,我相對樂觀,估計再下調5-10%左右應差不多了,之後將保持平穩向上,但也難大升。
124. 蕭峰 2016-04-03 22:37:05
琴日聽一個舊識講,佢女7年前買左樓,賺左30萬即走左,依家想買返???只有繼續租。

第一層物業,係必需品,唔係投資。



125. 引刀一快 2016-04-03 23:37:18
LYC兄

淡友係好主觀地希望經濟差,樓市跌,所以睇樣樣野都係好差。

呢個就係強加於人喇,我話你知,我不知幾唔想大陸經濟差,唔單止直接對我有害處,大陸經濟跌對好多貧苦大眾可能會係百上加斤,我從來冇仇富呢味嘢,而且好關注低下階層苦況。
經濟係差,我就講差,冇半點違心。

至於想唔想樓市跌,呢個就係好複雜嘅問題,不如你答我,你想唔想仲好喇。

我只能夠講,呢個樓價對應往後幾年嘅展望,係唔合理。
126. 引刀一快 2016-04-03 23:50:40
To 116樓 Jerry兄

LYC口中嘅淡友,個個都係汪洋大盜、流氓地痞,點解唔可以霸橋底收租?

50寸 4K,我部電腦都用緊,兩千幾咋喎。
127. 引刀一快 2016-04-03 23:53:51
To 124樓 蕭峰兄

新聞賣過有人前幾年短炒賺一億,都係各有成功失敗例子啫。

如果呢位女士好好善用呢30萬,或者又會又一番景像啫,咁先叫正能量嘛。
128. Jerry 2016-04-04 00:08:49
LYC 兄:

不用緊張,我沒有持有領展,只是在昔日論壇大好友法子兄FB看到而矣。他買入的時候是09年,18元持有到今天,收了九元息。我相信也有人一直持有至今,小弟便無緣份啦,哈哈!

我只是說出其中一個對沖租金既方法,無話叫人買股票。相反,我告訴過好友群,和多種投資產品作比較,物業從穏定上,風險上,回報上,透明度,能控度,可用性,它應是最好的投資。

蕭兄:
我同意每個人應該持有自住樓,我有樓住,也有租收!^^

好友和淡友(容許我這樣說)都有好多FALLACIES。例如誇大了持有物業既成本,出租俾人既成本,成本係會隨時間增多或減少,不能一概而論。每一間屋都係獨一無二

即使大部分人投資股票係輸錢,但不代表所有人都係。

本來想講訓街,但既然係比喻,就無謂啦,哈哈!唔係一陣就品酒論訓街,哈哈

唔好意思,近來寫一遍文有關CRITICAL THINKING,所以講多左,有得罪就多包涵!我針對係事件而已。




129. 蕭峰 2016-04-04 00:44:23
Jerry兄,

我好同意,每個人投資係自己最擅長/最舒服既地方就好,唔洗面面俱到。

我自己都有投資股票,但咁多年來,冇蝕,都冇點賺,唔比得你地呢d高手。反而樓,雖然笨笨地月月供、月月收租,反而有得着。

引刀兄,

悲天憫人,失敬失敬!

舊年我對大陸經濟更加悲觀,今年也一樣,但有一點請留意,供給側改革遲遲冇出台,或者說沒有一個人有當年朱總理的氣魄和手段,敢去徹底改革,敢去撼動。今年阿爺反而又用刺激樓市來刺激經濟,你估,未來仲唔係呢條路上越行越遠? 我都希望我錯,當我亂up !

不過,品酒論訓街,有幾有趣哦,哈哈...

130. 引刀一快 2016-04-04 01:12:46
蕭峰兄

依家最大問題,唔係樓市泡沫、唔係貨幣問題,係文化同生態嘅問題。

無論點挺樓市,國家喺國際上地位跌,D嘢嘅價值就係跌,終歸都係要嚟一次大鑊嘢。

我成日踎喺大陸,你話我會唔會望大陸經濟差吖?
131. Jerry 2016-04-04 08:27:32
蕭兄:

十分認同,投資自己熟悉的就是最好的投資。你的笨方法可能是最有智慧的。哈哈

我拿領展出來講的原因是:第一是我從沒持有這隻股票(可能比較客觀)第二:想說明,收息股回報也可以很不錯。它的股息率相對其他reits低,只有4%左右,因為市場把佢當作高增長股。有位舖王教我,民生舖已是最差的,未來只有愈來愈好。領展就是把政府沒能力做好既,資源整合,做番好佢。所以公司過去多年能有高增長。但未來只能穩定發展。第三:我從不建議人買股票,除非閣下做好功課。第四:它是股票既笨投資方法,不適合作短炒。

任何既投資工具,只要係穩定,能帶來源源不絕正現金流,複息下去,回報甚豐.
132. Desmond 2016-04-04 08:51:24
131樓 Jerry 說得對,我在25元買了領展,持有至今,回報不錯,我還持有其它房托包括 778, 2778, 435, 808 等,主要用來收息。
133. 蕭峰 2016-04-04 09:00:13
引刀兄,

哎,看看朱總理10前的金融改革目標,沒一樣實現,大陸國際地位怎能不下跌,股市開放沒?金融市場開放沒?rmb自由兌換沒?.........只有一條路可改變,就係繼續深化改革。tpp,好明顯就係國際勢力對中國的堵截。真心希望一帶一路真係有用!

Jerry兄,

冇錯,尤其在hk投資方法很多,市場自由,資金出路亦多,只要把握自己勝任的投資即可。希望Jerry兄,今年大賺!哈哈

134. LYC 2016-04-04 09:04:27
刀兄,你搞錯了因果關係了,就算大陸真係經濟差,但是同港樓係冇因果關係架。事實係大陸資金氾濫,不斷南下掃樓呀,點可能跌呢!
淡友正是用了短炒的方法應用在唔應該短炒的樓上,結果晨早賣樓.被迫捱貴租多年,都好難克服貴買再上番車了。
佢地的確係主觀願望唱跌而睇唔到客觀事實。
海天晉大賣加推,加推尺價仲貴,淡友之前認為冇可能,會冇人買,而後劈價,根本都莫視買樓需求超強。成日話一年供應萬七伙單位係好多,又唔諗下需求係多過供應N倍,事實係好多人揸住錢等入市啊!
單一股票有太多變數,管理層,經營商風險等等,亦唔敢投放大量錢落去,所以好難靠股票達到財務自由啊!
135. 引刀一快 2016-04-04 09:13:42
LYC兄

如果唔係大陸09年4萬億救世界,香港樓價點會推到咁高吖!

一窩蜂嚟,一窩蜂走。
136. 引刀一快 2016-04-04 09:16:09
蕭峰兄

呢個問題淩駕政治層面,搞改革嘅人,改革咗佢自己未呀?未吖嘛!
137. 蕭峰 2016-04-04 09:33:38
引刀兄,

冇錯,正正係大陸09年4萬億救世界,將香港樓價推到咁高!但你覺得買樓的內地人會一窩峰賣樓再把資金運返回大陸嗎?

138. 引刀一快 2016-04-04 09:54:43
蕭峰兄

一窩蜂嚟嘅係資金,一窩蜂走嘅,不一定係樓市,可以係對香港嘅好感,呢樣先叫大鑊。

睇睇亞洲電視,你會明白好多嘢。
139. Jerry 2016-04-04 10:00:11
蕭兄:
謝謝! 也祝你找到岩價既心儀單位。其實小弟也一直找盤中,可能是名校網關係,叫價硬個石堅。
最近我屋苑多左人睇樓,或者你可以睇下RONALD兄篇文,睇下係唔係多左人睇樓。

祝好運! ^^


140. 蕭峰 2016-04-04 10:39:41
Jerry兄,

冇錯,靚校網冇點跌,最多嗌價冇咁進取。

搵到心儀單位,記得分享啊!哈哈
141. 香港土著 2016-04-04 11:01:03
137樓蕭大俠: 點解你覺得大陸資金真係要離開香港的話,一定要返大陸呢?
142. 蕭峰 2016-04-04 11:22:57
土著兄

我正正覺得佢地唔會運返大陸,因為依家大陸有錢人,係用盡方法想將錢運出來,例如,買hk保險等....

可能我講的唔清楚,或者話,班之前係hk買樓既有錢人,係咁既經濟環境下,仲唔想保住海外投資?(當然佢地亦可以買海外物業)

143. 香港土著 2016-04-04 11:29:34
蕭大俠: 明白。多謝意見!
144. LYC 2016-04-04 14:48:16
刀兄,睇樓急升,放盤量急跌,新樓超貴都熱賣,有錢人掃貨。你啲粉絲正在盲目地等待你所期望大跌(黑天鵝),不過唔知洗唔洗等10年8年啊,等待的成本其實都唔細啊,越等,橋底等你的概率就不停上升呢!
145. 香港土著 2016-04-04 15:01:33
LYC: 照你所講樓市咁好景,即係你都支持政府唔減辣、唔放寬樓按?
146. LYC 2016-04-04 15:45:51
土兄,冇所謂啦,唔放寬咪慢慢升,放寬咪升快啲囉,睇住博士幾時出貨咪跟著做囉。博士揸重貨都未驚,有乜好驚呢!
身邊啲後生仔女,有首期,要結婚自住,都話驚跌唔敢買,走去租屋住,搶爆租盤,租金想跌都難,一年幾萬對新人結婚,細價樓其實都冇得跌。
147. 打工仔 Andy 2016-04-04 20:52:54
今日有人同我講, 有人個仔兩年前買左上車盤自住, 不是高價買入, 到現在還有錢賺! 
不過呢個後生仔同老头講, 供樓好辛苦, 無得去旅行, 無得自由洗錢, 真係唔知佢想點, 真想同佢講,供得咁辛苦, 賣左佢租樓住啦! 
唔想捱, 那會有明天, 上車從來不易, 無得玩辛苦過去死, 呢d人跟本不要買樓, 租樓咪好囉! 
148. 打工仔 Andy 2016-04-04 20:56:05
不要以為幫人上車會有人多謝, 呢個世界好人難做, 所以都係租樓好! 哈哈哈! 
149. 歷史長河 2016-04-04 21:07:42
打工兄,所言甚是,同意租樓好。

我們這一代以捱世界、賺錢為樂,年輕一代想法不一樣啦。所以收租事業仲未到最輝煌時代,有排做。
150. 蕭峰 2016-04-04 21:17:37
曾經一個地代講過,佢第一層樓都係好辛苦儲到首期,真係節衣縮食,所以人地依家做左收租業主,好似LYC兄咁。

151. 引刀一快 2016-04-05 10:07:36
點解一定要收租唧?我D大陸屋全部養貓狗金魚,一間都冇租俾人。
152. 引刀一快 2016-04-05 10:12:11
LYC,你唔駛喺橋底等得咁辛苦,你踎到甩曬d牙都唔會見到我,你儲緊首期嘅時候,我已經食緊東江水。
153. Koichi Fuyumi 2016-04-05 10:18:33
@望東樓,希望您繼續多多指教
154. LYC 2016-04-05 11:37:33
點解啲人咁有趣,問個連自住樓都冇的淡友點計買樓收租,超搞笑!
港鐵上蓋(日出除外),高層開揚靚裝2手樓,收樓即晚租出,平管理費,洗乜計,冇得輸,10年8年後租客幫你找埋條尾數架啦。買股票就肯定贏粒糖輸間廠,當然樓上班馬後炮股神除外。
海天晉樓花都成萬五元一尺,超遠站,我寧願買1期好過!
155. Koichi Fuyumi 2016-04-05 12:27:55

LYC 師兄,

其實小弟傾向相信師兄不是地代而是真心相教導我們投資心得的。因為要有成交先要有好友淡友。像師兄這樣的好友言論只會鼓勵令業主不放貨,對成交(地代維生的基本條件)是完全沒有幫助的。

話說回來,人有分好友淡友,但數字是沒有的。

一個448萬單位,七成供二十年,月供~$16,000,的確大部分是本金不是利息。但利息怎麽少,還有會有~$5,600是利息。買樓收租,支出不止利息。不計空置期佣金等有爭議性項目,每個月固有的成本還包括本金機會成本(~$4,300),交稅、管理費差餉等(~$3,200)亦是支出。如果收$12,000 租,其實每個月係貼差不多一千蚊幫補租客住屋的。

當然利息除本金增加而減少,但取以代之是本金機會成本亦會增加。同一條數來的。

以上其實說明,很多業主以為租客幫自已供樓,其實事實上以現時的租金和樓價做標準,租客只需每月花費$12,000就有一間要每月付出$13,000成本的單位居住權,其實是業主幫補租客的居住成本。

當然幫補租客居住成本但換來一個投資機會是好是壞,則是另一條數。從資本增值角度看的是未來供求;從收租佬角度,要睇租金走勢和資金成本(簡單非全面說法:經濟環境影響租金;利息影響資金成本)等再作分析才有定論。還好買樓和做炒房不一樣,做下分析還是夠時間的。

156. LYC 2016-04-05 12:59:33
好似你咁機關算盡,算吧啦,點講你都唔會明,去炒股票吧,祝你發到豬頭,有錢過李+x.

157. 毛毛 2016-04-05 13:39:59

to155/f,

首先多謝ching詳細分析買樓收租既成本,但有一個重點我唔係好明,你話基會成本係$4,300,假設你出幾十萬成本首期買樓收租,即係唔買樓你拿住幾十萬每月可有$4,300回報? 即一年有5萬多元回報 (約10%)? 有什麼投資俾買樓收租風險低而有10%回報呢?

158. Koichi Fuyumi 2016-04-05 14:09:41

毛毛師兄,

448萬樓要134.4萬首期。

回報以中電股息(3.87%)計,貪其股息穩定。

1,344,000 * 0.0387 / 12 = $4,334/month

159. 引刀一快 2016-04-05 14:21:39
To 155樓 KOICHI FUYUMI兄

兄台咁有心機寫咁多嘢俾LYC兄睇,想必係唔多了解LYC,佢反駁唔到你,即時走位話你“機關算盡”,係咪好暈呢?

兄台計漏咗一樣,就係首期款項嘅回報,如果計埋機會成本就更高。
160. 引刀一快 2016-04-05 14:21:46
To 155樓 KOICHI FUYUMI兄

兄台咁有心機寫咁多嘢俾LYC兄睇,想必係唔多了解LYC,佢反駁唔到你,即時走位話你“機關算盡”,係咪好暈呢?

兄台計漏咗一樣,就係首期款項嘅回報,如果計埋機會成本就更高。
161. LYC 2016-04-05 14:27:56
刀兄,佢好明顯係你租樓日日賺啲粉絲,都無話可說了,只能祝佢繼續贏落去囉!
162. 西門吹雪 2016-04-05 14:51:56
刀兄~KF已經講左首期既機會成本,不過計少左DSD既機會成本~~ XDDD

估唔到LYC咁快出反台推牌呢招~~我仲估佢會0係"買中電"呢個點去攻擊KF~~或者又出必殺技,訓街+天橋底攻擊。唉,LYC係咪近排唔開心?? 攻擊力無以前咁強...加油呀~~盲好需要你!!!
163. 十郎 2016-04-05 14:52:19


      會唔會計漏咗大維修費呢?


164. 蕭峰 2016-04-05 14:53:23
to 157 樓  毛毛兄,

此種情況下,千祈唔好反駁人地。

未來樓市升,但損失左痛快洗錢的機會,可能都怪你。

未來樓價跌,更加係被人誤導,賴晒你。

樓價升時,capital gain會唔會分俾你?當然no 啦。

165. LYC 2016-04-05 15:06:31
西門兄,佢咪同你一樣,幻想收股息夠交租,租客日日賺緊業主錢,傻下傻下,你睇下博士幾有錢,10租客9個窮光蛋就知啦,都廢事點醒佢!
166. 西門吹雪 2016-04-05 15:09:22
LYC~~做人唔好咁快放棄,比多D正能量~~呢度D好友好需要你架~~如果咁快收皮,好多你既盲好FRIENDS會失望架~~其實,我一路都講買樓長查必勝架LA~~唔好氣餒呀!!!!
XDDDD

BTW,忙了說,我從來唔靠股息交租,亦無咁講過,股息對我來說太慢了~你別把所有人當成同一個呵~~XDDD
167. 毛毛 2016-04-05 15:31:40

to 158/f,

多謝解釋,我宜家明白你既計法,其實我自已都有計過呢條數,你既計法都好準確,稅,差向地租,管理費加埋 3,200都差唔多,所以LYC都冇反駁你! :p

但我都會選擇買物業收租,因為通帳預期,大家都相信貨幣在長時間係會眨值 (當然會有通縮週期,但長遠黎講,貨幣係會眨值),相對有形資產長線會升值。當物業有升值既時候,因為有借貸,有杠桿,所以回報亦會較多。當然下趺時,損失會較大。所以買樓收租預左要守,係長線投資。但十年, 二十年後,我相信收租回報會高於買中電。
168. kts 2016-04-05 15:43:42
166, watch out, stock mkt will adjust again
169. 西門吹雪 2016-04-05 15:50:31
回KTS~如果而家先WATCH OUT會唔會慢左D,PUT左幾日鳥,反而差唔多要止賺了~
XDDD

170. kts 2016-04-05 15:55:49
then sit well, u can consider to hold longer
171. LYC 2016-04-05 15:57:31
有租客幫手,租金長線實升,10年都唔洗就供完啦,第三層唔洗5年,第四層唔洗3年,第五層唔洗1年,跟著咪印印腳囉!
用大量錢買中電或其他,萬一有乜東瓜豆腐或股災,肯定要預早幾年去天橋底霸定位!
不過無論點講都好,啲醒目仔點都會去炒野搵快錢架啦,否則財富點會集中才我們手中呢!

172. 西門吹雪 2016-04-05 16:04:47
回K兄~收到了~~謝謝賜教~~

LYC就係咁啦~無錯啦~~加油!!! XDDD
173. 蕭峰 2016-04-05 16:11:06
LYC兄,

真係唔洗講咁多啦,長河兄分享佢既投資秘笈,一樣俾人challenge。

淡友咩繼續淡囉,舊年又唔見咁多淡友。

174. 真心問 2016-04-05 16:18:31




坐喺度唔知邊個會喺淡友,其實個個都發過豬頭,睇版喇!







175. LYC 2016-04-05 16:33:23
大俠,近排得閒咪吹下水囉,諗住好心點醒班淡友,我都知佢地唔會聽架啦,反而會話想人接火棒,乜乜物物,等等。因為佢地根本冇錢買樓,又或者驚跌,驚失業,好多野驚,不過就唔驚老來要瞓街,大概年紀尚輕吧又或者早年沽了買唔番。不過,好多野要未雨綢繆啊,否則機會一過,恨錯難返呢!
好似西門這些馬後炮股神,我就見得多,吹就吹到贏了好多錢,點知發現原來住劏房,真係笑死人!
176. 西門吹雪 2016-04-05 16:58:36
劏房者~~人地訓緊天橋底架~~都不知幾涼爽~~
人地見你唔開心咪支持下你,點知好人當賊扮...
又0係度玩呢招~~~好啦好啦訓街就訓街~~心情有無爽D?? 有無紙皮施捨下呀,有錢阿伯 XDDDD

BTW,如果你比得起錢,我都可以比D唔係馬後炮既TIPS你既。一係打個八折比你LA~
177. 蕭峰 2016-04-05 17:03:38
天水圍一個81歲女租客死左一個星期先被發現,唔怪得之前有網友話對老齡租客都幾擔心,租俾老人變凶宅都好無奈。

178. LYC 2016-04-05 17:12:37
正是,根本年紀大係好難租到屋住,俾晒成年租業主都唔會租俾你住。其實,香港冇一個自住樓係好危險的!公屋唔合資格又或者排緊,屋又租唔到,還有什麼辦法呢?
179. SHUN 2016-04-05 19:12:31
焕然一居大把醒目仔啦…………什麼郵輪碼頭、核心區…………咪又無人楝樓、什麼剛性需求……呢班功仔無去做負資產就表現左市場啦!托市怪物。
180. LYC 2016-04-05 20:00:05
可憐樓上又搞錯晒,這班買家雖然唔買煥然,但是將會入市掃私樓1手或2手。細價樓又多一批買家掃貨,想跌都難!
181. Koichi Fuyumi 2016-04-05 20:59:34

除了基本計算外,還想請教一下大家,特別是前線地代的看法。

  1. 將軍澳新地樓(香港打工仔最愛)一日掃清
  2. 何文田豪宅(中國同胞最愛,本地打工仔不能付擔)收唔夠票或賣唔出

如果小弟大膽假設最近入市以本地剛需資金為主,未知前線地代是否有相同感受呢?

182. 如是 2016-04-05 20:59:45

市建局比其他發展商誠實得多,人地「唧牙膏」,佢就請大家早D揀樓,怕大家唔知樓價跌緊。

焕然一居的售價(原價)同現時的其他新樓樓花差不多,仲平左少少,仲要樓花期短。
過多幾日,仍係咁多人縮沙,可推斷實力有番咁上下的(剛需)已衰了,更何況甚他收入猛猛緊呢。

183. LYC 2016-04-05 21:51:56
淡友睇野太表面和一廂情願!煥然訂價咁貴有人甩底係意料中事,竟然還有3成買家買喎,唔通他們是傻的嗎,唔通他們冇睇報紙啲所謂劈價新聞?他們一定計埋地點折扣等因素,發覺煥然都值得買來自住啊!
唔通放棄買煥然就代表他們冇剛性住屋需求?他們一係買私樓,一係搶租盤推高租金回報,投資者將加入一齊搶買,如果這批買家選擇等待,隨後煥然慢慢地賣晒,新樓越賣越貴,2手冇盤,他們將會後悔莫及呢!
184. 如是 2016-04-05 22:03:18

LYC 兄,欽敬!欽敬!

185. 不愛爭論 只睇事實 2016-04-05 23:33:14
http://www.am730.com.hk/article-307881

不少屋苑見底回升!?
186. LYC 粉絲 2016-04-06 00:15:13
我一星期內租咗七個單位,推高咗D租金兼令市場少咗租盤,等你班淡淡無屋住,通通瞓橋底!
187. 引刀一快 2016-04-06 04:09:55
人家睇淡梗係唔啱聽,LYC重口味係正牌橋底香辣蟹,做炒家遇辣招,變曬蟹要瞓橋底,2002、2003左右我見過一個賣書嘅人,做樓蟹傻咗,每三句話就講一次負資產!冇諗過咁快就見到佢有傳人。
188. SHUN 2016-04-06 06:39:26
遊客走了(當中太多因素)吉舖漸多、行下街就睇到、有錢人、包括李生、何生(打賭河童者)都公開認為經濟唔掂、仲信呢道D大好友(收$吹到樓市幾好)嘅人買樓、負資產做梗啦!
189. SHUN 2016-04-06 06:42:46
LYC………………LYC粉絲……………………LYC表弟………………你都幾多身份喎!…………哈哈哈!
190. 西門吹雪 2016-04-06 08:25:08
無言,佢係咪有d吾妥…網主如果肯幫手check check, 我買$100蚊186係佢自己post 架。輸左我捐出$100。

我真係有d驚…估吾到我一直同緊d咁既人打交道…打左個冷震…
191. 毛毛 2016-04-06 08:48:08
我又覺得佢唔會用分身,佢叫日日都理直氣壯叫淡友訓天橋底,佢立場堅定,咩都講得出,洗咩用分身!! 哈哈!!
192. LYC 2016-04-06 09:25:33
網主請出來證明,西門兄準備捐錢吧!
我洗咁無聊分身,傻傻地!
193. 引刀一快 2016-04-06 14:10:06
To 189樓 SHUN兄 190樓 西門兄

186樓LYC 粉絲係揶揄緊LYC,你捉錯用神。

佢即係話“租 . 七 . 晒”D單位。哈哈哈哈哈

呢位兄台玩緊LYC咋!
194. LS 2016-04-06 14:22:48

LYC 兄,
我開始佩服你, 無論咩news經你解讀後都是利好樓市消息. 

諗諗下, 突然好擔心香港前景, 我唔知香港有幾多淡淡, 但如照兄台所講, 淡淡要訓天橋底, 咁都幾得人驚. 好保守估計, 就當香港有90%好友, 10%淡淡吧, 即係黎緊會有70萬人訓天橋底, 我覺得政府而家應該咩基建都叫停, 全力起天橋, 否則如何容納70萬人訓天橋底?


 

195. LYC 2016-04-06 14:40:43
LS兄,你誤會了我的含意了!
我一直都係一番好意分享我的所見所聞和睇法,可惜好人難做啊!
瞓街或橋底係指老來生活困難,無盤係指越來越小盤啊!
好多教人投資的馬後炮股神真係住劏房架,唉,你地後生見識小,唔知世途險惡呢!
跳價情況已經開始出現了!http://hk.apple.nextmedia.com/financeestate/art/20160406/19559402
196. 西門吹雪 2016-04-06 15:00:37
咁馬後砲總好過一路講住樓市升,樓市一路跌既。
btw, 如果吾想比tips 某人。有冇方法展示我吾係馬後砲呢?2016首三個月手風極順,吾通我印哂d月结單出來公緒於世咩?

刀兄講起又似係,我的$100蚊就捐出來比網站吧。有冇捐款帳號?是我自己理解錯了,抵輸的 xDDD
197. LYC 2016-04-06 15:12:23
西門兄,你太sensitive,我唔係講你,因為我唔知你是否住劏房。不過,好多什麼CFA或者乜乜A啲投資顧問,吹到自己炒野好叻,其實係住劏房!
CCL都只不過跌了幾個%,如果落票買劈價盤,相信冇得輸(當然唔係好似你咁短炒自己層自住樓啦,如果好似你咁炒法,相信要開始積極啲在天橋底霸位了)
198. 惜緣 2016-04-06 15:21:24
LYC兄

在下都明白兄台出於一片好心,但是,「比喻唔買樓就要瞓街、瞓天橋底」呢句說話就值得斟酌。
199. 西門吹雪 2016-04-06 15:22:34
我点炒法你又知?!
單單頭3個月我脤面已經賺了本金50%。無記錯,我應該做過十次八次交易,有買升買跌落,係全部賺錢的!相信住酒店都夠很久了吧。

我已經講過一百次自住樓係吾應該賣。吾信你check history. 白紙黑紙咁都要屈我。定係你理解力有問題?講左一千次看淡吾代表無樓。你個5.9萬個千萬富豪,有63%看淡樓市,佢地3萬幾人全部無樓?!!吾好咁啦,阿伯,剩係識講嗰幾句!!
200. 西門吹雪 2016-04-06 15:23:32
200
201. LYC 2016-04-06 16:08:00
啊,真對不起,原來唔係西門兄短炒自己層自住樓,晨早沽了,咁一定係同你同聲同氣的孖生兄弟了!即是多過兩萬個千萬富豪睇升,20萬個5-10M的有錢人睇升,還未計大陸氾濫的資金呢!平均80多歲,60+退休,子女靠唔住或者冇,業主唔租屋俾老人家,資產過公屋上限,希望各位短炒王真係老咗都可以短炒租酒店住吧!
202. 西門吹雪 2016-04-06 16:14:46
而家同你講有冇人睇升睇跌咩??!!
而家講緊睇淡係咪一定無樓呀,你話睇淡一定冇樓老來訓天橋底ma. 咁個3萬幾個千萬富豪係咪全部無樓呀???!!!吾夠人講就扯開話題??
203. 歷史長河 2016-04-06 16:16:05
吹西兄勇於公布戰績,令人敬佩。長河最近心態有些轉淡,也想跟大家學點股票知識。不知吹西兄今次大戰役中投入資金佔總資金比例?
204. 西門吹雪 2016-04-06 16:40:15
河兄說到關節處。我曾說 "我就是太過著重保本,所以許多黃金機會都只是賺粒糖"
可見佔比不多。不過三個月的回報相信也夠我呢d窮L住好一陣子劏房既。
205. 歷史長河 2016-04-06 16:58:32
吹兄,還望不吝賜教!
206. 西門吹雪 2016-04-06 17:11:35
河兄,對不起,我的東西不是免費的。當然,空口說白話,哪有人相信?如果有機會見面,我可以給你證據的。
207. littlemun 2016-04-06 17:21:59
原來西門兄呢一年頭三個月在股票市場帳面比較本金賺50%... 真心佩服!!

208. 歷史長河 2016-04-06 17:23:32
吹西兄,我絕對信你。如果「品酒論太監」可以成事,一定當面向您請教。我不貪心,能掙幾盒怀面就可以滿足啦。
209. 自我陶醉 2016-04-06 17:35:43
“鷄蟲論太監品酒會”真真有意思。呵呵呵!
210. LYC 2016-04-06 19:02:44
睇跌唔一定冇樓,但是冇樓個班淡友就一定係睇跌。香港多過4成人住公屋,如果一個人係睇跌,佢冇樓的機會係好大啊,都唔錯得晒呢!
211. 西門吹雪 2016-04-06 19:25:14
我都吾知講咩好啦,是旦啦,你喜歡啦。
212. 自我陶醉 2016-04-06 19:47:56
冇樓個班淡友就一定係睇跌!?

到底呢位阿哥知唔知自己講咩?  話明係淡友,有冇樓都一定係睇跌喇!  瞓醒未?  有冇淡友一定會係睇升? 又有冇冇樓嘅好友係睇跌?  哈哈哈!


213. 自我陶醉 2016-04-06 19:51:36
打工兄,

我同你兩樣都唔係,邊有資格參加呀?
214. 打工仔 Andy 2016-04-06 19:54:19
自醉兄

長河兄準備同你乾杯! 哈哈哈!

215. 歷史長河 2016-04-06 20:13:52
飲口酒,論下太監,人生幾何啊!都唔知點解咁抗拒。
216. 一個解釋 2016-04-06 20:29:04
崩口人忌崩口碗。、
217. LYC 2016-04-06 20:57:56
這是 conditional probability, Pr(冇樓|睇跌)一定係好高啊!
創新高,老友!

【谷底反彈】嘉湖呎價7,691元 今年新高

2016-04-06 20:30:00 HKT


樓價經過大半年調整後,累積跌幅逾一成,個別地區跌幅更達兩成。新界上車樂園天水圍嘉湖山莊,兩房戶一度失守「三球」,低見280萬元,呎價更跌穿六千元。但隨着平盤已被消化,樓價止跌回穩,兩房最新造價更衝上340萬元,呎價衝破七千元,料創今年新高。

218. 歷史長河 2016-04-06 21:37:40
一直以來都喺以小機率事件反證大機率事件喺錯的,今次也不例外。

我都認同大部分冇樓的都睇(盼)跌,雖然有樓冇樓都唔喺問題。
219. LYC 2016-04-06 21:52:27
所以佢成日吹佢有大把樓係冇意義的,因為概率唔高,即是可信性極低,因為大概1%睇跌係有樓,99%睇跌係冇樓,咁我都冇講錯呀,我一直個point都係講緊大部份人呢!
今年餘下9個月,樓價將會緩慢地向上推升,好奇怪地,淡友不停地唱衰經濟差,所以樓價實大跌的理論,其實經濟差只局部發生在他們四週,其他人經濟係穩中向上啊!

220. 市民 2016-04-06 22:44:52
係咪儍架!10單劈價先有一單止跌回升,仲要係平過上年的,粉嶺,西九,屯門,馬鞍山,太古度度都減成十幾二十% ,呢D你唔講。聰明人唔知以為又創新高呢!
221. ming 2016-04-07 11:13:53
最近有個問題和朋友談論,港珠澳大橋通車之後會不會出現有人口轉移呢?
如在東涌工作既人群,會搬過去拱北或者坦州既可能性大嗎?
222. 自我陶醉 2016-04-07 11:19:46
真係幾好笑,鷄蟲論太監,搵多幾條鷄蟲已經夠哂腳喇!  仲洗咩搵其他人?

又果然係崩口人忌崩口碗喎,話咁快已經幫你引咗幾條出嚟喇!

Conditional probability? 咪以為求其拋個term就可以拋到人先得㗎! 唔答你只係廢事嘥氣,你話 “「賭大小」喺隨機機率事件 - 無論連出幾鋪大,下一鋪出大的機率都是一樣。”  你又知唔知你呢個講法一樣係有condition 要fulfill, 如果三粒骰仔唔係完美,你嗰個講法已經有問題,仲有,同一個骰盅,同一個人按同樣咁多吓,三粒冇可能完美嘅骰,原先向上係6,同三粒原先向上係1嘅骰,你又係咪肯定下一舖出大同細嘅機會係完全一樣?

你仲識賭咩? 21點你又識唔識? 每個stake holder要唔要牌對庄爆唔爆都有影響,呢啲咪係Conditional probability囉!用21點比喻投資的話,外圍環境就係庄同其他參與者嘅牌面,以6幅牌計,庄Ace面爆嘅機會只有11.5%。 連庄咩牌面都唔睇,就決定12點唔要牌,即係你輸嘅機會接近9成, 唔睇咪就係送死囉!

所以我話你買樓咪好似阿婆買外幣咁囉! 經濟週期唔識,經濟狀況唔知,分析唔懂,嚟同你吹理論,不如番學校搵教授吹喇!  哈哈!

223. 歷史長河 2016-04-07 12:07:40
陶醉兄,請稍安勿躁。當你得閒時,我哋品下酒,論咩都得;如果你抗拒論太監,可以論橋底,論瞓街,論業主燒炭,論阿婆,咩都得,只要你高興。要論賭都可以,Blackjack 博大精深,要另辟專場,長河也可以借此重溫少年時光。

唔好扯得太遠。既然你明白 conditional probability, 咁你話你以下言論正確嗎?樓市喺否真的可以用賭大小來比喻嗎?區別在哪裡?請仔細想下,唔好侮辱你智慧。


「至於,買樓同賭博都係同理,如果有個庄同你講,你上舖冇買大,即係冇輸錢,依家隨時買,不論買咩都已經係贏家,因為本來你上舖已經輸咗,呢舖你唔買,小心真係會開大喎,我會諗咁係咪想侮辱我智慧。」

224. 引刀一快 2016-04-07 12:35:13
To 171樓 LYC兄

原來你係紙紥舖嘅伙記,年年清明都睇住D紙紥品發白日夢。
225. 引刀一快 2016-04-07 13:01:09
To 196樓 西門吹雪兄

網站大把錢用唔到嘅,你一百蚊捐俾就近有需要嘅人就得喇,大家都相信你爲人。不過如果捐俾瞓橋底嘅人,先要問問佢係咪叫做LYC,係就必須俾加一!因爲佢係橋底大亨!