地產博客 > 文亮言 返回
瀏覽人次:48478    回應:73
文亮言

誰是今年樓巿的大輸家

 

湯文亮博士

紀惠集團行政總裁
2015年10月31日

  今年樓市到年底,有很大機會與年初一樣,我估計會在133點至136點之間,雖然有測量師在10月初仍然發表今年樓市預測,認為樓價即使在第四季下跌,今年仍然有10%升幅,我真的不明白點解到10月仍然要發表樓市預測報告,唔通真係有心唔怕遲,10月都是拜年時,有口痕友同我講,絕對不是,他們是貼市,那一間測量師行在2009年7月仍然發表當年樓價會大跌預測,結果是大升,搞到政府要出招壓樓市,這件事CY最清楚,因為間測量師行佢有份,今年他們雖然穩陣,到10月仍發表,不過,有很大機會仍然是錯,以樓價指數計算,現在比年初時只有8%升幅,除非在這兩個月樓價倒升,否則,預測結果仍然是不準確,在學術上,他們是大輸家,但現實生活我們又不知道,現在樓價比年初時,仍有升幅,理論上不會太多買樓的人是輸家,其實,有一批人,不用等到年尾,就已經知道他們是輸家,在稍後,倘若樓價繼續下跌,他們用作買政府補貼樓宇的價錢,可以買私人地產商那些地點比較好,設備比較佳的私人新樓,所以,我認為他們將會是今年樓市的大輸家。

  有二千幾個地點不佳的居屋單位,房協在最佳的時間推出,引來十三萬份申請表,令到市場上認為剛性需求澎湃,樓價即時飆升,即使如此,到開售時仍然不能夠一Q清袋,亦唔知幾多Q之後才清袋,那些排到很後的人仍然有機會揀樓,當時他們以為中了寶,原來是空寶,甚至是無妄之災,唔使幾耐,地產商推出的新樓盤,售價就會與那些居屋看齊,買了那些居屋的人都唔知點算,其實,我佩服房協,他們把握售樓時機,比大多數地產商為佳,不過,一定有後遺症,亦很難拆解。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 自我陶醉 2015-10-31 08:48:43
今年換樓,但買咗新,到現在還未賣出舊的,會是輸家嗎?
2. 神算 2015-10-31 09:18:53
任憑颱風黑雨,我自海濱閒步。
3. 天一 2015-10-31 10:20:21
沒甚麼大不了,只是患紅眼症的人霎時間會增加不少!
4. 神算 2015-10-31 10:54:58
冇注册留言的人也霎時間增加不少,看蔡生個台,全部路人。
5. 請問 2015-10-31 11:35:58
3儍去了那裏?
6. 路人 2015-10-31 11:46:42
多路人留言,足以證明蔡生是地產網最受大眾歡迎之博客。
7. 向饭民说不 2015-10-31 12:24:46

外国报道,欧洲可能负利率,日本昨天虽然无实行加码量宽,但是难保年未会推出,加拿大,台湾等处于衰退,所以政坛不是已经变天,就是就来变天。中国也要不断推出刺激经济手段,美国经济放缓。美国根本无可能加息。

还有外电报道,美国佬吃了鸦片之后,还刺激吾到经济,可能在加码吃鸦片,或者就是负利率。

8. LYC 2015-10-31 12:55:59
今年賣了樓,一兩年後將會後悔莫及!
時間將會證明,樓市長期有升冇跌!
9. TT 2015-10-31 13:15:32
三儍講嘢和博士不同。
10. TT 2015-10-31 13:15:47
三儍講嘢和博士不同。
11. 向饭民说不 2015-10-31 13:22:24
事实是如果细价楼跌30%,福田楼价就会超过元朗楼价,香港马上变成深圳人的后花园。
12. 如是 2015-10-31 13:36:25
To 8 樓,發展商將會後悔莫及,哈哈!
13. 無奈 2015-10-31 14:01:06
14. 打工仔 Andy 2015-10-31 14:08:41
無奈兄

你真勁!
15. 無奈 2015-10-31 14:20:42
打工仔兄,是否覺得很應景呢,誰又曾在此上了車呢?
16. 賣了樓的人 2015-10-31 15:00:59
To:#8 LYC

我是今年6月以創新高價賣樓,但是計劃在2017年買回自住樓,我覺得我不一定是輸家,而有機會是贏家。
17. 向饭民说不 2015-10-31 20:10:43
楼上,yes,你可能赢,但是记住你也是一个投机者。你行为等同估空楼价。同时请到时不要输打赢要。
18. 中產求生隊長 2015-10-31 21:38:38
唱衰樓價言論越烈,距離黎明日子越近,香港的台風預報,一向是雷聲大雨點小,君不見次次八號波都是我們一班好友一聚打打牌、吃大餐的日子,雨過後又是一片睛天,各位中產投資者,一起守過艱難日子,屯門青衣地都賣五六千蚊呎,再加未來建築費都伍六千,幾年後樓價會有幾平?
19. 市民 2015-11-01 00:18:34
邊個話起樓賣一定賺的!!!
20. 引刀一快 2015-11-01 04:49:01
To 7樓 11樓 向飯

如果發燒,大病兩三日會好番,中國係食咗過量五石散,有排唔好境。

係咪香港跌,深圳就一定唔跌?如果深圳升格爲直轄市,我唔敢話一定跌,否則,一樣高危,北上廣深當中,以深圳活動人群歸屬感最薄弱,你咪講過你買咗深圳屋嘅,有冇同鄰居聊聊天、侃大山呀?
21. 引刀一快 2015-11-01 05:01:33
To 18樓 中產求生隊長兄

照咁講,你成世唔駛擔遮喎。
22. 西門吹雪 2015-11-01 08:05:07
有時真係吾明。如果你係表線投資者,駛乜理樓市升跌?升左你又吾賣,跌左你又吾賣。其實咁真係冇壞,廾卅年後咪又升。不過吾好係度麻目唱好。害左d掹掹緊夠上車既人點算?於心可安?
我自認係投機者,有什麼問題?香港係咁架啦。吾通為左你層樓供足一世就一定係最好咩。
23. LYC 2015-11-01 09:03:48
賣了樓的人:兩年租金開支,買賣成本,勝算實在不大.
現在成交極少,報紙所謂劈價,只不過是極小的成交.
大部分業主都係自住,他們唔會賤賣自住樓,劈完一輪,貨源落入自住業主或強者手中,還會有人肯減價賣樓嗎?
雨過將會天清,樓價再創新高指日可待.
香港人口將會不斷增加,土地有價.發展商高價買土地係睇長線,你睇數月升跌賣了自住樓,小心做了一世租客.
24. 西門吹雪 2015-11-01 09:13:17
自住樓一向吾建議賣,吾賣吾買係吾会影響樓市既,請自便。問題係好多人係考慮緊買吾買,你地麻目唱好,自己又吾入貨,等d猛猛緊既人聽左以為有著數走去入貨,接你地火棒,於心可安?
25. 湯渣嘩 2015-11-01 11:31:09
回7樓: 負利率呢個point 講左 5-6年,有冇新point? 用連街邊阿婆講既point 預測市場走勢,會唔會price in 左?
26. 湯渣嘩 2015-11-01 11:32:37
To 23 樓:

唔好想當然,而家新盤買家幾多成係投資者,你有做過research 嗎?
27. LYC 2015-11-01 13:14:21
低息量寛持續,建築成本高企,低失業率,年年加人工,樓價也有可能橫行等購買力追上來。
當樓市向下調整,逆按揭會放寬,辣椒會取消,政府都好驚樓價大跌,買樓根本就最穩陣,都唔係盲目睇好喎!
28. 真真薯片 2015-11-01 15:01:54
新居屋叫價9000-10000蚊呎, 一手樓叫價15000蚊呎

博士話等多陣, 就可以用買政府資助樓既價錢買到新樓, 豈不是新樓賣價要跌三成? 在下就算同意細價樓會爆煲, 都好難相信新樓叫價會有呢個跌幅
29. 丁蟹 2015-11-01 15:23:39
Podcast: King Sir會客室:湯文亮 - http://podcast.rthk.org.hk/podcast/item_epi.php?pid=175&lang=zh-CN&id=62148

究竟買定唔買??😁😁
31. 丁蟹 2015-11-01 15:23:50
Podcast: King Sir會客室:湯文亮 - http://podcast.rthk.org.hk/podcast/item_epi.php?pid=175&lang=zh-CN&id=62148

究竟買定唔買??😁😁
33. ming 2015-11-01 17:45:33
取消辣椒總得比出招時既CCL低,唔係出招嚟做笑話咩
34. 自我陶醉 2015-11-01 17:51:51
回25樓

放心喇,負利率過多100年都唔會有,如果實施,個個攞哂啲錢番屋企放床下底,銀行即時擠提,錢嘅流動率即時下跌,經濟極速收縮,即刻仆直,諗嗰個白痴,信嗰個無知,如果成真,包你大把平嘢執(如果你有錢的話)。呵呵!

35. 歷史長河 2015-11-01 18:07:07
25樓及34樓陶醉兄,

負利率通指銀行利率低於通漲率,在樓市中指房貸利率低於市值租金。like it or not, 只要負利率一日存在,就冇樓市大跌個條件,跟講了5年6年冇咩關係,也唔需要咩高深理論。
36. 卡樂B薯片 2015-11-01 18:18:49
居屋比市價打7折,宜家已跌了差了多10%,有些更加唔止,再遲D就真係可以用買居屋的錢,就買到私樓了。好難相信係你唔接受現實,自我安慰啫!呵呵!
37. 引刀一快 2015-11-01 18:22:10
都係老三句

住,係剛需

賺錢,係剛需中嘅剛需

唔想蝕錢,係剛需剛需剛剛需。
38. 自我陶醉 2015-11-01 18:39:35
回35樓 長河兄,

你講嗰個係負實質利率,香港一直都係,唔係啲嘢點會咁癲,負利率係當你放錢喺銀行就要罰息,你話仲有冇人會放錢入去? 到時你有黃金就發達喇!

如果真係要做,必定實施提款上限,到時買定金,包你發!
39. 真真薯片 2015-11-01 19:01:03
引刀兄講得冇錯, 對付剛需最終極既辣招其實係蝕錢, 蝕錢都會買, 例如買車, 先至係真正剛需, 一蝕錢d剛需就會唔見晒

問題係港樓升足十幾年, 要令近兩三年買樓既人蝕錢, 談何容易?
40. 引刀一快 2015-11-01 19:03:03
怪之長河san話自己同珍港兄有倒模思維,兩個都鐘意表達“個人定義”。

順帶一提,長河san我喺隔離簡單回覆咗你大陸二胎展望,有興趣可以睇睇。
41. riksbank 2015-11-01 22:01:14
100年都會有?不學無術的人連PI係乜都唔知,又點會知到世上真係有國家真係負利率?
現時經濟學界既估計係,由於用現金較煩,人類大約可以接受-1% 既名義利率。
呢D入左珍兄ignore list既癈材,比埋link都一定睇唔明:

http://www.themoneyillusion.com/?p=30738


42. 窮人 2015-11-01 22:11:22
自住樓最好就唔好賣,非常麻煩。
43. 自我陶醉 2015-11-02 00:54:08
41樓 

真係唔知話你無知好,定係白痴好!  你知唔知各國共持有幾多歐元儲備?  好似你咁個袋永遠唔夠一千蚊,1% 買兩個麵包都買唔到,梗無問題喇!  哈哈哈!

你咁醒,不如你又估下如果歐元行負利率1%,佢滙價會去到咩位?  佢要入口嘅野,尤其石油,又會對佢通脹有幾大壓力? 問心,我真係希望佢可以蠢到行負利率,到時歐洲大把平嘢執!  

共負之, 呵呵!你都記住留番嗰一千蚊去執平嘢啊!


44. 歷史長河 2015-11-02 13:07:33
陶醉兄,25樓所講之負利率應該喺指我說講的多D, 也更有討論價值。另香港應非一直都有,好似從金融風暴之後才有的。
45. 引刀一快 2015-11-02 16:11:50


To 41樓 

由於用現金較煩,人類大約可以接受-1% 既名義利率。

若說用現金比較煩,準備用嘅錢即係唔會放喺銀行好耐,唔準備短期內用嘅錢,又何來會煩?若果負1%嘅利率都可以接受,點解咁多人爲咗多1%利息而存定期?

以前撈波弟最興講埋D咁嘅經濟奇譚、科學奇譚,以偏概全唔合邏輯嘅嘢。

唔知呢個“ ignore list ”邊幾個人有份上榜呢?有就榮幸之至。

46. 引刀一快 2015-11-02 16:16:08
自我陶醉兄

呢D人講嘅嘢好奇怪,點解人家有個“ignore list”佢又知道名單嘅?唔通呢個“ignore list”喺世界某角落俾人公開過?
47. 自我陶醉 2015-11-02 16:56:54
長河兄,

25樓係回應7樓,而7樓講嘅相信唔係實質利率,不過我都同意討論負實質利率較有意思,不過相信樓價早已反映有關因素,暫時睇唔到負實質利率有新嘅催化因素影響樓市。

引刀兄,

咁都畀你估中,厲害!  我覺得有咁嘅素質嘅人,呢度冇幾多個,我記得最經典佢話,junk food 同smartphone,會令人精神弱化,問佢點解又答唔出,都唔知佢係咪講緊自己?

其實我都冇咁小氣,放佢喺ignore list, 真係唔明點解佢連名都唔敢開! 唔通驚我ignore佢?嘿嘿!



48. 負利率 2015-11-03 00:09:53
自聯系滙率在2005優化後,香港銀行體制是有能力執行負利率,

至於銀行會否將相關費用轉嫁存户,就會由業界自行決定。


金管局多番入市抑港元 任志刚不排除负利率

http://finance.sina.com.cn 2003年12月17日 09:50 中国新闻网

  中新社香港十二月十六日电(记者黄少华)香港金融管理局继昨日十三度入市沽出港元后,今天再数次出手,以保持联系汇率稳定。该局总裁任志刚表示,在资金继续流入下,未来港元不排除采取负利率政策。

  为纾缓港汇强势,金管局昨天一日内十三度入市买入美元,沽售港元,合共购入五亿八千八百万美元。自上星期五至今,金管局入市已超过二十次,令明日银行体系结余增至一

百九十八点六三亿港元,再创有纪录以来最高。

  今天下午,金管局再两度入市,共沽出三十二点六亿港元。但港汇仍偏强,报七点七六三一兑一美元。金管局两日内共沽出七十八亿港元。后日银行体系结余增至二百三十一亿港元。

  金管局总裁任志刚今天在出席一项研讨会时表示,近日很多资金流入,反映市场活跃,例如近期多只大型新股上市,令市场对港元需求增加。他预期短期内资金流入的情况仍会持续,银行体系户口结余将进一步增加。他不排除在资金继续流入下,港元会出现负利率,但现在看不到有这个需要。

  对于一段时间以来港元持续逞强,任志刚表示,主要是金管局是按机制办事及市场有需求而入市干预汇市,市场不用太紧张。

  金管局的干预措施,受得到香港金融界的认同。香港银行公会主席柯清辉和中银香港总裁和广北说,金管局多次入市,是要展示稳定汇率和维持联汇的决心。

  任志刚出席研讨会致辞时还指出,香港目前虽然拥有国际金融中心的美誉,但金融基础设施比理想模式还有一段距离,例如本港的债市容量及流通量相对银行及股市来说是偏低,令融资过份依赖银行及股市,有碍维持整体金融稳定,故需要加强债市发展。



49. Schumpeter 2015-11-03 01:11:08
上次刀兄有個藍字post珍港同長河都冇回到,講道理唔夠人講,咪放入ignore list囉, 就係咁簡單,而家果班好友連個新網都摺埋,真係扺死。
端士端典呢D小國行實質負利率結果咪係資金外流資產大平賣囉!端典QE抗通縮,但本身財赤唔多,結果買到自己D國債九成比央行揸返,再去到存款利率負0.75厘,都係通縮邊緣,呢D都係QE失敗既例子,班好友仲以為可以一直QE令樓市唔跌,全無國際視野!


50. 自我陶醉 2015-11-03 09:04:05
Schumpeter 兄所以甚是。如果用負利率就可以解決問題,日本就唔洗衰咗幾十年。瑞典低國債、強貨幣、國民儲蓄率高,而且係非儲備貨幣,話歐洲會行負利率,不如學樓上,吹下香港會行負利率好過喇!

搵到負利率三個字,就以為自己好醒,可以大條道理寸人,畀人一窒又變番死狗,跟住又要學阿Q, 同人講:“我唔係唔識答,係不屑答,因為佢喺我ignore list, 所以唔答。” 

真可憐啊!呵呵!

51. 望東樓 2015-11-03 09:07:13
49樓,你會唔會攪亂咗丹麥同瑞典呢?丹麥就係負按揭,瑞典好似仲未係。不過瑞典物業指數表現就好似好過丹麥。

53. 引刀一快 2015-11-03 19:14:24
To 49樓 Schumpeter兄

兄台認真心水清,佢地好興答唔到就詐睇唔見,依傢轉行話人自宮、話人係女人,好難想像呢個論壇仲有人咁“青春”玩D咁嘅無聊嘢,正經同佢地討論嘅嘢就“ignore”。
54. 珍惜香港 2015-11-04 00:50:47
珍惜香港TO:49/F Schumpeter

唔知你講嘅 post 喺乜,坦白講,我喺冇責任,一定要回答哂每一個回應者,嘅每一條問題啫!唔答,就等於唔夠人講嘅話,咁我咪好唔得閒?咦?亮劍兄好似問咗你好幾次,關於 Schumpeter 嘅問題喎!你答咗未?冇答?唔通又喺唔夠人講?定喺有其他原因?難道,同我冇答果個唔知乜 post 嘅原因一樣?

仲有,唔好將我同個乜新網,相提並論,我同佢一啲關係都冇。

有啲人,我唔再回應,唔喺因為道理唔夠人講,而喺佢地,跟本就唔講道理。我用心回應,你唔 BUY,冇問題,但一開口就話人歪理,全面否定人地嘅論點,又冇相關嘅反證,同呢種人討論,只會浪費時間。我冇得好似果啲 LABEL 自己做淡友嘅人咁,有引刀護航,幫佢地郁啲非註冊者。就睇果邊 31/F,如果我學引刀咁,對非註冊回應咁敏感,就梗喺搜尋一下曹仁超,睇下同期邊個註冊者提過,跟住大造文章,話果個 31/F,同佢喺同一夥,甚至喺同一人啦!坦白講,我真喺冇咁嘅閒情。

你批評人地,都要講出理據,令人心服口服。就好似我話曹仁超篇嘢「廢」,起碼會跟一篇長嘢,將論點寫清寫楚,呢個喺對對方最基本嘅尊重,唔喺就咁寫一個「廢」字就算。現今社會,已經對每一個年青人,賦予龐大嘅資源去栽培,唔感恩都不單止,仲要社會打造埋個溫室俾佢地,提供埋某個水平嘅環境,先至可以 PERFORM,咁唔喺「廢青」思維喺乜?

其實,我今日留言,主要喺因為有人,提出咗負利率

負利率,喺一個嚴肅嘅議題,一個响環球經濟新常態之下,衍生嘅產物。有啲國家,以負利率為一項措施,而將來嘅發展,亦有待觀察。我唔會隨便肯定,或者否定負利率,但可惜,呢度對此持比較開放態度嘅,只見到有非註冊回應者,又或者仲有長河兄?不過長河兄指嘅,又唔算喺真正嘅負利率喎。我都好想揾到一啲人,可以用正面客觀嘅角度,去討論一下,因為負利率嘅可行性,同佢响金融體系裡面嘅意義,以及可以擔當嘅角色,對尋覓下一個新常態,非常重要。

有人話,基於聯匯,如果美國加息,香港一定要跟,否則資金會大量流走。但原來實情喺,香港唔跟,資金都唔會大量流走,甚至可以繼續流入,點解?

討論負利率,要好有前瞻性,而最起碼,要識得回答上面呢條問題。
55. 引刀一快 2015-11-04 04:35:02
珍惜香港TO:49/F Schumpeter

唔知你講嘅 post 喺乜,坦白講,我喺冇責任,一定要回答哂每一個回應者,嘅每一條問題啫!唔答,就等於唔夠人講嘅話,咁我咪好唔得閒?咦?亮劍兄好似問咗你好幾次,關於 Schumpeter嘅問題喎!你答咗未?冇答?唔通又喺唔夠人講?定喺有其他原因?難道,同我冇答果個唔知乜 post 嘅原因一樣?

大家都冇責任咯,我夠冇責任去駁你喇,係咪?不過呢個係論壇,回應與否、反駁與否,唔係“責任”問題,係對討論主題嘅睇法同立場表達,講責任?咁點解冇責任你又寫嘢呢?

仲有,唔好將我同個乜新網,相提並論,我同佢一啲關係都冇。

放心,大家都知道你祗係同果班作者關係好,而同網站冇關係,呢點無可置疑。再者,同果個網有關係又如何?個人自由邊個可以管。

有啲人,我唔再回應,唔喺因為道理唔夠人講,而喺佢地,跟本就唔講道理。我用心回應,你唔 BUY,冇問題,但一開口就話人歪理,全面否定人地嘅論點,又冇相關嘅反證,同呢種人討論,只會浪費時間。我冇得好似果啲 LABEL 自己做淡友嘅人咁,有引刀護航,幫佢地郁啲非註冊者。就睇果邊 31/F,如果我學引刀咁,對非註冊回應咁敏感,就梗喺搜尋一下曹仁超,睇下同期邊個註冊者提過,跟住大造文章,話果個 31/F,同佢喺同一夥,甚至喺同一人啦!坦白講,我真喺冇咁嘅閒情。

因爲呢度係論壇,一直都係有論據、有反證先至反駁你,你舉D例咪就係正正反映咗咩叫顛倒是非黑白囉。

你批評人地,都要講出理據,令人心服口服。就好似我話曹仁超篇嘢「廢」,起碼會跟一篇長嘢,將論點寫清寫楚,呢個喺對對方最基本嘅尊重,唔喺就咁寫一個「廢」字就算。現今社會,已經對每一個年青人,賦予龐大嘅資源去栽培,唔感恩都不單止,仲要社會打造埋個溫室俾佢地,提供埋某個水平嘅環境,先至可以 PERFORM,咁唔喺「廢青」思維喺乜?

尊重與否居然同文長度挂鈎,完全冇理據嘅,你估細路仔作文,唔夠字數要扣分?
依傢呢輩年青人係我地呢輩人培養出嚟嘅,閙人之餘,要有自我檢討。

其實,我今日留言,主要喺因為有人,提出咗負利率

負利率,喺一個嚴肅嘅議題,一個响環球經濟新常態之下,衍生嘅產物。有啲國家,以負利率為一項措施,而將來嘅發展,亦有待觀察。我唔會隨便肯定,或者否定負利率,但可惜,呢度對此持比較開放態度嘅,只見到有非註冊回應者,又或者仲有長河兄?不過長河兄指嘅,又唔算喺真正嘅負利率喎。我都好想揾到一啲人,可以用正面客觀嘅角度,去討論一下,因為負利率嘅可行性,同佢响金融體系裡面嘅意義,以及可以擔當嘅角色,對尋覓下一個新常態,非常重要。

依傢入貨咪就係負利率投資囉。

有人話,基於聯匯,如果美國加息,香港一定要跟,否則資金會大量流走。但原來實情喺,香港唔跟,資金都唔會大量流走,甚至可以繼續流入,點解?

討論負利率,要好有前瞻性,而最起碼,要識得回答上面呢條問題。

呢個就係騎劫!就好似D 推銷員反問D客點解要買佢件貨咁,D客唔機警順住嚟答,即時被騎劫!因爲,個客根本就冇話過買!但係就俾人呃咗去諗買呢件嘢嘅理由。
56. 自我陶醉 2015-11-04 08:23:33
55樓 引刀兄

真係服咗你,仲咁好心機去回應嗰啲喜歡戾橫折曲, 連自己講句嘢都唔敢認嘅歪理王,計我話呢,要回應嘅,一個字就夠。呵呵!
57. 西門吹雪 2015-11-04 08:28:19
我相信河兄講既係負實際利率,而吾係負利率。香港小小彈丸之地,别説負利率,就算跟美元脱勾吾掛任何野都吾敢,如果吾係港元早就變陰私紙。

至於負實際利率,無錯,呢個係過去十年八年狂升既其中一個重要原因。但係呢個數剛剛由負變左正。所以如果吾係求其揾理由支持樓市,而係真心認為實際利率係重要因素既話,呢個數字而家係輕微向淡的
58. 西門吹雪 2015-11-04 08:31:08
打少左幾隻字:

所以如果吾係求其揾理由支持樓市,而係真心認為實際利率係重要因素既話,無理由吾知呢個數字而家係輕微向淡的
59. 西門吹雪 2015-11-04 08:39:50
57 冇鬧人卻比人食左
個filter 有bug,無奈
60. 引刀一快 2015-11-05 05:09:05
To 56樓 自我陶醉兄

一個字?呵呵,好有智取威虎山嘅feel喎。
61. 自我陶醉 2015-11-05 08:48:17
60樓 引刀兄,

係呀! 無謂嘥自己時間,呢啲人早已慣咗箏大眼講大話,已經去到毫無廉恥嘅地步,我一大篇嘢駁佢,答唔到都算喇,仲要話人淨係識話佢歪理又冇反證喎!  唉! 所以唔洗寫咁多,學以前嗰位網友咁用一個字“廢”,夠哂!

反正佢嘅論點,九成九都係廢話,講咗等於無講,成日話摸頂買都唔怕,只要計掂條數,唔好投機喎!  即係話呢,日後經濟唔好,你份工有咩冬瓜豆腐,供唔起,咪就係你未計掂條數囉!唔關佢事。 日後樓價升呢,就可以繼續認屎認屁,蝕咩? 佢就會話,做咩要賣,唔賣又點算蝕,叫咗你唔好投機喇!  不過,如果跌三五七成你頂唔頂得順,就關人喇!

你話邊有得輸,唔係廢話係咩?呵呵!



62. 打工仔 Andy 2015-11-05 10:24:49
自醉兄

話時話, 如果香江經濟再無新突破, 企業受環球拖累而引發裁員潮, 到時就係慘了!
現在真係要居安思危!
63. 自我陶醉 2015-11-05 12:11:32
回打工兄

說得對,現在不論零售、銀行、製造業,都不停傳出裁員消息,若然加息,就業情況只會更壞,高位借盡入市的年青人,真係要小心衡量。

64. 引刀一快 2015-11-05 12:48:46
To 61樓 自我陶醉兄

我依傢諗諗下,其實借緊接貨摸頂嘅人,多多少少有投機心態,點解咁勉强都要去買樓?其實係把握“最後嘅投資時機”,就係投機!

至于面對戾橫折曲嘅對手呢個問題,我當係一種練習、一種抵抗力嘅鍛煉,社會上呢類人唔少,呢度提供一個鍛煉嘅機會,可以提升同保持辯證能力,同埋警惕性。




65. 自我陶醉 2015-11-05 13:22:14
64樓 引刀兄,

嘩! 唔怪之得你百毒不侵喇,原來日日都嚟搵人陪你練功,哈哈!

至於高位入市的,當然有投機成份,眼見朋輩年年賺,身邊又不斷有人吹噓樓市點樣冇得輸法,仲點會唔心郁郁。

66. 惜緣 2015-11-05 15:29:13

啟思故事:學會包容的小和尚

從前有座山,山裡有座廟,廟裡有一位方丈講故事。

有一位小和尚對自己的頭腦、學問、智慧還算比較自信,聰明人當然願意和聰明人交流,那確實是一件很快樂的事。而遇到學識淺薄、思維混亂、說話夾雜不清的師兄、師弟,小和尚每每會氣急敗壞,大發脾氣,常常把一句「你怎麼還不明白?你笨啊?」掛在嘴邊。師父為此點悟他很多次,他嘴上承認錯誤,但一遇到類似情況,仍然忍不住要發脾氣。

後來,終於一次上山打柴的經歷,讓他改變了看法。這一天柴打得特別多,他的心情也很好。回去的路上他累了,就放下柴擔到溪水邊喝點水,洗一把臉。這時山裡的小猴來了,牠經常來這邊玩,也經常碰到上山打柴的小和尚。日子久了,他們成了好朋友。


小猴取汗巾 志得意滿

小和尚洗完臉,想拿汗巾擦臉,卻發現汗巾還掛在那邊的柴擔上。他確實很累了,於是就指著柴擔,示意讓小猴替他去拿汗巾。小猴跑過去,從柴擔上抽了一支木柴,給小和尚拿了過來。小和尚覺得很有趣,又讓小猴去拿,並用手比劃呈方形,嘴裡說著:「汗巾、汗巾!」。小猴又去,拿回來的還是木柴。小和尚笑得更開心了,這次他拿一塊石頭丟過去,正好丟到汗巾上,然後指給小猴「看到了吧?拿那個汗巾!」。小猴再去,拿回來的還是木柴,而且還一副得意洋洋的表情,好像在說「你看,我多能幹!」看著小猴志得意滿的樣子,小和尚笑得更開心。

回來以後,小和尚把這件有趣的事告訴了方丈。於是方丈問他:「你跟師弟們講道理,他們聽不明白,你就會發脾氣。可是小猴聽不明白,你為什麼反而覺得有趣?」小和尚一愣,回答說:「小猴聽不懂是很正常的,因為他是猴!可師弟他們是人,他們不應該聽不懂我說的道理。」方丈笑了笑說:「猴與人雖然不同,但人人天生的悟性不同,後天所處的環境又不一樣。人與人有這樣大差異,你憑什麼說誰『應該能』怎麼樣呢?」小和尚聽到這裡,低頭不說話了。


改變觀念 可以包容一切

「為什麼你對師弟就會發怒,對小猴就會開懷大笑?情況是相同的,而變化的是你自己。所以問題並不出在他們身上,而出在你身上。你不對小猴發怒,是因為你是人,你比牠的智慧高得多,因此就可以包容他的錯誤。而你師弟他們是人,你也是人,你的智慧跟他們是同檔次,因此就包容不了他們的錯誤。如果你能改變自己的觀念、想法,你就能接納、包容他們。你再看到你師弟們的錯誤,還會發怒嗎?當然不會,因為你已經可以包容一切了。」◇

67. 打工仔 Andy 2015-11-05 16:48:11
惜緣兄

很好的故事, 直得思考!
68. Li 2015-11-05 18:01:09
if the above is true, those bought early this year are already ON BOAT. 
69. Li 2015-11-05 18:01:43

CAPRI首批88伙 周末起收票

會德豐地產旗下將軍澳CAPRI首批推出88伙,實用面積由359至781方呎,定價497萬至1196.6萬元,呎價13317至15717元。

會德豐地產常務董事黃光耀表示,發展商提供即供可享7%折扣;會德豐會員有3%折扣;另有稅務優惠,600萬元以下6%、600萬以上為7.5%,涉及總折扣16%至17.5%。

他指出,若計算折扣後,該批單位售價介乎417.5萬至987.2萬元,折實平均呎價12080元,項目比對今年推售的帝景灣平均成交呎價有近20%折讓,若反應理想,日後將逐步加價。

黃光耀續稱,是次項目亦提供加強版二按,由以往20%增至25%,1及2按最高可承造85%,周六起開放供參觀及收票,最快下周發售。

70. 引刀一快 2015-11-05 18:33:16
To 66樓 惜緣兄

惜緣兄境界很高,可以想像与惜緣兄共聚如入蘭芷之室,能找出這麽契合的哲理故事作爲引喻,引刀誠心悅服。

自我陶醉兄与引刀長久據理力爭,係因爲不單被對手當成小猴子,還被說成小猴子了,而對手以方丈自居。
71. 引刀一快 2015-11-05 18:37:32
To 65樓 自我陶醉兄

所以97摸頂人士,唔好再話人投機唔投機喇。
72. 惜緣 2015-11-05 20:52:36
To 70樓 引刀兄

引刀兄過獎了, 在下實在不敢當。

一直以來, 承蒙引刀兄厚愛, 在下真的受之有愧。

假如引刀兄對待眾師兄師姐好似對待在下咁樣,那麼, 在下相信, 當三劍俠回歸之時,引刀兄與三劍俠都會成為好朋友。

只要有夢想,凡事可成真。 共勉之!
73. 如是 2015-11-05 21:26:24
心包太虛 量周沙界
74. 珍惜香港 2015-11-06 02:59:32
珍惜香港TO:66/F 惜緣

呢個回應箱嘅內容,一目了然,好多嘢,亦不言而喻。其實,响個咁大怨氣嘅環境度現身,有啲嘢,我已經預咗。本來只喺寫過就算,冇諗住再回應,除非有人,肯對我 54/F 果條,俾人講成喺騎劫嘅問題,作出啲較有建設性嘅回應。但結果,惜緣兄出現,仲講咗個故事,我好感動。既然閣下咁有心,我點可以唔回覆?

記得,無奈兄一句:誰敢橫刀立馬
結果,我回咗一句:為真朋友之誠


惜緣兄,我唔喺和尚,只喺一個凡夫俗子,喜、怒、衷、樂,亦喺人之常情。留言兩年幾,閣下對我嘅容量,相信亦有所估算。既然喺一個凡人,我唔會追求方丈般嘅海量,惟有就著自己嘅極限,適時放,適時收。多次穿梭各位朋友之間嘅矛盾,至今仍然存在,只憑一股正能量

其實,正能量,同負能量,只喺一線之差。好多負能量者,都以為自己喺正能量者,就好似滿腦子黃色絲想果班人咁,都認為自己好公義,認為自己屬正能量。所謂,成魔之路,就喺源自負能量,期望唔兌現,轉化成對社會嘅不滿,對世界嘅不滿,因而對持份者、異見者,產生敵視嘅心態,同作出針對性嘅攻擊行為。

呢個世界,好多嘢,有正面,亦有反面,冇話可以贏哂。正如,新常態、QE、低息環境,本身就源自全球嘅進步,同各國人民生活嘅改善。今日,樓價高企,但整體市民嘅生活,比以前更有保障,夫復何求?唔通要返去華探長年代,逼娘為娼嘅年代,冇錢冇書讀嘅年代?

有啲人,接受現實,面對現實,順勢而行,响新常態之下,搵到自己嘅出路;但又有啲人,憤世嫉俗,只見常態嘅反面,開口唔合理,埋口唔正常,佢地期望一個倒退,一個爆破,一個撥亂反正,以為通過掠奪,就可以達至公平。試問,華探長,又點會俾到公平你?

正能量,其實好簡單。正確嘅方向,善意嘅心,就喺果一股正能量

講番負利率,勢估唔到,我話持開放態度啫,跟手耶倫就作出咗回應啦!佢話,可能考慮實施負利率喎!唔通耶倫,都有睇地產網?哈哈!不過我諗佢應該唔會,夠膽死化名非註冊者,响度吹下水嘅,容乜易一開波,就俾人話無知兼白痴?話哂都喺,聯儲局嘅主席嘛!唔知個海量,會有幾大?

衷心多謝,惜緣兄嘅鼓勵。我自問冇資格,亦冇責任,去照顧,或者點化每一個人。惜緣兄,請放心,我只喺憑一股正能量,去做我認為喺正確嘅事。

當你覺得,你須要包容對方,咁你嘅海量,只喺有限;
但喺如果,你根本就唔在乎,咁你嘅海量,就喺無限!

75. 引刀一快 2015-11-06 05:05:27
惜緣兄

假如引刀兄對待眾師兄師姐好似對待在下咁樣

如果用對你嘅態度對待所有人,我覺得明顯對你唔住喎。

既然有惜緣兄在此放話,引刀答應盡量在言辭方面減少菱角。

然而,經常在此玩文字遊戲者,請惜緣兄就當作棋局一盤,下下殺着祇文字,局局到頭皆重來,惜緣兄輕輕鬆鬆作壁上觀即可。
76. 自我陶醉 2015-11-06 09:35:36
長河兄,

你昨日問我耶倫話會考慮負利率我有咩睇法,都係喺呢度討論番比較集中,睇呢啲報導,一定要睇原文,佢嘅原話係咁,"Potentially anything - including negative interest rates - would be on the table. But we would have to study carefully how they would work here in the U.S. context.  This would happen if the economy were to deteriorate in a significant way",你有冇見過政治人會先將自己嘅門封死,講明一定唔行負利率?  香港十幾年前都提過可以隨時行負利率,結果呢?所以唔洗過份解讀,更加唔好咁天真以為就快會負利率而過份雀躍。

反而要想想美國在加息前,提到喺極端惡劣情況下會行負利率,到底有咩含意?  經濟到底係咪真係好似一啲人諗咁唔會有大災難? 呢樣嘢連耶倫都唔敢講。

負利率其實可以分開兩個層面:
1.中央銀行負利率,迫銀行將錢借貸出去
2.去到零售層面,連存戶都要罰息

當經濟急劇轉壞,在第一層面向商業銀利用極輕微負息迫使借貸唔出奇,但係如果去到零售層面,你估又會點? 

你又諗下,喺“極端惡劣情況下”會行負利率喎,到時都大把平嘢你執喇! 就算畀1~2厘正利率,我啲錢都唔會放喺銀行,問題只係到時你仲有冇錢去執平貨,你知09年幾難問銀行借錢嗎? 機會當然只係留畀有準備嘅人喇,你懂的;)