地產博客 > 文亮言 返回
瀏覽人次:47549    回應:41
文亮言

股市大熱,豪宅業主是受惠者

 

湯文亮博士

紀惠集團行政總裁
2015年4月30日

  不少報導說股市大熱,在股票市場賺了錢的人會轉投樓市,將會做成樓市大旺,樓價可繼續上升。我認為說法並不全對,不是整個樓市都受惠,股市大升對細價樓影響不大,因為,準備買細價樓的人大多數都不會有大量股票,就算股價上升又與他們可干。而細價樓業主更加為日常供款煩惱,又點會有多餘錢買股票,就算有,一樣都不會太多,所以,股市上升,他們只能夠替人開心,所以,有一些細價樓業主話要將物業加按買股票,甚至有些索性話賣樓買股,股市若果繼續上升,他們當然是受惠者,不過,在現階段,他們仍然不是。
 
  豪宅業主就不同,我曾經說過,豪宅業主所擁有豪宅的價值,只不過是他們擁有的資產幾十分之一,其他資產當然包括股票,現在股市大旺,他們就水漲船高,身家暴升,他們隨時可以賣股票變現,趁機換更豪的住宅,甚至多買一個豪宅也可以,最近豪宅熱賣,分分鐘十幾組人爭奪一個超過一億元的單位,由此可見,可知道我所言非虛,豪宅的購買力被今次股市大升引發出來,所以,豪宅新樓盤亦不斷推出,地產商當然希望藉今次股市升浪將手上豪宅儘量賣給今次股市大升受惠者。
 
  在我的「細價樓爆煲論」中亦明確指出,如果樓市爆煲,只會發生在細價樓,中型住宅將會受惠於換樓鏈而成交量大增,至於樓價是否上升就取決於新樓盤開價。現在新樓盤是以貼二手價發售,這意味著二手中型住宅的樓價亦很難上升。豪宅其實是大落後,現在股市大旺,豪宅業主的身家暴漲,估計未來一段時間,豪宅還有上升空間。
 
  不過,豪宅升還升,絕對不是理想的投資項目,如果不是自住,最好不要投資豪宅,因為回報低,維修費昂貴,租客又奄尖,自住又不同,因為這是身份的象徵,有錢都買唔到。現在時移世易,如果有錢唔住豪宅,反而會俾人話假大空,只不過空心佬倌,豪宅的業主亦只不過做一些與他們配合身份的事。地產商亦知道這種心理,所以狂推豪宅,愈豪愈多人買,若果今年樓市保持平穩,就算細價樓下跌,中原指數仍然上升,豪宅應記一功。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 蜕变中嘅懒人 2015-04-30 09:03:23
加息?樓價跌?六月一定加息?淡友恨到了,十二月加喎!笑爆咀!
2. 4025 2015-04-30 09:17:00

I agree.

3. 旺爆 2015-04-30 09:50:24
博士呢個叫口袋經濟學,單睇自己係點就以為人地係點,同啲窮人日日話樓貴,好多人買唔起,所以樓價應該跌嘅想法一樣,我同我嘅朋友喺股票賺到過7位數字嘅,都正在等時機多買一層細價樓收租,買細價樓嘅唔係只得你所講嗰啲要問財仔借錢做首期嘅人,吹水唔該先做功課,去細價樓地區如沙田,北區,屯門問下啲代理,近期細價樓實況係,買家一半係上車客一半係收租客,所以近期租盤有供應增加,功課都冇做,單憑直覺,即係段9估,咁都叫分析? 專家?。
4. 咩事 2015-04-30 09:50:49
湯生, 準備鋪定後路比自己有位走嗎?? 
5. Scoliosis 2015-04-30 10:16:52
唔鐘意你咪唔好睇囉。何必咁冇礼貌?博士有收你$要奉旨please你地?
6. 有頭髮邊個想做幟哥 2015-04-30 10:31:33
鬼唔知錢搵錢咩?
你地受惠香港工商業起飛年代
投資發大達
我夠想買紅山半島啦
單靠儲錢點追樓價呀
唔買細價樓咁可以點?
我D股係賺都賺下旅費
你D股係賺豪宅
得閒落下區, 要落車呀
7. TO 4樓 2015-04-30 10:37:22

博士的講法是細價樓已經爆了。5月10日止來計,中原指數無論高於或低於136,細價樓都已經爆袋,之所以高,都是因為大價樓的升幅高於細價的下跌。

博士從來無錯過。吹咩????

再唔明,問下振英哥,他會告訴你,這叫語言偽術。

8. To 7樓 2015-04-30 11:06:36
無錯! 公我嬴、字你輸!!!!
9. 「細價樓爆煲論」最終令無產階級更加難逃惡運! 2015-04-30 11:08:12
你唔買,仲要賣走手上物業,等待下一個投資物業的黃金機會?!周邊地區的資產階級唔會放棄此一大展拳腳的黃金機會!!!

深圳樓市加速回暖 新房、二手房價格普漲20%

infocastinfocast – 35分前

在政策疊加效應下,深圳樓市開始加速回暖。《華夏時報》報導,深圳二手房業主頻繁返價,部分區域房源報價上漲幅度超20%;新房市場上,開發商也藉機大幅提價。業內人士指,深圳樓市供需矛盾突出,土地供給嚴重不足,4月新房庫存已降至不足9個月,在四個一線城市中最低。

中原地產預測,2015年深圳有102個新建商品住宅項目進入銷售階段,其中55個為舊改項目,佔比58%。但部分舊改項目受佳兆業(01638)事件衝擊,入市步伐放緩。此外深圳限購條件比較寬松,住房自有率只有30%,潛在需求較大。 (WL)

11. 亮劍 2015-04-30 11:47:46

亮劍 2015-02-16 09:16:35

 

09 年中開始,看淡香港楼市者,有如恆河沙數,講句得罪,絕大多數成為別人茶餘飯後的笑料。

但由2月開始,博士幾编稍為偏淡的「磚頭文章」,就令全港各界談論足足一個星期,各個講「磚頭」的群組、討論區及傳媒爭相轉載,連主管房策的高官,亦要走出來解畫,各持份者全部對湯文亮的言論,不以等閒視之,如此才能可稱得上「江湖地位 」。

 

我亮劍大胆估計,打後 3~6 個月 CCL 應該會爆多一浸,但升幅今次係以中碼楼為主,而细碼貨可能只是反覆上落,情況有如對上幾年嘅大碼貨。

湯生呢次是全押注喺「细」果度,真的不好意思,我估呢次一鸣 vs 博士,湯生應該會輸!

 

因為小弟估 CCL 起碼仲有 5~6 点上升水位。

 

其次係 CCL 指數涵蓋屋苑,小中大碼单位都有,小弟同意细单位對上兩年,因過度透支升幅,加供應量大增而會喺高位轉角,但其他大中型貴價貨要追落後,咁係會撐住 CCL 喺高位的。

 

但博士呢次預測,要是再一次揮低其他「磚家」的話,咁政府如果唔請佢入「長策會」 出謀獻策 ,咁真係嚴重失誤!

12. 經濟日報-石鏡泉: 零息政策不止袋住先,而是雖然不一定要袋一世,但怕要袋至2016以至2017 2015-04-30 11:56:05

美儲局的煩惱

撰文:石鏡泉 經濟日報副社長兼研究部主管
欄名:政法醫經與投資

今早,大家應知美儲局的議息結果,筆者估是,零息政策不止袋住先,而是雖然不一定要袋一世,但怕要袋至2016以至2017,因為美國經濟不濟。

美國第一季的經濟數據不佳,定然會使到美儲局對加息之舉要Wait and see(咪住)。為甚麼美國第一季經濟數據不佳?可以是看不佳,但實不俗,因為美國的小企業要於每年的1月15日至4月15日交三次稅。⑴去年第四季的預計稅,要於1月15日交,另要交今年首季的預計稅和全年收入稅。如果企業都是蝕、蝕、蝕。簡單多,不用交稅,但如果有賺?就要交稅,除非賺到開巷,不然總要因住使,這樣不使,那樣不使,工人又不敢請,只是要交稅時,則美國這個以消費佔近八成的經濟體,必然消費減,美國的經濟數據自然不佳。

美國的小型企業協會(SBA)代表了99.7%的全美小企業,它們的會員提供了非農業私人企業所佔GDP的逾半,這個SBA的三月份樂觀指數(optimism index),跌了2.8點,而僱主的新工招聘和資本投資亦見出大幅下跌。這兩點都足以使美國的內需經濟減緩;少請人,即多了工人失業,少資本開支,即少了本土投資,兩者都會減低GDP數值。

但另一方面有研究指出,在過去的30年裏,首季的GDP增長較其他三個季度例低,平均只增長1.87%,而全年增長則可見2.7%(見圖),經濟學家對此無確切解釋,唯一的解釋是唔明,等第二季度GDP彈,在4月29(即昨晚),美國將公布其首季GDP增長值。

低速增長勢令儲局拖延加息

另個使美儲局頭大的是:美國3月份的單一家庭成屋銷售有近年半來的最大跌幅,美國商業部於4月23日公布,這方面的成屋銷售跌了11.4%,只得481,000間,而2月則有543,000間,是自2008年2月以來的最多者,涉及的將是美國耐用品定單下跌。

但使到美儲局最最最頭大的是,今時有5千3百萬的美國工人是自由職業者,他們佔了勞動人口的34%,所謂自由職業者,可以是兼職人士的代名詞,如果有1/3的工人是屬於朝種樹晚鎅板;餐搵餐食餐餐清的人時,你叫經濟可以有幾好?經濟增長又有幾勁?一個低速度的復甦,是美儲局對加息與否的最大考量。

結論:美儲局又要搵借口去搬龍門,延遲加息。

13. TO: 10/F 2015-04-30 12:00:57

小喇叭! 又嚟耶蘇論?!
有無再煩啲呀?!
冥頑不靈!!
怎麼有如斯頑固不明事理的人呀? 有乜同你個主傾夠吧拉
仲叫人信你既主喎, O趙! 

好消息係你永久消失才是好消息! 阻頭阻細.
14. 90後買樓熱 2015-04-30 12:08:36
我個朋友話個仔仔想問佢資助買樓,問我意見。
佢話個仔仔大専畢業两年間短短逐逐做了三份工,依家人工才萬二,最近拍拖話計畫結婚,想叫老豆想辦法幫忙,佢個仔話D同學仔多數都有父母幫才買到樓,依家仲升左唔少潻,我朋友手頭有小小應急錢,問佢仔仔儲了幾多錢及仲爭幾多,佢個仔仔話這兩年時停時工作,只儲到3萬幾但仲有咭數欠,我勸朋友叫佢儲到三十萬再講,得幾萬銀又話買樓又話結婚?大家同意嗎?
15. TO 14. 90後買樓熱 2015-04-30 12:08:36 2015-04-30 12:19:24

無穩定工作, 又遊手好閒就唔好供啦

呢D咪博士講遲早儲財仔乜乜乜既CASE囉

16. 蘋果仔 2015-04-30 12:20:10
叫佢留翻D錢買幾部I phone, I watch炒翻幾𨍭咪夠錢囉!
17. TO 14樓 2015-04-30 12:26:20

你朋友果仔, 應該話,現金大多數的年青人, 多數都LAZY, 想講兩句便有父幹! 成個朋友圈互相影響, 怪現象變成常態! (X_X)
真係俗一點說:毛都未生齊,就要買樓?

以本人為例, 出來工作從未有唸過買樓這2個字, 又未搵夠首期, 絕不會想.
去到三十幾歲,做左十年野, 手上儲了逾百幾萬才去買. 果陣都仲驚唔得添. 原本想買的只係200幾萬,
後來膽粗粗買入了350萬. BUDGET都係有. 仲買埋車位添.

做人要有目標, 係求己. 無錢買,可以住住先或租樓.
下下伸手黨, 真係唔知將來香港會變成點,,

話說回來, 朋友問,可以俾下意見, 不過, 你朋友可能已經有了想法, 講得多未必好.
佢想幫佢仔, 你反對, 佢未必啱聽. 佢唔想幫, 你同佢一樣, 佢咪啱聽囉.
凡是做俾意見的, 都是吃力不討好, 哈哈!
18. 基斯 2015-04-30 12:40:05
To 14樓

我諗就算家人幫, 最多都係幫下手搞掂個首期, 之後既野應該由得佢地自己搞掂.

如果無一個基本既儲錢能力, 唔好講買樓, 就算租樓都成問題, 何況佢都仲有卡數未找.....

基於以上既情況, 除非屋企人肯幫仔仔手FP 個物業如果唔係真係不如叫個後生仔建立好一個財務根基先再算.
19. 90後買樓熱 2015-04-30 13:05:27
我朋友話為左方便及安全接送女友,最近排期考緊車牌,簽多成萬幾兩萬銀咭比駕駛學院,完全冇考慮自己負擔能力,冇眼睇。
20. 90後買樓熱 2015-04-30 13:05:28
19. 90後買樓熱 2015-04-30 13:05:27
我朋友話為左方便及安全接送女友,最近排期考緊車牌,簽多成萬幾兩萬銀咭比駕駛學院,完全冇考慮自己負擔能力,冇眼睇。
我朋友話個仔仔為左方便及安全接送女友,最近排期考緊車牌,簽多成萬幾兩萬銀咭比駕駛學院,完全冇考慮自己負擔能力,冇眼睇。
21. 明仔 2015-04-30 13:57:46
博士,
十分佩服你的分析力, 得益不少。 
但我見身邊有很多中價樓, 豪宅業主在股票巿賺了錢準備再買細價樓。
中產的購買力是否應該忽略呢?
22. 生湯 2015-04-30 15:37:57
其實成個CCL升幅全是由紅山帶動的,其他都是假成交。實際上所有真交易都是由銀主帶動的
23. 反對假普選 2015-04-30 16:31:15

【即時】中原八大指數齊升 CCL 最新報141.22點

2015年4月30日 16:07

中原地產研究部高級聯席董事黃良昇指出,受惠於復活長假後港股急升的利好氣氛,本週CCL八大指數齊升。中原城市領先指數CCL報141.22點,按週上升0.84%,結束2週連跌。中原城市大型屋苑領先指數CCL Mass報142.47點,按週上升0.85%,同樣結束2週連跌。上週八大指數齊跌,主要是受政府第七次收緊樓按影響,本週則在港股暢旺氣氛帶動下齊升。預測未來整體樓價走勢繼續反覆向上,CCL升勢未盡。
CCL(中小型單位)報140.53點,按週上升0.82%,結束2週連跌。CCL(大型單位)報140.98點,按週上升0.99%,同樣結束2週連跌。如果中小型單位升勢持續或能屢創新高,才可確認樓市能擺脫樓按影響。而大型單位則不受樓按影響,繼續受惠於全球央行放水,刺激豪宅樓價反覆向上。

新界東CCL_Mass 最新報147.57點,創歷史新高。指數按週上升2.94%,升幅為8週內最大,並結束2週連跌。新界西CCL_Mass 報124.23點,按週上升1.34%,升幅為6週內最大。新界至今仍受樓按影響,新界東及新界西早前5週分別累跌0.99%及2.45%,本週只有新界東能夠追回跌幅。只有新界兩區的累積升幅同時追回早前的跌幅,並能持續樓市升勢,才可擺脫樓按的負面影響。

九龍CCL_Mass報139.91點,按週上升0.19%,結束2週連跌。港島CCL_Mass報151.59點,按週上升0.20%,本週為歷史次高,並結束2週連跌。四區齊升,反映港股氣氛利好樓市走勢。


本週四(4月30日)美國聯儲局沒有公佈加息時間表,並宣佈維持超低息;對香港樓市的影響,將會在5月下旬的CCL中反映。今天(2015年4月30日)公佈的指數,根據2015年4月20日至4月26日簽訂正式買賣合約的中原集團成交計算。當中有七成半的交易是在2015年4月6日至4月12日簽臨時買賣合約,即金管局2月28日收緊樓按後第六週。

24. 湯膠 2015-04-30 16:33:28
膠論周時有, 湯生特別多!
26. 輸運工人 2015-04-30 17:19:03
最後一星期,細價樓即將爆邊,速入!
永遠支持運輸工人
27. 支持運輸工人 2015-04-30 17:38:29
我已經沽咗自住樓,你沽咗味?
28. 淡友咪走!!! 2015-04-30 17:43:36
中原城市領先指數 CCL 每周五公佈 – 最新2015/05/01公佈,反映2015/04/202015/04/26(預計簽署正式買賣合約時段)的二手私人住宅樓價。一般在簽署臨時買賣合約後14日內簽署正式買賣合約。
本週公佈與上週比較與上月比較
[中原城市領先指數]

141.22

  0.84 %  1.09 %
[中原城市(大型單位)領先指數]

140.98

  0.99 %  1.02 %
[中原城市(中小型單位)領先指數]

140.53

  0.82 %  1.09 %
[中原城市大型屋苑領先指數]

142.47

  0.85 %  1.08 %


[中原城市分區領先指數]
*只包括大型屋苑
 本週公佈上週比較上月比較
港島151.590.2 %2.45 %
九龍139.910.19 %0.55 %
新界(東)147.572.94 %2.62 %
新界(西)124.231.34 %0.81 %

 

 

全港整體港島 九龍新界東 新界西 
           附加: 6個月移動平均線 12個月移動平均線


中原城市指數 CCI 每月公佈 – 最新2015/04/18公佈,反映2015年 02月 (簽署正式買賣合約時段)的二手私人住宅樓價。一般在簽署臨時買賣合約後14日內簽署正式買賣。
本月公佈與上月比較
[中原城市指數]

135.28

 2.09 %

[中原城市(大型單位)指數]

136.53

 2.21 %

[中原城市(中小型單位)指數]

136.34

 2.04 %

[中原城市大型屋苑指數]

138.73

 2.02 %


[中原城市分區指數]
*只包括大型屋苑
 本月公佈上月比較
港島149.47  1.84 %
九龍133.91  0.92 %
新界(東)139.22  3.54 %
新界(西)123.58  2.96 %

全港整體港島 九龍 新界東 新界西 
           

本港二手樓價按周升0.84%

星島日報星島日報 – 1時27分前

  反映本港二手樓價的中原城市領先指數CCL報141.22點,按周上升0.84%,結束2周連跌。中原城市大型屋苑領先指數CCL Mass報142.47點,按周上升0.85%,同樣結束2周連跌。今天公布的指數,根據4月20日至4月26日簽訂正式買賣合約的中原集團成交計算。當中有七成半的交易是在4月6日至4月12日簽臨時買賣合約,即金管局2月28日收緊樓按後第六周。

  中原地產研究部高級聯席董事黃良昇指出,受惠於復活長假後港股急升的利好氣氛,本周CCL八大指數齊升。上周八大指數齊跌,主要是受政府第七次收緊樓按影響,本周則在港股暢旺氣氛帶動下齊升。預測未來整體樓價走勢繼續反覆向上,CCL升勢未盡。美國聯儲局沒有公布加息時間表,並宣布維持超低息;對香港樓市的影響,將會在5月下旬的CCL中反映。

  新界東區指數最新報147.57點,創歷史新高。指數按周上升2.94%,升幅為8周內最大,並結束2周連跌。新界西區指數報124.23點,按周上升1.34%,升幅為6周內最大。新界至今仍受樓按影響,新界東及新界西早前5周分別累跌0.99%及2.45%,本周只有新界東能夠追回跌幅。只有新界兩區的累積升幅同時追回早前的跌幅,並能持續樓市升勢,才可擺脫樓按的負面影響。九龍區指數報139.91點,按周上升0.19%,結束2周連跌。港島區指數報151.59點,按周上升0.20%,本周為歷史次高,並結束2周連跌。四區齊升,反映港股氣氛利好樓市走勢。

  CCL(中小型單位)報140.53點,按周上升0.82%,結束2周連跌。CCL(大型單位)報140.98點,按周上升0.99%,同樣結束2周連跌。如果中小型單位升勢持續或能屢創新高,才可確認樓市能擺脫樓按影響。而大型單位則不受樓按影響,繼續受惠於全球央行放水,刺激豪宅樓價反覆向上。(dl)



29. 脫身 2015-04-30 18:35:38

弊家伙,三個月內爆煲還剩八日,

呢三個月支持博士的淡友快想個辦法,

讓博士脫身,謝謝
30. 細路仔 2015-04-30 19:09:02
小弟愚見,現在不是投資住宅好時機,因為一按最多借6成,當然香港好多有錢人可以FP,但點都會少了潛在買家,根據小弟個人經驗,現在雖然二手市場買家搵盤難,但業主想賣個好價亦難,而且發展商又爭客,小弟始終認為如果一件商品很難變現,是不值得投資。
31. tweetyho 2015-04-30 21:01:08
To 30/F, 
同意! 根據我依幾個月睇千四五萬以上嘅樓嘅経驗, 睇完之后agent called back 话減價....全部低過hsbc估價半成至一成以上....要走貨唔易
32. To 31/F 2015-04-30 21:35:12

HSBC valuated it at HK$12.19M



on.cc東網專訊】利嘉閣地產皇牌屋苑灝景灣1行分行(B組)市務經理彭錦添指出,錄得青衣灝景灣7座高層A室買賣個案,實用面積856方呎,建築面積1,054方呎,以1,295萬元成交,實用面積呎價折算約15,129元,建築面積呎價約12,287元。

原業主於10年3月份,以700萬元購得該單位,轉售獲利595萬,賺幅約85%

33. 永遠支持偉大光榮正確的博士 2015-04-30 22:33:26
中原指數早已被湯文亮博士踢爆是假成交做出來的假指數,所有創新高的成交必然是假,必會取消交易,所以細價樓已經爆煲, 就算日後CCL升到二百三百點都好,總之就係爆咗煲,無人可以說博士錯,博士就係博士,係萬能全知的博士,無得拗!
永遠支持偉大光榮正確的博士,永遠不支持PP!
34. 認清方向,要敵我分明 2015-04-30 22:39:56
中原指數做假,EvergreenC是騙子,連物業估價處的數據亦是做假,總之任何人或機構,衹要發表任何創新高數據,就一定是做假的騙子,是騙局。
35. tweetyho 2015-04-30 23:15:00
To 32/F
我講千四至千八萬嘅樓
36. yyfan 2015-05-01 08:31:38
To tweetyho

基本上同意,但只要個客有心買一般都可以傾成,我上月買出一件兩千萬的貨,放左三個幾月,基本每個禮拜都有客看樓,但還價只有一個,我開低估價半成,個客只係象徵式還左兩皮就成交

同期仲放左間一千萬既,兩個月就搞掂,好多客但還價好狠,最後比估價低左將近一成成交

BTW,呢次賣樓係因爲換樓,先買後賣,所以開價好貼市
37. tweetyho 2015-05-01 10:12:44
To 36/F,
我留意到最近啲大價樓嘅新高價其實好多都係低過估價半成到一成不等.
講真, 想買大價樓嘅我估九成都好似我咁,唔心急, 因為有樓住緊。其實我都唔算唔夠住, 三口住緊實尺六百左右, 如果真係好啱心水先換, 话哂大拿拿千幾萬唔係千幾蚊
38. yyfan 2015-05-01 11:50:12
To:37f

其實當時我一共放咗四層樓,睇下邊間先跑出,結果

1.七百五十萬新界樓連租約,由上年十一月起放到上月封盤,銀行估價升至八百頭,只有零聲客有興趣,主要問題是冇樓睇,曾有兩個客傾到七百八十萬但話要去銀行做預批後無聲無息

2,九百幾至一仟萬市區盤連租約,幾乎日日有查詢,銀行估一仟至一仟一,我開九百五到一仟,結果到有客出九百四之後其他客就跟住追價,最後兩個月就賣出,之後見到同類單位有比我賣得高但又有賣得低,相信如果有樓睇應該可以貼估價賣出

3,兩千萬自住市區煙花海景,之前己講,買家只是睇咗十分鐘就拍板,但真是要撞客

總結係如果優質貨有樓睇而唔急等錢駛,可以善價而沽,
連租約次級貨就較難放,有心賣一定要吉咗佢,特別上到七百萬果D新界貨,買家又想大又唔幾夠錢,又怕冇樓睇蝕底,好難成交到
39. 3樓講得真好 2015-05-01 12:00:22
坐冷氣房既博士睇唔到個樓市幾熱
只是斷估 吹水 造文章
40. tweetyho 2015-05-01 21:33:17
To 38/F,
百貨撞百客. 總之大價樓要預咗可能要三幾個月先成功沽出
41. yyfan 2015-05-01 22:52:17
To 40/F

又唔一定,仲要睇供求,我買入果件貨果度三年幾冇盤放過,個業主由放盤到成交只是一星期,我係佢第一個客也係最後一個客睇樓,因為我睇完後業主同代理講如果我唔買佢就封盤
42. 是否出貨一時候? 2015-05-02 08:51:17
新界東鐵路沿線兩房優優質盤,已吉,放高估價5%叫600但放左三個月仲未賣出,全屋宛無其他吉盤,最高三個月前有人出到570,請問各位高手師兄否可以等到目標價?
43. yyfan 2015-05-02 10:18:59
To 42f

你急唔急放?多唔多人睇樓?屋苑成交多唔多?同類單位最近成交幾時同幾多錢?屋苑住客係邊類人?