|
新居屋計劃其實是苦肉計
湯文亮博士
紀惠集團行政總裁
2015年2月5日
政府的房屋政策好似仍在摸索階段,很多新鮮計劃例如港人港樓,限量樓,都只是推出了一次便無以為繼,當然,還有白居二,這是失敗中失敗計劃,搞㷫了細價樓樓價,但最後,白居二用率竟然不足五成,真的不知道是誰想出這個天真無邪計劃,其實,我們大家都捉錯了政府官員的用心,只要計劃不成功,以後不用再繼續,原來,這是叫停某項計劃的最好方法,或者,我叫這些是“苦肉計”。 新居屋計劃在大約一個月前推出,有十三萬份申請表,並不是免費,每份申請表要繳交二百大元,總實收二千六百萬元,理論上應該夠支付新居屋計劃的雜費,所以就算計劃不成功,政府都不用蝕本,都不會給政客指責浪費公帑。 很多人都不明白,做生意,尤其是銷售,一定要打鐵趁熱,因為,讓那些準買家思考再思考,最後大多數都買不成。今次新居屋要在五月才開賣,距離現在還有三個月,當中有兩個長假期,地產商早已枕戈待發,我估計在新居屋開賣前最少會有一萬個新樓單位推出市場,不但吸盡購買力,就算有剩,都所餘無幾,更何況,現在細價樓市場在各方面唱淡的情況下,已經出現變化,上升之勢開始收歛,到五月,上升之勢應該停止,屆時,那些申請人買居屋,耍手擰頭居多。 我唔明白政府若果要賣樓,一定要做好形勢,唱好樓市,官員們甚至要說供求不均衡的形勢十年都不能夠解決。這樣才令新居屋好賣,計劃才可以成功。現在官員們反其道而行,其實,這是司馬昭之心,政府就是唔想新居屋好賣,新居屋計劃才可以無疾而終,新增的一萬個居屋單位,當然是撥作私人發展。 除了司馬昭,司馬師之心亦是路人皆見,我相信很多未睇過新居屋位置,就算交了申請表的人,都只是抱著抽到先睇心態。當他們睇完之後,十之八九都會打退堂鼓,那些新居屋位置,是貨尾中貨尾,根本不值得發展,做市區綠化地就差不多,現在政府用作新居屋,目的就是做成銷售情況不理想,這個結局,就是令到新居屋計劃好似白居二一樣,議員連提也不敢提。所以,我們有時要讚政府官員,要拒絕一件事亦不是絕無商量的拒絕,而是贊成,但結果不佳,以後再不會有人提出那事件。這種做法,董建華已經做過,當時,陳婉嫻義正嚴辭要求政府重開大笪地,董特首推無可推,唯有重開,結局當然不滿意,在新大笪地做生意的人蝕到暈,以後,再沒有議員夠膽再提出。CY當時是董特首首席智囊,當然深得箇中奧秘,新居屋計劃,只不過是苦肉計,是另外一個大笪地而已。
|
|
|
|
|
|
|
1. 霸頭位 2015-02-05 09:04:52
|
|
2. 打工仔 Andy 2015-02-05 09:31:16
|
|
3. 白居二政策冇失敗 2015-02-05 10:16:41
|
白居二政策冇失敗 , 有2個物業在手或富豪,唔會明白有逼 切需要的人!!! 有急切需要的人又抽唔到, 抽到又唔買(D友仔冇逼切需要,唔好執輸心態去抽,點知又俾佢抽中,如果佢地要買,除非有死雞執!!! 試問在一個貨幣量化QE、供應失衡、低息來推動樓市上升之週期中,邊有咁“荀”?) 朋友結婚後,同老公後母奶奶住,婆媳不和,後母奶奶要佢搬,之前又抽不到“白居二”,出去租屋住屯門區都要$11000~12000,被逼之下,租不如買,買左元朗一個3百多萬單位, 佢两公婆大鬧“白居二無後補機制”,抽到唔買可由有急切需要的人補上!!! 經歷過今次辛苦折腾後,两公婆個樣睇落去老左10年,陰功! …………………………今次入表抽居屋,訪問一個公屋户,話自己用綠表抽居屋抽左幾十年,冇1次抽中 …………………………你話呢個世界,抽中又唔買,唔中又想買? 一句講晒,“白居二”應該有後補機制!!!
|
CY唔係行苦肉計
佢只係為民粹, 搏掌聲 但凡民粹想要, 而中央又唔會反對的,就唔理後果推左先算
|
5. LYC 2015-02-05 12:21:13
|
|
6. 回LYC兄 2015-02-05 12:52:36
|
|
7. 子婷 2015-02-05 13:03:08
|
|
8. 導致失敗至真 2015-02-05 14:22:09
|
任何時期, 抽居屋, 就算抽中, 都未必一定買, 點解? 好多人要睇到合心水為止, 價錢,景觀, 方位, 單位間格,大小,實用面積高唔高, 層數.......等等因素, 唔啱, 唔買! 就算沙士時期, 咁平, 好多人比到首期, 有份穩定的工作供得起, 都唔買, 仲要等平D買!
有人就係咁, 一世係到嘈, 買唔到樓! 比佢地抽到又點,又話呢樣又話果樣, 最後又唔買! 任何一個政府房屋政策都要有後補, 如果連後補都冇人肯參與, 就算失敗!
至於推高樓價, 以前居屋交投非常疏落, 價錢相比私樓差距一大截, 如果白居二出台後, 你要居屋業主仲係好似以前交投疏落時個價錢賣返比你, 你叫佢點去私人市場換樓? 私人市場貴居屋一大截, 居屋業主寧願唔賣!
至於~居屋王~公屋王~全部都有其獨特之處(粉嶺華明邨早前有細單位錄破頂價後,旺角居屋海富苑一個實積213方呎的開放式單位,獲用家以自由市場價309.5萬元購入,實用呎價14,531元), 海富苑地理位置唔使講係人都知有幾好啦! 附近只有隔離帝峰.皇殿有此類細單位, 不過尺價都要1萬8千多,雖然質數肯定比海富苑高, 不過要相就下自己財政預算, 在別無選擇下, 居屋單位又格間實用, "仲比私樓平4千幾一尺"! 事實, 咩"居屋王" 又好, "公屋王" 都好, 尺價都是比私樓相差一段距離喎!
|
9. 白居二冇後補機制導致失敗 2015-02-05 14:26:38
|
任何時期, 抽居屋, 就算抽中, 都未必一定買, 點解? 好多人要睇到合心水為止, 價錢,景觀, 方位, 單位間格,大小,實用面積高唔高, 層數.......等等因素, 唔啱, 唔買!就算沙士時期, 咁平, 好多人比到首期, 有份穩定的工作供得起, 都唔買, 仲要等平D買!
有人就係咁, 一世係到嘈, 買唔到樓! 比佢地抽到又點,又話呢樣又話果樣, 最後又唔買! 任何一個政府房屋政策都要有後補, 如果連後補都冇人肯參與, 就算失敗!
至於推高樓價, 以前居屋交投非常疏落, 價錢相比私樓差距一大截, 如果白居二出台後, 你要居屋業主仲係好似以前交投疏落時個價錢賣返比你, 你叫佢點去私人市場換樓? 私人市場貴居屋一大截, 居屋業主寧願唔賣!
至於~居屋王~公屋王~全部都有其獨特之處(粉嶺華明邨早前有細單位錄破頂價後,旺角居屋海富苑一
個實積213方呎的開放式單位,獲用家以自由市場價309.5萬元購入,實用呎價14,531元), 海富苑地理位置
唔使講係人都知有幾好啦! 附近只有隔離帝峰.皇殿有此類細單位, 不過尺價都要1萬8千多,
雖然質數肯定比海富苑高, 不過要相就下自己財政預算, 在別無選擇下, 居屋單位又格間實用,
"仲比私樓平4千幾一尺" 事實, 咩"居屋王" 又好, "公屋王" 都好, 尺價都是比私樓相差一段距離喎!
|
10. 白居二唔係推高樓價真凶 2015-02-05 14:51:43
|
99.99%居屋公屋, 都比私樓尺價相差好遠! 只可以講平衡左D, 同私樓個距離拉返近D! 升勢只是大勢所向而已!
"白居二"只是新居屋出台前的過渡期, 比有需要市民上市, 急市民所急! 不過好多抱住唔好執輸抽左先算心態, 後來又放棄唔買!
至於推高樓價, 以前居屋交投非常疏落, 價錢相比私樓差距一大截, 如果白居二出台後, 你要居屋
業主仲係好似以前交投疏落時個價錢賣返比你, 你叫佢點去私人市場換樓? 私人市場貴居屋一大
截, 居屋業主寧願唔賣!
至於~居屋王~公屋王~全部都有其獨特之處(粉嶺華明邨早前有細單位錄破頂價後,旺角居屋海富苑一
個實積213方呎的開放式單位,獲用家以自由市場價309.5萬元購入,實用呎價14,531元), 海富苑地理位置
唔使講係人都知有幾好啦! 附近只有隔離帝峰.皇殿有此類細單位, 不過尺價都要1萬8千多,
雖然質數肯定比海富苑高, 不過要相就下自己財政預算, 在別無選擇下, 居屋單位又格間實用,
"仲比私樓平4千幾一尺" 事實, 咩"居屋王" 又好, "公屋王" 都好, 尺價都是比私樓相差一段距離喎!
|
11. alan288 2015-02-05 15:14:42
|
政府正研究能否容許居屋分租, 增加租盤供應 我有未補地價居屋, 希望可以容計放租, 分D$俾番政府
|
12. 小弟子 2015-02-05 15:58:39
|
TO: 8、9、10樓, 按照你的理論,原業主賣掉居屋、公屋後,大部分轉投私樓,買入更大的私樓改善居住環境。這樣豈不是導致樓市更健康發展,樓市運行階梯更暢順,樓市所面對的風險更低。
|
13. 小學生 2015-02-05 16:39:14
|
新居屋計劃在大約一個月前推出,有十三萬份申請表,並不是免費,每份申請表要繳交二百大元,總實收二千六百萬元
攞表唔使錢, 交表要要錢. 十三萬份係攞, 交返都係得果3萬份. 邊有咁多錢收呀...
|
14. 回樓上「小學生」 2015-02-05 16:52:03
|
|
15. 白居二唔係推高樓價真凶 2015-02-05 17:10:35
|
TO: 小弟子 我唸賣左居屋&公屋之人, 除非以前有錢買落私樓有得住(有些仔女有本事搵到錢, 買間屋比父母住), 又或者賣左之後等跌買返, 不過要暫時租樓住. 否則, 賣出之後, 再要係私樓市場買返一間來住.
|
16. 小弟子 2015-02-05 17:43:38
|
TO: 15樓, 咁樣講法,居、公屋,私樓這兩年上升,置業鏈係有實質聯動力關係。雖然絕大部分為本地市民置業需求,即係所講的塘水滾塘魚,加小部分內地人買港樓。如是者,只是白居易一日未停,本港樓價會繼續向上喇!
|
17. 白居二唔係推高樓價真凶 2015-02-05 18:51:21
|
小弟子, 睇返資料白居二得21XX個成交, 假如全部出去換私樓, 有咁大能力來影響和推高樓價? 何況佢地當中, 唔係個個都出去換私樓, 有很多以前買落私樓之人, 又或者父母有樓比佢地( 我老闆 & 我很多朋友個老闆都係住居屋之人, 未做老闆之前同老婆抽左居屋, 我老闆父母好有錢, 做左幾十年生意, 生意同幾層私樓都係佢父母留比佢, )
|
|
|
|
|