誠哥的逢三退一

超人偉舉,不評論為佳!!!

好似噴井射唔到

高處不勝寒。非常冷，冷到身處東南西北都不太清楚..........

晨早流流，睇到我冇晒心機... -_-

你都覺得利淡

消 息 指 政 府 有 意 把 新 公 屋 發 售 予 綠 表 人 士 申 請

2015-01-09 HKT 18:41

行 政 長 官 梁 振 英 下 星 期 三 發 表 新 一 份 施 政 報 告 ， 消 息 指 出 ， 政 府 有 意 將 新 落 成 公 屋 發 售 ， 供 現 有 公 屋 住 戶 綠 表 人 士 申 請 ， 已 選 定 沙 田 即 將 落 成 的 水 泉 澳 邨 兩 幢 新 公 屋 ， 約 1500 個 單 位 作 為 先 導 計 劃 ， 訂 價 仍 要 討 論 ， 初 步 傾 向 會 提 出 比 居 屋 更 大 折 扣 率 。

咁又唔係嘅， 李超人有無數海外投資選擇， 好似我哋啲中小型企業同投資者， 連去澳門已經驚到腳震， 最多咪去英國買層樓。 但係家陣海外投資都冇乜嘢好選擇啦。 歐元區只係吸收到D垃圾國家， 簡直係海軍鬥水兵， 呢個世紀都唔會好得去邊。 都係香港好

好似噴井射唔到……

這兩天看到兩編好文，分別是peter兄的租金分析及另一作者的功能定價，兩編分析對2015樓價都是正面，但連成哥都三退一,真的要載定頭規

楼上，今年最大风险是资金流向美元，美元超强，令人担心。

長和系合拼重組再遷册到英屬開曼群島説明超人對香港的所謂一國兩制，司法獨立投下不信任一票，超人是智者，寧信任大英帝國法制，他亦是先知，賣走資產是預示資産泡沫即將爆破，跟超人走無死！

【珍惜香港】

我咪話過，首富講嘢，一定要睇 Original，睇足本囉！啲傳媒同學者，次次都喺咁，重點放哂响啲雞毛蒜皮度，關鍵嘢就 SKIP 哂。我地身為國際金融中心嘅市民，點可以咁膚淺架！大家真喺唔好咁懶，CLICK 下面個足本睇清楚先啦，成個鐘頭喺長咗啲嘅，不過真喺好過睇新聞：

長和系重組記者會答問足本

今次長和系重組，我完全唔覺得有乜嘢負面。尤其喺响樓市方面，首富根本冇睇淡後市，只喺認為地產呢盤生意嘅模式，應該由進取，轉營為保本，喺對香港樓市體質有信心嘅表現。連呢度啲評論，都講埋哂啲乜嘢遷册對香港冇信心、乜嘢樓價冧、乜嘢撤資之類；人地首富都冇話要退，就算喺退，都只喺退休果個退啫！

各位請睇咗個足本先，分析待續。

完全睇唔到會跌，自住需求大過天，大學畢業6年，身邊結婚唔多，幾嘅得幾個買到樓，其他租，再者仲有一大班就結婚無地方住，包括本人！真係諗唔到點跌法！

你吹淡個市，係咪想掃貨先，hehe

博士近期的幾遍文章應可以粉碎早年被指一路唱好只為散貨的指控。

我對樓市一竅不通，但當最後一批淡友都不敢睇淡時，可能是一些訊號。

「羊群多數是錯的？」

這是老生常談，但像歷史不斷重覆。
其實羊群的選擇很多時都是很有參考價值，如：
- 揸車／行山 邊條路最短冇咁斜
- 買市區、大屋苑、避低層是較優質的
所以我們被羊群決定影響自己決定，因為的確是有幫助的。

但請留意以上的facts是不會受 demand / supply 影響的。
用番上面例子，尖沙咀去海洋公園路程最短的一定是紅隧+香隧，無論幾多車都好；但如果問時間最短就是另一回事，因為它會隨多少車（即 demand supply ）而變化。佔中就是個很好例子 - 人人認為路程長咗是一定對的，但人人以為行車時間多咗就是錯 - 因人人都唔敢揸、distort demand supply，結果無咁塞車所以快咗。

正如中、大單位較優質但蚊型單位升值較多（前者不受 demand supply 影響但後者會）。

我想說樓價 （which is product of demand supply) ，當羊群推到極至，很有可能會錯。

本人非常認同PP兄的分析，但我相信有一部份 demand 是羊群製造出來的。以前溝女要講品味講消費，我話現在唔使講咁多，過時過節過weekend帶一班朋友上自己自置物業叫Pizza睇DVD已經夠照。

所以不能不小心！


但請留意

長實集團主席李嘉誠，今早發聲明，表示一旦梁振英當選，長實及和黃集團，仍不會由香港撤資。

李嘉誠澄清，兒子李澤鉅早前只是指與其他地方比較，香港沒有大型項目投資機會。李嘉誠直指，撤資一事是亂說，又指自已愛香港，和黃集團在港投資約佔整體16%。

另外，李嘉誠又表示，不會解讀國務院總理溫家寶，對特首選舉的言論；而他仍會支持唐英年，指唐英年過往有政績，以及有政府工作經驗，當選是對香港好，是愛香港的表現。他又指3月25日一定會投票給他，又未聽過有地產商轉變立場。

(綜合報道)(星島日報報道)和黃（013）計畫出售百佳超級市場業務的傳聞，昨日獲得公司證實。和記黃埔昨日發出聲明，表示旗下屈臣氏集團，現正就以「百佳」為主要品牌經營的超級市場零售業務，進行策略性評估，以期為股東帶來最大利益。和黃強調無意從香港撤資， 外間傳言毫無根據。長實及和黃系主席李嘉誠昨日離開住所時回應，「今次為正常的商業活動，請外界不要胡亂推測。」當問及是否涉政治考慮，李嘉誠則搖頭否認，「沒有這件事」。

因應傳媒查詢，和記黃埔昨天證實，屈臣氏集團現正以「百佳」為主要品牌經營的超級市場零售業務，進行策略性評估，以期望為股東帶來最大利益。直至昨天，屈臣氏仍然沒有就其評估設定完成日期，也不保證是項評估會達至任何交易。

對於有些傳言指，出售百佳可能屬於李嘉誠部署撤資，和黃強調無意從香港撤資，外間傳言毫無根據。在評估期間，屈臣氏與百佳將如常專注執行各自的日常業務營運。

李嘉誠昨日早上在寓所乘車出外，遇到守候的記者時，他簡單地說：「今次為正常的商業活動，請外界不要胡亂推測。」記者問到是否涉及政治，或者與特首CY有關，他則搖頭否認，然後離去。

【本報訊】國務院總理溫家寶日前發表「多數港人擁護」論，令外界揣測民望大幅被拋離的特首選舉候選人唐英年大勢已去。提名唐英年的長實集團主席李嘉誠昨日表示，三月廿五日投票日一定會投票給唐英年。對於有指另一候選人梁振英如當選，長和會由香港撤資，李嘉誠表示絕無此事。同樣提名唐英年的醫院管理局主席胡定旭亦繼續「挺唐」，並指溫家寶言論好中性，認為沒有特別傾向

(綜合報道)(星島日報報道)已提名的長實集團主席李嘉誠昨日強調，會繼續支持唐英年，在三月二十五日當天「一定會」投票給唐英年，並指這不只是個人的決定，而是愛香港的選擇。他又澄清上台，長和系會撤資的傳言，強調無論誰做特首，長和系絕不撤資。對於有梁營報章指李嘉誠近日終於與梁振英見面，李嘉誠則指過去數月都未有見過另外兩名候選人梁振英和何俊仁。

李嘉誠昨日先接受電視台訪問，其後又發表聲明強調自己會繼續挺唐︰「我已提名唐英年，我自己認為他的政績和政府經驗對香港人好……我個人由頭至尾，投票那天都投唐英年，不會動搖，這不是個人的事，是愛香港。」

他不回應溫總早前就特首選舉的言論，又透露，沒有聽過有地產商「轉軚」支持梁振英之說，亦不知道流選的機會有多大。

對於有報道指梁振英一旦上場，長和系將撤資香港的傳言，李嘉誠強調絕無此事，直斥「啲人亂講，長和系絕對不撤資，不論誰會當下任特區首長」。他強調自己愛香港，和黃集團現時在港的投資佔整體百分之十五至十六，投資數字涉五十至六十億英鎊。至於梁振英上場後，股市會下滑的傳言，他拒絕評論，但指說法「對誰都不公道」。

【珍惜香港】續 14/F

關於呢次長和系重組，我本來冇諗過要寫啲乜嘢，因為我認為個 PICTURE 已經好清晰，冇乜嘢好寫。但坊間嘅負面反應，實在令我感到太驚訝；就連博士都話，今次分拆長地上市，即喺對大家講，香港地產唔喺長和系嘅優質資產喎！唔通一個黃虫之患，真喺搞到大家 SHORT 咗？

記者會裡面，有人問首富，點睇今年香港嘅樓市，佢話會好安定，因為美國今年應該加唔到息，就算加都只會加好少。但呢個唔喺最重要，重點喺，香港，今時唔同往日啦！以前，地價貴過建築費；今日，好多新界地方，建築費仲貴過地價。佢冇進一步解釋，但喺呢樣嘢，佢近年講過好多次，而今次講地產，對起樓之類嘅連提都唔想提，反而多次強調集團嘅龐大租金收益。即喺話，以發展商模式經營地產業務，已經過時，應該轉營至一個長線持有資產，以穩定租金回報為利潤嘅保本經營模式。

營商之道，薄利嘅話，就要多銷。今時今日，做發展商，成本又高，毛利薄，量少，回報期又長，搞咁多嘢，都喺一次性賣咗去賺你果少少；倒不如人地起，自己買，你起樓賺果啲，我俾埋你又點？長線收租賺番突啦！所以將來嘅長地，會不斷購入優質資產，多買少賣，以長線收租為主。呢種退休式嘅保本業務，同進取型企業管理模式截然不同，甚至喺相反，所以一定要分拆出嚟，先至唔會影響非地產業務嘅發展。

企業萌芽期間，以保本業務支持，無可厚非，但到企業發展成熟之後，呢種支持就會變成寵溺，令企業走下坡。將轉營至保本模式嘅地產業務，脫離成熟發展嘅非地產業務，本身就喺一個順理成章嘅商業決定。而遷册，亦只不過喺基於技術考慮，一個與時並進嘅普遍做法啫。將呢啲嘢，渲染成乜嘢對香港冇信心、睇淡樓市、撤資之類，根本就喺廢 UP。

我反而認為，首富將地產業務分拆，轉營至保本經營模式，喺對香港有信心嘅表現。確認本地物業為優質資產，先至會長期持有，唔會因為現價嘅升跌，隨便變賣。因為優質資產，喺睇價值，唔喺睇價錢；而物業嘅價值，就喺基於佢衍生穩定、長期現金流嘅能力。

如果要搵一個比較中肯嘅撮要報導，可以睇經濟日報呢段片。其實首富年紀都唔細啦，整合企業，為退休、為後人舖路，有乜咁出奇，何必諗得咁複雜？到記者會最後，當然唔少得專誠留一段時間，同大家強調一下，一人一票選特首，喺佢同全港七百多萬人嘅意願，千祈唔好原地踏步！

珍惜香港兄: 

回珍惜香港兄，

港島多區都出現大量抵買的樓盤,港島區實在不用增加供應,政府只要在九龍新界增加供應就夠了

柴灣非常抵買的樓盤

鰂魚涌非常抵買的樓盤

西營盤非常抵買的樓盤

5. 麗娜 2015-01-11 14:23:22

經過佔中事件，香港的法治情況明眼人便知。另外，香港的樓價確實高，已經是全球數一數二的高。所以小妹認為，重組，遷冊，是減低風險的行動，包括香港法治及政治風險，及高樓價跌市風險，免得將來整個集團給反對派搞垮，因為如果香港作為世界重要城市的地位及前途，現在是見頂，將會回落，以及世界的經濟環境加息風險等，樓價也很大機會會回落的話，把公司身份改變，以及把高風險地產業務隔開，如果樓市真的淋市，也不會拖累集團其他業務的估值。及反對派一日不死，23條不立法，香港政治風險和以前已不可同日而語。這和移民後拿了外國護照，再回來搵錢，有咩唔妥就走是沒有分別的。 回珍惜香港兄：你講的很有道理，但是我認為他主要是避險。避險是首要。 同意Oscar Lam.

【珍惜香港】TO：23/F 山高雲低、24/F Oscar Lam、26/F 麗娜

首富唔妥庸梁，已經喺好明顯嘅事實。記者會中段，有人問佢點睇 CY，佢避而不談；到最後，又有人問點睇八萬五同四萬八喎，佢終於答咗一句：其實，佢都 TRY HARD 啦！

所以有樣嘢一定要讚下自己，叫 CY 做「庸梁」多年，真喺太貼切。呢個人，無論响人格、性格、能力等各方面，都喺有障礙。佢嘅問題，唔喺因為只得 689 票，亦唔喺乜狼英之類，而喺有障礙，即喺，一個「庸」字。佢面對菲律賓總統，面對外國傳媒，都搞到一鑊粥咁，我諗佢面對富豪，都只會喺一隻鶉春。所以，有人讚佢唔同大地產商妥協；其實，佢只不過喺有溝通障礙啫！做咗特首咁耐，有好多現實嘢，點會仲未睇清楚？只不過，能力有限，唔夠料囉！佢都 TRY HARD 啦！

但話分兩頭，香港已經發展成一個成熟嘅經濟體，好多嘢，透明化、規範化、企業化，喺大勢所趨，唔喺一個特首就可以改變。我亦多次強調，今時今日，通過走捷徑，達至以低成本造就成果嘅目的，已經過時。依家生意難做咗，而向上游嘅機會同形式，亦已經大不如前。好多行業，包括地產，都已經脫離咗高增長嘅時期。今日香港制度，對各行各業嘅監管，可謂世界之冠，你唔依足規矩，保障股東利益，大如阿里巴巴，一樣冇面俾。咁嘅投資環境，有幾大風險？唔通歐洲好啲？美國？日本好啲？風險低咗，競爭公平咗，要食大茶飯，自然就冇咁易啦！所以，好多香港企業，去到某個 SCALE，結果都喺踏上保本之路。

麗娜姐話，首富要避險；其實，長和已經喺一個多年嘅國際企業，只喺大家當睇唔到，仲一廂情願將佢幻想成一間香港公司。一個地方有幾安全，都要避險啦！人地都話自己唔會喺賣家，會喺買家囉，唔好再砌佢地生豬肉喎！時代巨輪，只會向前；倒不如大家調轉諗下，如果冇庸梁，冇碼頭工人罷工事件，冇黃虫之患，難道長和就唔會分拆地產業務上市？唔會遷册？

我就話，結果，咪又喺一樣！

同意珍惜兄既分析。李氏只係重組長和系既業務而已，不必大驚小怪。

這兩年，和平了太久了，大家忘記了歐美時不時會出一張牌對付中國，那就是制裁。

97年之前，無論發生咩政治事件，無論是香港或者大陸，香港都吾會被歐美和中國制裁。97年之前，歐美在50年代對中國封鎖，89年制裁中國，香港都可以置身事外。

97年之後，如果歐美制裁中國，香港可吾可以倖免？黃屍歹，請回答我。如果受歐美制裁，香港將變成點。

如果今次佔中發生流血事件？歐美有幾大機會制裁中國。香港會吾會倖免。

作為香港人，你要知道，如果香港被歐美制裁或者大陸制裁，香港的金融中心，物流中心將會失去，外資肯定會很快撤退。港幣被追擊跟著大幅貶值幾乎無可以避免。除了某些飯民領導之外，所有香港人將會是失敗者。

30樓，李家发财的秘诀就是勾结权贵，最近新鴻基案件已經反映了這個事實。
所以权贵一倒，对他当然极其危险，他当然得撤了，有啥大惊小怪。

李家這種人渣，賺了香港人的錢，然後撤走，仲話到自己幾偉大。

不過自由經濟的支持者，就是這樣，資本主義要實行，難免官商勾結。

港獨是不可能啦，香港只是一個小城市，解放軍一到，問題就解決，問題是歐美制裁者。

所以真系倒抽一口涼氣，李家都可能聞到這個風險。所以先會撤資。

【珍惜香港】TO：31/F 亮劍兄

要聽話嘅，都唔使揀件咁「庸」架！任何一個尊重一國兩制嘅特首，面對重大國事，點會唔聽話？況且，話唔定當日庸梁落敗，黃虫之患，根本就唔會發生呢？不過，冇發生嘅因果，又點証實得到，廢 UP 下啫。

記得我曾經話過，庸梁落台，越早越好，我諗我要收番呢句說話啦！但唔喺我對佢改觀喎，只喺因為，佢提早落台，就即喺縱容果班廢物，對香港嘅傷害，仲大過佢嘅消極施政。總之，佢唔好再亂嚟，唔好連任算啦！

所以話，呢個世界每一件事物，都喺因為需要存在而存在，至於是好是壞，其實只喺主觀角度嘅問題。

有冇無間道，一樣証實唔到；歸根究底，咪又喺香港人，自己嘅心魔！

根本邊個人上台都一樣，只要個制度無改變，之後上台既人都唔會有大作為！

其實cy並唔一定事先被揀出黎，只係中央唔反對而順著所謂“民意“而衍生出黎，其實梁又好唐又好，就算何都好，中央亦可以有plan 針對性處理，中央內部權力鬥爭亦開始明朗化，中央對港方略只會比從前更易掌握。