有網友話香港啲樓不嬲咁貴,呢點係立刻得到我嘅右腦認同嘅。不過亦有其他網友唔同意。於是我就拍心口整幾幅圖大家嘆下。咁究竟一樣嘢係唔係貴真係好難講,因為每個人嘅價值觀唔同。PP兄早年係度出過文,以香港銀行體系入面嘅存款同樓價比較,用以顯示香港當時嘅樓價唔係貴,如果大家有興趣不妨搵返出嚟睇下。不過由於HKMA係2012年之後不斷買入超過一千億美元守護聯繫匯率,況且香港資金自由進出,而家再用呢個方法睇可能有問題。我又曾經試過用total residential market value/GDP嘅方法睇,但而家個副圖仲未搵得返,等我搵返一定係度登。
今次我係度用咗RV同埋統計處嘅數據:未經物價調整嘅人均GDP,亦即係我哋平均每人搵幾多錢、同埋用買樓嘅代替品—租金(RV嘅Type A/C/E Rental Index)嚟同樓價(RV嘅Type A/C/E Property Index)互相比併。
如果大家有其他好提議不妨係度提出,係可以搵到資料嘅情況下,我會係呢度照登。一如以往,先出圖俾大家吹吓先。
《後加:大家小心大部份圖都係用relative change嘅概念,我用房價指數/人均GDP,但數字無用絕對數字表達(即係個圖無話俾你知要用幾年入息至買到層樓)。我將呢個數字scale咗去一做起點。如果條線由一上到二即係話原本你要x年收入先可以買斷層樓,而家要2x咁多年嘅收入。》
樓價指數/GDP
租務指數/GDP
樓價指數 /租務指數
GDP/租務指數樓市指數相對增長三合一 (log scale)
GDP/租務指數樓市指數相對增長三合一 (normal scale)
呢個係以前做落嘅CCL比恆指,但係基於死剩種謬誤理論,我唔建議閣下用來做長時間嘅分析。