地產博客 > 蔡志忠 返回
瀏覽人次:20391    回應:40
蔡志忠
2021年4月21日

樓價會如脫韁之馬嗎?

 

蔡志忠

亞洲地產創辦人
香港東區工商業聯會會長
香港專業地產顧問商會會長

  經過去年新冠疫情的折磨,今年經濟終於走出谷底,第一季中國GDP錄得18.3%增長,香港也有大約4.5%的增幅,整體經濟已經開始反彈。中國近年來發展神速,南方一個省份如廣東省,其經濟總量等於西方一個國家,甚至已超越俄羅斯、南韓、西班牙和澳洲等國,世界已經改變,香港人必須清楚認知,我們的國家再不是以前的弱國,而是真正的強國。

  就以疫情期間為例,中國地大物博,國家提倡經濟內循環,自給自足也能讓經濟快速復甦。香港是外向型經濟體系,依賴外來消費和需要引進外資,疫情影響了香港和世界各地的互相來往以及經濟交流,因此通關通航非常重要,而這一切取決於疫情能否清零。近日第四波疫情似乎開始受控,坊間流傳今年第三季中港通關,未知消息屬真屬假,如能夠有條件局部通關,也是一件好事。

  樓市是香港經濟之柱,去年香港環境惡劣,樓價全年跌幅僅1%,尚算溫和。這個下調幅度恐怕讓很多淡友失望,原因其實很簡單,看看我們鄰近城市去年樓價的表現,深圳升14%,上海升6.8%,北京升6.7%,而香港已經融入大灣區發展,經濟相互影響,樓市也相互影響,內地大城市樓價均上漲,都說水漲船高,為什麼還期望香港樓價下跌呢?

資金氾濫追落後 樓市蓄勢待發

  筆者從來都不認為住宅樓市會大跌,尤其在狂印鈔票的年代,華爾街股市的牛市表現,香港股市成交量大增,都代表資金氾濫的程度不斷擴大。我們面對的不僅是居住問題,還有通貨澎漲問題,資金在尋找出路,除了少數人懂得買股之外,大多數人就只懂得買樓,如果不是港府的樓市辣招捆綁,恐怕資金投入樓市的個案會更多,樓價自然也更加難以下調。

  這個解釋淡友也許不喜歡,但卻是事實,樓價不升便是跌。那麼今年樓價又將如何發展?筆者言詞向來不懂得譁眾取寵,去年預測樓市上落不大,算是有所交代。今年下半年又不一樣了,經濟已見好轉,疫情開始受控,資金到處氾濫,樓價將會追落後,綜合以上各種因素,今年樓市不可看淡,特別是中小型物業市場,已經蓄勢待發,樓價上升似乎不可逆轉。筆者不想看到卻又可能出現的,樓價會如脫韁之馬向前狂奔嗎?

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 然自在 2021-04-21 14:17:12


樓價會如脫韁之馬嗎??????

叫人買樓是一件最開心的事......唔使做選委都可以漂然自在......


2. 引刀一快 2021-04-21 14:18:32
一定會,追返大灣區一線嘅漲幅。
3. 忍者 2021-04-21 15:06:25
疫情、吉舖、失業率、保就業完結、移民潮.....

以前成日話沙士重臨,樓市就會冧。而家肺炎既影響力超過沙士百倍以上,仲要係全球性,再加埋上面所有負面因素,都未能夠令樓價下跌。如果上面因素唔好話解除,只係好轉,已經好難預料今年樓市會唔升。
4. 正確 2021-04-21 17:33:35
蔡老闆好文,說服力夠,冇下跌理由,淡友情何以堪?有時都要顧及淡嘅感受.
5. SYB 2021-04-21 17:57:37
一定要重獲樓市升幅第一位。但工商鋪的跌幅如何計算?平均?無眼看?
6. 博士生 2021-04-21 19:31:50
眼看世界發達國家,英、美、加、澳、韓等等,有那一個發達國不是疫情比香港嚴重, 經濟低迷,可是住宅價續升呢?成個世界得一個利好資產因素,就是(無限量寬)印錢!所以只要社運平定,就是疫情繼續,驅使銀紙繼續無限地印,住宅樓一樣照升!世界現象,證明了無限量寬,使住宿價續升,甚至爆單邊! 因為金錢會追逐同一樣,有價值的東西。商鋪工廈、商業中心價跌,也是世界各國現象,並不出奇,因為生意淡薄。
7. 浪子心聲 2021-04-21 19:36:43

《創世紀》劇集重溫 - 許文彪神金句「公平咩?」夠貼地!

8. 說真話 2021-04-21 20:30:45
講真,樓價升值了,水浸眼眉,

[筆者從來都不認為住宅樓市會大跌,尤其在狂印鈔票的年代,華爾街股市的牛市表現,香港股市成交量大增,都代表資金氾濫的程度不斷擴大。我們面對的不僅是居住問題,還有通貨澎漲問題,資金在尋找出路,除了少數人懂得買股之外,大多數人就只懂得買樓,如果不是港府的樓市辣招捆綁,恐怕資金投入樓市的個案會更多,樓價自然也更加難以下調。]
9. 說真話 2021-04-21 20:32:58
蔡生今次說真話,一個字"升",莫再等.
10. 公平咩? 2021-04-21 22:26:40
當然公平,任何有香港永久居民身份証的,都能按自己需求及自己能力去買樓,只是部分香港人要低買高賣,咁自然要承擔風險。
11. 東成 2021-04-21 22:58:51
香港人立志於買樓上車,好有見地,唔好以為大陸平,唔計豪宅,深圳隨時貴過香港.
蔡老闆分析好有point.
12. 引刀一快 2021-04-22 01:46:01
樓價繼續起,最終解決辦法,不外兩個,飛地,同增加24小時通關關口,簡約通關手續。
要地,真正有效都係大灣區。
13. 元朗湾区人 2021-04-22 09:04:51
香港很大机会跟星加波

!!组屋

人人有份。
14. 十一哥 2021-04-22 10:54:57
刀刀  智商超出正常人、話之野嶺山頭…衹要執到舊磚頭、晝伏夜出…半夜數星星、搣下搣下等飛昇…都係一種超脫嘅生活態度…
15. 博士生 2021-04-22 12:10:47
運房局數字顯示,香港有二百萬人有物業。另外,有七成人住在公屋,香港人應該感恩。不要見人有物業升值,不滿意自己 已經有公屋住。
眼看世界發達國家,英、美、加、澳、韓等等,有那一個發達國不是疫情比香港嚴重, 經濟低迷,可是住宅價續升呢?成個世界得一個利好資產因素,就是(無限量寬)印錢!所以只要社運平定,就是疫情繼續,驅使銀紙繼續無限地印,住宅樓一樣照升!世界現象,證明了無限量寬,使住宅價續升,甚至爆單邊! 因為金錢會追逐同一樣,有價值的東西。商鋪工廈、商業中心價跌,也是世界各國現象,並不出奇,因為生意淡薄。

16. 引刀一快 2021-04-22 12:38:14
超過十一仔唔算超出常人,只係超出方丈啫。
17. 自然一派 2021-04-22 22:07:51
唔會脫韁啦.有錢至得嘅,失業率咁高,點大升,蔡生只係形容啫.
我理解係升小小啦.
18. 東成 2021-04-22 22:10:59
刀兄又講飛地,點飛呀?廣東深圳肯唔肯呢?唔實際呀.
19. 好友 2021-04-23 00:45:10
[樓市是香港經濟之柱,去年香港環境惡劣,樓價全年跌幅僅1%,尚算溫和。這個下調幅度恐怕讓很多淡友失望,原因其實很簡單,看看我們鄰近城市去年樓價的表現,深圳升14%,上海升6.8%,北京升6.7%,而香港已經融入大灣區發展,經濟相互影響,樓市也相互影響,內地大城市樓價均上漲,都說水漲船高,為什麼還期望香港樓價下跌呢?]
呢段有意思,講得啱.
20. 引刀一快 2021-04-23 05:26:10
東成兄

深圳俾都唔飛喇,理由我早前解過,不贅。
廣州一堆新區,其實大把地,而且佛山已經到咗嘴邊,點會冇地?中山最少人,珠海亦可以,東莞?怕益咗深圳。

21. 十一哥 2021-04-23 09:39:02
大家誤會咗刀刀飛地嘅真正意思、飛人去大灣…買咗樓就焗住落地生根啦…

22. 十一哥 2021-04-23 09:54:26
大灣可以打完更再去倒夜香…大把job 冇人爭、倒完夜香就無憂無慮去嘆220…食到打包做神仙、咁嘅境界…錢多過大流都享受唔到!刀刀樂不思港…長期灣水就係先例…
23. 東成 2021-04-23 13:16:30
我終於明白刀兄嘅意思係叫人上大灣區買樓,我只能講退休係唔錯嘅選擇.
不過宜家連大城市都好貴,唯有選擇二三線區.
24. 引刀一快 2021-04-23 13:26:00
死囉,十一仔呷醋?
大人大姊,𠼱地?
26. 引刀一快 2021-04-23 18:19:43
東成兄

十一仔就話水汪啫,你學佢?
飛地就係飛地,同買樓兩碼事。
飛地係政府行為,買咩樓?
27. 十一哥 2021-04-23 23:27:30
刀刀  唔好咁燥、真係好多人想學…就係學唔到你咋、間中返嚟交下水電煤…保住個竇口、平時就大灣打更遊走揾水魚、食完孖Q就去娥眉/青城養海鮮、養好老蝦再呃條。
28. 引刀一快 2021-04-24 04:03:03
十一仔,唔掂喎,乜你開始loop嗱?
十一仔,你輸咗喇。
29. 十一哥 2021-04-24 09:30:44
刀刀  長期唔洗瞓…11哥真係冇本事半夜唔瞓覺…淨係呢樣認輸。
30. 引刀一快 2021-04-24 12:41:14
輸就係輸,睇大陸走勢你輸,風度你都輸。
十一仔,一時又話雞棚又話水魚又話三沙又話瞓橋底,睇到今日大灣區,你唔認,唔通就睇唔到你輸?一輸輸嗮你幾年筆耕。
31. 那些年 2021-04-25 02:21:46
今次睇怕唔返大陸買樓都唔得,香港樓價開始大升.買唔起了.
睇黃竹坑新盤,第一期3萬/呎就知,之後幾期加到4萬左右都唔奇.
32. 那些年 2021-04-25 02:24:35
現時唔聽刀兄講都唔得.香港人返大灣區買樓,大陸人來香港買,互相交替吧.
33. 各取所需 2021-04-25 10:19:20
大陸富人落嚟香港買樓,香港窮人去大灣買樓,各取所需,冇咩好爭。

一億升10%,賺一千萬,100萬升一倍賺100 萬,各取所需,冇咩好爭。

34. 十一哥 2021-04-25 10:36:04
喺香港輕輕鬆鬆、點及喺大灣又要走又要睇勢…半夜唔瞓扭盡6壬揾交替、講勤力真係輸咗比刀刀…輸得開心…

35. 引刀一快 2021-04-25 15:37:09
十一仔,輸得咁難睇。
36. 引刀一快 2021-04-25 15:41:37
To 33樓

百分之一成本,賺少啲又如何?
呢個世界唔係個個都好似十一仔咁,3800食隻雪雞咁high-end嘛。
我160一隻雞加兩隻鴿,照樣收貨喎。
37. 報復式反彈 2021-04-25 17:29:37
24-4-2021 東方
住宅樓價持續向上,不少二手屋苑近日連錄理想價成交。東涌東環一個一房單位,剛以650萬元售出,成交金額創項目同類型單位歷來新高。

美聯方吉和稱,上址為6B座高層5室,實用面積408方呎,3月中叫價650萬元,零議價下售出,呎價約15,931元。新買家為外籍人士,已取香港永久性居民身份證,是次以首置客身份入市。原業主2015年1月以434萬元購入,帳面賺216萬元。

荃灣樂悠居連錄破頂個案。消息透露,該盤高層7室,實用面積約312方呎,剛以630萬元成交,呎價約20,192元創屋苑新高。事實上,項目高層一個同面積單位,本月初以627萬元售,呎價才破兩萬元。

紅磡區二手市價、量齊升。中原袁顯岸指,區內藍籌黃埔花園4月已錄42宗買賣,已超過上月全月,更創逾8年按月交投量新高。都會軒1座高層戶,亦以1,070萬元售,呎價約23,060元料屬項目新指標。

樓價指數按周微升

此外,反映主要二手屋苑價格的中原城市領先指數報180.19點,按周升約0.13%。分區指數中,新界西報171.06點,創89周新高。
38. 合時宜 2021-04-25 22:29:44


樓價會如脫韁之馬嗎?

叫人買樓,不合時宜......


疫下26萬人無工開 近2萬人申領綜援創7年新高......

...

39. 那些年 2021-04-28 01:01:19
樓價又到上升軌,今次又一個周期來了,冇咩爭議.
今日唔買就後悔,睇新地點投古洞地皮,唔駛我講,你懂的!
40. 那些年 2021-04-28 01:04:57
蔡生呢兩年都冇點叫人買樓,身為地產界人士,算係中肯.

近兩期開始唱好,唔好唔聽,快者入市有著數.
41. 43 年樓,一樣爆升 2021-04-28 10:08:29


太古城87年貨升值19倍
2021-02-24 00:00

  (星島日報報道)指標屋苑鰂魚涌太古城升值力高,美聯高級分區營業經理陳彪表示,屋苑恒天閣高層F室,567方呎,2房間隔,以1218萬成交,呎價約21481元。原業主早於1987年7月以約60.8萬購入,近34年帳面獲利約1157.2萬,升值約19倍。另外,利嘉閣高級經理雷敏儀表示,堅尼地城西園長蓁閣低層E室,約529方呎,以892萬沽出,呎價約16862元,原業主於1983年3月以約30.7萬購入,38年帳面獲利約861.3萬,升值約28倍。