地產博客 > 蔡志忠 返回
瀏覽人次:19519    回應:29
蔡志忠
2020年9月2日
不要輕言賣樓移民
 
蔡志忠
亞洲地產創辦人
香港東區工商業聯會會長
香港專業地產顧問商會會長

  近來的確有不少港人想移民,英國、台灣、美加及澳紐都是熱門地,原因是這些國家和地區,都聲稱有特別優惠措施接收香港人。於是人們不禁聯想到香港樓市將會大跌,因為這些將移民的人會賣掉香港的房子,大家為了盡快脫手,也將爭相減價促銷,樓價自然也往下調。

  這種看法只是對了一半,想移民的人的確不少,尤其是年輕人。如果跟他們說外國生活不容易,別輕率作決定,今天他們或許聽不入耳。不過,雖然很多人想移民,但因移民而拋售物業者卻不多,主要是這些年輕人並非富裕階層,本身在香港沒有自置居所,拿甚麼來拋售?港人汲取了97年移民時「賣咗買唔返」的教訓,即使全家移民,也不會隨便放售香港物業。

  相反,外國人就不一樣,尤其是歐美日韓等國僑民,他們近來的確在放盤,無論住宅物業或商業樓宇都有。雖然國安法平定了香港內部動亂,但卻讓歐美國家對香港少了信任,也使美國與中國的矛盾進一步惡化,歐美將香港當成內地城市,這些外國人認為自己只是過客,放售香港物業很平常,如美國高調放售其擁有72年的駐港領事館豪宅,便是一個撤資開始,我們也不能不憂慮其產生的骨牌效應。

金融前景秀麗  樓市暗藏危機

  世界已經改變,香港也在重新定位,無論政經情勢,這一兩年難免出現波動。以前股市與樓市相向而行已不復再,金融市場前景秀麗,深港通、滬港通帶來每日股市千億商機,內地世界級大型企業爭相到港上市集資,在國家大力支持下,香港金融中心地位更上一層樓。然而,物業市場卻是另一個世界,疫情衝擊令經濟嚴重衰退,樓市在重大沽壓下暗藏危機,國家出手保住香港金融中心地位,港府也應出招穩住香港樓市發展。

  筆者期望港府能從善如流,支持樓市就是支持經濟,撐住企業也等於保住就業;更希望港人放下歧見,互相包容,只要社會團結和諧,待疫情過後,中港兩地再次互聯互通,香港很快就能浴火重生。不要輕言移民他國,因為沒有一個地方比香港好;更不要賣光香港物業,因為價格調整是周期性,或許需要一兩年,但很快又會追回失地,甚至更勝從前。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 這種看法只是對了一半 2020-09-02 13:04:53
其實掉番轉頭黎講, 想移民的人應該先在香講買一層樓收租, 咁移住民就可以有穩定的收入了, 是不是?
2. 東成 2020-09-02 13:09:04
移民唔好賣樓好正確,好啱時勢,都唔知外國適唔適應到?

後生仔移民去闖一番事業,都係一種歷練,衰咗再返來,無得再怨.
3. 自然一派 2020-09-02 13:12:01
蔡老闆又係一篇好文章,言之有物,
移民?考慮清楚,未來一兩年有波動,之後香港成定局,再決定未遲.
4. 攞苦申 2020-09-02 14:19:34


不少港人想移民,英國、台灣、美加及澳紐都是熱門地,原因是這些國家和地區,都聲稱有特別優惠措施接收香港人。........攞苦來申.......進入新冠肺炎死亡率高危地區......



5. 說真話 2020-09-02 14:35:50
業主憂慮嘅嘢,蔡生都講咗.

 "相反,外國人就不一樣,尤其是歐美日韓等國僑民,他們近來的確在放盤,無論住宅物業或商業樓宇都有。雖然國安法平定了香港內部動亂,但卻讓歐美國家對香港少了信任,也使美國與中國的矛盾進一步惡化,歐美將香港當成內地城市,這些外國人認為自己只是過客,放售香港物業很平常,如美國高調放售其擁有72年的駐港領事館豪宅,便是一個撤資開始,我們也不能不憂慮其產生的骨牌效應."
6. 爆破 2020-09-02 14:40:08
香港樓市存在爆破危機,經濟大衰退,資金只入股市唔入樓市,移民梗要賣樓啦!
7. 那些年 2020-09-02 15:41:34
同意蔡生!

[筆者期望港府能從善如流,支持樓市就是支持經濟,撐住企業也等於保住就業;更希望港人放下歧見,互相包容,只要社會團結和諧,待疫情過後,中港兩地再次互聯互通,香港很快就能浴火重生。不要輕言移民他國,因為沒有一個地方比香港好;更不要賣光香港物業,因為價格調整是周期性,或許需要一兩年,但很快又會追回失地,甚至更勝從前。]
8. 圈養的哈比人 2020-09-02 18:06:01
世界有邊樹樓既面積比香港更細更貴? =) 連哈比人隻狗都住不了.
9. 說真話 2020-09-02 19:04:40
移民需要錢傍身,有樓沽售係好時機,最好有兩層樓,留一層收租幾好.兩年後買返有驚喜價.

宜家樓價高,趁機高沽套現,在英國台灣都好好駛,反正經濟不景氣一段時間,起碼兩年都未好得返.
10. 正確 2020-09-02 19:08:36
1樓:

高見,移民前先買返層樓收租,我同意,不過移民果班多數冇錢,買鬼咩,寧願去外國做二等公民,都唔留在香港,講極都唔會聽.
11. TO:1樓 2020-09-02 19:12:53
有錢家庭唔會全家移民,現時講移民是後生仔,同父母未必啱傾.

97年賣樓移民,後來樓價貴咗兩倍,結果返唔到香港,咁嘅沉痛教訓,你估佢地唔驚咩?
12. 樓市危機 2020-09-02 19:55:04
老實講,國安法令治安好咗,但短期影響香港樓價,兩年內香港必大跌.

先是工商舖大跌,現在住宅追跌,呢度好多小業主,不過太過固執,奉勸各位執生,忠言逆耳.

13. Hongkong People 2020-09-03 09:34:13
蔡生堅信歐美因國安法而對香港失去信心??但大把FDI直接入中國喎!唔驚中國國安法,但驚港版國安法?  呢排金管局沽港元沽到手軟,資金都唔怕國安法,不斷湧入香港,何解呢?

當然,居港間諜漢奸就需要沽港資產,隨時走佬.  美領館係間諜窩,國安法下沽資產好正常,但正常外國人係香港生活工作做生意,冇走佬需要,駛乜沽資產呢?
14. 自然一派 2020-09-03 13:00:10
我信蔡生講,佢咁多年經驗,外資沽貨走,好普遍好合理,若是選擇相信,佢地就直入中國.

呢兩年香港冇運行,事實都証明咗,錢多唔會入樓市,只會入股市.


16. 那些年 2020-09-03 17:14:20
香港樓市旺咗10年,差唔多夠鐘回落,現時多事之秋,跌兩三成好正常,唔好大驚小怪.
17. 東成 2020-09-03 17:58:47
13樓PEOPLE兄:

香港如果仲係一國兩制,就應該顧及工商界嘅憂慮.
蔡生話金融好好,完全冇話香港唔好.
香港錢多,但熱錢易來易走,投資金融冇投資樓市,睇真啲,熱錢唔買樓係事實.
18. Hongkonger 2020-09-04 16:09:39
回1樓/10樓:
须知道,香港响往移民的國家大多環球征税,你在香港收的租金都要付税给它們(税率肯定沒有香港咁低;香港有高地價,才得以低税率),想逃税?建議你千萬不要試,因為各國税務信息已互通,被發現逃税,你成世人都會被當地税局當賊看待!!
19. 正確 2020-09-04 17:42:52
香港買層舊樓收住租等重建,人移民去外國生活,唔慣可以再返來.

至於環球征稅,唔會太多,該征就征.香港未來係未知數,宜家後生仔有諗法,完全可以理解.
20. 憂慮 2020-09-04 19:49:48
本來我同呢度業主都唔知驚.見到蔡老闆咁樣講,後市有啲擔心.

[相反,外國人就不一樣,尤其是歐美日韓等國僑民,他們近來的確在放盤,無論住宅物業或商業樓宇都有。雖然國安法平定了香港內部動亂,但卻讓歐美國家對香港少了信任,也使美國與中國的矛盾進一步惡化,歐美將香港當成內地城市,這些外國人認為自己只是過客,放售香港物業很平常,如美國高調放售其擁有72年的駐港領事館豪宅,便是一個撤資開始,我們也不能不憂慮其產生的骨牌效應。]
21. 路人UU 2020-09-05 10:11:13
港元與美元掛鉤 , 美元濫印濫發 , 港元擁抱美元雙雙潛水 ! 輪到磚頭有價 , 賣走磚頭智者不為 !
23. 爆破快到 2020-09-05 18:56:57
國安法下,香港成為內地城市,撤資仲未開始,可以講除咗金融,冇任何優勢.

樓價唔大跌先奇,三年後再講,我只希望樓市唔好大爆破,如果步工商舖後塵,就係跌5成,呢個完全好合理同正常跌幅.
24. 老夫子 2020-09-05 21:02:45
除非只有一個物業收租,否則要睇路,首先英國的稅非常重,每年只有12500磅基本免稅,之後一起就20%後再40%加上去,又要供樓又要交稅交到你破產!

第二,英國的地及新區多到不得了,就算全港一起去都炒不起,很難像香港升值呀,Brexit 一脫歐加上pandemic, 英國的經濟比現在的香港還要差很多,去接火棒?
第三,遺產稅40%英國政府同你分身家!
第四,英國經常水浸,冬天長到你唔信,大部分時間在黑夜中,好多英國本土人都頂唔順。
25. 路過的人 2020-09-07 01:05:11
冇辦法,香港呢兩年注定要淪陷,過幾年就會好,落後深圳係必然,希望仲跟得上廣州.
26. 好悲哀 2020-09-08 00:20:24
冇理由搞到來香港,西方再咁落去,香港就好差,搞衰咗香港經濟,樓市冇運行.

只剩金融一個行業有得撈,其他人去邊?
27. 樓奴 2020-09-08 23:05:04
唔想一世做樓奴,就租住樓可也,可以住滿兩年就搬,到時周圍住,感受周邊新環境.
28. 樓奴 2020-09-08 23:10:46
供樓好辛苦,我都後悔早兩年買樓,以過來人身份話俾大家知,買樓稅務及駛費唔少,買樓保值年代已過去,今日再買,難升值,冇優勢.
29. 樓奴 2020-09-08 23:13:37
有一位網友講過,買股好過買樓,係真嘅,事實證明咗.

今時今日,叫人買樓係好大風險,唔好口輕輕.
30. 樓奴 2020-09-08 23:19:14
唔好話我樓奴既然後悔,點解唔賣樓?

就係放緊盤,惜冇人問津,原價蝕駛費都肯制,希望盡快沽.

31. Hongkong People 2020-09-09 10:48:27
香港點成為同內地一樣嘅城市呢?香港同內地最大分別係咩? 一個港版國安法改變了甚麼呢?