地產博客 > 蔡志忠 返回
瀏覽人次:22973    回應:47
蔡志忠
2020年3月4日

及早減辣 救經濟救民生

 

蔡志忠

亞洲地產創辦人
香港專業地產顧問商會會長
香港東區工商業聯會首席會長

  財政預算案推出1300億紓困措施,但對樓市沒有任何撤招和減辣動作。財政司司長陳茂波解釋,目前樓價仍然高於市民負擔能力範圍,不想減辣令市場釋出錯誤訊息,讓樓價有序下調並非壞事。面對香港如此困局,港府仍然不肯大力挽救樓市,只是與香港按揭證券公司推出一個10億「定息按揭試驗計劃」。

  我認為定息計劃對首置人士有一定的幫助,這個計劃讓申請者買樓長遠比較有預算,不過額度只有10億,相信很快會用完。受預算案影響,加上業主願意減價配合,中小型單位受到追捧,成交略為增加,然而今天香港經濟受到天災、地變和人禍三重夾擊,樓市難以獨善其身,定息按揭計劃是小恩小惠,只可短暫刺激一下交投,改變不了樓市中短期下調的勢頭。

  港府不肯出招救樓市,一方面認為樓價還沒有大跌,另一方面也不想炒風重臨,這個看法沒有不對,只是不周祥。當局和外界一樣,總有一個誤解,以為減辣樓價就會回升,政策就會被千夫所指。其實不然,減辣是刺激樓宇交投,帶來更多經濟活動,讓業主可以減價促銷賣樓,順利變現救公司和救員工,也使樓價下調有序,避免出現斷崖式急跌。

如樓價跌2成 急賣須減3成

  現今支撐樓價的唯一皇牌,就是土地供應短缺。外界預計今年新樓供應只有13000幾伙,港府統計大約有19600伙,筆者認為,港府將興建公私營房屋的比例改為7比3,著重建造公營房屋,加上肺炎疫症仍在持續,無疑影響地盤工程的施工進度,因此,今年私樓要達到19000伙供應恐怕不容易。其實,供應和需求只是影響樓價的其中一個環節,就像97年出現亞洲金融風暴,經濟一片大蕭條,當時的「八萬五」供應計劃已名存實亡,然而,樓價仍然繼續往下跌了一段長時間。

  根據港府向來施政態度,可能要等到樓價下跌2成到3成才出手救市,但這樣的跌幅代表有些業主減價1成賣樓,有些需要減價3成至4成,急賣者就必須大幅減價,才能立即找到買家。經濟差時樓價低,樓價低時經濟更差,形成惡性循環。筆者強調,呼籲港府撤招或減辣,主要目的是救經濟救民生,並非救樓市,為免經濟嚴重受創,像末期肺癌神仙難救,港府宜及早順應民意,撤招減辣。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 乜春 2020-03-04 14:17:11
大半年前阿菜生仲講緊正苦辣招只會令樓價不斷上升;而家佢叫正苦減辣,唔通佢想樓市大跌?
哈哈
2. 自相矛盾 2020-03-04 14:20:43
『根據港府向來施政態度,可能要等到樓價下跌2成到3成才出手救市,但這樣的跌幅代表有些業主減價1成賣樓,有些需要減價3成至4成,急賣者就必須大幅減價,才能立即找到買家。』

既然係咁,點解班業主唔趁而家樓價未跌就賣咗先呢?自相矛盾
3. 有些需要減價3成至4成 2020-03-04 14:24:05
有冇咁誇?
4. 拭目以待 2020-03-04 14:41:04
外界都話減辣救經濟,政府認為減辣樓價升.
樓價升邊個負責?政苦為官之道平安過度最重要.
地產界聲音唔會受理,如蔡生講,跌2至3成政府才救,病入膏肓冇得救矣.
5. 我要說 2020-03-04 14:52:04
蔡老闆雖然講得有道理,但樓價唔跌2成以上政府唔會減辣,冇人有呢個勇氣.
除非澳門減,否則現時免問.
百業蕭條,經濟唔掂,失業去到5-6%時候,就是開始研究減辣嘅時候.
6. 點解班業主唔趁而家樓價未跌就賣咗先呢? 2020-03-04 14:56:03
因為人總是抗拒逃生。
7. 我要說 2020-03-04 14:56:24
我同意蔡老闆講法,當樓價平均跌2成,就表示有一啲急賣盤,減價幅度達3至4成.

"根據港府向來施政態度,可能要等到樓價下跌2成到3成才出手救市,但這樣的跌幅代表有些業主減價1成賣樓,有些需要減價3成至4成,急賣者就必須大幅減價,才能立即找到買家。經濟差時樓價低,樓價低時經濟更差,形成惡性循環。筆者強調,呼籲港府撤招或減辣,主要目的是救經濟救民生,並非救樓市,為免經濟嚴重受創,像末期肺癌神仙難救,港府宜及早順應民意,撤招減辣。"
8. 自然一派 2020-03-04 15:04:42
1樓春哥:

閣下需要有一點思考,咁簡單道理,辣招係捆綁交投,阻礙經濟流動,同樓市長遠升跌冇大關係.
也就是講,減辣可以增加成交,俾業主能夠逃生有門,幫助挽救中小企業經濟.

10. 乜春 2020-03-04 15:19:55
8樓:
咁點解大半年前阿菜生仲講緊正苦辣招只會令樓價不斷上升?你睇返之前佢寫嘅文章就知。
11. 閣下需要有一點思考 2020-03-04 15:21:45
其實派哥將身家都花掉了便是最好的救市招數了。
12. 睇返之前佢寫嘅文章就知 2020-03-04 15:34:49
禾唔得閒睇, 不過如果一樣野可以令交易膠著, 則只會是慢升慢跌, 不會是急升急跌。
13. 逃生有門 2020-03-04 15:39:24
“減辣可以增加成交,俾業主能夠逃生有門,幫助挽救中小企業經濟”
點解現時有門d業主唔逃,要等到冇門先至逃生?莫名其妙。
14. 點解現時有門d業主唔逃 2020-03-04 15:53:05
同升市情況一樣, 樓換樓的業主其實冇乜大分別, 賭單邊的才有大分別。
15. 向泛民说不 2020-03-04 15:55:56
自由行除了帮助就业之外,还向市场注入健康的血液。带动各行各业。如果自由行吾恢复,什么都死。未有暴动之前,自由行为香港市场每年注入3000几4000亿的资金。现在归0,点办?

黄色经济圈要成功只能依附在自由行经济圈下。
16. 大鄉里 2020-03-04 16:04:02
辣招佔比樓價太大,是惡法,積累出來的破壞力,會使香港步向衰落。

讚成找機會慢慢撒辣,應以開放的國際視野看待香港地產,無理打壓亳無意義。


17. 元朗真香港人 2020-03-04 16:07:48
樓市點解要有逃生門?

著火了?地震了?

將火棒交給下一手,那叫

!!!送死門。
18. 现在归0,点办? 2020-03-04 16:16:33
沒有所謂, 本土其實也是樓換樓客, 每年經手果三四千億是冤枉來瘟疫去, 轉手付出買內地貨或泊來品, 自己濕吓腳而已。
19. Philip wong 2020-03-04 16:23:13
經濟環境驟變,香港的中小企融資,主要是靠磚頭支撑,貸款此率的限制,即使樓價下跌不多于10%中小企不但生意不景再借不到資金,還要面對銀行因為樓價的下調而需要减少銀行的融資額度,可能會淘汰不少中小企。也因此,有頗多的勞動者,將會成了中小企的陪葬。所以,不減辣唔緊要,但必須使樓宇作為中小企的融資渠道不能不梳理清楚,機不可失,
20. 靠磚頭支撑 2020-03-04 16:37:13
講苦唔切蕉才是保樓價撐就業。
21. 淘汰不少中小企 2020-03-04 16:43:00
中小企點解唔趁樓價未跌就賣樓?要等樓價跌先至逃生?知唔知自己噏乜架?!
22. 乜春 2020-03-04 16:58:24
有個姓 “汪” 地代不停講,香港樓市係“龍市”,只會不斷上升,唔會跌。要減辣?開玩笑啦!下話?哈哈
23. 唔會跌 2020-03-04 18:07:06
香港濕唔到腳可以唔跌?
24. 自然一派 2020-03-04 19:09:15
春哥:

閣下需要一點理解能力,慢慢理解就知道蔡生文章意思.
喺人家專欄,斷章取意作出批評,有一點冇禮貌.
我點解佩服蔡生,就係因為佢文章雖平實,沒有嘩眾取寵,但評論樓市比較準繩.例子我亦舉過了.


25. 自然一派 2020-03-04 19:16:21
13樓逃生哥:

閣下有買過樓嗎?
就係因為辣招令業主放唔到樓,他們想放盤都唔得.
而買家想買多一層樓俾父母或子女住都唔俾,你知唔知?
叫政苦減辣,係俾業主賣樓救公司及員工,也是救經濟,唔係救樓市,睇睇蔡生文章,思考一下吧.
26. 東成 2020-03-04 19:23:18
自然一派兄:

呢度讀者太多人唔明白政苦樓市辣招係甚麼內容,講多無謂,都解釋唔清,諒解佢地啦,
坦白講,政苦自2010年開始出招,打壓樓市招數多到自己為官者都唔記得,網民唔理解好正常.
27. 東成 2020-03-04 19:34:37
春兄:

蔡生之前講辣招令樓價升,係因為捆綁供應引起.冇問題.
佢1年幾前講樓價升,到去年下半年向下倒跌,去年全年只升近5%.
去年下半年一路預期樓市向下,過年冇小陽春,咁多評論員只有蔡生完全正確.
28. 乜春都C 2020-03-04 20:13:03
可以撤走SSD同AVD先。美国佬今年會再減多四至五次息,直至息口減到接近零,所以3%加息的壓力測試已經不合時宜,可以撤銷埋。

只要樓市上升番,香港經濟死唔去的。
29. 東成 2020-03-04 23:01:53
乜春都C兄:

減辣樓價唔會升,只會多咗成交,讓業主有逃生門.
樓價點解跌?係經濟差公司關閉失業高.
30. 引刀一快 2020-03-05 07:24:47
東成兄

逃生門一詞大有問題,賣家嘅逃生門,咪即係暗喻買家嘅鬼門關。
31. 鬼門關 2020-03-05 08:22:31
30樓 引刀兄講得好,一針見血!
32. 自己唔識當人唔識 2020-03-05 08:29:36
有人話“買家想買多一層樓俾父母或子女住都唔俾”,當其他人儍架咩?香港人人都識,辣招下,只要用父母或子女名買,就唔使交辣稅。識唔識架?
33. To 32 2020-03-05 09:28:32
你就真係唔識啦,據佢描述,佢哋啲親戚個個都鍾意獨居㗎,所以要九廿幾間囉,而家你阻住人哋獨居呀。
34. 自然一派 2020-03-05 11:35:15
辣招制造不必要嘅麻煩,朋友買樓實例一舉:

本身有物業,想買多一層給父母住,用父母名,父母年齡80歲借唔到錢,做擔保又利息高,貸款成數低,結果銀行條件差要求高,又唔多肯借,最慘係兄弟有5個,將來又怕嘈分父母身家.

用子女名又如何?兩名子女分別21歲及23歲,一個今年至畢業,另一個做嘢年幾,收入有限,買樓入息又唔夠,父母做擔保同樣出現以上問題,只夠儲蓄首期買多一層樓,用大女名買樓,細仔又有意見.

最後衡量各方面得失之後,沒有買樓轉去投資股票,幾年來股票輸咗一半有多,家人仍然擠埋一間細屋,家庭矛盾日深,呢個就係普遍香港人努力儲蓄嘅投資故事.
35. 家庭矛盾日深 2020-03-05 12:24:44
早十日唔夠先有師兄讚歌頌揚清廉權同唐中年之豐功偉績, 咁快就唔記得?
36. 自然一派 2020-03-05 12:56:43
樓價嘅升跌係由經濟決定,唔係辣招決定,辣招是阻礙市場成交,將需求和供應同時減少,政苦都係咁謂.
辣招在經濟好時,為免經濟過熱可以使用.但經濟差時就要變通.

辣招對市民及經濟的影響還有很多,例如賣樓者更慘情嘅故事.稍後再講講.
37. 當人儍架? 2020-03-05 15:13:09
34樓作嘅故仔真係好好笑!嗰家人賣走層細樓換層大咪得囉,又唔使俾辣稅。自己唔識當人儍架?
38. 東成 2020-03-05 16:03:47
刀兄:

你講得啱,唔好用逃生門,用詞嚴重咗.
39. 17樓 同 30樓 2020-03-05 19:10:44
第一次見佢哋啱咀形!
40. 自然一派 2020-03-05 20:05:43
37樓人兄:

唔好為拗頸而拗頸,好多家庭唔想三代同堂,香港住屋地方細,容易產生摩擦,部分家庭有分開住嘅需要.
41. 係咪好無知呀? 2020-03-05 22:24:08
唔想一齊住,又唔想用父母或子女名買,又冇錢買多間,即係想點呀?即係話,又冇錢,又要住淺水灣或山頂豪宅。係咪好無知呀?
42. 拭目以待 2020-03-05 23:15:04
我同意呢個講法,樓價只跌5-10%,港府唔會減辣,宜家經濟差嘅情況,可能出現嘅惡果,唔係咁多人知道.

 [港府不肯出招救樓市,一方面認為樓價還沒有大跌,另一方面也不想炒風重臨,這個看法沒有不對,只是不周祥。當局和外界一樣,總有一個誤解,以為減辣樓價就會回升,政策就會被千夫所指。其實不然,減辣是刺激樓宇交投,帶來更多經濟活動,讓業主可以減價促銷賣樓,順利變現救公司和救員工,也使樓價下調有序,避免出現斷崖式急跌。]
43. 引刀一快 2020-03-06 08:21:43
嫌一齊住擠逼,有折衷辦法,去大灣區買間1300呎四房,有錢就買近啲,冇錢買偏啲,一家人一齊供好輕鬆,一人多間房,咁喺香港嘅生活質量就可以大大改善。
44. 東成 2020-03-06 20:33:14
刀兄:

你講得啱,番大陸置業,俾父母安享晚年未必係壞事.
其實政府減小小辣,幾十條辣招減2條,回應一下市民訴求唔過份.但偏偏佢地唔肯咁做.
原因係打壓樓價係德政,係取得民心嘅重點措施.





45. 憂不適 2020-03-08 14:18:34


香港樓市是一個充滿自我陶醉的論說地區……188,190點買的樓的人,似乎要在一人個延後下跌走勢中擔憂不適……


中原城市領先指數 CCL 每周五公佈 – 最新2020/03/06公佈,反映2020/02/242020/03/01(預計簽署正式買賣合約時段)的二手私人住宅樓價。一般在簽署臨時買賣合約後14日內簽署正式買賣合約。
本週公佈與上週比較與上月比較
[中原城市領先指數]

174.94

  1.78 %   2.04 %



46. 有同感 2020-03-10 19:12:58
蔡老闆預料好準確,樓價的確有好大隱憂.唔好唔信.勁!
47. 食為天 2020-03-11 17:06:32
住廣州最好食野味吖,淨係食隻走地山雞都靚啲喇,酒家開返拿拿林食餐紅炆果子狸,仲有香噴噴的狗用煲,或者整條四五斤蛙蛙魚。
48. 貓兒 2020-03-11 17:30:19
今時今日死不悔改,廣州新型肺炎在等你。