地產論壇
登入名稱
密碼
頁數:
樓市不宜睇得太淡
瀏覽人次:23958    回應:15

樓市不宜睇得太淡

 

湯文亮博士

紀惠集團行政總裁
2019年10月30日

  在社運開始後兩個月,不少睇好樓市的專家紛紛轉軚,而我一向睇淡樓市,所以我沒有轉軚。不過,若果有人問我是否應該買樓,我亦唔敢給予一個正式答案,只是話不宜睇樓市睇得太淡。如果是用作自住,幾時都可以買。如果是投資,就可以等多一年半載,甚至可以買股代替買樓,不過就要買一些有穩定股息派發的藍籌,因為現在收股息好過收租。

  即使形勢不佳,整體樓價平均只是跌了大約5%。林鄭為了止暴制亂,於是在施政報告提出將九成新按保樓價上限提升至800萬,八成上限甚至去到1,000萬。爆了這個措施,正在下跌樓價急速作出反彈,有人話林鄭救市挽民望。其實,林鄭絕對不是救市,只是放寬一些不合時宜政策。不過大家要留意,今次放寬按保,這將會令中型住宅受惠,而細價樓及納米樓不但不會受惠,而且因為購買力轉移到中型單位,樓價反而會受壓。其實,這亦是購買力在正常化之下作出調整。因為以前的400萬按保計劃,將大部分有能力供樓,沒有能力付首期的購買力集中在細價樓。現在,細價樓樓價作出調整亦只不過是正常化現象。

  金管局為了壓抑樓市而推出了9次逆週期措施,而且從未放寬過。換句話說,逆週期措施是壓抑著不少購買力,只要按揭成數放寛10%,大量購買力將會湧現。如果局勢不再繼續轉壞,樓價一定會作出合理反彈,這亦不是救市措施,只不過是按揭正常化,被壓抑的購買力爆發出來的現象。不過大家要留意,當購買力正常化,樓價飆高了一段時間之後不但會橫行,甚至因應現時局勢而下跌。但無論如何,都不應睇樓市睇得太淡。因為市場上仍然儲存了大量購買力,政府是會因應時勢會推出一些措施來釋放購買力,令樓價作出急速反彈,睇淡樓市的人隨時會錯失良機。

樓市不宜睇得太淡
1. 十一哥
2019-10-30 11:48
做乜都好…去到盡幾時都係聽天由命、托大咗落注…籌碼未兌…好難淡定。


2. 鳥5
2019-10-30 11:58
因為十倍槓桿 以升。可以頂幾耐呢?。。大家心中有數
3. 鳥5
2019-10-30 12:11
30年, 十倍槓桿。用 幾多年嘅財務自由? 乜嘢叫做 贏, 乜有嘢叫做書。。。 真係要諗下喎
4. 真真薯片
2019-10-30 12:22
我住果頭成交價兩星期反彈左兩成
5. 兩星期反彈左兩成
2019-10-30 12:33
其實身為香港市民, 生存到好似傻仔咁, 是不是真的應該對正苦有好多怨言?
6. 鳥5
2019-10-30 12:34
香港歷史 出得呢招。 升係必然。 但跟住落呢鋪鋪都大鑊
7. 草莓
2019-10-30 13:41
真真薯片,請問你住邊區?
8. 引刀一快
2019-10-30 13:52
樓價唔睇淡,睇淡嘅係中港之間嘅差距。
9. 十郎
2019-10-30 14:31


      11哥--------今日呢個題目 , 最醒神。

10. 自我陶醉
2019-10-30 14:34
樓價升跌係其次,問題係既然中港兩地司法體系和管治水平越嚟越接近 ,點解要畀一個高溢價買港樓?
12. 鳥6
2019-10-30 17:10
可見未來幾個月飲食零售風聲鶴淚,唯有地產經紀一支獨秀,星期四晚美國再減息……
13. 十一哥
2019-10-30 21:04
十哥  收買佬…梗係望經濟實惠…有雞先執、買又得…唔買又冇所失…使乜喼…

14. 不時不食
2019-10-31 01:42
湯博士,每一屆既特首推房屋及土地政策都會有人用不同既理由搞到落台為止呢?真係咁巧合?石議員依家仲話好支持年輕人既訴求,年輕人從來無提及房屋既訴求添。哇,司馬昭之心。按照邏輯地產商是否應該提供資金俾勇武派呢?
15. 十一哥
2019-10-31 10:01
14樓  呢條友一向係大錢袋嘅擦鞋仔、睇下佢做幾多~飛汁董~就明、做人最開心係乜…就係我口能説我心 !  唔憂吔~都仲要口不能說心…咁就賺哂全世界…但享受唔到快意人生…

17. 忍者
2019-10-31 11:09

釋放購買力會令成交增加,我認同,但係唔係一定等於樓價升呢?

唔好唔記得,因為首期關係,之前最大得益者係一手發展商。而家既人多咗選擇,可以用低首期買二手樓,變相二手樓供應增加,係咪先?

最大關鍵係現時社會氣氛轉差。如果政府唔係預期樓市會大跌,係唔會輕易推出逆周期措施的。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。