地產論壇
登入名稱
密碼
頁數:
小恩小惠,不知所謂
瀏覽人次:19854    回應:8

小恩小惠,不知所謂

 

湯文亮博士

紀惠集團行政總裁
2019年10月24日

  在今次社會運動開始時,零售業協會已經登報要求業主減租,我話未到時候。如果社運持續多3至4個月,我會審視租客的情況而決定怎樣幫助他們。根據我的知識,不是經驗,而事實上大家都沒有經驗。當社運持續3個月以上,大約有5%商舖難以經營下去,無論業主是否減租,他們都會選擇結業。另有15-20%經營困難,業主減租的確可幫助他們,其餘的雖然大部分是蝕錢,但仍然可以繼續營業。理由很簡單,如果結業,就很難東山再起,但有一些商戶會因為地理關係,生意比以前更好。今次社運為例,那些偏離示威路線的食肆,例如在香港南區,生意比以前更好。一刀切減租代表業主不了解自己生意,而事實上有一些租客毋須業主減租。

  有不少人提議不如向全部租客減租10-15%,為期半年,除了應酬一下租客之外,又可以爭到一些口碑。如果我這樣做,代表我根據不了解公司運作,不懂得做生意。有所謂小恩小惠,不知為政。在大是大非的問題上推出一些小恩小惠措施反而是自暴其短,很多人不明這個道理。

  社運持續超過4個月,仍然未有解決跡象,政府推出第三輪救市措施,但規模一次比一次少。而且只是一些小恩小惠,當中包括支助港人出外旅遊機票費用,每次120元我不知道有何作用。政府可能不知道,推出一些小恩小惠的救市措施其實是自暴其短,不如直接了當話俾市民知道。政府唔知道或者沒有能力救市,等全港市民有一個心理準備。其實,大家都知道最有效的救市措施就是止暴制亂,不如政府話俾我們知道如何止暴制亂,單是譴責是沒有成效。而事實上政府已經譴責了百幾次,都唔見到有何效果,以後出少句聲算啦。

  但我們又不能夠說香港政府只懂得發放一些小恩小惠。林鄭的施政報告大膽將九成按保提高至800萬,更大膽的是動用土地收回條例向地產商攞地,這是大刀闊斧做法。不過,大多數市民不懂得欣賞。無他嘅,林鄭勢弱,做乜都錯,唔做仲錯。佢唯有發放一些小恩小惠,起碼會有一些受惠人讚賞。

小恩小惠,不知所謂
1. MT
2019-10-24 13:41

旅行社每招待一個來港旅客獲發$120嘅道理真係唔知喺邊度。而家無人嚟香港,旅遊業無生意我知,但出事前旅遊業搵到盤滿缽滿懶理旅客塞爆街我都知,而家出事就要政府救,搵大錢時唔見佢攞啲出嚟。

2. 十一哥
2019-10-24 17:19
派120利是…知唔知要幾多程序行政費用 ?  真係庸官賊國嘅極致 !

3. 庸官賊國
2019-10-24 17:36
你識乜,哩啲叫程序正義。
4. 鳥5
2019-10-24 18:12
業界, 其實矛頭都係指,班暴徒啫, 講到尾 冇客先至係事實。。
5. 鳥5
2019-10-24 18:15
等啦。。。 瀨都冇用 ,上庭又要時間。。。 唔坐監呀唔流眼淚。 唔清 袋 又唔離場。。 宇宙(實力)平衡。。 唔暴動 又搵唔到地。
6. 鳥5
2019-10-24 18:47
星加坡政府.. 話香港未來資金 將會陸續到星加坡. ....我一早話深圳 取代唔到生意都唔同 .... 人吹大家吹 ?!大部分人 ,識條春咩! 個個睇新聞只係睇標題。 睇過唔睇因 。功課又唔做。 輸到仆* 就真係自己攞嚟
7. 向引刀‧土著‧自醉‧浪子說不
2019-10-24 22:13

按保掀搶盤 8組客爭沙田中心

4.4k 人追蹤
追蹤
按保掀搶盤 8組客爭沙田中心

《施政報告》宣布放寬按揭保險樓價上限(放寬按保)剛滿一星期,二手樓市持續大翻身,連閒日也見準買家空群出動物色心水單位,重現多組客排隊睇樓搶盤盛況,恍似大旺市再臨。沙田區沙田中心一個原圖則一房戶,放盤不足3小時有多達8組客睇樓,同日閃電以515萬元沽出,呎價逾1.76萬元,屬該屋苑約3個月的新高價。鴨脷洲海怡半島海景兩房單位,一日內有至少6組客排隊參觀,終以942萬元易手,造價盡破該屋苑同類兩房戶紀錄。

沙中515萬沽 呎價3個月高

受放寬按保刺激,樓市打破悶局,熾熱程度直逼今年3月小陽春。美聯物業助理聯席董事陳國良透露,沙田中心G座新寧大廈中層H室,實用面積292方呎,由原圖則一房改為兩房間隔,原業主周一(21日)趁租客遷出即以530萬元放售,不足3小時竟吸引多達8組客睇樓,「輪住差不多一個走另一個就接住上」,一半客人更即場出價洽購,「有個畀到500萬,被業主拒絕」,終由一名區內客當場出價515萬元搶贏,呎價17637元,創該屋苑今年7月後新高(撇除內部轉讓)。原業主2012年斥228萬元買入,賬面賺287萬元(1.3倍)。

陳國良直言,自今年6月爆發反修例示威,樓市氣氛急轉差,鮮有數組準買家同時睇樓,惟放寬按保後,沙田區市況重返正軌,氣勢近似今年3月的樓市小陽春。

他又稱,同區偉華中心近期亦有多組客睇樓爭盤,4座中層D室兩房,實用面積308方呎,近一周先後約有30組準買家睇樓,至少10組客曾出價洽購,周二終以610萬元易手,雖然較開價略低10萬元(1.6%),惟呎價達19805元,屬該屋苑約3個月最高。原業主2001年斥138萬元買入,賬面賺472萬元(3.4倍)。

海怡兩房售942萬創紀錄

另外,市區藍籌屋苑睇樓氣氛同樣轉旺,海怡半島更不時出現「爆場」。中原地產首席分區營業經理盧鏡豪表示,7月示威活動升級後,海怡半島數度出現連續兩至三天無人預約睇樓,至近期「閒日起碼至少三四枱(客),已經超過之前谷底嘅周末」,部分單位更同日有多組客參觀,例如1座中層H室海景兩房,實用面積529方呎,以1050萬元放盤約兩個月,期間一度無人問津,到周二卻有6組客睇樓,同日由一名區內買家斥942萬元承接,呎價17807元,屬該屋苑同類兩房戶新高。按原業主2016年入市價830萬元計,賬面賺112萬元(13.5%)。

鰂魚涌康怡花園亦見早前擱置入市的準買家「回流」。長城物業區域董事蔡詠霜指出,Q座低層兩房單位,實用面積466方呎,正以860萬元放售,「做到八成按揭,首期大減」,本周六已有5組買家預約睇樓,其中3組是相隔3個月後復出睇樓的客人。

8. 引刀一快
2019-10-25 01:23
說不女

有冇筍盤推介呀?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。