地產論壇
登入名稱
密碼
頁數:
經濟繼續轉壞,物業代理翻生
瀏覽人次:25835    回應:24

經濟繼續轉壞,物業代理翻生

 

湯文亮博士

紀惠集團行政總裁
2019年9月10日

  由「逃犯條例」轉化的示威活動愈搞激烈,唔好講香港政府,就算中央政府都不知道怎樣收科。在暴力示威活動影響下,香港經濟環境不斷轉壞。雖然還未去到蕭條,但繼續下去,大家可以用蕭條來形容市面狀況。

  經濟環境唔好,各行各業要裁員就無所避免。有傳媒引述物業代理話,如果情況繼續下去,大約會有8,000個物業代理失業,大約等於全部從業員20%。一般人睇到這段新聞,都覺得非常正常,但業內人士睇到就知道不是很業內人所講。因為經濟情況繼續轉壞,一定會有業主出售持有物業以解燃眉之急。換句話說,物業代理生意多了,人數又怎會減少?事實上如果經濟因示威活動呈膠著狀態,但又不是太壞,不是太多業主要出售物業,亦不是太多買家願意付市價買樓。樓宇成交量不足,物業代理人數才會下跌。倘若經濟下跌,各行各業被裁的人。他們雖然在經濟上沒有問題,但又希望仍然可以工作,差不多唯一的選擇就是加入物業代理行業。所以,如果經濟環境持續下跌,物業代理人數不跌反升。大家唔好以為我講笑,不妨參考2008年金融海嘯。當時大約有21,000物業代理,代理頭頭話將會有5,000人離職。但很奇怪,在2009年金融海嘯告一段落,政府開始出招壓樓市的時候,物業代理反而上升了2-3000人,而且持續上升。這就是大家都唔明白,樓價下跌,物業代理反而上升的原因。

  大家又唔好以為有人講大話,有8,000名物業代理離職亦全是事實,不過,物業代理行趁這機會裁掉一些冗員,同時補充一些生力軍,在物業代理行內的說話,生力軍可以令物業行業生存,所以,有8,000人被淘汰離職並不出奇,有沒有人再加入才是關鍵所在,以現時情況,各行各業都受到打擊,一定會有不少人離職而加入物業代理行業,估計代理不跌反而,生意額亦會上升。

經濟繼續轉壞,物業代理翻生
1. 70
2019-09-10 10:02
鳥5兄, 真心求問, 點解?

----------------------------------------------------------------------------
國際金融城市 香港做唔到 只會係星加坡代替, 國內任何一個城市5可以代替.
-----------------------------------------------------------------------------
點解國內任何一個城市5可以代替, 為了成為國際金融城市, 法律同經濟 深圳都會優化的.

求教.
3. 生意額亦會上升
2019-09-10 10:13
又是 Lucy 指數舞高弄底的好時候了。
4. 香港是福地
2019-09-10 10:34
香港仍然有佢的地位及功能。西方世界仍然相信香港的獨特地位,而內地城市未來二十年內仍然難有一個城市可以完成代替香港。普通法,信息及資金全流通,深圳暫時做不到。

5. 只會係星加坡代替
2019-09-10 11:05
新加坡有冇聯繫匯率吖?
6. 70
2019-09-10 11:23
其實想同家人, 小朋友過去新加坡生活, 但怕佢未來前景向下行, 求教.
7. 鳥5
2019-09-10 12:36
星加坡 就算 代替唔到香港金融中心其實兩年前經濟已經見抵。。 至於移民, 你可以放首香港啲嘢咁我又唔覺得錯。
8. 鳥5
2019-09-10 12:38
我理解嘅星加坡係冇 外匯管制... 匯率就係浮動不過自己新加坡 揸莊... 嗰邊就冇香港龍台灣感政治化生活
9. 鳥5
2019-09-10 12:39
突然,新加坡大使震撼發言,美國看完傻眼了...
http://mp.weixin.qq.com/s/tT0-SsMCocTCom5YeYsGkg
這個視頻很重要!希望大家把這個視頻分享給自己的朋友,多一人看到就多一份力量!
10. 鳥5
2019-09-10 12:40
幾有國際視野新加坡人
11. 鳥5
2019-09-10 12:43
如果你做金融就等你喺香港啦 但係如果啲專業服務業 咁我覺得新加坡唔錯, 生活簡簡單單 冇乜政治化 人情味都ok very good
12. 鳥5
2019-09-10 12:45
其實大陸台灣香港 生活 都好政治化 ... 做人其實冇需要
13. 鳥5
2019-09-10 12:53
其實貧富懸殊嘅地區.. 唔係好住 嘅地方... 人情味會客差啲
14. 鳥5
2019-09-10 12:55
香港國際金融 只係佔國內2.79% GDP 根本大陸做唔做影響分別唔係好大
15. 鳥5
2019-09-10 12:59
上海個自貿區 其實變咗死城.... 軟件嗰度根本 唔係對外宣傳嗰樣嘢.... 冇廿年. 根本做唔到 人嘅問題 英式制度問題 鬼佬唔會信
16. 鳥5
2019-09-10 13:00
科研呀 其他生意呀 可以囉 法律訴訟呀 根本唔係果科。。 國內啲人嘅生活方式 唔同
17. 鳥5
2019-09-10 13:04
香港搞死係香港自己人, 真心話 關國內任何一個城市。。 外力只係助缘。 貧富懸殊太大。。 啲人變得自私
18. 我有一計
2019-09-10 13:16
我有一計:為了對抗經濟蕭條,波叔可以考慮每人派發港幣一千萬元,可以津貼所有租金為期十年,可以幫業主還貸款為期三十年,這一計非常有效,希望波叔考慮考慮。
20. 鳥5
2019-09-10 13:58
翻查返人類歷史.... 社會候群症
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。