地產論壇
登入名稱
密碼
頁數:
茶餐廳亂話(484)如何提升中國足球水平
瀏覽人次:21322    回應:27

茶餐廳亂話(484)如何提升中國足球水平

 

湯文亮博士

紀惠集團行政總裁
2019年3月15日

  昨日早上去到茶餐廳,老闆話紅軍不怕遠征難。兩隊紅軍,曼聯和利物浦,在劣勢之下分別作客在法甲以及德甲領先的巴黎聖日耳門和拜仁慕尼黑,兩場波都是3:1,曼聯憑作客優惠晉級,利物浦就有驚無險。老闆失驚無神問,現在全世界的足球水準都在提升,連越南菲律賓也在冒起中,唯獨是中國,足球水準則不斷下降。而事實上中超已經大灑金錢,網羅了不少頂級球員教練,但中國足球水準不但沒有提高,而且好似每況愈下,唯一的好處就是製造了不少富翁。

  如果要回答老闆問題一定要大塊文章,我一時之間都不知道怎樣回答。好彩茶餐廳內龍蛇混雜,有熟客話這事簡單,現在中國就好似古代的員外富戶,希望兒子可以學到一身武功,於是聘請一些名師到家裡教他們的兒子。幾年後,當名師搵夠離去,最後的忠告是員外的兒子在家裡與護院打手切磋一下就好,而且勝算甚高,但千祈唔好出外撩交打,否則,被人打死都唔知道發生什麼事。如果員外真的是想他們的兒子練得一身好武功,必定要出外跟一些名師,十年八載之後,或者會有小乘。

  同樣道理,要提高中國足球水準,首先要派大量小將到世界各地學習,打什麼組別也不緊要,最緊要是可以正選出場,沒有28歲都不准外流球員回國搵食。十年八載之後,當外放球員回國,中國的足球水準自然會提高。熟客說得很有道理,不過就知易行難,外流球員如果打得好,很難拒絕豐厚報酬而不回國踢波。不過在茶餐廳裡,大家怎樣亂話亂說都可以。

茶餐廳亂話(484)如何提升中國足球水平
1. 大家怎樣亂話亂說都可以
2019-03-15 10:38
其實中國人教仔的方法也是, 哩樣唔好果樣唔好, 結果害左個仔一世, 養兒如果說是為了防老, 結果不能防老。
2. 無憂無慮到公卿
2019-03-15 10:43
但願孩兒愚與魯, 是不是高官的寫照?
3. 十一哥
2019-03-15 13:11
單打獨鬥…乒乓、羽毛球、體操等等、中國男女都係强項、團體性質嘅…男子足球、籃球、排球全不入流、女子就唔同…樣樣都係上游、病根…中國男子一有級數就好招積…教練指示…天皇巨星唔啋已經比面…小番轉頭好常見、土炮教練要有得撈點可能唔避重就輕面面俱圓 、就算用埋以夷制華…都一樣玩巢、咁嘅文化點可能打得好團隊賽事 ! 


4. 咁嘅文化
2019-03-15 13:28
外國啲細路自細響球場上響街上響學校後欄郁手郁腳打架, 老豆老母一般都唔理由得佢地打, 打唔贏就認輸打到攰自然停識返屋企, 打完第二日攬頭攬頸, 中國啲父母會向對方父母投訴, 向老師投訴, 投訴個老師, 投訴投訴投訴, 叫你老閭出黎, 再唔係就向對方個細路報復, 民間在唔執輸非勝不可哩方面嘅思想同執行方法確係比較獨特。
5. 咁嘅文化II
2019-03-15 13:37
本地搞革命的領導淨係識叫人仔女去搞, 人地仔女搞起黎又唔流血又唔可以被人打射水炮催淚彈, 巴黎日日(禮拜日)都放催淚彈, 黃背心爆眼斷手 (search Protester has hand BLOWN OFF after grenade EXPLODES at Yellow Vest rally), 體育場上集體競技邊夠鬼仔黎呢?
6. 引刀一快
2019-03-15 15:30
體格係一個重點,中國人大件就唔精悍,米路天奴域都話過中國人基因太單一,就係暗示呢樣嘢,所以田徑場就得一個劉翔。
7. 自我陶醉
2019-03-16 09:43
引刀兄

講體格,中國人唔比日本人弱,點解日本有國際球星,中國冇? 呢樣值得考究下。
8. 真真薯片
2019-03-16 15:44
中國文化要求考順,聽話,總之乜都聽上一代講就係好,結果係下一代永遠超越唔到上一代,甚至一代不如一代,同埋教出大量淨係識聽話,唔識自己揸主意既人,某特首比中央領導人話“唔識做boss"就係咁解

中國父母會好開心同人分享“我個仔好聽話”,你有冇聽過鬼佬父母會同人講“my son always obey my order!"
9. 引刀一快
2019-03-16 17:13
自我陶醉兄

好多日本仔身上帶有美國佬血統㗎,二戰美國佬幫中國報仇咁報呀。
單講基因,日本仔嘅外緣成分未必真係高,但係有兩樣嘢遠超中國,第一係體能鍛煉嘅發展,比中國超前好多,第二,日本仔醫學、生理研究同食材研究水平,中國完全冇得比,大家都唔食大力丸嘅情況下,淨係膳食一part都贏嗮,而且日本仔中意食生嘢,韓國佬又係,但係中國北方人就好多都唔食生,呢樣會有影響。

當然,最後要講嘅,就係文化,大陸文化唔好,所以乜都唔好。
10. 引刀一快
2019-03-16 17:17
真真薯片兄

我睇法同你剛剛相反,足球唔得,唔係因為啲人淨係識得聽話,而係啲人淨係扮聽話,實則各懷鬼胎,陽奉陰違,呢啲係大陸文化裡面最壞,但係又最難糾正嘅部分。
11. 向泛民说不
2019-03-16 23:13
引刀,大陸文化唔好,你又留系度做咩,去死啦。

日本仔就真系唔好啦,已經成為美奴。肯定慢慢的脫離工業國家行業。一間一間大企業的倒下。仲講咩美國的DNA。你又沒有美國佬的DNA,傻西。仲有生野點解都系不衛生,偶然吃下還可以。呢樣野夠膽話好野。今日有沒有食生野啊。傻西。

日日黑大陸,日日叫人去大灣區,真系有無病。
12. 向泛民说不
2019-03-16 23:20
真真,你講的是農業時代的中國人。現在工業時代講的是狼性文化。什麼叫狼性啊?知唔知道啊?這就是你美爹最害怕的。

華為就是狼性文化出來的。在手機市場上,激烈的競爭下,幾年之內就將三星的市場佔有率打到只剩下1%. 蘋果份額也下跌。要不是有老美幫助,三星和蘋果的世界份額肯定會被中國手機打下。

香港人好像溫室下長大,怎麼和大陸人競爭?
13. 向泛民说不
2019-03-16 23:23
自醉,中國文化有個人英雄主義,沒有teamwork精神,踢足球講求teamwork 而不是個人。所以中國在團隊的比賽上,都比較弱。
14. 向泛民说不
2019-03-17 01:36
中国待世界是仁道,西方美国对待世界是神道,希望世界人民看到白人就好像看到耶和华,大力模拜。今天,中国人走出世界,不用圣经,是,地球同此凉热。天下之行,仁道而。

以上是抄自網是巴打的留言,很開心的事,越來越多人看到十字教的無恥和虛偽。
15. 引刀一快
2019-03-17 09:41
向飯,大陸文化就係唔好,你覺得咁好點解你又舉家移民美國?你身上啲美國DNA作反呀?
食生嘢唔衛生?打唔贏人要衛生把托?我尋晚就係食魚生,順德魚生,鬧肥媽可以順便鬧埋我,哈哈哈,諗起又想食。
大陸何來個人英雄主義?係個人主義,即係自私,何謂狼性你根本唔清唔楚,蒙古人果啲就係狼性,單單有狼性,唔尊重遊戲規則就註定喺國際舞台走唔遠,華為內部制度高度汰弱留強,員工年紀大D都要篩走,何來狼性?講嘢戾橫折曲,水平低D都俾你矇騙咗。
16. 引刀一快
2019-03-17 10:08
五毛黨理論基礎:

你和他說道理,他跟你耍流氓;
你跟他耍流氓,他跟你講法制;
你跟他講法制,他跟你講政治;
你跟他講政治,他跟你講國情;
你跟他講國情,他跟你講接軌;
你跟他講接軌,他跟你講文化;
你跟他講文化,他跟你講孔子;
你跟他講孔子,他跟你講老子;
你跟他講老子,他給你裝孫子;
你給他裝孫子,他說你是傻子;
你真的成了傻子,他就跟你真的講道理。 

同向飯講日本足球,佢就同你講日本工廠,同佢講如何強身,佢就同你講衛生,仲扮益力多問你今日食咗未呀,爆笑。
17. 向泛民说不
2019-03-17 11:00
哈哈,在一次證明引刀就是泛民打手,但是不知道十字教打手or 法輪功打手。

華為的成功是非常殘酷的。因為內部競爭是非常可怕的。但是一般能夠進去工作,人工也高,如果真的過幾年被淘汰,在外面也可以找到新的工作。其實這也是你老美的競爭思想。物競天擇,適者生存。真真正正的市場經濟。是的,市場經濟本身就是自私的行為。但是比你起你美爹的自私,中國還是差一點。你美爹現在的自私就是要用規矩現在其他國家發展,你最愛的日本就是被你美爹的規矩綁死了。所以比西方國家的自私,中國人文明的多。西方國家的自私就是去到那裡屠殺原居民。然後還要搞什麼感恩節,感恩那些幫他們度過難怪的紅番,最後還要將紅番趕盡殺絕,這就是老美的文明啦。十字教的文明。還有希特勒和丘吉爾都一樣,都可以上天堂。十字教的文明,希特勒殺的是異教徒。

至於你說的一大段搬龍門,十字教是最拿手的。這些教會日日一小洗,一星期一大洗,今日打到昨天的我。龍門就一直搬。

中國在過去2000年的1800年中都是世界的領導,今天中國要重新站起來,這就是中國人的自信。也不是你們老美養的走過間諜能夠阻擋的。


18. 向泛民说不
2019-03-17 11:21
西方國家民主國家自作孽,不可活。原本居住的都是基督徒。大家有相同文化。跟住玩下民主玩下民主,個個要享受生活不生仔,不負責任,就好像引刀那樣,不生孩子,但是卻去關心小動物。結果出現了人口老化問題。為了填補人口老化問題,所以推出了生孩子的福利。基本肯生孩子,政府就會養,所以打工仔的納稅是很高的。但是就是這樣,白鬼還是不願意生孩子,所以他們引入伊斯蘭教徒,這次好啦,伊斯蘭教徒鼓勵生孩子,生的越多越好,生了又有政府養。每天就是祈禱,其他事情都不做。以現在的發展,澳洲,紐西蘭和加拿大很快都變成伊斯蘭國家。
其實法國可能已經成為了伊斯蘭國家了。不過基督徒不怕伊斯蘭,因為他們認為大家都是一神教,反而害怕起中國來,其實華人去到外國,都是努力的融入當地。反而是伊斯蘭教徒是不會融入當地,要求當地文化融入伊斯蘭教。
只有中國在法律上要求伊斯蘭教融入中國文化。所以西方國家特別害怕。
19. 引刀一快
2019-03-17 14:15
向飯,一句講嗮,你一定係ISIS。
20. 引刀一快
2019-03-17 14:17
你呢D唔係叫做搬龍門,係叫做“扯”,胡扯、扯淡嘅“扯”。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。