地產論壇
登入名稱
密碼
41. 引刀一快
2019-03-04 13:32
向飯

你要留意言論,我叫人買樓要留意地契到期問題,都俾人圍攻,你仲主張阿爺提前收香港?
42. 健麗美好生活
2019-03-04 15:05
香港竟然有野豬出沒,驚呆了。
43.  無曬診所
2019-03-04 15:58
97回歸前,香港到處都有診所,睇醫生真係唔難,依家想找到一間診所真係有難度。

租貴,醫生做私家診所都難,就算醫生夠多,睇私家醫生都會好貴。

最好政府輸入海外醫生在社區開日間同夜間診所,這才真係治本喇!!


44. 這才真係治本喇
2019-03-04 16:02
領會收醫生幾錢租?
45. 公立診所
2019-03-04 16:55
44樓,我嘅意思係開公立診所,政府買單位開公立診所,大家都明白樓價貴到私家診所無得做。

如果社區有診所,自然少啲去急症室,公院壓力便會大減。
46. 公德診所
2019-03-04 17:17
政府應該開設公德診所, 有病嘅應該戴口罩, 好多人鍾意響通道、電梯、門口、行過人前面先咳, 隨後所有嘅人都易被傳染, 少鹽少糖少 junk food, 多勞動, 減少患病睇醫生嘅機會, 從源頭減醫。
47. 香港小市民
2019-03-04 20:49
絕對贊成做公立診所,其實好多公共屋邨地下都有地方可以做診所,做私家或公立診所都得, 問題係政府有無政策和香港有無足夠醫生?

希望政府認真處理問題,事在人為。
48. HK01
2019-03-04 21:33

首間葵青地區康健中心敲定 區議會副主席周奕希中標:團隊強勁

2019年3月4日

港府近年銳意加強基層醫療服務,並籌劃在葵青設立全港首間地區康健中心,預計於今年第3季投入運作。食物及衞生局公布,由葵青區議會副主席周奕希執掌的「葵青安全社區及健康城市協會」成功中標。周奕希向《香港01》稱,自己的優勢是有營運地區中心的經驗,又透露該康健中心啟用時,會率先接收由公立醫院轉介的復康病人,例如中風病人等,預計首年有160名病人會參加服務。

翻查資料,該協會董事會團隊實力雄厚,包括有知名公私營醫生、護士高層等出任董事。

周奕希相信,葵青安全社區及健康城市協會的優勢是有地區服務經驗及網絡,推展服務較容易上手。(南葵涌社會服務處FB專頁圖片)

食衞局今日(4日)公布,葵青安全社區及健康城市協會在2019年10月1日前,會開始營運主中心,為期3年。在主中心啟用後一年內,營運機構須於五個葵青分區各設立附屬中心。合約總價值為2.8億元,較政府預計的3.5億元少約6600萬元。主中心設於葵涌九龍貿易中心,淨作業樓面面積約1500平方米,提供多項醫療健康服務,包括健康教育推廣及教育活動、健康評估及慢性疾病管理。服務時間為每日10小時,每星期6天。

據知情人士分析,當局甄選地區康健中心的營辦者時,會考慮其過往地區經驗,是否有凝聚力,「凝聚到居民參加。因為康健中心唔止係醫療服務,係要嗰區居民知個概念,着重預防(疾病)。」

葵青安全社區及健康城市協會主席周奕希(左六)表示,會按照標書要求,將聘請護士、物理治療師、社工等人員。(協會網頁截圖)

葵青安全社區及健康城市協會主席周奕希(左六)表示,會按照標書要求,將聘請護士、物理治療師、社工等人員。(協會網頁截圖)

葵青安全社區及健康城市協會董事會主席周奕希表示,會按照標書要求,將聘請護士、物理治療師、社工等人員,其中護士有10人、物理治療師有2.5人。至於醫生人手方面,會向葵青、深水埗、沙田等區域的普通科醫生招手,醫生不會直接受聘於康健中心,而是合作形式,如病人有需要,中心會轉介他們至醫生,以提供適切治療。他又指,目前主要接收由私家醫生、公立醫院(主要是九龍西聯網)等轉介的復康病人,首年估計有160名中風病人參加。

葵青地區康健中心可接受長者醫療券。(資料圖片/歐嘉樂攝)

優勢是有地區服務經驗 董事會團隊強勁 

周奕希表示,相信協會的優勢是有地區服務經驗及網絡,起步較容易上手,故最終中標,「董事會團隊強勁,有地區及醫管局前高層。」據協會網頁,董事會董事包括有公私營醫療界人士,例如九龍西醫院聯網前行政總監董秀英、瑪嘉烈醫院現任副行政總監羅振邦醫生、兒科名醫周鎮邦、護士管理局前主席汪國成、中文大學公共衛生及基層醫療學院教授李大拔等。而榮譽贊助人有食物及衞生局局長陳肇始、勞工及福利局局長羅致光、民政事務局局長劉江華。

據協會網頁透露,其辦事處在荔景邨,2002年成立,2004年註冊為慈善機構。該協會現時設有至少三個社區健康中心,包括青衣社區健康中心、葵涌社區健康中心、葵涌(東北)社區健康中心。此外,該會有安排流感疫苗接種,並有眼科服務,曾經與理工大學視光學系合辦視網膜檢查,目標受惠者為5萬人。協會聘有護士、社工及健康服務助理。

第二間地區康健中心料在深水埗

食衞局發言人表示,葵青區地區康健中心為試點計劃,運作模式嶄新,由政府出資開設。計劃旨在發揮公私合營和醫社合作的效用,滿足地區需要和切合其特色,提高市民對保持健康生活、預防疾病及管理個人健康的意識。除了葵青區設康健中心,觀塘、東區、油尖旺、深水埗、灣仔及大埔亦將物色選址開設地區康健中心。

政府消息人士表示,油尖旺初步選址在前旺角街市;深水埗在石硤尾邨第六期重建選址;灣仔選在加路連山道的前機電署總部;而大埔區則位於安邦路已空置的游泳池。目前最有機會敲定選址的為深水埗區,即第二間地區康健中心預計最快於2020年招標。



49. 劉伶醉語
2019-03-05 01:04
香港醫生是足夠的,引多D醫生也不是對症下藥,解決了問題。

問題是太多醫生分到私營醫院和醫療集團,太多病人往公營醫院擠,

這是吸引醫生留公營醫院,和分流病人往私營的問題,也是拉近差距的問題





50. 中產市民
2019-03-05 09:51
To 49樓:

係香港睇私家醫生一啲都唔容易,
第一 : 私家診所少(梗係無一間喺左近);
第二 : 去醫療集團診所一樣大排長龍;
第三 : 星期日或假期小朋友有病發燒要睇醫生,去私家醫院一樣人多,我試過等過7、8個鐘先見到醫生,不如去公立醫院。

多啲醫生才會令香港醫療問題產生範式改變。



51. 醉未醒
2019-03-05 10:27

回50
我看見的也是不均,有些診所排長龍,同時附近有些診所拍烏蠅,雖是同樣資歴的醫生,市民卻愛以龍的長短作選擇,近似名牌效應.


52. 中產市民
2019-03-05 11:28
To 51樓:

邊到龍短,分享吓。香港真係好多診所嗎?睇醫生好方便嗎?咁方便由有咁多香港人去公院等7、8個鐘睇醫生?

醉未醒?我哋可能活在不同的香港?
53. 龍短唔一定睇醫生快
2019-03-05 11:48
分享我嘅經歷,在九龍站有一集團診所,入到去好像拍烏蠅,但登記後護士話你知要等三、四個鐘先輪到你。

在等候時,發現睇醫生的病人真不多,而醫生見病人時間亦不長,因入病房後約5分鐘內便出房,不知為何原因醫生一個鐘只睇三至四病人,成個下午睇得不足20個病人,但就要病人等三、四個鐘,這就是我個人感受香港醫生霸權的經歷。


54. 護士唔洗再扮可憐話咩追更好辛苦
2019-03-05 13:16
坦白講,我睇完真係唔明有咩咁辛苦
首先每日番工而言,A同P只係番七粒鐘,扣埋食飯,tea time等等,
其實只係番5個幾鐘,有咩咁辛苦?坐車番工放工個個打工仔都要嫁啦,點解要扮到自己好慘咁
文中指有追更呢回事,睇睇48小時內番幾多,
我真的是笑鳩左,消防員番一放二,大把人話好撚正,
但番一日是番24小時,你有冇見過消防員叫春話自己好辛苦,叫人地睇下自己48小時內做左24個鐘?小弟就無見過啦
單論圖上更表,我真的不明白有幾惡頂,依加都市人大把人都是番工收工,有乜好講?
大把人番工超時工作無補水,但唔見佢地叫春程度比得上護士
另一OT工作,big4,大家都知咩料,但請問有冇咁多BIG4手足出黎叫春話唔想OT?
有,但數量一定不及護士,原因好簡單,BIG4友,落得場預左承受後果,由做個日已經預左OT
但係護士貪得無厭,拎住兩三皮人工仲要拎光環,仲想扮慘,真的令人作嘔,唔通佢地第一日番工個陣唔知個工作環境係點?
換作係銀行sales叫春話好慘呀,要跑數,大壓力訓唔撚到教呀,食得咸魚抵得渴,唔會有人好似可憐護士咁可憐你
55. To 53
2019-03-05 15:26
請病假不用醫生紙, 便省回不少霸權。
56. To 55
2019-03-05 19:13
我唔係為咗醫生紙去睇病,我眼睛有少少發炎,想醫生睇一睇有無大問題,用好一點的眼藥水,這樣就花了我整個下年,等咗四、五粒鐘,從此有小病我都唔會睇醫生。

響香港睇醫生真係唔易,我相信香港人無必要都唔會去睇醫生,當然羅醫生紙係請病假必要之事。


57. 醉醒時份
2019-03-05 21:35
To 52
幾年未睇過醫生,原來私家診所如此爆棚,未知是天天爆棚,還是只在流感高峰期呢?
我見新市鎮平租地區,常見四五間診所相隔不遠,未見缺乏,反而旺區一線,診所鳳毛麟角,可能是租金貴吧。
我覺得醫生是手作生意,診所皮費藥費不少,貴租地區又不代表多貴客,故此又回到租金問題,使診所分怖不均的問題。
我亦有懷疑診所拖慢診症,使診所常人滿之患,更覺醫術高明。
58. 邊個想做癩痢
2019-03-06 00:40
俗語有話有頭髮邊個想做癩痢,在香港去公立醫生睇醫生,閒閒地都要等五六個鐘,如果有得選擇邊會去公立醫院啊。

59. 如果有得選擇邊會去公立醫院啊
2019-03-06 09:43
如果公立同私家一樣, 但只係收四十幾. 甚至免費, 咁有邊個會去睇私家? 啲保險小 A 又可以 sell 乜?
60. 中產
2019-03-06 10:23
有買保險,負擔得起私家醫生又如何,香港醫生霸權,有booking睇醫生都至小要等一兩個鐘,醫生知你有保險,樣樣都叫你做,念起都心慌。

我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。