地產論壇
登入名稱
密碼
頁數:
樓市夜話(2)仲量聯行轉軚
瀏覽人次:23150    回應:11

樓市夜話(2)仲量聯行轉軚

 

湯文亮博士

紀惠集團行政總裁
2018年11月13日

  近日有很多人對樓市睇法轉軚,但除了老C之外,其他大多數轉軚的人轉得不夠徹底。又如果乜,又如果物,或者是有所保留的轉軚。大家亦明白,不少專家今年的預測太過武斷,或者是跟老C的口水尾,肯定樓市可以升15%以上。現在叫他們講下跌,即是以今日的我打倒昨日的我,的確有點難度。其實我亦打算轉軚,我並没有老C睇得咁淡。我認為樓現在會急跌,到農曆年底前會比高峰時下跌15%。在春節之後,地產商會精心部署一個小陽春,不過樓市跌勢已成,明年或者之後會多跌5至10%。我相信有很多專家不同意,他們會認為最少會跌超過30%,之後會繼續下跌。我認為這是正常,因為市場需要不同聲音。

  仲量聯行曾煥平在年初時表示樓市會繼續上升,今日亦轉軚,是以非常肯定的說話表示樓市跌勢而成,有機會下跌25%。仲量聯行一向以中肯態度評論樓市,如果要轉軚亦不怕被人說以今日的我打倒昨日的我,這是轉軚的大原則。如果怕被人笑而用模棱兩可的說話轉軚,結果反而是輸家。

樓市夜話(2)仲量聯行轉軚
2. 真真薯片
2018-11-13 23:03
到農曆年底前會比高峰時下跌15%,在春節之後,地產商會精心部署一個小陽春

以我所見,二手最新成交價對比早前創新高價已經跌左10%,農曆年前只跌15%係比較保守,但如果所指既係CCL,可能性就好高

郎城匯未賣我已經講,地霸會進入全面罷賣模式,累積購買力,過年後地霸會扮平推盤,首輪最平12000蚊呎實行時光倒流價,但平價單位甚少,最後拉均都賣緊萬四五蚊呎,至於地霸成唔成功,就要睇股市,利息,同美元,在下由上年講到依家既三鬼拍門到時咩環境,同阿爺放唔放大水,如果美匯明年上穿100,股市再跌4,5000點,港銀再加一兩次息,購買力將會進一步消散,地霸儲半年購買力都冇用,2016年果浪報復式反彈係因為美元回軟,股市跌定,同最重要係阿爺放大水搞去庫存,深圳樓幾個月升兩三倍,今次跌浪既走勢要睇住以上四個因素,無論如何,半年內跌兩成已成定局
3. 股市再跌4,5000點
2018-11-14 01:11
留學又去留學啦,朝早會唔會爆升四五千點呢?以前都唔駛預先去開定會嘅,睇嚟都係為左令大大會唔好咁難睇先要去一趟。
4. 香港
2018-11-14 03:28

平均每個月能夠買樓的人大概40萬. 做房屋仲介的就有四萬.  仲介個人平均只有十個顧客照顧. 如果年年樓市升一倍. 仲可以搵到食. 過埋今個財政年度. 下年我做的公司(不是中介公司) 將會每個星期減少一個人. 因為人事費用減少咗.預算已經寫好咗. 我見啲同事開心心唔知道下年發生咩事, 我都唔想炒人.但現在已經感覺到生意少得可憐,  希望大部分人能夠盡早搵份安定的工作. 

5. 香港
2018-11-14 03:32

平均每個月能夠買樓的人大概40萬. 做房屋仲介的就有四萬.  仲介個人平均只有十個顧客照顧. 如果年年樓市升一倍. 仲可以搵到食. 過埋今個財政年度. 下年我做的公司(不是中介公司) 將會每個星期減少一個人. 因為人事費用減少咗.預算已經寫好咗. 我見啲同事開心心唔知道下年發生咩事, 我都唔想炒人.但現在已經感覺到生意少得可憐,  希望大部分人能夠盡早搵份安定的工作. 

6. 湯瑪斯
2018-11-14 11:02

5樓「平均每個月能夠買樓的人大概40萬」的數據不知有何出處。因為這句說話概念不清。「能夠買樓」是否代表有能力支付首期及每月供款?「平均每月」是否代表有能力的人買樓之後有新的人加入,所以每個月都有40萬有能力買樓的人?現時二手樓近乎冰封。炒物業代理是正常的商業行為。如果好多行業都炒人,香港失業率一定上升,這一惡性循環會導致樓價進一步下跌!

7. 湯瑪斯
2018-11-14 12:10
傳媒報道話好多大手劈價盤,俾人既感覺係樓價已經大跌兩成以上(傳媒傾向於以業住最初叫價到減價成交計算劈左幾多成,咁會較吸眼球)。我個人覺得樓價係跌,不過應該冇下跌兩成以上咁多。下十幾個巴仙應該有。有人捧出「中原城市領先指數」說只下跌約3%,且認為數據道出真相。其實真相是「中原城市領先指數」未能反映樓價下跌的實況。湯博士早已撰文作出分析(例如未計銀主盤的成交),大家自己作出判斷。我就信湯博士勒!講真,好難令人相信香港樓價只係由高峰下跌3%咁少!
8. 香港土著
2018-11-14 13:31
有一點好同意,就係曾煥平立場最清晰,唔會留一大個灰色地帶比自己轉彎。
9. 香港
2018-11-14 13:52
我見到有啲同事開開心心, 又購買新手機, 又安排去旅行. 因為而家佢哋都得閒咗好多. 完全唔知道我1月2號星期3就要炒佢哋. 所以我都勸佢慳番啲錢. 我都搵緊啲行家, 睇下可唔可以幫手收留下佢哋. 希望畀大信封 同時講對唔住又搵到份工畀佢. 因為他們都是好人.   他們沒有做錯什麼, 我也很不開心,  只是環境的變化. 因為下年唔找佢哋以後要炒咁多人. 
10. 香港
2018-11-14 15:12
點樣計出40萬, 我唔係做地產代理,  這是用這種計法計出來的.  比較複雜.   
1. 現在香港每月大概買賣5000
2. 每月睇樓量大概40,000宗
3, 每個經紀嘅成功率  (5000/40000)x100=12.5%
4, keep住睇樓層數5000x12/12.5%=480,000.
減咗嗰啲自己買賣或者係唔知點樣買賣嘅人就大概一年裏面40萬人需要地產代理的服務. 當然唔係每個月都有40萬成交. 樓市冰封呢啲人都需要服務. 所以唔會改變每個人的服務客戶人數. 而且唔會改變每個人的服務客戶人數
11. 不明白
2018-11-14 17:15
樓上嗰位叫香港的朋友,咁樣的表達能力,間公司肯定要減人
12. 香港
2018-11-14 18:17
睇唔明都係應該,  好似老闆講嘅嘢一樣, 講極你哋都唔明. 
希望人人有樓住, 社會和諧啲, 年青人有希望, 中年人有工做, 老年人退到休. 

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。