地產論壇
登入名稱
密碼
頁數:
銀主盤幾時殺到香港
瀏覽人次:29726    回應:20

銀主盤幾時殺到香港

 

湯文亮博士

紀惠集團行政總裁
2018年11月10日

  雖然現在仍然有人對我口誅筆伐,話我語出驚人,恐嚇那些買樓的人,又話現在樓市只不過稍為調整,並不算下跌,就算下跌都是假跌,現在仍然可以買樓,其實,我同意現在也可以買樓,不過最緊要是量力而為,如果沒有需要暫時可以忍下手,千祈唔好採用財仔提供的高成數按揭買樓,因為當樓價下跌,財仔是會要求清還所有貸款,否則就會沒收所按的物業,有人話我危言聳聽,老實說,我承認,如果不是危言聳聽,一定沒有人聽,即使危言聳聽,仍然會有不少未合資格的人買樓,他們話不買也有風險。

  講多都無謂,深圳現在的銀主盤多到無倫,估計銀主盤潮很快就會殺到香港,現在能夠轉按就最好轉按,否則的話,就要有心理準備財仔隨時會叫清還貸款,就算財仔保證唔會,但亦要乖乖地每月供款,否則唔會都會,當那些業主收到財仔的追債,甚至收樓信之後,就會知道什麼是量力而為,不過,千祈唔好向叫你買樓的人投訴,他們會話早已有提過買也有風險,不計清楚買樓的風險實在與人無尤。

銀主盤幾時殺到香港
1. 有排
2018-11-10 10:53
2. 湯瑪斯
2018-11-10 11:04
深圳竟然大把銀主盤!我重以為大陸同胞大把錢,又話攞小部份資金出嚟可以成個香港嘅物業買哂佢,隨時託起香港個市。而家託起深圳就唔係得囉!
3. 湯瑪斯
2018-11-10 11:15
我一直支持博士嘅第十把聲音,因為真係要有份量嘅人提點吓。回想二十年前一大群負資產燒炭自殺,令人稀虛。博士其實做緊好事,救蒼生!
5. 鳥5
2018-11-10 11:57
我總係覺得只今次係慢跌,但好深。。。同97,5同。。9至1O年尋底,每年最大2成至4成, 反覆向下
6. 鳥5
2018-11-10 11:59
更正係波幅兩成至四成
7. 對標題黨極反感
2018-11-10 12:11
大家都係話(覺得),我就覺得未來單月跌,雙月升番,波幅上下落在1%左右。
8. 真真薯片
2018-11-10 12:19
刀兄,大灣區銀主盤狀況如何?
9. 鳥5
2018-11-10 12:51
香港地霸似被套住,出年第二季如我年中( 斷估)。。。政府地霸 散戶- 困鬥。 。 。 宜家地吧一條心齊齊坐,講雷 玩對抗,, 出年各自各暗度陳倉。。。
10. 鳥5
2018-11-10 12:56
出年年中,香港企業 融資开始進入(深水區)。。
11. 鳥5
2018-11-10 13:20
7/F , 我講過係 二手 成交 最高同最低波幅
12. 鳥5
2018-11-10 13:22
以德福花園為例今年最高做约萬七 最低做一萬零幾
13. 明鏡亦非台
2018-11-10 13:58
老實講現在香港人仍好有錢,但有錢唔一定係要買樓,出租回報扣除立立雜雜稅項費用,回報已降至得2厘幾左右。我都係將啲錢放定期,乜都唔洗搞安安樂樂有2.4厘。如果買樓係博升值,港樓就算係再升,水位已不多,我不如買大灣區。
15. 香港土著
2018-11-11 22:48
個人認為,深圳揀731推新政,感覺不佳。
16. al70
2018-11-12 00:20
只可以講,黎紧3-5-7年全港基層,中產,小商户,无論有楼冇楼,大家準備活下去。

17. 鳥5
2018-11-12 13:47
16/F, 唔使太過擔心 因為香港就業人口 都係冇貨 玩多次m字, 大型軟 著陸 不過樓市高峰期應該過咗, 而家最緊要搞掂啲公營房屋, 其他只係財富轉移。。 唔係呀A多啲就B咗啲啫。。
18. 引刀一快
2018-11-12 20:14
真真薯片兄

大灣區銀主盤不嬲都多,依家可能有意唔俾張揚,所以唔見大肆報道,不過已經係賣家大比例要求一次性付款,唔使我畵腸喇。
19. 引刀一快
2018-11-12 20:18
香港土著兄

好奇怪,大陸表面話唔迷信,但係呢D揩到抗日之類嘢好忌諱。

20. 香港土著
2018-11-12 20:35
刀兄,

近期中港官場真係多哩類"疑案"。先有黑太陽,再嚟情緒病跳樓,後有看珠西。習主席可能真係有雍正命格,用力趕狗入窮巷,對家就拼死搞局。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。