地產論壇
登入名稱
密碼
頁數:
中美貿易戰的日落條款
瀏覽人次:23475    回應:17

中美貿易戰的日落條款

 

湯文亮博士

紀惠集團行政總裁
2018年7月9日

  有朋友知道中美貿易戰一定會開打以及大行話股市由牛轉熊,所以預先出售手上股票,誰不知在上星期五美國宣布開徵340億美元關稅之後,中國立刻還撃,意味著中美貿易戰正式開打,朋友磨拳擦掌,準備在股市大跌之後撈貨,誰不知在貿易戰正式開打之後,香港股市下午竟然在下跌之中掉頭回升,夜期更升接近300點,令到很多人大跌眼鏡,朋友搵我哭股喪,其實,朋友不知道這是股市正常表現,當壞消息實現了之後,即是沒有壞消息,就變成是好消息,所以股市掉頭回升,這個情況在過去出現過不知多少次,尤其是有關加息,在加息前股市下跌,加息後反而會掉頭回升,除非是突如其來政策,例如星加坡突然對樓市加辣,令到股市樓市即時下跌,不過,反之減息亦然,當大家期望的減息實現了之後,就變成沒有好消息,股市反而會掉頭向下,這是股市的物質不變定律,大家不用大驚小怪。

  朋友話今次中美貿易戰,都不知道要打到幾時,點會有可能由壞消息變成好消息,其實,朋友沒有留意到中美貿易戰其實是設有日落條款,就是美國向中國徵收500億美元關稅,這500億就是日落條款,如果特朗普不再追加,中美貿易戰就告一段落,有財經界人士話中國應該接受這500億美元關稅,不作反撃,貿易戰很快就會結束,那位專家說錯了,如果中國不作出反擊,特朗普見美國不但沒有損失,而且有額外關稅收入,必定會用其他理由繼續徵收關稅,貿易戰才不會停止,現在中國反擊,美國亦有損失,特朗普才會口中說追加,心中考慮不再追收,雙方今次交手,除了考慮政治因素之外,還要加上生意人智慧才可以收招,我估計到了最後,特朗普是應美國商人的要求不再對中國開徵關稅,貿易戰才會告一段落,但貿易戰是不會結束,因為這是特朗普要脅美國商人的最佳武器,在現階段特朗普要求美國商人做什麼,就是班資回朝,如果大家擔心貿易戰對香港股市樓市影響,不如小心香港因為美國商人班資回朝而加息,而港美利息差距有1.75%,加息陰影還要很久才可以消除。

中美貿易戰的日落條款
1. 自我陶醉
2018-07-09 08:54
關於貿易戰都有好消息㗎,就係歐盟唔肯陪阿爺一齊玩,所以貿易戰對經濟的破壞力大減,亦令阿爺再加碼嘅本錢降低了。
2. 十一哥
2018-07-09 09:19
國際就係江湖、風波正係江湖常態、多風波更流水不腐、有動感有活力、呢個先係真世界、唔洗未痛就喊驚…呼吸都成負擔…下下抖大氣日子就好難過、呢百幾年中國幾時食過安樂茶飯、呢廿吖幾年正係勤力有回報、以前又食又拎嘅惡霸點肯比你扢頭、梗要趁你未扎穩馬就撩開拖、不過咁就更好…逼你唔敢有飽飯食就偷懶、門口成棚大賊…焗住你行架撑練大隻、阿爺而家有咁上下大隻…就有本錢…企定定睇住儍侵係咁擰、出一隻跟一隻…大極都唔甩、美帝雞棚吹盡都係美金一萬億、阿爺早睇到今日、首先打通自己任督二脈…基建高速公路加高鐵、淨內需都吃喝不盡、再開多幾間舖…一路平西、有景有着數就多人埋堆、唔洗同佢鬥鷄棚…幾大照跟、以前都要幫趁番多少…貴D就當對數、而家就關照平果D。

3. 占士
2018-07-09 09:25
4. 十一哥
2018-07-09 09:31
一樓   噚晚又飲大咗呀 ? 歐洲佬未醉…點會傻到爆響口站邊、要加碼嘅係儍侵、阿爺啄尾就最慳力。

5. 十一哥
2018-07-09 09:48
打人就係美國佬強項、弱雞就實洽硬你、但佢又好怕痛、夠硬敢搏命…佢就好識4466講數。

6. 占士
2018-07-09 10:13

又有朋友說,美國的國運已經過了高峰期,正在步入衰退,要到達那個所謂的“死亡交叉點”其霸權地位將一去不復返!而美國自己發動的全球貿易戰其實是敲響了其失落霸權的喪鐘。加快了那個“死亡交叉點”出現的時間。你同意嗎?

7. 真真薯片
2018-07-09 11:00
壞消息兌現當好消息,其實係超前炒,投資睇岩方向之外,就係鬥快,大家都知要跌,大戶一早沽定,壞消息兌現,大戶平倉食糊,因為之前係沽,平倉即係要買,於是個市就升,呢d買盤唔係因為市場覺得環境轉好而去買股票,只係之前沽完依家食糊而已
8. 真真薯片
2018-07-09 11:52
上證已經跌返去2015股災既低位,而港股就比當日低位仍然高接近一萬點

港股不嬲都跟中美股市走,如今中國股市跌先,港股靠美股表現支撐,早幾個月又試沽港元,睇下金管局點樣接貨

一切似乎準備就緒,港股係未來一年內會有終整一跌,跌返落二萬頭係最低消費,之後就係港樓既調整浪

講到尾就係剪羊毛,次次都有唔同藉口,今次貿易戰都係藉口而已
9. 鳥5
2018-07-09 12:27
真真兄,有見地,事實正從你思路(方向走)。。剪羊毛分次序香港暫未on list出年初到。。實体後年到。。。睇5到香港會無份,不過香港兩大工程上馬,會有少少生錢入,但橫睇直睇,資產重估2個工程幫5D乜。。可喜係香港5係排龍頭,
10. 鳥5
2018-07-09 12:43
留意金局陳Sir,我睇佢巳經密密腳海外執倉,長轉中,中轉短。。如果你电視多見佢多,就利談多。。佢D幾年多講香港樓巿負責多,小心息 口風險,其實係以外圍佬角度睇香港樓巿。。。坐下重申講一次,97只有3%繼供,樓價跌7成。。3%死因5係樓跌,係借過龍。。而家散戶揸既係加減數,地霜揸連巿埸分額係乘除數,外圍佬果條係函數。。歴史得一個人,玩得最準,就係李超。。玩到戰艦轉到 快艇
11. 真真薯片
2018-07-09 12:59
其實香港市易睇,因為香港總係跟住中美走

記得2016年初,大陸去庫存,大陸樓市爆升,果陣香港樓市仲跌緊,約3,4個月後,香港就跟埋一齊爆上

依家大陸股爆落,除非大陸股爆返上,否則正路估,半年內港服都會爆落,美國如果有心踩多腳,港股跌幅好易超越中美兩地股市
12. 鳥5
2018-07-09 13:14
香港當然係跟中美啦!尖吵咀你見乜國人多左,米同乜國人多左生意羅, 唔難諗嘅科學現像。。
13. 鳥5
2018-07-09 13:19
香港洗美金,不論通賬, 通縮,大部係輸入性,而家由(冇限資金挑戰有限資源)到(有限資金维持有限資源)既 階段... 咁講大家明呀
14. 鳥5
2018-07-09 13:26
是故登陸火星太空大計,香港既(我有一個乂姑LOOK正苦),所以可以上火星。。同一人倒立用手企向亍度,話自己托住果地球。。從萬有引力角度睇都可以係岩,不過係事實之部份Law
15. 鳥5
2018-07-09 13:27
唔好意思用詞太猛 有啲過分 講得太白
16. 鳥5
2018-07-09 13:48
快D起公屋啦!98年有公屋訓,日本當年爆後3年,2萬人訓亍,美國2年前先剛刚5泆訓旅行車,起多D保障房可攻可守啫!
17. 鳥5
2018-07-09 13:52
大陸廣東年初巳經開始起17O萬間保障房,由計劃到論證至年初,最少3年前計劃软着陸呀!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。