地產博客 > 敢說亮話 返回
瀏覽人次:51597    回應:11
敢說亮話

反佔中(89)鳩嗚,這樣無聊的事,誰人會做

 

湯文亮博士

紀惠集團行政總裁
2014年12月27日

  我有一個朋友在旺角開舖頭,在佔中之後,現在飽受鳩嗚人士之苦,他對我說,佔中的時候,生意影響不大,受影響的反而是非佔領區,例如西洋菜街等地,因為彌敦道已經變成了行人專用區,美中不足的是該行人專用區沒有人做清潔,經過七十多日佔領,已經產生惡臭,在佔領區內居住的人其實並不多,不過,警方未掌握到實況,不敢胡亂清場,但這亦難怪,因為警方清場,各方面的社團人士便會出現,他們群策群力,力抗警方,現在大家都知道,那些社團人士,大部份都是受薪,有人俾錢他們和警方公然作對,甚至公開羞辱警方,這是他們夢寐以求的事,何樂而不為,照計,在清場之後,已經沒有人俾錢他們,應該不會出現鳩嗚行動,究竟,那些社團人士是否如此有義氣,冇錢收都替人辦事,據我老友解釋,現在那些鳩嗚人士,他們鳩嗚是因為是佔領行動的費用仍未收妥,他們亦知道鳩嗚是犯眾憎,明知而為是希望迫顧用他們的人找數,如此新穎見解我亦是第一次聽到,我不敢肯定是事實抑或是謠言,但照理解,冇理由到現在仍然有一些人做如此無聊行為,不但很容易惹上官非,更有可能被註銷回鄉証,我認為鳩嗚行動不值得。

  如果說鳩嗚人士是追數,照理應該向聘用他們的人,但耐何對方勢力太大,絕對沒有把握向對方追收,不但收唔到數,反而會惹到麻煩,我又唔知道是誰人幫他們想到這一條絕穚,美其名是免費延續佔領行動,但實際上是搞到社會的人對他們厭惡,亦即是厭惡那些搞佔領行動的人,本來是一個神聖任務,現成為過街老鼠,影響所及,三子,雙學,泛民等早已和鳩嗚人士劃清界線,但他們又不敢說是被政府嫁禍,唯有死頂說各人有不同方法演繹民主運動,如果繼續下去,佔領行動人士除了找數之外,還是找數,但我相信並不是佔領行動人士不肯找數,而是牽涉的款項巨大,並不是有幾多人在佔領區住了幾多日那麼簡單,而是當中有很多人被捕,一哥又講明將會有很多人在未來三個月會被捕,雖然秋後算帳的味道頗濃,不過,又聽不到有反對聲音,有幾多受薪的佔領人士會被捕還未知道,但按照過往慣例,他們會離開香港,暫避風頭,最多人會去的地方當然是國內, 但隨著有很多人的回鄉証被註銷,當中有學生亦有受薪佔領人士,如果不能離開,在香港就等拉,到其他地方花費鉅大,所以,才會出現鳩嗚行動,如果這是一個追數行動,這是一個頗為創新手法,到現在,我想佔領行動搞手知道,原來社團人士真的不好惹,而社團人士又知道,玩政治原來代價是很大,用後悔莫及來形容他們的心情就最好。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 睇得通 2014-12-27 12:41:14
玩政治原來代價是很大,用後悔莫及來形容他們的心情就最好。

??????????????????//

太平山上還有人挂: 毋忘初衷???

毋忘初衷

2. 東方/功夫茶 2014-12-27 14:33:51

鳩嗚擾民惹公憤 妖孽禍港亂不休

樹欲靜而風不止,佔領鬧劇搞到香港七國咁亂,本來諗住清場之後,聖誕佳節可以過番幾日安樂日子啦,點知「鳩嗚團」陰魂不息,到處騷擾,導致商戶生意受阻,街坊不勝其煩,警方疲於奔命,呢個聖誕烽煙四起,想快樂都幾難。

即係咁,佔領鬧劇雖然已經收皮,但有人不甘失敗,以各種名目糾眾滋事,「鳩嗚」、「跌錢」、「報佳音」,五花八門,無奇不有。尋日凌晨之嘛,大批示威者喺通菜街同警方對峙,期間有人衝入一幢大廈,拍打住客鐵閘聲稱「借廁所」,有住客要報警求助。結果示威者同警方角力超過八個鐘,搞到凌晨四點至鳴金收兵。唔使問阿貴,又有多人被捕,何必呢!

真係諗極都唔明,示威還示威,爭取民主還爭取民主,點解要搞到香港永無寧日呢?點解要半夜三更擅闖民居擾人清夢呢?試諗吓,如果掉番轉頭,有人騷擾呢班示威者嘅屋企,佢哋又會有乜嘢反應呢?有人就講得啱嘞,示威者借「鳩嗚」或「報佳音」之名,行流動佔領之實,司馬昭之心路人皆見,警方用文明方法請唔走示威者,咪惟有動用適當武力囉。

所以話啫,示威人士神憎鬼厭,所到之處商戶拉閘、行人兜路、街坊鬧爆,警方唔驅趕,唔通畀佢哋為所欲為咩?咁仲成世界嘅?最離譜嘅係,有位所謂副教授居然惡人先告狀,聲稱示威者只係喺街上短暫逗留、打開黃傘,呢啲都係合法行為,警方以暴力驅散市民,令佢覺得唔開心,將會去信警務處處長曾偉雄,要求對方解釋警方施暴嘅原因喎。

咁就奇嘞,身為學者,唔譴責違法者,反而譴責執法者,呢啲到底係咩邏輯?咁又難怪嘅,今日香港是非顛倒,黑白混淆,愈來愈多呢類匪夷所思嘅歪論。好似佔中搞手咁吖,身為大學副教授,自己知法犯法就算喇,仲公然教唆學生違法,而且恐嚇隨時會有暴動,簡直係誤人子弟。加上反中亂港傳媒同反對派政棍煽風點火,推波助瀾,唯恐天下不亂,青少年紛紛被洗腦,有乜法子唔愈來愈偏激,愈來愈暴戾吖。

都係古人講得啱︰禁而不止,則刑罰侮。佔中搞手及幕後黑手固然要嚴辦,鳩嗚兵團一樣唔可以姑息。嗱,咪以為一哄而上就法不責眾呀,隨時自毀前程。一句講晒,天網恢恢,疏而不漏,出嚟行,遲早要還吖!

3. 珍惜香港 2014-12-30 16:17:56
珍惜香港

三區光復之後,黃虫為患,已告一段落;博士話會盡量少寫,又話想停止寫反佔中文章,主題亦由反佔中改咗做政策篇啦。呢篇(89),只有兩個回應,相信呢個 TOPIC,應該可以暫時劃住個句號先。

上次寫咗教育嘅反思之後,本來亦冇打算再响反佔中 TOPIC 下面留言,不過前幾日同大女行經一條行人天橋上面,見到不時有途人對住一個方向影相,好奇之下,就走過去望咗一陣子。

一個俯瞰街景,一份筆墨難以形容嘅感觸,直湧上心頭。



記得大概一年前,呢度有位署名寄生虫嘅留言者,話我如果真喺珍惜香港嘅,就應該為末來年輕一代着想喎,仲 POST 埋幅香港夜景出嚟,結果我就贈咗佢一句:「珍惜」同「寵」,喺兩回事

香港夜景,繁華嘅中環景象,俾唔到我一絲感覺,反而一幅俯瞰街景,令我感慨萬千。珍惜香港專頁作為留言者身份,已經有兩年,都仲未搵到啱嘅封面相片。到黃虫之患後,一份無心嘅機緣,就決定用呢幅街景做咗封面啦。

博士呢個 POST 已經 EXPIRED,睇到嘅人應該唔會多,有緣人路過嘅話,不妨估下上面個街景,喺响香港嘅邊處地方?今晚開估
4. middle middle class 2014-12-30 16:49:47

3. 珍惜香港, I always like your comments and analysis.  Pls do not stop your posting here as most of them, if not all, are inspiring.  Do not spoil our young population, very true!

Unfortunately, as my desktop pc is a grandmother model, so I cannot see the picture from your post.  Anyway, waiting for your further explaination.

5. Joe 2014-12-30 17:27:15

小第完全同意4樓 middle兄,珍港兄係這兒的良師益友!

珍港兄所post 的係旺角花園街。

6. 亮劍 2014-12-30 17:59:31
旺角狗污團班傻蛋,不停話要玩殘警狗,要佢哋無覺好瞓,日日唔得閒!
但呢班戇居仔究竟知唔知,警察出糧预咗要做嘢!
家俾你們玩緊嘅,係旺角商户、街坊、泛民溫和派、香港的經濟……

但最被玩残的,是你哋自己的將來及前途呀!
7. middle middle class 2014-12-30 18:22:13
Thanks bro Joe, but why 旺角花園街?   珍惜香港?
8. hkcl88 2014-12-30 18:32:49
寳靈街
9. Joe 2014-12-30 21:35:19

To 7 middle兄

該圖雖是普通的排檔街道,人們攘往熙來,但此處經歷大火的洗禮,佔中的人禍,其經濟活動很快又回復正常,背後靠的是小商戶們和持份者積極的建設和努力,令這處地方重復生機,這正是典型的香港精神,須大家繼續去珍惜和維護它....

小弟墨水欠奉,思路狹窄,只能想到咁多。


10. 珍惜香港 2014-12-30 23:56:00
珍惜香港TO:Joe、middle middle、hkcl88

Joe 兄講啱咗,就喺旺角花園街。呢張相片,喺從旺角道行人天橋上面,俯瞰嘅花園街全景。從旺角東鐵站 C 或 D 出口,通過新世紀廣場,進入旺角道行人天橋,沿住天橋行,右轉入旺角道,第一個街口,就喺呢個位置。而不時有途人,經過呢個位置果陣,都會攞部手機出嚟,拍低呢個景象。

多謝 Joe 兄簡單一小段,講中哂我嘅心事;點會喺思路狹窄?令我佩服欣賞就真!今次可以寫短啲啦。

中環嘅夜景,之所以俾唔到我一絲感覺,喺因為佢只代表咗一個繁華嘅現狀,但我地要珍惜嘅,卻喺响背後默默支持住呢個地方嘅香港精神。從高處俯瞰人來人往嘅花園街,我睇到嘅,喺一個千絲萬縷嘅經濟體,無數可歌可泣嘅故事,從災難中谷底抽身嘅決心。

理想,唔一定要好偉大,香港夢,亦可以好簡單。任何一個响經濟體裡面力求生存、力爭上游嘅參與者,亦同時給予其他經濟活動參與者生存、上游嘅機會,呢啲就喺貢獻。真正嘅貢獻,從來唔會通過破壞去體現,呢樣嘢,班井底黃虫同佢地嘅支持者喺唔會明白,一講到搵食,就只會報以冷笑。

人喺冇分貴賤,從基層市民以至政府同所謂當權者,都應該被包容。人民公僕,唔喺真喺你個工人,正如幫襯一間商舖,唔等於你就大哂,唔等於想點都要得。如果冇接受素求得唔到體現嘅胸襟,就冇資格提出你嘅素求;如果冇放低對意識形態執著嘅能力,就冇資格去講乜嘢真理。

有空嘅話,大家不妨走去旺角,俯瞰一下呢個香港精神嘅縮影啦!
11. Joe 2014-12-31 01:06:52

珍港兄在此的無私貢獻,要說多謝和佩服的是我地D小讀者才真,期待師兄有空多多分享。