地產博客 > 敢說亮話 返回
瀏覽人次:78316    回應:48
敢說亮話

反佔中(20)不能夠侮辱參與反佔中遊行的人

 

湯文亮博士

紀惠集團行政總裁
2014年8月18日

  我昨晚睇新聞,見到三子之一陳健民接受訪問,擺明車馬說支持反佔中遊行的人質素不夠,他們所舉辦網上公投的80萬人次才夠質素,就算反佔中的遊行人數再多都沒有代表性,這種不服輸及不尊重對手的說話如何講民主,輸咗又會話不公平,又要重新選擇,又會抹黑對手,或者說給對手抹黑,總之,如果唔贏就唔公平,我睇完訪問之後,只是覺得很奇怪,怎麼三子不拿出一點風度,輸咪輸,如果輸唔起,就千祈唔好玩政治,這次訪問,老陳失分甚多。

  傳媒報導反佔中遊行與報導樓市一樣,幾個月前,樓市已經開始啟動,但報章仍然以劈價,蝕讓等字眼報導樓市,令人有錯覺樓市將會下跌,在不會買樓之餘,甚至會賣樓,誰不知,當時樓市已經蓄勢待升,中原指數連續兩個星期破頂,但我又唔見到有覺今是而昨非的報導,昨日又有記者說有人俾錢遊行,我相信是真的,不過是有心人裝冇心人,而且數目很少,根本不值得報道,而他們的一貫技倆就是將他們想報道的報道,其他一律會被刪除,所以,大家會睇到被訪問的人都不支持反佔中遊行,參加遊行的人仕都是被金錢收買,與我所見的不同,不少人是自發性參與遊行,他們不一定支持CY,但他們反佔中,希望三子明白,唔好將自已隱藏在黃金之殿裡面,認為事情會按照他們的計劃發展,但最緊要是尊重對手,抹黑對手即是抹黑自已。

  我從7月4日開始寫反佔中,累積了160萬人次,而反佔中的簽名運動在遊行之前已經有120萬,我反佔中的網上人次不值一提,但簽名是實在,票站人員非常認真核對身份證,老陳不能侮辱他們,侮辱他們那是侮辱自已,我相信老陳不會明白,或者他不能夠接受事實。

  話說回頭,昨天的反佔中遊行似嘉年華多過似示威,抗議活動,我聞說,各大酒樓的茶市,晚膳早已被預訂一空,大家或者趁此機會聯誼一番,我的同事亦自發性參加遊行,如果今日他們叫我簽單承認昨日的使費,我當然會簽,但我不是因為他們遊行而簽,而是一次聯誼活動,我相信昨日的午餐,晚宴,一定會有人找數,但這又有什麼問題,應該不會被抹黑。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 路人 2014-08-18 09:45:52
博士    “佔中三子 ”  已改名為 “佔中三女子”
2. 法子 2014-08-18 09:52:41
法子《現在有什麼 really long hill?》

以下只是個人做法,投資自行決定。

2014年7月28日

近來在 fb 經常收到一些pm

「法子,你現在在股市的部署策略是什麼?」

「你認為現在是股市牛三浪的前奏嗎?」

「幾多點是牛三的開始?」

我一向有用衝平比去揾《really long hill》,一般持有起碼幾年,所以不用經常 update狀況,所以我下面以一段和朋友在2014年3月20日剛收市後的對話來告訴大家,衡平比找出的《really long hill》不用經常改變。

另外,我根本不會分牛一定牛三,我只會在一項資產大約在0.8時買入,大約在1.6時賣出。其間當然一直持有。

現在持有那些 really long hill?

樓市:在2002年衡平比出現0.8時一直買入,持有直到現在,因為還未到1.6,未放。雪球一直滾動。

恒生指數:持有到2007年,恒指約28000點時,衡平比1.6,放出所有股票。其後恒指升至最高約32000,衡平比1.77。

之後一直等到2008年恒指18000,衡平比0.8買入。(之後恒指都跌到12000)之後一直持有到現在,等待1.6的出現。

恒指18000點時,因為領匯衡平比很低(真的很抵),因而分批買入,全都在$20以下。一直持有至今。

-------------------

節錄2014年3月20日的部份對話

K:「法子,恒指跌到呢個位(21182),會唔會跌穿2萬?跌到萬9我想入貨。」

法子:「歷史告訴我們,當市場氣氛好的時候就會「向上錯價」(衡平比1.6),當氣氛壞的時候,就「向下錯價」(衡平比0.8)。

我主張「投資不是做預測」,即是我哋都不會去預測「向下錯價幾多?」更加不去預測錯價幾耐?

我只能講現在恒生指數恒平比大約是0.82。是很「抵買」要去到2萬點以下,除非有天災人禍等意外,否則,上年6月很可能已經是最後一次見2萬點樓下。

以現時衝平價25800計,1.6可以去到41000,距離現在有2萬點,何必為了2千點錯失了2萬點?」


3. 感謝市民、義工及團體對簽名運動支持 2014-08-18 10:49:03
「保普選反佔中」大聯盟將於明天舉行「8.17和平普選日」大遊行運動,至於為期一個月的「保和平保普選反暴力反佔中」簽名行動,也已進入尾聲。各團體及 機構簽名表格也陸續回收,截至今日共收到 146 萬多市民簽名,其中包括街站簽名 117 萬多,網上簽名 12 萬多,以及團體和機構簽名 16 萬 9 千多。

大聯盟特別感謝簽名支持的市民,以及參與的義工,各聯署團體和聯署個人的共同努力,終於取得這破紀錄的好成績,成為香港歷史上的一個壯舉。

簽名表格收回及刪除統計表列如下:

19 日    (周六)  201,468 張(包括綠表 211 張)設站 416 個
20 日    (周日)  178,144 張(包括綠表 245 張)設站 411 個
21 日 至 25 日 (周一至五)197,909 張(包括綠表 674 張)設站 675 個次
26 日    (周六)  234,646 張(包括綠表 463 張)設站 682 個
27 日    (周日)  123,468 張(包括綠表 608 張)設站 649 個
28 日至8月1日(周一至五)  93,290 張(包括綠表 380 張)設站 510 個次
02 日    (周六)    20,827 張(包括綠表 160 張)設站 149 個
03 日    (周日)    18,589 張(包括綠表 174 張)設站 180 個
04 日 至 08 日 (周一至五)  24,866 張(包括綠表 336 張)設站 527 個次
09 日    (周六)    12,383 張(包括綠表   35 張)設站 168 個
10 日    (周日)    22,611 張(包括綠表   91 張)設站 245 個
11 日 至 15 日 (周一至五)  32,613 張(包括綠表 915 張)設站 410 個次
16 日    (周六)    16,805 張(包括綠表 293 張)設站 196 個

街站簽名累計 1,177,629 張(包括綠表 4,575 張)設站 5,419 個次

15日(周五)團體簽名收集 128,898 張
16日(周六)團體簽名收集   40,610 張
團體簽名累計 169,508 張

網上簽名累計(8月2日00:00 – 8月16日20:30)121,002 份

「廢簽」表格刪除 2,106 + 855 = 2,961 張

全部總計:1,177,629 + 121,002 + 169,508 – 2,961 = 1,468,139 張/份

8月16日

<<保普選反佔中大聯盟>>
http://www.sign4peacedemocracy.hk/index.php?r=index/detail&id=344
4. 《8.17 和平普選日》感謝市民參與 發揮社會正能量 2014-08-18 10:52:07


「保普選反佔中」大聯盟今日舉行《8.17和平普選日》活動,包括跑步上中環、獻花行動、大遊行等,由上午 7 時 30 分至晚上 9 時正舉行。市民反應熱烈,踴躍參與,效果非常理想,充份發揮社會正能量,是一次難能可貴的歷史性紀錄。

跑 步上中環活動,根據終點發出證書記錄,共有1567名市民參加。至於下午的大遊行活動,大聯盟初步估算為 19 萬 3 千,因為大遊行隊伍由下午 1 時 30 分出發,到 6 時 30 分結束,遊行過程絕無拖慢,反而是主動保證暢順;從圖片可以清楚顯示,出發前參加者已經覆蓋全部六個足球場另加草地,此外,大聯盟出發前在維園派發共 20 萬多貼花。

至於獻花行動的參加人數,由於發出貼紙的點算比較複雜需時,故此,今天無法公佈參與獻花人數。

8月17日

<<保普選反佔中大聯盟>>
http://www.sign4peacedemocracy.hk/index.php?r=index/detail&id=348
5. 啦啦隊 2014-08-18 11:11:53
有錢收,緊係先有人去,最慘係D亞公亞婆,幾十歲人為左幾百,暈係公園,你地班左狗有冇人性
6. 啦啦隊 2014-08-18 11:15:20
http://cablenews.i-cable.com/webapps/news_video/index.php?news_id=439427


叫大陸人黎HK穩定, 中國無普選....過黎玩...哈哈
7. 啦啦隊 2014-08-18 11:18:50
http://rthk.hk/rthk/news/clocal/news.htm?clocal&20140817&55&1030427

哈哈
8. 啦啦隊 2014-08-18 11:19:56

張融又有精句,唔駛知到乜嘢係反佔中都可以支持,好嘢!我支持你,其實我完全唔明你喺度搞乜鳩,推演下去,其實你唔明自己講乜都可以講格,張融,其實你明唔明自己喺度講緊乜呀?

9. 打工仔 Andy 2014-08-18 11:49:46

〝昨天的反佔中遊行似嘉年華多過似示威,抗議活動〞實在是大好事!

想搞佔中的人一定十分眼紅!佢地千方百計想搞亂香港, 無想過有上百萬港人反對佢地!

佔中搞手回頭是岸!

10. 路人 2014-08-18 13:52:11
百多萬人中可能有好多個牛精洪、沙膽彪、火遮眼之流,佔中三子為自身安全,少出街為妙!
11. 路人 2014-08-18 13:52:17
百多萬人中可能有好多個牛精洪、沙膽彪、火遮眼之流,佔中三子為自身安全,少出街為妙!
12. 望東樓 2014-08-18 14:42:13

from Sing Pao

 

昨天的「反佔中」大遊行有「兩大特色」:一是「人數多」,與今年「民陣」發起的「七一」大遊行比較,「反佔中」人數明顯多於爭取「公民提名」的七一大遊行;其次是遊行時間短,遊行隊伍只用了1小時20分鐘便走畢全程。

從昨天各方公布遊行人數和時間,本報注意到有兩點值得公眾深思:

第一:根據警方的統計,昨天的「反佔中」大遊行共有11萬1800人由維園出發,當龍頭抵達終點,只需用1小時20分鐘。本報翻查資料,2013年由「民陣」等泛民陣營舉行的「七一」遊行,當時警方點算的人數是66,000人,而由集合起點至龍頭抵達終點的時間跟今次「反佔中」遊行相若,用了1小時30分鐘。雖然今次「反佔中」的人數多一倍,但原來比「民陣」2013年的「七一」遊行隊伍之步速以及所需時間行得快得多。

傳民陣七一遊行刻意拖慢

然而,今年由「民陣」主辦的「七一」大遊行,人數約98,600人,卻用上了3小時,相當之不合理,難怪當日傳出主辦方刻意拖慢步速,以營造人迫的氣氛,現從有關數據來看,並非沒有道理。換言之,示威團體是可以用盡千方百計來營造「迫爆」或「癱瘓」街頭的效果。

第二:警方和港大民研統計「反佔中」遊行高峰期的數字,兩者有相當差距,警方指遊行高峰期有11萬600人,但港大民研則指出只有7萬9千至8萬8千人,結果引起外界質疑警方「厚此薄皮」的指控。不過,兩者是在不同地點統計遊行高峰期人數,警方是在波斯富街點算,而港大民研是在軍器廠街,所以是建基於兩個不同地點,而據了解,警方在軍器廠街點算的人數與港大民研相若,因並非高峰數字,故沒作公布。

警方發言人表示,昨日由維園至中區的公眾遊行集會,得到市民配合和主辦單位的合作,整體來說,有關公眾活動是和平和有秩序地進行。警方強調尊重市民表達意見、言論及集會的自由。

13. D to Earth 2014-08-18 15:02:24

8.17 後記 - 最低工資

 

星期日我相约朋友到维園參加"反佔中遊行"。這是我有生以來第一次参加類似的活動。本來我1:00自行到维園集合,但是朋友們話不如一起飲茶,於是相约在銅鑼湾飲茶再出發。我住九龍區,因為想遊行日會交通擠塞,沒有開車,坐巴士過香港。為方便身上已穿上白色T恤。在巴士上,我坐位後有兩父女。在途中,女兒對父親説,個的人收在150文去遊行,父親回應,唔止咁,加20文重有海鲜餐。説話中用大量粗口。我不以為言,在車上sendWhatsApp比我大學同學會會長,話我今天去维園。我們同学會相聚時不講政治,衹有學術交流。而她出奇地回應我們多屆同学們今天也去维園参加"反佔中遊行"有些還是纠察隊。

 

到在铜鑼湾,和朋友們一起飲茶,我兩個老友重攪笑,怕曬,重立刻用左100文買頂帽。後來一起到维園。到左维園見到好多老友,有律師,會計師,有博士级人馬,重有公司老板,等等。足足等左兩個鐘先出發,從铜饠湾到中環行得相當快速。原本我以為好似其他遊行日子一樣; 一定要和警察們發生衝突先至叫做遊行。

到在中環,重和朋友們tea用左32文。

 

後記 : 我買帽兩個老友,連來回車錢每人约用140文,如果收150文,實得10文,即每人得2文一小時? 哈哈,一個係公司老板,一個重係律師。而我時薪比地好的,有19.2。減右来回車錢加tea。吓唔記得未減午飯錢添。咪到貼!

14. SPEED 2014-08-18 15:27:38
Distance from Victoria Park to Central is not more than 4,000 M. Normal walking speed is
4 kM/hour (on the low side) for  an adult. So the time taken by an av. person to go from Victoria Park to Central should be around 1 hr. The demonstration took 1 hr. 30 min. This is reasonable
because of the huge number of people and hot climate. If it took 3 hours, definitely there had
been some hold-ups.
15. 珍惜香港 2014-08-18 16:05:22
珍惜香港

反佔中運動,終於告一段落啦!我曾經問過各位,經過今次呢個運動之後,體會咗幾多嘢?

我見到嘅,就喺一系列所謂民主嘅真面目。有人慨嘆,民主已死;我就話,民主,本來就喺虛;所謂,菩提本無樹,既然無生過,又何來會死?

每年七一遊行,都喺用嚟表達對政府各種各樣嘅素求,亦冇乜既定嘅主題,好多香港人,年年都喺咁去行。不過唔知點解,今年去遊行嘅人,個個都俾啲泛民騎劫哂,話佢地全部都喺支持公民提名,甚至全部都支持哂佔中添!嘩!本來我自己都有閃過一絲衝動,想走去行一行,反對一下庸梁消極施政嘅,好彩冇去啫!所以點解我話,香港人,真喺唔應該再去七一遊行啦;不過我咁講,又俾人話我叫人唔好遊行,冇資格用珍惜呢個名喎!唉!我又唔喺叫人乜遊行都唔好去,只喺叫人唔好去埋哂啲好似七一果種冇既定主題嘅遊行啫,真喺!

不過,反佔中遊行,主題就好清晰,只喺得「保普選、反佔中」呢樣嘢,完全冇夾雜其他主題。如果咁,都仲要俾人話冇代表性,都仲要俾人話啲遊行人仕,唔知行嚟為咗啲乜嘅話,果個冇既定主題嘅七一遊行,唔知又算喺乜嘢?又喺嘅,呢啲,咪叫做民主囉!

你搞出個八十萬有找嘅網上篤手指,就講到自己天下無敵;依家人地成就百多萬用腳行出嚟嘅簽名,就話人地冇代表性。嗱!呢啲,咪又叫做民主囉!

話說,尋日伍家廉因為走去做咗反佔中遊行嘅司儀,就俾鄭大班炒咗;大班話,主持人要認同電台嘅理念喎!咦?如果調番轉,有傳媒人仕,因為參與佔中活動,俾人炒咗,唔知鄭大班又會唔會開哂大咪咁,大吵大鬧話人地打壓言論自由,白色恐怖呢?哦!乜原來大班認為,傳媒,都喺要有取向嘅!咁就唔好大大聲咁鬧其他傳媒,話佢地喺乜嘢官方喉舌啦!

民主,原來都喺有取向嘅!總之,啱嘴形,就喺 GOOD,唔啱嘴形嘅,你就喺 BAD;順我者生,逆我者亡嘛!人數?重要咩?依家好多傳媒,都已經變哂做泛民嘅喉舌,就套用揸住民主旗幟啲人咁話,香港,已經進入咗白色恐怖嘅年代啦!其實,你同我都可以搞個唔知乜黨出嚟,只要個黨名有「民主」呢兩個字嘅話,咁你就做乜都得。民主嘛!公義嘛!使鬼理法律咩?「和平」佔你屋企都得架!

响呢度,有兩位留言者,睇得通,同江湖隱士,好努力咁鼓吹各位中產人仕,去組織一個中產議政聯盟。雖然我曾經潑過佢地冷水話,從政,喺一條不歸路,又話,中產,仲有幾團結,但其實我心底裡面,喺好敬佩佢地,因為呢個世界,有心人,真喺好難得!我諗佢地應該將個黨名,改為「中產民主聯盟」,因為有「民主」呢兩個字,喺會好 SELL 啲嘅!

所以,中國要發展民主,其實都好簡單。話說,中共內部有兩個權力集團,互相制衡,輪流欽點領導班子。就不如咁啦,將其中一個集團,取名叫「中國民主黨」,另一個集團,取名叫「中國共和黨」;五年一次,兩黨各推一個候選人,一人一票選中國總統。反正中國都唔再行共產主義啦,中國共產黨,就從此消失囉!化解埋啲人嘅歷史心魔之餘,仲有「美國標準」嘅民主喎!唔知我呢個建議,阿爺點睇?

都喺果句,民主?虛名而已!
16. 順民 2014-08-18 16:26:17
昨天看到很多自稱是甚麼社團同鄉會等組織,這些組織平日消聲匿跡,只有昨天才見他們蜂擁而出,但今天若有人問這些組織的名字,相信沒幾個還記得起來,他們能代表真正的香港民意?也看到一批批穿上不同顏色制服的長者,由旅遊巴送來,手舞𣄃仔像孩童般被人舞弄著,他們又是民意?再看到那些剛從酒樓踏出來的婆婆,面上還帶著剛剛享受完乾炒牛河和蝦餃燒賣的一臉滿足,她們又可知反佔中目的是甚麼 ?還有在仍未到遊行終點的街道傍,堆積著如小山般被掉棄的示威牌和國旗,被人肆意地踐踏,那些人真的太沒職業道德,唉!還有警方公佈的最高峰人數竟然比維園出發人數少,點解會咁嘅?係有人打完卡就即刻收工?我唔明點解老鄭班人在香港搞愛國活動搞咗幾十年,但次次都搞到咁肉酸被人譏笑,相信就算比佢地繼續搞落去一直搞到 2047,睇怕都做唔到一場好戲。
17. 超過 12 萬人步行走過了銅鑼灣的大街上! 2014-08-18 16:46:07
18. 啦啦隊 2014-08-18 18:29:40
http://news.tvb.com/local/53f0d0f76db28c6e5a000004

連TXB都睇唔過眼,老TOM又出笑料
19. 啦啦隊 2014-08-18 18:35:58
20. 啦啦隊 2014-08-18 18:36:57
21. 啦啦隊 2014-08-18 18:37:36
大紀元報導:「每個人派錢200-400元,之後還有獎賞,保守估計每人600元,10萬人就是6000萬,還有簽名都要給錢,以及包酒樓、宣傳等待,至少一、兩億。」

10萬人左右都估計一、兩億,係咪超支左一、二億,中間比D判頭食曬夾棍,數人頭10萬左右圍唔倒數搞到要吹25萬人[sosad]
22. 啦啦隊 2014-08-18 18:46:22
23. Alan Pepper 2014-08-18 18:53:02
Please prove that people giving out money are from the organizers. If cannot be proven, BOTH the organizer AND pan-democratic parties remain suspects until proven guilty.

I believe we have photos of these individuals and if we investigate further we will get the answer. Please go to "golden" and dig out these people!
24. 真港人 2014-08-18 19:58:27
這個web site 似多中方人士!港民主冇了!樓價必跌!很多話怕佔中有兩類人,一是親中派,其他多是在港有多物業,怕樓價大跌 ,他們也冇信心!似乎下年港樓市終極要大跌!
25. 小陽 2014-08-18 20:32:36
我反佔中,但覺得薑融好假,全香港人都知有$收.你攪得遊行就想到有這個情況發生,反佔中的人大部份現實,簽名冇所謂,要行就冇謂。

有一樣嘢好緊要,大陸人落來香港示威好容易,佢地是單落100萬人,都可以趕班香港人移民,但係都是不夠樓住,所以反佔中人多代表樓價跌的假設冇根據 
26. Alan Pepper 2014-08-19 00:43:54
Let's agrees that there are a substantial amount of people on 7/1 AND 8/17. We must look pass the extremists and conspirers, and respect each other. Extremest must know that they will not get their hands on their extreme requests, and holding other people's "rights" hostage is not respect.

反佔中 people are only against the ACTION of 佔中! Which is detrimental to any society. Please do NOT label us "pro-Beijing". I for one am not in a position to "pro" anyone, I just want to live in a peaceful environment.
27. 啦啦隊 2014-08-19 01:10:12
唔記得,同你班反佔中人講,鳩融仲要放棄英國籍,所以人地有事第一個走人,
仲有上面亞爺都知佢信唔過
28. 8.17 遊行 2014-08-19 01:33:52
應該破咗幾個世界紀錄
1. 最多人唔知為乜的遊行
2. 最多唔知係乜機構、團體、外地旅遊團、購物團⋯參與
3. 最多人為了收錢、吃飯而遊行
4. 街上見唔到的最多人(可能係時運高)
5. 不能盡錄
29. 爭普選要正視反佔中民意 2014-08-19 02:09:41
由建制派「保普選反佔中大聯盟」發起的大遊行,人數統計和早前泛民主派七一遊行一樣出現不同版本,總會引起一些議論,但當局及社會更須正視的,是有數以萬計的市民願意站出來支持二○一七年落實普選特首,並且反對佔領中環等行動,擔心會出亂子和為落實普選幫倒忙。

遊行集會主辦單位公布的參加人數,遠超警方及學者統計的數字,港人司空見慣。今次比較特別的,是警方統計的人數比學者統計的人數為多,一反慣例。

如果就此推測警方「發大」遊行人數來壯大建制派聲勢,從而質疑警方有違政治中立,恐怕流於武斷。警方推算遊行集會人數的目的,是賴以調整控制秩序的部署,不容謊報軍情。今次統計結果與以往不一樣,應該源自各方的統計方法不同。

確有不少市民自發參加

警方統計的是從維園出發的人數,而學者則在沿途點算,第一個點算人數的地點是銅鑼灣電車路行人天橋。如果參加遊行的人士在維園出發後,行了一段路便中途離開,學者就點算不到。

七一遊行的特色是中途插隊的人多,今次遊行看來是中途離隊的人多,容易把社會焦點轉移到遊行的「水分」,忽略了實在有相當多市民確是抱着「反佔中」和「保普選」的理念參加這次活動,走畢全程。

如果加上早上「跑步上中環」,以及直接在遮打花園獻花的支持者,昨日清晰站出來反對佔中的人數就更多。這些人以傳統親北京團體及建制派政治力量為主力,但是仍然有不少來自各階層的市民自發參加。

此外,不少抱溫和立場的市民,未必喜歡參加遊行集會等政治氣氛比較濃厚的活動,卻又想就政改表態。這個情況可以見諸大聯盟進行的簽名運動,已經收集到一百四十多萬個簽名。

憂佔中為普選幫倒忙

八一七遊行和百多萬人簽名,相對於七一遊行及佔中民間公投,已足以抗衡甚至過之,顯示了希望務實地落實普選的民意力量,避免對方自誇壟斷民意授權。

無論支持佔中還是反對佔中,目的都是希望市民日後能夠一人一票選出特首。支持佔中者的態度,是達不到他們要求的「真普選」水平就寧可不要普選。不過,這陣子的反佔中簽名運動和遊行,則顯示還有相當多市民,願意先接受一個非最完美的普選方案,待日後繼續優化。

他們不贊成利用佔中等激進甚至違法的手段,以爭取落實一個昧於現實政治環境的訴求,不願以這種激進手法催生社會上的激情對立,激化紛爭,甚至可能引起政治和社會劇烈動盪。要是佔中支持者急於攤牌,落實普選恐怕將難上加難。

2014-08-18

星島社論
http://std.stheadline.com/yesterday/jou/0818jo01.html
30. 引刀一快 2014-08-19 07:51:32
無論政見如何,數據必須中肯,佔中係細路仔玩泥沙,如果政府部門因爲使橫手而失去公信力,完全唔值!
我最痛心嘅係呢D肯定又會成爲台獨勢力嘅話柄。
31. Lala 2014-08-19 08:23:15
如同整容前整容後的相片比較,當人懵既!
32. 2014-08-19 09:34:08
7.1 遊行, 比反佔中多, 咁又點?
7.1 全部都係支持佔中嗎?
反佔中就係反對真普選嗎?

我一早就話, 參加 7.1 遊行, 你的意願就會被騎刧成你支持佔中
參加普選方案的投票, 你的意願就會被騎刧成你支持佔中

另外, 警方公佈的數字, 唔係警方唔持平,
只係反佔中遊行, 大家跟足規則.

唔係好似 7.1 咁, 响銅鑼灣定灣仔出現,
唔經維園, 唔行到中環, 甚至只係去fb打個卡, 咁就當參與左...

咁, 數字有出入, 有咩出奇?
33. 珍惜香港 2014-08-19 10:35:12
珍惜香港TO:32/F 東

反對佔中嘅沉默一群,肯走出嚟簽個名,已經好 GOOD,有幾多人再出埋嚟遊行,唔喺最重要嘅。不過呢度有人 POST 咗蘋果啲相出嚟,攞 71 同 817 嚟比喎!咁我就喺咁易,同東兄一齊講番幾句公道說話啦。

其實我响上面都提過,依家好多傳媒,都已經變哂做泛民嘅喉舌,蘋果有幾中肯,大家心中有數。

OK,呢樣嘢,我唔計;但喺 71 個隊頭慢駛迫爆後面嘅人流,而 817 就快速度完成個遊行,咁又點計先?就算喺人數相同,前者人群密度遠大於後者,好正常啫!

OK,呢樣嘢,我又唔計;咁邊個話,今年去 71 遊行嘅人,全部都喺支持公民提名,全部都喺支持哂佔中架?

攞 71 同 817 嚟比,唔喺間接騎劫哂 71 遊行人仕嘅意願咩?

唉!都話,香港人,真喺唔應該再去七一遊行啦!
34. 引刀一快 2014-08-19 13:00:07
珍惜香港兄

唉!都話,香港人,真喺唔應該再去七一遊行啦!

你呢句好糟蹋香港喔!!!
我係以我超級港燦嘅身份提出嘅。
35. 引刀一快 2014-08-19 13:09:59
佔中我都唔支持,但係7.1好重要,以後會係香港法治、民主嘅一個象徵,就算果年香港好到杜拜咁好,都要7.1集體岀嚟游行慶祝。
36. 啦啦隊 2014-08-19 14:23:19
https://www.youtube.com/embed/40ntEt0Tqis?html5=1

嘉實,劉夢熊,都睇唔過眼,老TOM又點解釋
37. 珍惜香港 2014-08-20 12:43:48
珍惜香港TO:34/F、35/F 引刀一快兄

呢度嘅所有留言,我都有睇哂,對每一個留言常客嘅立場,都好清楚;閣下嘅諗法,我亦好理解。

我話過,香港,始終喺中國裡面,最自由嘅城市;而當中,言論、集會、以及遊行嘅自由,更喺香港獨有。特別喺每年七一遊行,代表嘅象徵意義,唔喺其他遊行可以取代。好多香港人,年年都喺咁去行;好多內地人,亦專程响七一過嚟香港,感受一下自由嘅氣息。所以,呢啲咁寶貴嘅嘢,當然要好好咁珍惜啦!

不過,珍惜,同濫,喺兩回事;而濫用嘅最終結果,就喺失去。

响我認識嘅親朋戚友當中,有啲參加過今年嘅七一遊行,亦有啲參加過反佔中遊行。响前者裡面,有人因為知道被騎劫咗,覺得好後悔,甚至話以後都唔再參加七一遊行添;至於後者,對於反佔中遊行嘅負面報導,話有人收錢、有人抽水之類,極其量都只喺覺得氣憤,但喺冇一個話後悔參加咗反佔中遊行喎,點解?

因為七一遊行,本身就冇既定嘅主題,如果被人騎劫,話你支持公民提名,支持佔中,就好似俾人呃咗,俾人老屈咗咁,切身之痛,內心當然會好難受;但喺反佔中遊行就唔同,個主題好簡單,好清晰,你出嚟行,就喺為咗呢個主題,就算人地收錢又點?人地芝嘛,關你乜事?你自己冇收咪得囉!

如果一樣嘢,代表嘅,只喺一個精神,一個意識形態,冇清晰實體嘅話,咁呢樣嘢,就會好脆弱。

我當然知道,我話,香港人,真喺唔應該再去七一遊行,呢句嘢,會好似一個重鎚咁,擊中好多人嘅心。但我仲要咁寫,就喺想大家反思,自己多年嚟,參加七一遊行,究竟喺為咗啲乜?

如果有人俾我呢句嘢,擊碎咗個心,以後唔再參加七一遊行嘅話,引刀兄,唔使覺得可惜喎!因為呢個只會喺遲早嘅問題,受唔起被騎劫嘅話,就真喺唔好再去啦!今日心碎,只喺嚟自一個反思啫,好過他日受盡 N 次騎劫之後,對七一遊行,甚至所有遊行,撤底死心,到時對個體同群體,衍生出嚟果種負能量,就真喺唔嘢少!

但如果你嘅心態,喺好似我果次咁話,夠薑過嚟嘅,咪俾佢劫囉咁我呢句嘢,就只會令你難受啫;反思之後,就算知道會再被騎劫,都唔會介意,因為參加七一遊行,就喺為咗一個精神,既然你知道自己做緊啲乜,去幾多次,都唔喺問題啦!

今次泛民同佔中三恥,濫用咗七一遊行。如果大家唔再反思,長此落去,被騎劫嘅香港人,最終會放棄呢個遊行,剩底嘅參與者,就只會喺一眾激進嘅暴徒。咁嘅話,使乜政府出手,使乜阿爺出手?所謂,天作孽,猶可違,自作孽,不可逭;七一遊行,自己就從此沒落啦!引刀兄,難道你就希望,見到咁嘅結果咩?

原來,失去,真喺好似我簡介裡面咁話,根本就冇啲乜嘢政府,乜嘢中央,走嚟強奪我地啲乜嘢。

失去,只喺因為自己唔去珍惜啫!
38. 引刀一快 2014-08-22 09:55:50
珍惜香港兄

你以上講嘅全部唔成立,發生一次你唔認同嘅7.1,就永遠取消7.1,你咪仲惡過普京?
香港有一點,政見係自由嘅,你講嘅騎劫,講深D就係幾派人鬥騎劫得多啫!
冇7.1,我寫包單你孫仔個仔都見唔到臺灣統一!
珍港兄,係時候考慮下民族嘅前途喇!

39. 傻婆 2014-08-22 11:23:36
T0 38/F
講真句,阿爺一黨執政,我都唔希望統一臺灣,在中國人地方,唯一能夠一人一票選領導者只有臺灣人。
以後七.一主題改為釣魚檯主權更加好。
40. 引刀一快 2014-08-22 11:38:16
To 39樓 

7.1咩主題都冇所謂,甚至攞嚟慶祝都得,但係一定要有7.1!
大陸現在嘅情况, 一人一票選領導者係弊大于利,如果明年大陸普選,我今年散貨走人,大陸只能依賴一個有能力嘅強勢政府去做事,人嘅平均質素同物質富裕程度,完全未有條件普選。夾硬嚟一定係國家浩劫。
41. 傻婆 2014-08-22 12:41:14
To 40/F
說得對,現階段大陸還不適合普選,就不同政見人仕或想組成政黨都冇立足之地。故現階段並不希望統一臺灣。
42. 引刀一快 2014-08-22 18:36:28
To 41樓

大陸有好多民主黨派架,不過係用嚟襯嘅。
43. 珍惜香港 2014-08-22 19:15:00
珍惜香港TO:38/F 引刀一快

引刀兄,有時覆你,真喺覺得好無奈,好似雞同鴨講咁。我寫嘅嘢,真喺咁難明咩?

唔該你睇清楚我上面第二段,同尾四段,我邊有唔認同七一?根本冇話要取消啲乜,我只喺想救七一啫!

上面第四段,我話有人因為知道被騎劫咗,覺得好後悔,甚至話以後唔再參加七一遊行添。你唔信,就冇嘢好講啦!當然,你亦可以認為我個 SAMPLE SIZE 唔夠大,冇代表性,但如果你真喺咁諗嘅話,咪即喺掩耳盜鈴?我喺想話你知,今時今日,香港人參與七一,唔喺好似你一廂情願咁偉大;佢地只喺為咗借呢個一年一度嘅機會,去表達各種各樣嘅素求同不滿,亦有部份人已經行慣咗,每年出嚟感受一下自由嘅空氣。主流嘅香港人,唔鍾意啲嘢太政治化,更抗拒俾人利用;要佢地出嚟遊行,已經好難,但要令到佢地唔再行,衰一次就夠!

你低估咗呢次騎劫嘅負面影響,喺因為閣下一廂情願咁去睇嘅睇七一呢樣嘢。香港人,其實好簡單,只喺希望可以响度自由自在咁搵食。如果你問我地,台灣回歸中國,好唔好?大部份人會答你,好吖,WHY NOT?但如果你問我地,願唔願意為咗令台灣回歸中國,犧牲自身嘅利益,咁個答案一定喺,NO!關我地乜事!

香港,冇金礦,冇鑽石礦,冇石油,只有土地,同一個自由嘅經濟體。莫講話要加強,就算只喺要維持,自己嘅競爭力,已經好唔容易。其實,香港只要做好自己,對祖國已經好有貢獻;我地香港,冇責任去成就台灣回歸中國呢個偉大任務;你想台灣回歸,NO PROBLEM,但喺,唔好搞我地香港!
44. 引刀一快 2014-08-22 19:25:32
珍港兄


呢句係咪你結論?
45. 引刀一快 2014-08-22 21:04:20
珍惜香港兄

如果快D統一臺灣,咁香港就冇咁吃香,係人都知道冇著數,但係,我係中國人,向前推進自己嘅民族,係責任,責無旁貸。
46. 引刀一快 2014-08-22 21:09:15
7.1游行,舉牌係自發嘅,若果覺得被騎劫,完全可以拆招。
7.1可以舉牌支持23條立法
7.1可以建議好多民生方面嘅事
最緊要嘅係,唔好俾臺灣竊笑,話香港人已經被赤化,好在自己冇統一!
47. 珍惜香港 2014-08-23 01:05:46
珍惜香港TO:引刀一快兄

既然你有 46/F 嘅正面諗法,何必執著 44/F 嘅問題?我只要送你 37/F 尾數第四段咪得囉!

講到中台融合呢個議題,我之前都有約略提過。香港嘅回歸,唔喺嚟自民間意願,而喺被動於中英協議。當時一個移民潮,跟住又一個回流潮;時至今日,港人已經習慣哂;而所謂港獨勢力,亦只屬少數,不足為患。但台灣嘅情況就好唔同,只有一部份嘅上一代,有回歸中國嘅志願,而新一代大多數已經認受咗台灣作為獨立個體嘅現狀。所以台獨,根本就喺佢地嘅主流民意;無論香港嘅一國兩制搞得幾成功,中國大陸發展到幾民主,幾強大,都唔可以令到中台融合,自然咁發生。直接啲講,台灣人,跟本就傾向台獨,唔鍾意融合「他國」

所以你話,台灣人竊笑港人赤化,話好在自己冇統一之類,只喺佢地嘅藉口啫!冇呢啲藉口,咪一樣唔會統一!莫講好似我响 43/F 咁話,香港冇責任去成就台灣回歸中國呢個偉大任務,就算有,都喺無能為力;極其量,都只喺獨善其身,唔好衰俾人睇,搞到俾人攞嚟做藉口啫!

今日,兩岸已經發展到經濟價值,遠高於意識形態嘅現狀,即喺話,用武力作為改變現狀嘅捷徑,已經不合時宜。中台融合,一定要合乎雙方大多數人民嘅意願,自然發生。而問題,會响台灣果邊,但睇台灣依家嘅狀況,要台灣人民,尤其喺新一代,甘心情願咁接受呢個融合,難度之高,可想而知。

除非,喺逼不得已啦!

所以我認為,要成就中台融合,可以有兩個做法。積極方面,就喺施以經濟手段,令佢响經濟上越嚟越依賴中國,先從經濟上吞噬台灣,再成就統一大業。而消極方面,一樣施以經濟手段,不過喺孤立台灣,以競爭不斷去削弱其經濟實力,直到台灣人民難以生存果陣,自然就逼不得已,要接受融合呢個惟一嘅選擇啦!

其實,我唔喺咁擔心香港啫,要生存,邊會話唔使競爭架!而作為中國人,我當然樂意見到中台融合。但無論點搞,都會喺一個非常漫長嘅過程;恐怕有生之年,都唔知有冇機會見證到呢一日啦!
48. 引刀一快 2014-08-23 01:39:21
珍惜香港兄

你又唔鐘意人穿插回應,你段文又咁長,叫我點精確回答你問題先?
你出上聯就易呀,人家對下聯就難度大喇。