地產博客 > 文亮語 返回
瀏覽人次:48169    回應:40
文亮語

樓市股市賺錢,最後靠的都是運氣

 

湯文亮博士

紀惠集團行政總裁
2015年4月7日

  今日是復活節假期最後一日,很多老友,同事,甚至家人都離開了香港,而自由行又被那些驅蝗人士搗亂,令致市面冷清清,不過,我認為大家又不用太擔心,這只不過是小病是福,就好似大家投資股市或者樓市,在長勝的時候,就要用逆思維考慮一些事物,咁樣做,大家可能會清醒一些,我的「細價樓爆煲論」就是從這個方向思考,並不是睇淡樓市,但很多網友不同意我的觀點,但他們又俾面我,不再在回應箱內討論,他們另起族群,而且有幾個咁多,反覆討論我的爆煲論,當然是不認同,而且,物以類聚,容納不下不同意見,認為樓市必勝,什麼供應量增加,利息趨升,全部都只不過是政府的把戲,一定不能做到,先講供應量,政府知道自己勢弱,如果做唔到一定唔會講,將矛頭指向另外一些人,例如物業投資者等,而利息由於長期維持在低水平,投資者要求的回報亦相應減低,現在已經變成低息低回報,倘若加息,回報一定跟不上,結果是資產減值,即是樓價下跌,大多數網友已經賺了不少錢,係時候做一些防守工作,保存已獲得勝利果實,在這方面,我真的身體力行,我的「細價樓爆煲論」只不過是給大家一個警惕,沒有特別原因,但導致有不少網友另起族群,實非我所願,亦非網主所願。

  引發起我寫「細價樓爆煲論」的一次行山,大家講起昔日網友,自不然想起雲在天邊水在瓶,網主問我有冇計,我認為唯有用激將法,用孔明激司馬懿果招,將雲兄變成雲師姐,唔信佢唔出,不過,有網友仲叻,將雲兄變成雲卿,所以我話,這個網站是臥虎藏龍,果然,雲兄出山,事先聲明,昨日得罪,是計謀之一,雲兄千祈唔好認真。

  至於族群,我實話實說,網站是需要回應,無論贊同與否,網主已經好努力維持秩序,網友唔回應就沒有辦法,另起爐灶就似乎不應該,要講就在網上講,等其他網友都可以分享,有人話我激走三英,條友都儍嘅,三英大個仔,又有錢,又有物業,點會激氣,與我不同意見,咪當係三英戰呂布,結果大家都應該知道,如果唔知道,睇三國演義。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 大寶二寶 2015-04-07 10:28:40
續 musicfreer 兄

古有孔明贈女装予仲達
昨有博士以王弼氣雲兄
今有智者以三國論三英
明有粉絲回歸慶大團圓

妙哉!妙哉!

2. Jerry 2015-04-07 10:54:52
看來博士很看重大家的留言,那代表博士容得下持不同意見之人的觀點,支持博士。請大家多多發言。小弟係新丁JERRY,看左地產網大半年,每天都會看湯博士的文章,還有各位高手的觀點。這裏最精采是充斥著不同持份者的意見,有博士每天一至三篇的文章,有PETER PAKER 詳細的數據,有不同高手對香港樓市甚至經濟的分折等⋯⋯小弟我並不是好友也不是淡友,但支持不理好友定淡友,都有大家的理據去支持各自的觀點。只要數據充足,好友可以係淡友,淡友也可以係好友。以今日的我戰勝昨日的我,支持地產網,支持湯博士,支持各路高手。大家多發言,小弟這些新手得益,謝謝!
3. 八十後 2015-04-07 10:55:02
報到
4. 占士 2015-04-07 10:55:06

早知道博士您頑皮的了!哈哈哈。所以幾位師兄幫您一把忙,成功將雲兄請出來。

雲兄就如唐代的李翱,隱居山林,過著閑雲野鶴的生活。正是:選得幽居愜野情,終年無送亦無迎。有時直上孤峰頂,月下披雲嘯一聲。

5. 我想講 2015-04-07 11:13:02
其實我想講,博士,以本人的感覺,你的細價樓爆煲論也好,細價樓爆升論也好,也不是問題的重心。問題的重心在於都唔知你講咩,一時又勸人下年年尾以白武士身份買樓,即是話你覺得樓價會調整啦,一時又好似今日講並不是看淡,細價樓爆煲論只係給大家一個警惕,之後一時又會話10000個二按樓,樓巿下跌會因財仔銀主盤而起。但係你又唔係睇淡,又走去咬住林一鳴下戰書唔放喎。語調仲勁過鄭伊健首,頭搖又尾擺,飄移境界。
我知,你的忠實fans又會即時搏出黎講,日日免費寫比你睇,你唔鐘意可以唔睇,又會講博士只是給大家警惕,仁者表現。但我想講,係唔駛錢啫,我都有用時間,有感覺假大佬。
6. CD ROM 2015-04-07 11:15:51
三英戰呂布,互無勝負wor

網友唔會離去,始終公開回應,要有時應真點,而Q群casual點而已⋯⋯


7. 引刀一快 2015-04-07 11:24:21
湯生過慮了,Q群主要為聯誼性質,唔會令論壇論友散失,更起維繫論友之效。

若有文筆大戰,必然放諸論壇,將戰况公諸于世,方有意思,匿埋打崩頭打甩骳冇人睇到,就算其他人肯,引刀都唔制,打字打餐懵,冇理由唔放喺論壇俾多D論友參詳。就好似日本仔切腹,要喺公開場合做,否則唔夠壯烈兼冇安家費攞,一個道理。

大家一直以論壇為依歸,過去係,將來亦不會變。論壇唔適合問、唔敢講嘅嘢,喺第二度講咗,將會令論壇內發言和討論更精闢,內容思維更深廣。


8. CD ROM 2015-04-07 11:25:38
To #5

博士提供唔同觀點,角度,可能性,你都要自己求証同消化下先幫到你自己,仲要配合自己的情況分析。

你想人地直接比結果你? Working instruction 型式?

會唔會填鴨左d呀?
9. 支票湯老師 2015-04-07 11:26:52
我是80後的小伙子,我們會繼續支持湯老師,從湯前輩的文章得益不少,感謝湯前輩和各網友前輩無私奉獻
10. 引刀一快 2015-04-07 11:27:13
To 6樓 CD ROM兄

三英戰呂布,梗係三英贏喇,曹操打呂布仲六將齊出添。
11. 我喺好友 2015-04-07 12:33:08
三英戰吕布
人多蝦人少
我喺牆頭草
西瓜靠大邊

明曰嘅恒指
隨時多五百
樓市冇得輸
CCL go go go

12. 山高雲低 2015-04-07 13:11:47
長江後浪推前浪,一代新人换舊人。好似小弟般的老鬼,在此網站已經不多。 
期待博士多搞聯誼,尤如滄浪之水。

  

13. 引刀一快 2015-04-07 13:21:36
好懷念曾經同我打崩頭嘅順民兄,唔知話佢係女人可唔可以激佢現身呢?

14. 生湯 2015-04-07 13:58:55
原來是私人通訊,怪不得我呢D局外人一頭霧水。

既然是私家頻道,為免侵犯私隱,不才就此告辭。
15. 原來如此 2015-04-07 14:09:08
原來如此。慘被愚弄了。多謝指教。
16. 支持博士打敗三英 2015-04-07 14:28:01
17. CDROM 2015-04-07 14:36:06
哈哈,博士既然激將法己然成功,何須再激多人一鑊呢?
點解一而再地講錯人家網名呢?
雲兄叫“雲在青天水在瓶“啦...

18. 亮劍 2015-04-07 14:54:19
其實小弟極之多謝湯博士呢個平台,因為喺呢度使我認識好多不同界别的朋友,例如法子同 PP。

小弟在幾年前開始,已經同不少網友,组合咗好多谷,每天互相回應最少幾佰條。
其實大多數係講點財富增值,例如銀行家講點玩債券;投資者講點起楼揾錢;我又講下金立群幹了甚麼好事……

講真搬落呢度講,咪即係同湯博士趕客。
20. 亮劍 2015-04-07 15:15:01
就算我同法子與PP,咪一樣為某些事吵幾粒鐘。
大家來得呢度,都是成年人,理应有獨立思考能力,如果你能夠用理論、數據、圖表、事實說服倒我,小弟拜服並轉軑。
要是你道理講不通,但你又是我的良師益友,咁為免得罪人,我會選擇沉默。
21. 魚蛋仔 2015-04-07 15:17:43

To 19/f 運輸工人兄

你好可愛兼攪笑

22. 運輸工人 2015-04-07 15:31:51
to:魚蛋兄
我真係賣咗四个細價樓,fp買咗紅山俾个女架.
23. 每天都看 2015-04-07 16:30:09
支持
24. 雲在青天水在瓶 2015-04-07 19:48:05
「激將法」之說,是留給博士的下台階。不論是博士的本意,还是我的悟性,總之大家心有默契,順勢而行,便皆大歡喜。

很多人都不願意認自己是靠「運氣」。但謀事在人,成事在天,這個「在天」,說的就是運氣。

在投資市場,要有運行,必須判明熊市牛市。要分辨熊牛,必然要依據圖表理論,因為熊牛的說法,本來就是圖表的概念。

現在我看到的樓市圖表在說:是時候調整了。如果不确切,那只能說我功夫不到家。

趁假期得閒,隨便講兩句。
25. 引刀一快 2015-04-07 20:05:04
請教一下 雲在青天水在瓶兄

請問圖表理論有冇分門派?
26. 回24樓 2015-04-07 20:43:54
to: 雲在青天水在瓶,

謀事在人,成事在天。除了自身謀事外,有運氣才成功,算你講得通。

不過,你之前話在樓市成功靠運氣,在股市成功方顯英雄本色,言下之意, 股市不用靠運氣。

說你是女人,也是給你下台階。 這種自相矛盾的邏輯,如何再為樓市、股市把脈呢?

由2014年7月開始,經常今天的我打倒昨天的我,舉旗不定,今次表現更加令人失望,粉絲們經常說你是冒牌貨!


27. 雲在青天水在瓶 2015-04-07 20:56:51
剛好在24樓,你當我亂噏24好了,唔好太認真。祝好運氣!
28. 支持雲兄 2015-04-07 22:21:51

支持雲兄,小弟去年己跟雲兄入東方了,再等待樓市調整入市,希望雲兄再度老地方出現

29. 支持雲大師 2015-04-07 22:23:30
隻智美我在5.7全部沽出了,感謝
30. Gorcott 1 2015-04-07 22:56:18
The word "Expensive", is so subjective.  We can say affordable or not affordable, the majority thinks they can afford to pay, than they will chase the one they want.  If too many people thinks the same way, the price of product will be up.  Simple as that.  The news in Hong Kong, did not give us the full picture, not many countries are really fit.  We just like living in a dream, only we feel good.  Go to china, have a site visit, go to macau casino, then you will know we are really living in a good dream.
31. Joe 2015-04-07 23:36:57

雲兄冇上來一排,思路真是混亂得很,兄台一時說投資樓市成功靠天、講運氣,貶樓而褒股;但一時又補wok話運氣即是順勢而行,能順勢就要靠圖表分牛熊,將運氣意思說為順勢,但又話很多人投資樓成功只係靠運....

投資策略哪能話自己隨便講、亂噏當祕笈?

一個專業的投資者怎能說出如此膚淺的說話??

32. 運輸工人 2015-04-08 00:21:32
三英求求你地回應下啦!唔係個綱無人睇好hurt架.
33. 好人兄 2015-04-08 01:25:08
講開運氣, 其實投胎都要講運氣, 投胎運氣比投資運氣更重要, 有人投胎做左誠哥個仔, 有人投到個有錢家姐打本做生意, 你地冇運氣投個靚胎就唔好恨太多。

五運六氣稱運氣
胡說八道當真理
每日重複三幅屁
望有耶穌打救你




34. 一命二運三風水 2015-04-08 08:44:28
基本上『命,運,風水』差唔多已經決定咗人嘅一生成就,所以我上次鬧PP同佢班支持者,話佢哋嘅成功只係有小小運道,又有何德何能教人買樓致富,結果最後搞到大家不歡而散,命也!

真係命裏有時終須有,命裡無時莫強求。
35. 引刀一快 2015-04-08 09:00:57
係咪真架?

我三樣都欠,一味係死積陰德唔讀書喞!
36. 一命二運三風水 2015-04-08 09:21:17
To:刀兄

你應該係有小小運道嘅,如果真係乜都無,樓上掟落嚟嘅磚頭首先就會揼死你,無論你點樣百般努力都係嘥氣嘅。
37. 引刀一快 2015-04-09 07:03:41
To 36樓  一命二運三風水 

有時,俾磚頭揼死未必係最差嘅情况,撞啱果日李超人有孫仔出世,或者仲係執到𠻹!
我信命,但係亦信因果,修操行、積陰德,個天肯睇你就會有運到。
38. 亂up 2015-04-09 08:07:16
不嬲都係 2366 勤+緣大法 架啦.
首先是要勤力,之後得唔得就話緣份。

年青時會信一雙手可改變命運。但到人越大,就越信風水命理,就係咁解。



39. 亂up 2015-04-09 08:10:48


to 33/f 好人兄

一句講完,贏在前列腺上。
40. 打工仔 Andy 2015-04-13 13:12:53

致博士, 網主,

博士不必擔心!Q群只是談天說地及聯誼性質, 絕對無能力更不是另起爐灶, 請博士及網主放心!

41. 打工仔 Andy 2015-04-13 13:35:33

致網友,

為了有效管理Q群, 由即日起暫停接受新登記之網友加入Q群, 新登記之網友要加入Q群, 需要在地產網登記後的一段日子, 經常在地產網發言才被考慮接受加入Q群。

至於地產網內之資深網友想加入Q群, 則可直接聯絡本人QQ: 2821683206

請大家繼續支持地產網及支持博士。