|
1. 收租王Tony 2015-02-06 09:12:33
|
其實租管都唔會有用 我租俾人一定打大租約先，然後提供租金折扣，然後搵一個肯配合的租客立約... 如現租金$10000，新租管租約打定$17000，再提供$7000折扣不入約， 收租佬不會有損失，但租客如果唔交租就...... 仲有最大問題，差餉估價會上升，租值上升，得一間樓d業主就會增加成本，因為差餉就會狂升.. 其實博士冇乜細價樓係手，唔好俾咁多提議干預市場，因為越出招只會越亂，你持有咁多中高價樓，有冇興趣諗多d方法打殘埋中高價樓既樓市呢？
|
|
2. pp leung 2015-02-06 09:27:59
|
I don’t support the point of "推出租管" will down regularate the rental market as most property investors are now too strong that they will select the best tenant to rent rather than those low middle class tenant. Even let the flat vacant. The property market will soon shortage of rental flat suddenly. This measure is very very dangerous if the government adopted. The Government had done it wrong at the very begaining, the government should not do anything that deform the normal market leading to the situation not difficult to control.
|
|
3. pp leung 2015-02-06 09:29:39
|
|
|
4. 打工仔 Andy 2015-02-06 09:40:39
|
《明報》報道，過去於豪宅市場經常出現「一盤多按」的現象，近期似有蔓延至中細價物業的趨勢。標榜 「港人港樓」的長沙灣喜雅於2012年開售至今，短短2年多竟驚現4按銀主盤。代理指出，該銀主單位位處2座極高層，原業主於2012年斥571.5萬元向房協一手購入，過去1年先後向銀行、房協及私人財務公司（俗稱財仔）承造4次按揭，最終因無力償還債務而淪為銀主貨，近日獲多組買家爭購，並以688.8萬元沽出，成交價創屋苑2房新高。
|
|
5. 亮劍 2015-02-06 09:41:53
|
湯博士……
呢次我唔撐你，因為我老友 PP 做咗一份研究，佢發現呢家上細碼楼買家的實力，並非普通人睇咁弱，而且佢哋可班出來的首期同供款能力，竞然強過好多換楼客，詳情請你去 PP 果度瞄一瞄。 如果你真的有少少時間剩，亦可順便睇埋小弟的回應。
|
|
6. Peter Paker 2015-02-06 10:14:58
|
博士，小弟今次不同意您關於租管的看法。首先，根據1950 - 1960，由於民革逃亡朝，香港人口由50 - 60萬十年間急升至200萬(印象中，per 王于漸一本講房策的書），當時租金急升，因為住宅嚴重供不應求。於是乎，港英政府實施租管。由於租管當時限制物業應有的價值，冇人買樓，當然亦冇人起新樓。冇人起樓，就解決唔到供不應求呢？除非政府包底起哂所有屋
但是，供不應求的問題是須要新供應才能解決。最後，使到出現更多、更細的劏房，其次，在當時，有超過1000間開發商，不過他們是起木屋及尞屋，唔係起正常樓。
去番今日的香港，若然政府今日出租管，我敢寫保單，一定冇人去投地及起樓。冇新供應，又如何解決供不應求？運房局所謂的70000幾個的潛在供應冇5-6年都出唔到市場，根據歴史數據的 pattern。同時，果70,000個潛在供應在冇新供應下可以頂到幾耐？不要忘記，香港今日日有112萬間屋。
現時租、賣盤已嚴重干水，再加上每年香港有3-4萬新增家庭，以及冇人願意起樓，但需求持續，你估我有冇計在租管以外的額外金錢？到時，我恐怕係租客迫我收＄叫我租俾佢。
博士，小弟如有得罪，還請多多包涵
|
|
7. Weinilourson 2015-02-06 10:17:47
|
The international experience of rent control is that it doesn't work. Low income families will not be able to rent what they are renting now, and there will be a shortage of rental flats immediately. Developers will not build new flats anymore. You can look up the experience of rent control in international cities like New York. Please do some research before making such comments.
|
|
8. 打工仔 Andy 2015-02-06 10:49:27
|
博士 你今天的文章如果比人利用, 大造文章話你支持實行租管就大件事了！
|
|
9. 挪威擬立法禁施捨乞丐 2015-02-06 10:53:01
|
應該學吓發達國家如挪威，所有受資助或去資助他人的都是違法，甚至判囚，天下太平。 
挪威政府擬立法在全國禁止行乞，甚至連民眾向露宿者施捨金錢、食物或提供庇護所住宿，也屬違法，最高可被判囚1年。當局指法例旨在打擊經營行乞網絡的犯罪集團，但有議員斥當局變相提倡「窮人有罪」，「歐洲最富有的國家當歐洲最窮人口是罪犯，連求助都要褫奪」，亦有志願團體擔心日後或因向露宿者提供食物和食水而被監禁。
|
|
10. CY撐本土，本土愛租管！ 2015-02-06 11:14:09
|
最好亦最容易實行的租管係禁止租樓比非香港永久性居民，佢地一係唔來香港，一係就比BSD買樓，咁就最有效，打殘收租佬，樓淡租樓日日賺，政府又可以多稅收，以CY連投資移民都可以叫停，行呢一步都唔係冇可能。
|
|
11. 路人 2015-02-06 11:23:59
|
租管在2014年7月時取消，當時行政會議召集人是CY，林鄭是房屋及規劃地政局常任秘書長，要他們今天已經高陞的我打倒昨天的我，太陽從西方升起來比較容易些！
|
|
12. lga908 2015-02-06 11:46:59
|
博士 你咁樣提議 很快所有樓租金就會以各種名目加到$25000
|
|
13. lga908 2015-02-06 11:49:07
|
|
|
14. Richard Tong 2015-02-06 11:49:58
|
Very appropriate opinion! Like
|
|
15. 路人 2015-02-06 11:58:32
|
生約是指租客有權以協議的租金，再續租該單位，換句話說，業主無權不續生約；當然，如果租金下降，低於協議的生約租金，租客寧![]() 願不要生約的權利，再與業主達成租用協議，所以生約基 本上都是對租客有利的。 以上正正就是有租管時的情況，但在今時今日一切都是要按租約執行，現在一年生約一年死約，租約會寫第十三個月之後雙方都有權終止租約，而並非只有租客有權以協議的租金，再續租該單位，業主無權不續生約，一切合約都是對等的！如果只有一方可以做而另一方不可以做，這就是不平等條約，律師會請你們馬上將你們網站『法周刊』的有關內容更正，不要誤導市民！
|
|
16. 亮劍 2015-02-06 11:58:58
|
最近買咗迎海星湾的小業主陸續收楼，K 宝話成個2期 8xx 個单位，只有幾 % 单位放租，实呎租兩房平均成 34 元，叁房就係 32 。
其實呢幾年因為政府打擊房價打得實在成功，因為佢好成功地將首置客外的所有潛在買家，打得 7086！
舊陣時每當大型楼盤收鎖匙，定必有短線客，因為唔想上會而平沽，但現在有咗 SSD 3 年鎖定，呢D「執死雞平盤」，無晒！
那發展商啲貨尾，再無人同佢搞亂檔，當然做埋清一色，唔通仲同你食一番或雞糊？
往日大盤收鎖匙，如果長線投資者「 踴躍認購」的話，地代果 D 鎖匙真係多到要用蘋果箱黎裝，咁那些有實際租楼需要的小夫妻，真係可以「任揀」！
你要高層、有靚景、個則實用、向南向海，任君選擇。
而且因為租盤海量供應，你當然做果班收租佬世界啦，長達兩年死约之餘，一手有會所泳池全新楼的呎租，竞可低過同區百無半新舊，大家已經耳熟能詳，但現在無呢支歌仔唱啦，因為買咗呢 D 大盤嘅小業主，绝大部分係分支家庭或上車客，他們大多在裝修完之後，就搬去自住，那租盤從何而來？
因此有租住需要的人，一來揀無可揀，二來你希望壓人價，唔該過主！
因為有人打房，咁發展商當然就住玩唔同你癲，之前間唔中攞D農地、工廠、發電廠及貨倉去同政府傾換地及補地價， 當然「彭美拉傷」，無人再去攪啦。
政府呢個打房政策，講句衰 D 係用火水來救火，嗰班邊緣置業者及有實際居住需要的租客，直D講「 真係多得你唔少 」！
|
|
17. 順口開河 2015-02-06 12:11:15
|
|
|
18. windyhk 2015-02-06 12:15:41
|
在供應沒有大增加的前提下，成個ＰＯＯＬ無大變過。
根本塘水滾塘魚的情況。
但原本塘水還有一些流動。賣出買入，出租完約等等。
３Ｄ已經減少賣出買入的流動，還要向出租完約打主意？
３Ｄ挾升樓價不認，將來租管挾升租金更不會承認。
池塘不加大，又減少塘水流動，塘魚豈有不窒息而死...
|
|
19. yylam1126 2015-02-06 12:33:28
|
大家不用討論太多, 最王道租管分析一定是張五常的:
theory of price control
|
|
20. 同意1樓Tony 2015-02-06 12:42:03
|
唔該筆者都建議吓租管，管吓自己D中價貴價樓以及寫字樓店舖嘅租金，唔好剩係話呢D物業唔係民生
|
|
21. 恕我直言 2015-02-06 12:55:18
|
博士點解吾打冧豪宅市場先，點解要推冧細價樓先？推冧細價樓，現有業主點算，反而推冧豪宅，正如你所說不是民生樓，對普羅大眾影響冇咁大，只要豪宅樓價同租金下調，自不然細價樓跟著下調，吾通貝沙灣租萬三，D人仲用萬幾租沙一咩。再者租管點解要有分水嶺。老百姓就不能享有樓價升幅，租金收入。我覺得博士今次比較自私。
|
|
22. HK CHE 2015-02-06 12:56:22
|
Poor Analysis mr. Tong , Those buying property less than 6M, are real investors nowadays, they already sold their luxury property, and in return buy 10x small flats to collect rent. Due to the rental return, bank mortage advantage, and bigger market ; That is the reason why small flats rise up so suddenly and signicantly !
|
|
23. 收租王Tony 2015-02-06 12:57:54
|
我其實都好欣賞博士既文章，不過佢話$25000租金以上唔係民生樓，唔應管制，我就唔係好認同，大家都係收租佬，靠收租搵食，要管，就一齊管，要賺一齊賺，要仆街就一齊仆街，點解要分化？佢自己同佢千金有大量中高價收租樓就唔管，管自己手上冇既上車盤d租盤政策，好彩佢唔係政府官員，否則係下一個松松... 就算推租管，我地收租佬都會有方法應對，除非你唔租，高價租盤租唔起，上車租盤你都要租住先！ 一推租管，冇新收租佬入場再買樓放租，因為怕煩，陣間租左俾但阿婆拉柴仲大鑊，即變凶宅，長者一定冇樓租，因為業主唔會租俾你，然後地產商唔起咁多樓，冇新收租佬買樓放租，市場缺上車租盤，租盤價升，優質單位業主就會選個優質租客，到時你就知租管既利害！ 我之前講過我會打大租約將$10000去到$17000，會推高差餉，其實唔止.. 呢個價真係會慢慢成為市場價，因為市場已冇準確租金數字，$17000就會成為真正租值！ 我都好有興趣如果租金可以好似車保咁有NCB都唔錯（當然NCB可以每2%/5%咁上）， 第1年$17000個月，第2年續租如第1年冇Claim過任何野有5%NCB，即第2年月租$16150，如此類推，咁都幾好，起碼租客為左下年多d NCB會錫住你d野黎用... 呢度真係學到好多野，我有幾間樓收租，都要多謝大家對樓市既睇法，各位作者加油，多謝你地！^_^
|
|
24. dz 2015-02-06 12:59:16
|
租管無論以任何形式推出，一定會製造大量黑市交易及(經濟學)無謂損失，對而家民望處於水深火熱政府，一點好處也沒有。
另一方面，租管立竿見影係即時推高租金，政府何必推出一個在三個月內便可在RVD看到不利效果的政策？
難道政府樂見租金升幅比樓價升幅大？不太可能吧。
博士，今次真係好難同意你的看法。
|
|
25. 大寶二寶 2015-02-06 13:08:41
|
|
|
26. 博士老懵佐？ 2015-02-06 13:21:48
|
to 一樓收租王tony 非常支持你的論點 博士今日傻q佐，好似係比人冒名寫篇文甘 幾年博士d文章都唔係甘架風格，今日呢篇真係不敢苟同 簡直鳩up一樣
|
|
27. 不敢苟同x2 2015-02-06 13:24:40
|
| 又講租管，唔通博士寫到冇嘢好寫？x2 看完篇文，我想撕爛同博士的合照😂
|
|
|
28. 亮劍 2015-02-06 13:32:14
|
亮劍 2014-03-24 11:31:10我咁寫 截到昨晚止，貼市價推盤的長沙灣丰滙未開賣先旺場，久違的睇樓排隊人龍再現，現時累積入票約3 千張，日內有望加推，預料本周六（29日）開賣。昨午現場所見，售樓處外集結人龍，並且打曬蛇餅------ 現在新盤開價有一個現象，就係三房有折讓、兩房貼市價！ 而一房單位，因為之前開賣嘅新盤及貨尾，鑊鑊一炮過清倉，因此地產商不單止冇平賣俾人，仲會開出溢價揾翻少少，以補貼大碼貨滯銷之損失。 政府之前推限呎限量地，本想增加整體樓宇供應來造數，那發展商仲唔借題發揮，先落个低價來食你政府庫房頭注？ 再借政府呢個 3 D笨招，鎖死那些 2手A及B類中下價供應，地產商便可提供各小业主不能承受嘅弍按安排，以及 SD回贈吸客，因此呢 D限呎限量地所起嘅樓，好大可能食埋 「2 島」！ 再計埋呢个打房政策，話就話打擊需求，實際上連供應都打擊埋，因此政府隨時輸埋个尾！ 呢幾拾鋪政府同地產商玩嘅十三張，真係好可能頭弍尾到輸曬，隨時通派！！ 現在嘅狀況係：- 上車客買樓冇平到，隨時同大碼樓買家代找 SD。 政府加埋曬整體上土地供應冇多到，樓宇庫存龜速增長。 整體上平均賣地價低咗，成交狂跌印花稅少埋，庫房收入減咗唔少。 攪到小业主鬼揸、地代猫挖、裝修及律師小露寶！ 剩下有米嘅 D及 E類買家，可用「平價」買倒樓！！
…………………………
楼上各位C兄，大家少安毋躁，請睇小弟上述回應，政府呢幾年所出的花椒八角，全部都是「表面打七你、其實幫緊你」；反之「表面幫緊你嘅，實在係玩九你」！ 請大家醒目D，「正言若反」！ 現在政府「話」將會收緊细碼楼的按揭成数；加压測去到4厘；按保只按到八成；與及汤文亮放風搅租管……全部都要用半杯水理論去考量。
|
|
29. 惜緣 2015-02-06 13:38:13
|
我諗博士係用心良苦，大家討論下租管的害處，等班官員唔會亂推出百害而無一利的租管，我是這樣理解的，請各師兄多多指教、多多包涵。
|
|
30. 正義之士 2015-02-06 13:44:57
|
樓上既收租王tony真係仆街 走法律罅不特止 仲做假文件 香港真係好多好似你咁仆街既人
|
|
31. 島半山紅 2015-02-06 13:48:36
|
博士近日出文有點奇怪, 是否別人借博士之名吹風, 為租管試水溫
|
|
32. 收租王Tony 2015-02-06 13:54:03
|
30樓正義之士： 你黎幫襯我租樓，我租約打$17000，唔俾折扣你，收實你$17000點係假文件， 如果跟據厘印租金俾折扣都係犯法，咁唯有收足你啦...^___________^ 有租管後黎租樓必須提供驗身證明及不少於5年的糧單及收入存款記錄， 有以上文件又不少於50歲先諗下租唔租俾你， 5年喎，你60歲身體健康，但64歲拉柴點算？ 業主都有風險的，哈哈，到你租到60歲你就知！哈哈！！！！即管推租管啦！ 第一個冇樓租果個就係你！！！
|
|
33. 正言若反 2015-02-06 13:54:23
|
博士都係為大家好，QE又殺到，政府冇法，唔想j176-689做傻事，唯有盡力叫投資者唔好買，大家睇左博士咁多，多數都了解樓市法則，後市如何心照不宣，而家都係少說為妙。
|
|
34. 平淡 2015-02-06 13:55:35
|
樓上D人冷靜下先啦!
咪聽到D唔啱聽既就嘈先得架!? 所以咪人地有幾百億身家自己無既分別LAW!
|
|
35. 滿記 2015-02-06 14:05:10
|
若果湯生大部份物業是上車盤，湯生寫淡細價楼時，会否輕手 D 亞?
|
|
36. 打工仔 Andy 2015-02-06 14:26:52
|
平平貴貴都好, 私樓就係私樓！ 要管可以管已出售的〝公屋及居屋〞, 因為在樓價已有資助！
|
|
37. 不負少年頭 2015-02-06 14:35:30
|
to 1/F 收租王Tony 如果按你的方法買層一千萬的樓標價一蚊再回番差價俾賣家stamp duty 咪慳好多. 咁樣做是犯法的, 如果收租王通利之前咁樣收開租, 證明你同租客的關係很不錯, 人脈廣. 共勉之, 哈哈
|
|
38. 中女社社長 2015-02-06 14:39:53
|
細看RVD的租金指數, 不難看出當中走勢, 係AB類升, C類平穩DE類下跌. 將會出現有人冇樓住 (細價), 有樓冇人住 (大價)既情況出現. 租管是Intervention, 對自由經濟體系相當不利! 現時市況正是因政府錯判形勢導致.
政府既錯, 比佢一句飛埋黎已經妖化業主, 政府政策失當推行辣招, 鎖盤效應令樓價飛升! 政府如果又想攞業主比租民消消氣? 咁業主道氣邊個黎幫我地消?
|
|
39. 島半山紅 2015-02-06 14:47:34
|
博士今次俾人插到飛起, 人身攻擊都有埋, D信徒粉絲都唔出來幫口, 睇怕盡失人心
|
|
40. 大寶二寶 2015-02-06 14:52:59
|
回37
未必係犯法，你係用$17,000 去打厘印，唔係$10,000 。 已經比多左厘印費。折扣回贈可以用住客幫业主清潔費比返租客。只不過係你搵唔搵到租客信得過业主信用啫，不過第時冇咩租盤怕又不是冇可能。
纯討論，不喜勿插。
共勉之，哈哈！
|
|
41. 二萬五千元以上租金就不用管制 2015-02-06 14:54:44
|
博士既然講得出 " 二萬五千元以上租金就不用管制，因為那些物業市價應該超過一千萬，不是民生樓。" 你懂的 ~
|
|
43. 讀者 2015-02-06 15:25:08
|
博士, 聽講你有個年宵攤位, 係咪只賣書? 會唔會連租金都蝕埋? 有無啲乜特別搞作? 如其他博士出嘅紀念品賣?
|
|
44. 蜕变中嘅懒人 2015-02-06 15:33:59
|
懒人在40年前，當年廾幾歲時買弟一個細單位， 當時正實行租管最嚴勵之時，每2年加租不得超過百分之廾，加多過百分之廾若租客反對要法庭批准，若租客要續租業主不能反對，想收樓要求個租客同意（當然要俾夠着數益個租客），否則要向法庭排期至少六個月，期間不能收租，最慘就係請埋律師打成功率都低過一成，因為法官當時考慮嘅因素係 困難大嗰一方至可得值勝訴，租客困難多數比業主大、而且租客以相同租值一定不可能租到同様質素單位，業主幾乎一定輸硬，當時懒人要靠租金補貼否則人工未夠供樓兼食西北風，所以一定要出租幫補供樓，可惜屋漏更兼逢夜雨， 我個租客係租管個仔叫做租霸，佢一年之後開始直頭唔交租，懒人未到月尾就無錢開飯，當時同亞媽住唔駛交租都唔掂，亞媽一邊借錢俾我一邊叫我慳啲使，當時實在慳無可慳，鬱澀無奈、傷痛最深是無淚亦無言， 當時懒人心中埋怨天理何在、法理何存、什麽是合約精神！
博士話：（我一講租管，很多網友便發出反對聲音。從回應來看，他們並不認識租管。我會另外寫一篇關於租管利與害的文章。）懒人已嘗夠租管嘅害處，好想知租管對當嘅我作為一個如廝小業主有何好處！
|
|
45. 蜕变中嘅懒人 2015-02-06 15:35:07
|
懒人在40年前，當年廾幾歲時買弟一個細單位， 當時正實行租管最嚴勵之時，每2年加租不得超過百分之廾，加多過百分之廾若租客反對要法庭批准，若租客要續租業主不能反對，想收樓要求個租客同意（當然要俾夠着數益個租客），否則要向法庭排期至少六個月，期間不能收租，最慘就係請埋律師打成功率都低過一成，因為法官當時考慮嘅因素係 困難大嗰一方至可得值勝訴，租客困難多數比業主大、而且租客以相同租值一定不可能租到同様質素單位，業主幾乎一定輸硬，當時懒人要靠租金補貼否則人工未夠供樓兼食西北風，所以一定要出租幫補供樓，可惜屋漏更兼逢夜雨， 我個租客係租管個仔叫做租霸，佢一年之後開始直頭唔交租，懒人未到月尾就無錢開飯，當時同亞媽住唔駛交租都唔掂，亞媽一邊借錢俾我一邊叫我慳啲使，當時實在慳無可慳，鬱澀無奈、傷痛最深是無淚亦無言， 當時懒人心中埋怨天理何在、法理何存、什麽是合約精神！
博士話：（我一講租管，很多網友便發出反對聲音。從回應來看，他們並不認識租管。我會另外寫一篇關於租管利與害的文章。）懒人已嘗夠租管嘅害處，好想知租管對當嘅我作為一個如廝小業主有何好處！
|
|
46. 蜕变中嘅懒人 2015-02-06 15:44:34
|
|
|
47. 大寶二寶 2015-02-06 15:47:24
|
CCL136.35 又破頂，唉…………
共勉之，哈哈！
|
|
48. 打工仔 Andy 2015-02-06 15:54:08
|
懶人兄 我估租管利與害都是以租客為重心, 目的是打沉小小小業主！ 我相信博士只想帶出來討論而以。
|
|
49. 打工仔 Andy 2015-02-06 15:54:36
|
孖寶兄 CCL136.35 又破頂！！就快死得, 哈哈哈！
|
|
50. 您當博士傻?! 2015-02-06 15:55:00
|
人地博士令千金啱啱先入左四個紅山半島收租; 您叫博士支持租管管埋豪宅.... 您當博士傻?! 倒自己個女米.... Ha..ha... ha....
|
|
51. 蜕变中嘅懒人 2015-02-06 16:04:58
|
TO 48樓 打工仔兄 懒人呢2日嘅感覺係：跟咗好多年、最睇自己嘅大佬竟然係卧底！ 講吓笑啫，睇多2篇博士嘅文章就明白係誤會嚟嘅。
|
|
52. 蜕变中嘅懒人 2015-02-06 16:31:18
|
人不為己，最够抵死！ 懶人現在DIY緊嗰2隻小豬遲啲至租岀，滿咗生約嗰隻小豬就出信收番，睇定啲先租，因為聞到租管味，唔收夠籌幾大都擺喺豬欄養住先，暫時咁做睇定啲先。
|
|
53. 不負少年頭 2015-02-06 16:32:55
|
to 懶人兄 推咗租管會唔會在法庭上葉主同租客比邊個夠我慘(唐伯虎點秋香) 共勉之，哈哈！
|
|
54. hkcl88 2015-02-06 16:51:54
|
將軍澳一個3房都2.3萬-2.4萬,2.5萬有幾難, 咁都唔係民生有關?
|
|
55. Ssandy 2015-02-06 17:02:57
|
如果有租管就不會一年生一年死, 每年加5%, 永無減租啦!
|
|
56. 運輸工人 2015-02-06 17:03:29
|
|
|
57. 收租王Tony 2015-02-06 17:20:24
|
其實租管最應該推既係商鋪 做生意最大既問題係加租，小鋪生存唔到都係加租。 如果工商物業都推租管（博士收緊租果d），影響民生就最小！我話既！！ 工商鋪一簽5年，咁租客就會放心投資、裝修、咁就會對民生有最好既影響， 唔知博士同唔同意？？^____________^
|
|
58. 亮劍 2015-02-06 17:21:14
|
銳變中的懶人…… 不如你咁睇啦，呢家就當湯生喺蘇豪區整咗個場，佢好「好客」，日日呼朋引類來劈酒，但有D友仔，就好唔「生鏽」，有陣時飲大咗就嘈喧巴閉…… 你成晚嘈住人地瞓覺，咁佢哋咪狂打 3 條 9 報寸囉！ 成班警察到場，咁湯生作為埸主，當然叫佢自己請黎的老友畀下面……大家冷靜點！
大家飲到貓曬，有D爸打以為湯生幫差佬做野，但你設身處地同埸主諗一諗，要是大家再玩到咁盡，咁咪盞差人同你日日查酒牌，晚晚同你去掃場！ 而且蘇豪區楼上既住客係咁投訴，呢個場嘅酒牌，肯定畀 D 區議員否決你續牌，那麼咁既後果是否你所想？ 街外那些三唔識七的過路人，湯生真的無佢哋乎，但作為場主的老友，都唔想呢個場散啩？哈哈……
|
|
59. 法子 2015-02-06 17:29:31
|
法子《10間屋的村》
2013年3月2日
其實這是簡單的道理。
一條村有11個家庭，得10間屋。村長話「抽稅」就可改善大家居住空間。你信唔信？
這是我對 DSD 的意見。
--------------
2015年2月6日
其實這是簡單的道理。
一條村有11個家庭，得10間屋。湯生話「抽稅」就可改善大家居住空間。你信唔信？
這是我對 租管 的意見。
|
|
60. 法子 2015-02-06 17:30:33
|
法子《10間屋的村》
2013年3月2日
其實這是簡單的道理。
一條村有11個家庭，得10間屋。村長話「租管」就可改善大家居住空間。你信唔信？
這是我對 DSD 的意見。
--------------
2015年2月6日
其實這是簡單的道理。
一條村有11個家庭，得10間屋。湯生話「抽稅」就可改善大家居住空間。你信唔信？
這是我對 租管 的意見。
|
|
61. 法子 2015-02-06 17:32:56
|
法子《10間屋的村》
2013年3月2日
其實這是簡單的道理。
一條村有11個家庭，得10間屋。村長話「抽稅」就可改善大家居住空間。你信唔信？
這是我對 DSD 的意見。
--------------
2015年2月6日
其實這是簡單的道理。
一條村有11個家庭，得10間屋。湯生話「租管」就可改善大家居住空間。你信唔信？
這是我對 租管 的意見。
|
|
62. 運輸工人 2015-02-06 17:36:29
|
此處不留人,自有留人處. 場主既然送客,想留也留不得……
|
|
63. 收租王Tony 2015-02-06 17:43:41
|
現在一間鋪租40萬一個月，本年每月盈利80萬，扣除租金淨袋40萬， 一年後業主見你咁好搵，加租到60萬，一年後見你又做得住，再加， 老細諗住加人工，點知要俾埋租，加少d。 租管後一間鋪租40萬一個月，本年每月盈利80萬，扣除租金淨袋40萬， 一年後業主見你咁好搵，都冇得加，5年後儲到2400萬，可以買鋪自己做業主 老細加人工，努力做，香港精神。 租管用工商物業最有用，係咪呢？^_____^
|
|
64. 滿記 2015-02-06 17:47:00
|
雖然我在這裏有說不敬之話，但無可否應， 我在這裏學的東西，一生受用。多謝你呀湯老師。
|
|
65. Peter Paker 2015-02-06 17:47:47
|
天神村發展商在決定建屋量的時候，佢只考慮究竟有多少人會同佢買樓（即20戶家庭），而發展商並不會考慮另外10個租戶家庭的需求，因為這10戶租戶家庭並不打算且無能力買樓。因此，天神村出現10伙租盤、住屋短缺的情況。當住屋短缺出現，租金及售價上升便是理所當然的事實。去至厘度，我地可以睇到，辣招雖可以抑壓部份「買樓」的需求，但整體剛性住屋需求並不會因辣招出現而消失，相反辣招的出現只會製造一個假象俾供應者去減少供應，以調節收窄後的客源。若然村長以「需求管理」作為佢出招的依據，基本上係「出師無名」，因為村長的視線只集中在「買樓」的需求，而忽略左其他非自置的住屋需求，亦忽略剛性需求不會因辣招而消失，但在不減需求的情況下辣招反而會減少供應。
|
|
66. 某君 2015-02-06 17:47:52
|
見到博士呢排不停唱淡，不少回應已經失去冷靜 網上討論就話無問題，如果管理物業時都用這心態就大件事了
|
|
67. 蜕变中嘅懒人 2015-02-06 17:58:37
|
TO 58樓 亮劍兄 懒人一朝被蛇咬，十年怕井繩，對租管必生租覇深惡痛絕，作為小業主，懒人唔理解博士講租管有什麼好處，只覺得係政府不公義行為，而博士嘅論點有利益冲突之嫌，懒人亟祈待博士隨後嘅論點可以令懒人信服。
|
|
68. 亮劍 2015-02-06 18:01:39
|
場主既然送客,想留也留不得…… 唔通場主个弦外之音你聽唔出？ 1 政府出招前，請睇一睇呢度嘅回應。 2 如果今一季 CCL 只是係咁2去到 13X 就停止上升，咁 party 咪繼續囉，否則你半年就將 CCL 剷上天花板，例如 18X，大佬呀，畀你係CY，做唔做嘢先……
|
|
69. 引刀一快 2015-02-06 18:09:17
|
真係學到嘢，原來網絡文字可以咁刺激人嘅情緒。 大家慢慢睇埋湯生講咩先喇，冷靜D。講真，我對租管都好反對，將租客同業主放喺對立面，部份大陸持貨土豪分分鐘谷氣凋空唔出租，情况仲壊。 封存咗好多年冇用嘅嘢，世易時移，無論業主租客會點對應都唔知，到時又出亂象，近年事與願違嘅情况咁多，如果真係出租管，我買升！
|
|
71. Small Potato 2015-02-06 18:33:13
|
太陽今日呢篇文 "上車盤愈買愈貴 置業風險再升高" - 呢類文章係呢幾年無日無之, 即阿媽係女人咁, 但咁又對想上車既人有乜啟示或幫助?
|
|
72. 博士做人要厚道 2015-02-06 18:49:05
|
|
|
73. Small Potato 2015-02-06 18:50:19
|
If government has to implement ""推出租管"", I would rather to keep my flats vacant to avoid trouble. Dr Tong keep saying : " People are willing to risk to run any kind of biz as long as they have profit, but no one would bother to do any biz that has no profit tho. " If the landlord don't have reasonable income from leasing out their flat while they still have to pay all the various Taxes / management /maintenance fees ... who would bother to rent out their flat?? ? But more important is - its just an unfair term solely to landlord. On other hand, would government waive us all the TAXES for those renting apt.? So if government has to do that, that will be very dangerous and the down side is obviously to those people / tenant who needs to rent apt.
|
|
74. 亮劍粉絲 2015-02-06 18:51:17
|
|
|
75. CH 2015-02-06 18:59:34
|
其實睇個標題，將三樣野咁擺埋一齊，就知到含義了，大家唔好錯怪湯生。
|
|
76. 運輸工人 2015-02-06 19:17:57
|
|
|
77. 大寶二寶 2015-02-06 19:30:42
|
小弟愚昧，如果想曲線唱跌細價樓，過去幾篇文章已做到，做咩又提租管？
如果出租管，公平D就全部都要管，如果好似博士講法就只會令人誤會博士謀私，引人爭拗！
共勉之，哈哈！
|
|
78. 蜕变中嘅懒人 2015-02-06 19:37:36
|
懒人覺得作為小業主其中之一，到目前而言同意博士嘅租管論點係不智，对小業主不公，只对租客、商舖及豪宅有利，更唔想誤導政府。
|
|
79. 大寶二寶 2015-02-06 19:44:29
|
回67 懶兄
博士都係嗡吓啫，佢又唔係局長，你使咩咁驚咁大反應呀？
我打死都唔覺得正苦會推租管。還掂你想換樓，驚嘅話咪賣哂D金豬轉上紅山自住囉！哈哈……
共勉之，哈哈！
|
|
80. 運輸工人 2015-02-06 20:02:07
|
好喎,大寶兄,懶人兄一起轉戰紅山. 坐言起行,我明天就同囡囡去.
|
|
81. 惜緣 2015-02-06 20:08:05
|
在下很同意CH兄的說法，希望各位大哥大唔好錯怪博士，因為博士在文中寫的只是“如果真的出租管”，這代表博士都唔支持“出租管”。現時細價樓比大價樓的PE高很多，面對如此“瘋癲”而且進入“非理性亢奮”的細價樓市場，無論任何人對細價樓撥下冷水，都是出於良心的警告，值得尊敬。 各位大哥大，茫茫人海，有緣相聚，希望大家珍惜。
|
|
82. 副業致富 2015-02-06 20:09:48
|
如果推租管，那些唐樓小業主仲會否租套房出去?因為這几年的出招后，已少發展商主動收購唐樓。要靠政府收，政府自住的有多三份一賠，小業主沒有租出，便是自住。如果行租管。不可叫租客遷出。小業主寧願不收租，當5%一年，都不想收少三份一樓价。估計市區劏房十几萬。有一半是小業主。即有幾萬個套房供應，即時消失。我唔知有否說'錯，請指教。
|
|
83. 蜕变中嘅懒人 2015-02-06 20:26:39
|
TO 大寶二寶兄、運輸工人兄 懒人都好想做紅山業主，不過食力唔夠。
博士若果想以25000租管論曲綫唱低上車盤樓價，咁有無考慮到網友想法： 1. 令人懷疑博士幫政府吹風。 2. 已知政府有意推租管而作此帶私心論述。 3. 向政府發出錯誤訊息。 希望博士再為文點醒懒人謬誤。
|
|
84. 收租王Tony 2015-02-06 20:42:27
|
唔使兜啦，我睇左博士啲文咁耐，今次咁具體舉例＄25000以下民生樓應推租管，宜家擺明過河抽板。咁都唔明？
我一路都係cd-rom，今次寫到咁應該係佢既心聲。
如果只係講下，我諗佢玩大左，呢度有好多cd-rom睇緊，相信博士本人亦睇緊，最緊要係決策官員都有睇，
你以為博士蠢到以為得佢d粉絲睇？佢老早就知道呢篇文既對象唔係你，亦都唔會係我，明白冇？
|
|
85. O mouth 2015-02-06 21:20:47
|
佢自己同佢千金有大量中高價收租樓就唔管，管自己手上冇既上車盤d租盤政策 100% agree !! Everyone see this article will immediately feel Tong is a fit selfish ! Why only impose such rental control to small flats ?? Lux property tenants no need to be protected ?? or lux property landlord needs to be protected ??
|
|
86. 小浪 2015-02-06 21:23:43
|
要管就緊係管豪宅哪.如果紅山只準租一萬為頂,所有民生貨應聲下滑,沙一租四千都未必有人租,講d理論都反轉黍講,珍系催鳩象.
|
|
87. 亮劍 2015-02-06 21:25:44
|
你以為博士蠢到以為得佢d粉絲睇？佢老早就知道呢篇文既對象唔係你，亦都唔會係我，明白冇………………
哈哈……如果有主管房屋政策的官員上黎呢度，咁我就插埋你班友先瞓！ 早幾年我同無数爸打，不斷呼籲兄弟們快快手上車，但果陣係边D人喝住人，一時出乜D、过一陣又出物D，成日就話美國加息，整到唔少人賣自住或者等運到！
呢家係你們搅到人半天吊咋！
|
|
88. 惜緣 2015-02-06 21:28:18
|
To 84樓 收租王Tony兄
即使師兄解釋得咁清楚，在下還是唔明，因在下太蠢了，蠢到連在下手上揸的物業全部都是細價樓，亦都唔想細價樓再癲落去。 在下係81樓說:“現時細價樓比大價樓的PE高很多”，請問師兄同唔同意？
|
|
89. 運輸工人 2015-02-06 21:49:00
|
博士其實想帶領我地放弃細價樓,轉投紅山級豪宅,咁人地千金食頭啖湯都好應該啫.
|
|
90. Oscar Lam 2015-02-06 21:56:01
|
同意81樓惜緣兄的看法。由於最近細價樓的升勢實在太快，租管是其中一項政府有可能推出的打擊樓價的措施。博士只是把這個課題拿出來討論，並不代表博士贊成。
和各位師兄一樣，在下一向不贊成任何干預自由市場的行為，包括租管。在下認為，如果租管可行，那價格管理，即限制樓價上升的措施是否也是可行呢？
雖然我們不贊成租管，但不代表政府一定不會實施。通過討論，我們會更加清楚自己將面對的這個政策風險，使我們得以預先準備，我們實在不應責怪博士，應該多謝才是！
|
|
91. 大寶二寶 2015-02-06 22:02:21
|
回88 惜緣兄
相信大家都同意現時細價樓升得係過份左D，太急太快，亦明白咁樣係唔襟玩。問題係博士揀租管黎曲線唱跌細價樓係揀錯題目，令人懷疑佢動机，像好心做壞事囉。唱跌都有好多方法，揀個同自己有利益衝突嘅subject (因佢千金剛買了紅山) 同不平等傾斜豪宅嘅方案似乎不智，比人究病。博士，得罪了。
共勉之，哈哈！
|
|
92. 大寶二寶 2015-02-06 22:07:54
|
回Oscar 兄
萬一正苦真係推出'细價樓租管'， 你估網友們會多謝博士嘅忠告定鬧爆呢？ 我相信係後者咯……
共勉之，哈哈！
|
|
93. 惜緣 2015-02-06 22:23:30
|
Oscar Lam兄&大寶二寶兄
2014年3-4月左右，有地產經紀致電在下，介紹一個嘉湖山莊細單位大約240-250萬，現在同類單位差不多要350萬了，只是9個月時間，上升了40%, 真的令在下目瞪口呆。
|
|
94. Oscar Lam 2015-02-06 22:28:08
|
孖寶兄，
政府的政策不會因博士的言論而改變，博士沒有這樣的能力。如果博士總是講我們喜歡聽的話，那對我們有何意義呢？
共勉之，哈哈！
|
|
95. 大寶二寶 2015-02-06 22:36:02
|
回Oscar 兄
如果巧合地正苦推出租管，我就真係 no eye see 囉！
共遠之，哈哈！
|
|
96. 蜕变中嘅懒人 2015-02-06 23:16:29
|
TO 15樓 路人兄 當年租管係分年份管制，例如今日公佈，1年前簽落嘅租約收樓日即時失效，除非租客肯走，否則業主最叻就係每2年加租20%，但係當年通漲高，加人工每年閒閒地十幾巴仙，即係話業主年年蝕通漲，好慘，已經無所謂生約、死約，而係每2年複式加20%嘅長命租約。
|
|
97. 打工仔 Andy 2015-02-07 00:14:08
|
各位大哥
睇咗博士文章幾年, 不過睇完今日既文章後, 的確有點不安! 問題不在是否真的會租管, 所謂見招拆招, 感覺這編文章, 博士好似化身成房策官員角度睇細價樓一樣, 言詞中帶有一點火! 希望博士只是提點一下大家啦!
|
|
98. 麗娜 2015-02-07 00:17:10
|
同意 90樓 Oscar Lam 前輩。理性討論。
不過我都不同意租管。設分界線也沒有用。5年不準加也沒有用。道高一尺，魔高一丈。我相信所有業主一定馬上起碼：1.計算5年平均租金，因為無得加，即是把後幾年的加幅平均了。或者：2. 索性調轉租價，第一年是最高價錢，如租客繼續租就每年遞減，到最後應該可以令業主避免無得加租的損失。但是，租務市場馬上就會錯價！ 而且，像24樓講的黑市，假文件全都有可能出現。 還有，有很多封盤，業主費事煩，供應更加馬上更乾塘。 還有我不明白為何博士覺得推細碼租管可以壓抑細碼樓的樓價呢？租管不能壓抑細碼樓租金，反而引起錯價。難道可以令租客需求減少？還是令業主放賣多點貨？
|
|
99. 打工仔 Andy 2015-02-07 00:20:13
|
老老實實, 小弟雖然持有細價樓, 但係都唔想佢飛天!
|
|
100. Joe 2015-02-07 00:51:10
|
細價樓的飛升，是辣招廢策所衍生的副作用，如想為壓抑其升幅而對細價樓行租管，無疑又係再用另一消極廢策來管理樓市，頭痛醫頭，腳痛醫腳....將會是業主、租客和政府三輸之局。
香港點解要行埋D打擊自由經濟、社會主義的絕路??
|
|
101. 多嘴街 2015-02-07 00:57:06
|
我支持博士。 1 博士開聲講租管已經知道好多人會反對，因為唔明利害關係。 2 博士只不過將「租管」帶出來比大家討論，大家就冇耐性分析。 3 最重要的當然是觸及大家的利益神經啦！唔使那麼緊張，七情上臉！ 4 博士提出各種政策對樓市的影響，值得參詳，其實是塞錢入我袋。 5 博士睇問題又深又遠，如果想在物業投資方面有小進步、大進步要研究、要參考總結下佢的策略。 6 作為小投資者的我，會低調，要謙虛！理性討論，要受教，多謝教你的人！
|
|
102. 按居 2015-02-07 02:00:07
|
大家已中了博士的圈套！
我相信有官員曾經接觸博士。 以博士性格，對官員「不可不親近、不可太親近」，我相信他不輕易做官方喉舌，但是不會拒絕幫他們試水溫。他亦很珍惜這個blog,要不是高峰期怎可以每日三篇！？
大家想一想，在現時房屋問題中，除叫囂的那一班人外，哪一班人令政府頭痛？就是有自住但有細單位出租/仲有少少錢的又喜好磚頭的人 - 因為這些人也對細單位的供求最有影響。哪一個平台最齊這班人？就在這裡！
政府可能會推出$25000以下租管，if the majority respond as: 1. 無計，都要放租，否則供唔𠶧 2. 惟有放賣出租的細單位 3. 放賣幾個細單位去買大單位（租＞25k) 4. 本來想投資細單位的$同人夾份買一個大
政府並沒有興趣想知業主將會有什麼方法去出古惑，因為係人都唸到。只要條文包含租客有懷疑可以舉報、能立䅁調查者其間不用交租不准迫遷，哪有業主敢亂來！
所以大家乜都唔駛做，只要留言「封盤不租不賣且加息3厘也供得𠶧」，政府就知點做！
講真，我估多數人都係後者... 係啲官硬係唔信博士、攪到佢做番次調查向他們交貨！
|
|
103. 珍惜香港 2015-02-07 02:43:24
|
【珍惜香港】記得响一年前， 博士讚庸梁玩仲裁，話喺一個突破喎。果陣 我出文反對，仲話如果庸梁以同一理念出招，搞到博士叫苦連天，我就一定會攞番段留言出嚟。一個月後， 我重提仲裁，話仲 裁同租管，喺基於 同一理念，而我亦再進一步重申，如果政府玩租管，我會好似我講仲裁果篇嘢嘅最後果段咁話，攞番段留言出嚟！ 唔好俾我烏鴉口講中，真喺嘅話，就千祈唔好怪我唔預先通知，我會好 Q 串！ 既然 仲裁同租管，喺同出一轍，咁博士當日讚成玩仲裁，依家又提議租管方案，又有乜咁出奇？或者佢認為，租管，本身喺冇問題嘅，以前租管失敗，只不過喺用錯方法啫！所以依家博士咪提出一個，佢認為喺可行嘅租管方案囉！但如果你問我，點睇租管，我會好直接咁答你， 不敢恭維啦！任何一個 直接干預市場價格嘅政策，無論點樣去實行，都喺唔會 WORK，結果只會嚴重扭曲市場，為社會帶嚟災難。所以點解我成日話， 消極施政，喺死局，冇得救！一個 基礎有問題嘅理念，喺完全無須要考慮，亦無須要浪費時間去研究，因為， 點做都死！呢度有人話，博士 玩曲線喎。不如我打個比喻，問下大家，點先可以响超級市場度攞件嘢出嚟，又唔會俾人拉？答案好簡單，咪俾錢買囉！如果博士真喺玩曲線嘅話，咁我就奉勸佢一句， 做人，都喺行直線好啲；玩曲線，同玩火冇分別。 蝴蝶效應嘅結果，唔喺你我可以操控架！ 呢度又有人話，我地喺 物業持份者，梗喺反對租管啦！咁又喺，人，喺自私嘛，幾有道理吖！咦？博士個租管方案，好似只喺影響到啲小型收租佬，影響唔到佢自己噃！唔通佢驚政府出租管搞到佢，所以揸揸林出文推啲小型收租佬去祭旗？如果有人咁講，你估博士會唔會發火？我地睇文、評論， 啱就啱，唔啱就唔啱，憑對方嘅身份同利益關係，以陰謀論否定對方嘅言論，非君子所為也！ 講番租管，如果仲未明白，點解我話個 基礎理念有問題，咁我就搬番下面果句出嚟啦： 真正嘅「無良」，唔喺啲茶餐廳要加價，而喺政府鼓勵啲人走去食霸王餐！
|
|
104. e_kam 2015-02-07 05:58:12
|
支持租管。月租25000蚊樓下同30年樓齡做分水嶺最啱。
跟住最多免業主差餉同免税。
|
|
105. 蜕变中嘅懒人 2015-02-07 07:22:20
|
懒人去年在政府輕微放寬換楼DSD時提議過，要上車盤價格自然回落，應該將向上換楼鏈放寬限制，鼓勵更多有能力者換大單位，改善居住環境而釋出上車盤入楼市，以市場力量平衡上車盤價格，方為快速王道疏導上車盤需求壓力方法。
以現時情況而言似懒人一樣，想放2至3個上車盤換1個中大單位者大有人在，但政府偏偏捨近圖遠，盲搶地去起多多遠期上車盤，遠水難救近火更有篤數假象，致令全部人心、意願、需求全部堵塞、局限在上車盤，令其價格日益熱火朝天失控是誰之過？
以任何覇道堵塞方案，如租管意圖改善上車盤困局無異鴆止渴飲，使困局衍生更多惡法出台變成死局，禹與鯤之歷史教訓三尺孩童皆知，獨港府高官茫然惘然？
|
|
106. 收租王Tony 2015-02-07 07:59:16
|
從回文中見到“道高一尺，魔高一丈”呢一句，正正係政府辛辛苦苦為我地默默耕耘，努力工作，買樓自救，不靠政府既收租佬最成功既標籤。。 道。。。租客？ 魔。。。。業主？
你冇樓住，我租俾你，你有個安身之所。。。唔感恩
通脹，樓宇準備大維修，加租。。。無良業主
中女社長講得啱，我地業主忍左咁多年，邊個幫我地出氣？ 我地應對既所有方法係避險，佢地見到既係違法行為。
博士係租客中同我地一樣係魔，而且係大魔， 今次呢篇文，其中一個信息，就係轉移目標，細價民生樓先係大魔，佢自己果啲工商鋪，千金既非民生樓業主唔係魔，我同市民一樣都係道。。。。明未？所以我冇細價盤，因為我知道細價盤業主都係魔。。。。
至於細價盤升得快，係因為互聯網既發達，各作者巴打既功勞，多左人識避險，做既選擇。。
當租金升到＄17000，回頭一望，回報率其實也不錯。。。
各業主或收租佬，請準備避險策略，努力自救，加油！
|
|
107. 支持收租王Tony 2015-02-07 10:10:12
|
同意Tony觀點，博士咁努力吹淡細價樓，無非都係吾想影響中高價市場，人做事必有誘因。一支筆既威力不用忽視。
|
|
108. 自我陶醉 2015-02-07 10:15:32
|
To 103樓 珍惜香港兄
非常同意你說: "任何一個直接干預市場價格嘅政策，無論點樣去實行，都喺唔會 WORK，結果只會嚴重扭曲市場，為社會帶嚟災難。"
當日我們討論現時之聯滙制度是否合適時， 我也是基於此理由， 樓市現時之局面， 全因聯滙令息口無法按經濟狀況調節而起， 任何對樓市的人為干預， 只會錯上加錯。
兄台和大多數人一樣，明知聯滙扭曲市場，對整體社會有害無益， 各人維護聯滙的唯一理由， 就是因為自己就是錯誤中的既得利益者。 如果人人都這樣想， 樓市問題有辦法解決嗎？ 就等美國加息， 或經濟崩潰吧！ 樓市問题自然能夠解決了。
|
|
109. 冷言 2015-02-07 10:16:08
|
收租佬的大忌，是租金管制。無產者的佳音，又是 租金管制。 一把雙刃劍，很難兩全其美。可嘆！
|
|
110. 珍惜香港 2015-02-07 12:01:01
|
【珍惜香港】TO：108/F 自我陶醉 自醉兄，响呢個烽頭火勢嘅 MOMENT，請恕我唔想另外開壇同你再詳談聯滙。 閣下似乎犯咗一個嚴重嘅定義上錯誤，簡單嚟講，你將「直接干預市場價格」廣義化咗。價格，從來都喺由人定出嚟，我擁有一件貨物，自然可以制定呢件貨物嘅價格，我制定價格，唔可以話喺干預市場，因為我喺市場嘅參與者，唔喺第三者。市場呢隻無形之手，只喺好宏觀咁去影響每一個市場參與者嘅定價。仲裁、租管，喺响市場以外，以第三者裁定或判定市場價格，所以喺「直接干預市場」。 金管局發行貨幣，當然喺市場嘅參與者，唔喺第三者。
|
|
111. 不同點博士租管觀點 2015-02-07 13:01:21
|
|
|
112. 自我陶醉 2015-02-07 14:58:45
|
珍惜香港兄，
對我來說， 不論滙率、利率都直接由市場決定， 這便不算干預， 像香港這樣無視自身經濟發展狀態、 貿易伙伴組合改變、環球息率等情況而固步自封， 在超出那數十年都一成不變之滙率區間時，便進行干預， 任由香港資金過剩還咪着眼追隨美國的利率去守護聯滙， 那不是破壞自由市場定律， 又是什麼呢？ 我看是珍惜兄的定義太窄義了。
如果美息突然抽升至15厘， 相信那些現時大義凜然維護聯滙的人， 便會出來說聯滙不合時宜了， 那不是為一己私利又是什麼？ 放眼歷史， 自定滙率與單一貨幣掛鈎， 最終失敗的例子多不勝數，這也是拖着我們後腿， 被星加坡逐漸拋離的原因之一。
|
|
113. to 自我陶醉 2015-02-07 15:25:18
|
|
|
114. 惜緣 2015-02-07 16:40:24
|
重要的是: 現時細價樓比大價樓的PE高很多。
請問各位大哥大, 有邊位唔同意？
|
|
115. Ng 2015-02-07 19:47:17
|
若果細價樓自住pe高與底又何干，只要自己可應付每月供款，容易上車，你比間二千萬樓pe超底，對小市民又有何用
|
|
116. Oscar Lam 2015-02-07 20:55:34
|
自醉兄，
和美元掛勾目前是最好的選擇，日本經濟已經迷失20年，歐洲經濟現在半死不話，不知會迷失多少年？人仔又不流通。當然，長遠來說，這個政策是要檢討的。
不過，有一點我是贊同的。大多數人是自私的，包括小弟我。但是，我的原則是不要害人，君子取之有道。
|
|
117. 初學者Tony 2015-02-07 21:27:25
|
可以有税務上優惠俾租客嗎(為期5年)? 去代替租管
|
|
118. 呢道成班白痴仔 2015-02-07 23:51:13
|
一講租管就即刻個個長毛上身甘,身有屎呀? 根本就唔應該有租管呢樣野!政府立例係要針對不能擁有多一個以上物業!如果唔係係刑事! 如果每人祗可以擁有一個物業更加唔存在供應問題! 每年政府自己做承建商提供新供應同以成本價賣樓先係一個有承擔既政府! 教育下一代樓係一樣純民生既產物!投資請去玩番stock market!
|
|
119. To 118 2015-02-08 00:09:04
|
|
|
120. 回 119 2015-02-08 00:12:04
|
|
|
121. 引刀一快 2015-02-08 06:24:03
|
|
|
122. 在水的另一方 2015-02-08 08:04:24
|
不明白點解大家反應咁大。租管是其一方法將租金穩定下來。美國三藩市已經用了很長的一段時間。效果見人見智。對租客是有一定好處，起碼可以計劃明年的租金可不可以付擔得起。總好過現在香港年年搬屋。對業主也有一定的回報率比放在銀行好。我相信大家都同意香港樓市已經到達一個令人不敢相信的地步，遲早回爆，政府有一定的責任想方法將傷害減到最少。湯生只不過是將租管拿出來大家一起分享。希望有不同意見來找一個可行的辦法。如果政府不敢將有爭議的問題拿出來討論，我們小巿民又不講，怕人哋鬧，這樣好嗎？
|
|
123. 蜕变中嘅懒人 2015-02-08 08:43:20
|
60年代港英實施嘅租管對出租樓業主嚟講係超大辣冬蔭功湯。
正如佛國孖寶：印度神丹、印度神油，試過先知原來真係好勁。 好想知有無師兄當年試過，請講吓用後感受。
|
|
124. 大寶二寶 2015-02-08 09:03:14
|
回懶兄
60 年代仲着緊開浪褲，所以未試過，不過我相信魔(租管)高一尺，道(业主) 高一丈。
吸收左果陣嘅經驗同呢代人醒目嘅思維，业主會有更周詳安排，合法技巧去对抗呢隻魔頭。唔使咁担心！
共勉之，哈哈！
|
|
125. 在水的另一 2015-02-08 09:11:21
|
我想現在的地產龍頭，李生等才會經曆過六十年代的租管😀.
|
|
126. 自我陶醉 2015-02-08 10:33:59
|
Oscar 兄，
八十年代的美國國力， 與現今相比已今非昔比了， 在作為國際交易貨幣及儲備貨幣的角度看，地位更是大不如前， 只要我們像星加坡一樣，將貨幣與最大之幾個交易伙伴之貨幣掛鈎， 那管它是大國小國， 利率和輸入通脹便會穩定下來也， 重點是要取回息口之控制權， 由於息口是貨幣政策的重要工具， 我們絕不能被人拖着鼻子走， 至於人民幣，相信不出五年便會是成為世界儲備貨幣了， 在此之前， 我們也可增加人民幣資產的投資比重， 為此作好準備。
http://www.bloomberg.com/news/articles/2014-12-11/yuan-has-real-shot-at-imf-blessing-on-reserve-status
|
|
127. to 120 2015-02-08 11:52:33
|
|
|
128. Oscar Lam 2015-02-08 16:31:36
|
自醉兄，
你的分析也有道理。不知你對於美國利率的走勢有何看法？你估計美國這次加息的幅度是多少呢？謝謝！
|
|
129. 蜕变中嘅懒人 2015-02-08 18:57:37
|
回124樓 大寶二寶兄
睇怕由於年代久遠，懶人呢個60年代租管慰安男俾租覇蹂躪嘅慘痛遭遇，同戰時慰安婦嘅慘痛遭遇咁，漸漸被今日嘅人忽略同遺忘，今日重提租管勾起當年傷痛，反應大咗少少人之常情，租管係身為小業主嘅懶人屁股上一顆火疔瘡，同老虎屁股一樣，請求不要摸。
|
|
130. 引刀一快 2015-02-08 19:38:45
|
懶人兄
我細個聽過一個老街坊，遇上租霸，拖租唔交，警察肯上門，佢唔開門，逼到要揾地頭蛇上門嚇佢，佢就報警，傳票一概當冇到，最後貼錢送瘟神，臨走一晚，個租霸用紅毛泥封晒全屋去水道。 至于租管，我年資低未見過。
|
|
131. 蜕变中嘅懒人 2015-02-08 21:21:51
|
回130樓 引刀一快兄。
老街坊應該無作大，呢位老街坊係60年代租管慰安男/婦，當年典型被冷血租霸蹂躪嘅淒慘場面，懒人當年幾經折騰後收番間屋當日，全部門穿晒窿，坐廁、洗面盆爛咗，牆身、地板、天花污跡處處，今日倡議租管者以為自己識租管，又点知當年租管衍生縱容極多無良租霸，可以無法無天地恣意滛辱租管慰安男/婦。
|
|
132. 引刀一快 2015-02-08 21:22:56
|
|
|
133. 蜕变中嘅懒人 2015-02-08 21:32:41
|
回124樓 大寶二寶兄。
當年租管慰安男/婦嘅保命絕招就係空置、多多錢都唔租，只會賣。
|
|
134. 蜕变中嘅懒人 2015-02-08 21:44:44
|
回132樓 引刀一快兄
要回答兄台呢個问题係一篇好長嘅血淚史，懒人爬字好慢，請先睇睇懒人之前嘅留言，特别係45樓先。
|
|
135. 大寶二寶 2015-02-08 21:54:12
|
回懶兄
咁冇咩租盤，D租金咪升到砰砰聲？
當年有否租金唔包管理費，差餉，內籠維修，冷氣机滴水，地台滲水等等……，一概租客自理，包租公剩袋(假設唔係租霸)。
|
|
136. 蜕变中嘅懒人 2015-02-08 22:16:45
|
回孖寶兄 當時60年代有鬼冷氣機，电風扇或者撥紙扇就有，多數4、5層高舊樓有鬼管理處，無乜人願出租楼俾人除非供唔掂，不过當時有包租分租，霸搭天台、山边木屋賣俾人嘅建築商多到極，無業主會維修你唔租仲好。
|
|
137. 蜕变中嘅懒人 2015-02-08 22:22:31
|
孖寶兄，話明租管點加租？每2年加租不超過20%，唔准唔租，但係當年通漲係十幾巴仙，死未？
|
|
138. 大寶二寶 2015-02-08 22:30:44
|
回懶兄
哈哈！都話小弟仲着緊開浪褲，咩都唔知喇。既然係咁，做咩行租管？边條契弟提出㗎？
|
|
139. ID 2015-02-08 23:07:31
|
自c精，自己無上車盤，就叫政府囉去制旗，中產一向都無政策幫，自己辛苦努力工作買樓收租，就會比人打壓，這是什麼世界，不如正苦出招吾比人買樓，全港排公屋，咪吾洗煩law
|
|
140. 照妖鏡 2015-02-08 23:42:07
|
|
|
141. 蜕变中嘅懒人 2015-02-08 23:47:53
|
孖寶兄 當年有一個專業好出名，叫做專業租霸，租金不論几貴都ok，星期6下午俾票業主攞鎖匙，星期1入咗屋業主知道彈票悔恨己遲，或者星期5入張空頭支票叫業主星期6上午去打簿，簿仔有數業主就俾鎖匙，星期1簿仔条数打回原形，但專業租霸已入咗屋，當時開空頭支票當民事，租管慰安男/婦一個仙都無收过但悪夢由此不断，俾專業租霸任砌無還架之力，勒索金額不受管制。 租管係一座山墳，碑文係小公業主，生於....，卒於....。
|
|
142. 引刀一快 2015-02-08 23:53:59
|
所以投資最好就係車位、然後先係商鋪，車位冇得頼死，斷估都唔會整單車位藏屍案你歎下挂！
|
|
143. 蜕变中嘅懒人 2015-02-08 23:55:48
|
孖寶兄：边條契弟提出㗎？ 懒人：港英條契弟個名我唔記得，係港督啩，查吓先。
|
|
144. 三Ｔ 2015-02-09 00:10:29
|
我覺得因為細價樓升得急所以要出招打壓，好難令人信服。好似話股巿升到三萬點，好危險就要打壓；黃價升到二萬蚊一兩好易跌，危險，要打壓等。 各路英雄唔好講粗口住，好多人都會話樓同金股唔係同一樣野。係唔係呢？第一，佢地會話樓係必需品。我同意，咁必需品係唔係一定要係呢個時候買入？買家貴貴都買即係話佢地覺得而假係買入的時候（不論出於往何原因），亦有出於投機目的，而任何人做出闗乎最少數百萬的決定，想必己有仔細思考過，亦會或需要對自己的行為負責。而假買樓的人原本係唔係瞓緊街呢？居所係人生必需，但而假買樓係唔係必須？所以以其話因樓係必需品，所以政府要控制價格，更合理的講法應該係政府打壓樓價係要對付賺大錢的發展商同高位買樓的巿民！樓價跌亦唔會令人更易得到所謂的必需品。 第二樣，佢地會話樓有剛性需求，政府干預有合理性。首先置業的剛性需求我係唔認同的，你話有投機的剛性需求我都仲可以接受。剛需令樓價上升？定係樓價上升令需求更具剛性？大家應該心中有數。我當你真係有剛需呢樣野，既然係剛性咁堅，打壓自然無助於事啦，又話剛性，又想政府整返軟？你當政府政府係神（政府可能都覺得自己係）？最大問題係要將剛的整柔，而出手的唔係神，真係好易整出個大頭佛！ 廣東有句說話叫＂易請難送＂，干預係政府一向強烈的慾望，做開又易上癮。真係唔好以為利用政府干預方便自己上車係醒目，咁醒目的話一早上左車啦！
|
|
145. 大寶二寶 2015-02-09 00:17:00
|
回141 懶兄
呢個就係你嘅遭遇？点解你唔係收現金或支票過數先比鎖匙嘅？起碼袋左幾個月租金幫補吓嘛。
|
|
146. 蜕变中嘅懒人 2015-02-09 00:24:35
|
孖寶兄：既然係咁，做咩行租管？
當年港英由於實行低税制免入口稅自由港政策成功，經濟開始騰飛，於是以高地價為主要间接稅，做成租金飛漲，一家七口一張床、一屋72家房客好戲上演，業主猛加租，包租公/婆加租X2，無租交連人連床掟出門口，又因當時工業須大量人手，偷渡客及難民適時抵壘湧入，人多屋少，公屋起唔切，亦無咁多資金支持咁龐大工程，於是唔知邊条契弟諗到条絕世好橋--------------------租管。 大致係咁。
|
|
147. 大寶二寶 2015-02-09 00:41:30
|
謝謝懶兄免費幫我上咗課香港歷史科 -- 租管血淚史。
共遠之，哈哈！
|
|
148. 蜕变中嘅懒人 2015-02-09 00:45:11
|
孖寶兄，呢個唔係我遭遇，當時啲人無咁醒，不过醒都無用，港英租管好陰濕係以簽租約曰期分段管制，即今日公佈即時生效，一年前簽嘅所有租約即時受租管法例管轄，之後嘅就不受租管法例管轄。
懒人间屋1年前租出，咁就入咗册，嗚嗚，条租客即時起唔交租，懒人由即日起因供樓月尾無錢開飯。
|
|
149. 大寶二寶 2015-02-09 00:55:50
|
懶兄
乜咁唔小心呀？下次要帶眼睇人。呵呵！
提議你幫人DIY，魚翅都有得食。哈哈！
|
|
150. 引刀一快 2015-02-09 01:43:11
|
懶人兄
我諗最仆街嘅，其實係出謀俾你租客果個，當時肯定有D師爺諗到就教俾朋友用，當年都冇幾個人讀過書，普羅大衆點會識得D咁嘅嘢。
|
|
151. 蜕变中嘅懒人 2015-02-09 08:41:27
|
TO 150樓 引刀一快兄，早上好。
租管持續多年，好似超過20年，筲箕湾道山邊連綿累積潛建木屋住咗50萬人，年份实際数字要番查至確定，咁長時間薰陶下人人都識租霸ABC唔使人教，稍為用心即成專業租霸，只要你夠狠，懒人父母都係包租，佢哋識但唔會咁做，老實人也。
現在唔交租到俾執撻吏趕走须時約2個半月，所以租霸無市場，CASE少至咁快，一旦實行租管，CASE即大增，到時要2年半都唔奇，死未，租管係政府鼓勵好人做賊。
|
|
152. 自我陶醉 2015-02-09 09:15:07
|
Oscar 兄，
個人認為美息在2016年中前應不會大升， 只會增約四分三厘左右， 原因有兩個： 1. 全球正在通縮邊緣， 而美國現時之通脹壓力不大 2. 美滙已大升， 大幅加息會進一步將美滙推升，對貿易、失業率及企業盈利都有負面影響，所以相信到歐洲QE完結， 歐美息口才有較大變動
話雖如此， 小弟認為加息不在乎多少， 而在乎趨勢之改變，即使加幅不大， 卻代表著加息週期的一個開始， 所以絕不可輕視。 從美國宣佈結束QE後， 高息債、油價、波羅的海乾散貨指數均創出多年新低， 美滙及美債價急升， 2015年開局， 瑞郎與歐元突然脫鈎， 歐洲更出現負利率的企業債券， 在在說明了現今投資市場的risk off 情緒有多高， 風險有多大， 風高浪急， 等的就是息口轉向， 如果油價反彈後再創新低， 對俄羅斯經濟、其他產油國和美國頁岩氣等打擊難以估計， 倘若俄國經濟崩潰， 後果不堪設想， 人仔和中國經濟不能倖免， 香港又會如何， 可想而知。還是小心為上， 急流勇退， 所以我很佩服博士能力排衆議，叫大家小心， 可惜往往忠言逆耳。
|
|
153. Oscar Lam 2015-02-09 17:07:25
|
自醉兄，
非常感謝你的意見和忠告！忠言很多時候都是不受歡迎的。老實說，再這樣下去，我也擔心細價樓隨時爆煲，最終受害的還是那幫沒有實力的小業主。
希望兄台有時間有點上來發表意見，互相交流，豐富這裡的不同意見。謝謝！
|
|
App下載
