地產博客 > 文亮言 返回
瀏覽人次:45629    回應:42
文亮言
 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 路人 2014-01-17 09:19:00
跟本有人控制測量師的估價
2. PN 2014-01-17 09:22:31
This is probably the only bright spot I see in the whole report. 

Else we are heading toward Thailand.....
3. 使用500億社福開支的人來仲裁 2014-01-17 09:40:09

誰人能夠做仲裁才是整個問題關鍵所在,而點解政府不相信測量師,........

可以由使用500億社福開支的人來仲裁???????????

4. 珍惜香港 2014-01-17 10:49:06
珍惜香港

上次好長氣咁問咗博士啲嘢,不過喺响凌晨 post,我假設博士睇唔到。

尋日閣下果兩篇文章,令我感覺好無奈。你話庸梁今次呢份施政報告可以接受,甚至值得表揚,請恕我膚淺,我完全理解唔到。你自己覺得派錢冇所謂,話施比受更有福,OK!不過,唔好代表埋其他生活响水深火熱中嘅納稅人講呢啲嘢。庸梁派錢,唔喺多少嘅問題,喺點解要搞恆常化?佢要同財爺鬥氣,就關埋門鬥飽佢,唔好攞香港嚟較非!做得納稅人,唔介意交稅,之但喺你一邊攞佢地啲錢去派,另一邊嘅經濟政策就交白卷,繼續鎖港打殘百業,斷佢地米路,咁點講得過去?你又講到庸梁咁醒,識得同果兩隻乜乜基金對著幹喎,又請恕我膚淺,我真喺覺得好牽強!佢成日扮到自己咁「果斷」咁去對付啲自力更生搵兩餐嘅人,點解又唔識咁「果斷」咁去摺埋果兩隻嘢?

你又話,施政報告終於承認土地供應不足,我又完全理解唔到,果個庸梁幾時有否認過土地供應不足?佢都唔知幾清楚!唔喺佢又點會話呢個喺乜乜非常時期,要搞埋啲乜乜非常手段呀?點解博士到咗今時今日,仲要好似年半前咁去同佢護航?佢搞 3D 辣招,喺曾蔭權跣佢?果兩隻乜乜基金,喺雙曾醒佢嘅爛攤子?佢搞唔好土地政策,喺長策會無能?咁佢自己冇腦架?如果要話唐英年喺豬,咁佢又喺咩呀?我就睇得好簡單,事實喺,神喺佢,鬼又喺佢,乜嘢長策會,只不過喺佢個喉舌啫!你話長策會要集體辭職,我就話佢自己先至要辭職!

土地政策,本來就應該喺一個在商言商嘅問題,官商本來就應該勾結,有乜唔妥?响低稅率嘅大前提下,地產就喺支柱,呢個就喺現實,現實喺要嚟面對,而唔喺要嚟逃避嘅!作為一個國際化商業城市,最直接同正面嘅治港模式,就喺當生意咁做,唔通學毛主席咁?點解唔可以用協商同互惠互利嘅原則去解決問題,下下都講到要對著幹至得?本來就應該喺在商言商嘅嘢,搞到咁政治化,搵邊個嚟仲裁有 Q 用?咁 3D 辣招呢啲咁嘅嘢,永遠都唔使旨意撤啦!

如果閣下覺得呢份施政報告冇搞加辣就叫可以接受,咁你未免要求太低啦!佢喺邊個?特首嚟架!閣下對呢個特首咁仁慈,知唔知喺對香港好殘忍?佢有種派錢,就要有種為香港解鎖,即喺話,要撤辣招、撤限奶令、優化自由行、大搞醫療同教育產業等等等等,要首先重點支持香港本身已經有優勢嘅嘢,而唔喺搞埋啲已經失勢咗 N 年嘅乜乜呃錢科技!佢可以做到咁,先至算喺可以接受

好可惜,博士原來仲對呢個庸梁抱有期望,一有機會就同佢解話,替佢護航。不過我認為,黑嘅嘢,喺唔會响一夜之間變成白嘅!我响前日果篇長嘢度問過閣下,依家重點睇庸梁?閣下當日挺梁,咁依家算唔算喺轉咗軚?而因應呢個改變,閣下又有冇 review 過自己對前朝曾蔭權,甚至喺對唐英年嘅睇法?我咁問,唔喺要抽你後腳,只不過我認為,如果閣下轉軚,只喺因為庸梁達唔到你嘅期望,而冇對自己嘅一貫理念作出過基礎上嘅修正,咁呢個轉軚,喺全無意義。今日你對呢個庸梁失望,他日你就會期待第二、三、四個庸梁出現,一個又一個失望,沒完沒了。

但喺睇嚟,我已經有咗答案。
5. 珍惜香港 2014-01-17 11:26:02
珍惜香港續 4/F

不過,我仍然希望自己喺睇錯,所以我會將我前日果篇長嘢响度抄多一次,順便改啲嘢同加啲料:

所有曾經真心挺過梁嘅人,都有一個共通點,就喺遇人不淑遇人不淑呢樣嘢,唔一定會致命,有啲成功人士都有呢個問題,其中一個典型嘅例子,就喺又搞平價航空又搞數碼電台果個電子工業家,喺邊個就唔咁直接講啦。我自去年九月底開始响度留言,對博士嘅文章都好欣賞,不過我可能要贈你一句:切忌遇人不淑矣!

真正嘅大師,喺可以 sense 到宏觀裡面嘅決定性因素,去判定今日同未來一啲重要嘅事實。

乜嘢喺宏觀裡面嘅決定性因素?仲記唔記得响特首選舉初期,庸梁落區拉票,有市民大讚佢嘅八萬五,佢點答人地?佢話喎:你讚我鬧我都好,實事求是啫其實,八萬五喺咪真喺佢搞出嚟嘅,已經唔再重要,因為單睇佢呢個答案,就已經好肯定,呢個人絕對唔可以做特首!後嚟佢見勢色唔對,又改口話:八萬五彭定康留落嚟芝嘛!一個咁冇承擔嘅人,你對佢可以有乜期望?之後好多嘢,包括星島「一鋪清袋」論,夢熊飯局等等,都一一引証咗對佢嘅呢個結論:

有功自居、有錯不認;好大喜功、漠視協商;心胸狹窄、拒納意見;惡者奉之、賢者拒之。

佢呢啲特點,特首選舉果陣我以署名珍惜响 i-cable 嘅留言都講唔少(參考:)。我只喺一個蟻民,一個物業長線投資者,唔喺乜嘢大師,我亦唔認為佢呢啲嘢要去到大師級至睇得穿。咁點解當時咁多香港人睇唔出,就連博士响果陣都睇唔出?原因可能就如當日我响 i-cable 咁話:「活在繁榮的大樹下,看不順眼一點枯枝就要換掉整棵大樹;港人如夢初醒,實還在夢中」。後嚟庸梁上咗任,就被篤爆佢响選舉果陣用幅牆封咗個僭建喎;原來佢呢個特首運,喺一個橫運嚟!咁香港仲點會有運行?跟住個元旦遊行,阿婆嘅說話,一針見血:一個咁嘅人,幾好都喺假!阿婆都可以喺神級,點解?呢啲就喺所謂睇穿咗宏觀裡面嘅決定性因素

其實選委投票前香港人仲有一個改變命運嘅機會,呢個就喺我响 i-cable 另一段留言度提到嘅最後機會理大全民投票。响百忙之中,我都要帶埋屋企人去理大投唐英年,就喺因為我知道呢個投票喺好關鍵,如果我唔投呢一票,對唔住自己良心。果陣選委倒戈投梁本嚟已成大局,不過如果理大嘅結果喺唐英年跑出,咁阿爺唔單止唔會逆港人嘅意願,反而仲會對我地另眼相看,結果選委一定回軚投唐。港人自發投票成功改變選舉結果,意義何其重大!唔單止將會改寫香港嘅歷史,甚至會成為香港普選歷程嘅一個重要里程碑

真喺發夢冇咁早,原來大部分人遠道而嚟竟然只喺去投一張白票,以為咁就代表乜嘢反小圈子喎!如果我喺阿爺,就真喺睇唔起你地呢班香港人,俾埋你都唔識揀,仲成個細路咁搞反叛,究竟你地夠成熟去玩普選未?一個人要有資格去揀,就先要識得响有限嘅嘢裡面揀,呢個根本就喺大人教細路仔嘅幼稚園道理!唔知大家當日有冇去投票?投咗邊個?定喺投咗白票?唔使話我知,自己反思。

記得果陣响 i-cable 同挺梁者辯論,佢地講嘅嘢,不外乎喺話經濟好果陣,啲富商處處賺到盡,覺得曾班子向大地產商傾斜,庸梁就以民生為主,唔會同大地產商妥協等等。其實呢樣對地產霸權嘅不滿,有時亦出現响博士嘅文章度。博士文章對曾蔭權嘅批評,主要喺兩方面:一為政策傾斜大地產商,增加土地供應乏力;二為推出 SSD 等打擊樓市政策,成庸梁辣招嘅始作俑者。對於呢兩樣嘢,我嘅睇法好唔同。

曾蔭權接手老懵董嘅爛攤子果陣,只喺一句「做好呢份工」。呢個人謙卑正面,能者必擁之,所以一開始我就睇好佢;有人話佢只喺好彩喎,就算真喺好彩又點?一個有運行嘅人做咗特首,香港都會有運行,有乜唔好?況且治港唔喺玩泥沙,唔掂嘅話點會有運行,呢啲叫因果關係,睇庸梁就知。我雖然唔信教,但見曾氏作為一個虔誠嘅教徒,處事一定唔會逆天而行,後嚟得以証實,此人嘅作風,果然喺順住大勢走,唔會逆市

我從來都唔認為有乜嘢地產霸權,就算有,都只不過喺香港經濟結構衍生嘅一個大勢所趨。所謂大勢,只能順,不能逆,因為冇經濟,就冇民生;試問如果冇咗所謂嘅地產霸權,最低工資又點可能會 WORK?曾班子唔喺向大地產商傾斜,只喺順大勢而行,以協商而唔喺對著幹嘅手法對人。如果土地供應真喺曾班子失職,咁庸梁大鑼大鼓咁搞又點解會搞唔掂?依家庸梁搞到要盲目搶地去破壞香港嘅配套,博士先至知道,曾蔭權喺為咗唔想犧牲啲乜嘢?

至於話佢將樓價飆升嘅問題歸咎於物業投資者,何以見得?因為佢 SSD 等嘅政策?咁博士有冇諗過,一個作風咁順勢嘅虔誠教徒,點會响金融海嘯啱啱過咗之後,大膽搞埋啲咁逆市嘅嘢?原因好簡單,曾班子出招,根本就唔喺為咗要打擊樓價,呢個只不個喺為出招護航嘅借口。我响另一篇留言提過,以前嘅樓市喺以炒賣主導,所謂嘅供不應求其實只喺假象。果陣啲地代,會特別優待啲炒家,佢地甚至將用家拒之門外。同一個吉盤,可以响短期內成交 N 次,呢啲所謂嘅成交量,同埋衍生出嚟嘅乜乜指數,根本冇代表性。

咁乜嘢先至喺真正嘅供求?

當物業嘅一個成交,喺會導致一個有需要住嘅人或家庭可以攞嚟住嘅,咁呢一個成交,先至算喺 fulfill 咗市場上嘅一個需求。

博士究竟有冇研究過,八萬五真正嘅教訓喺乜嘢?八萬五只喺果,真正嘅因,喺老懵董同埋佢果隻頭馬,即喺依家呢個庸梁,完全睇錯哂個樓市,將當時嘅供過於求當成喺唔夠供應記得金融海嘯之後,任總曾經警告過會有第二甚至第三波嘅風險。曾班子揀果個時刻出招,唔喺為咗滿足响乜嘢電台講過乜嘢嘅人,而喺因為果陣正喺樓市應金融海嘯調整後反彈嘅時刻,响呢個 timing 順勢出招,對個市影響最細。真正嘅目的,唔喺要打擊樓價,而喺要清除摩貨及短炒,令到以上所講嘅真正供求實況透明化,再加埋優化樓按質素及透明度,嚟避免重滔當年八萬五嘅覆辙!所以我將佢取名為曾任改革,呢樣嘢,其實唔喺淨喺用嚟保護本港金融體系嘅。

曾任改革,喺要樓市導入供求主導嘅正軌;真正嘅目的,其實喺要長遠保護樓市!

博士講過好多次,曾班子出招後,樓價應聲下跌,政府沾沾自喜,但勢估唔到後嚟會回升得咁快喎。不過我見到嘅事實同博士講嘅好唔同;樓價應聲下跌,喺因應炒家離場,市場自我平衡至供求主導嘅結果,後嚟回升,亦只喺因為市場開始進入真正嘅供不應求。呢啲嘢,曾班子已經預咗,响供求實況透明化之後,再重訂房屋政策,可惜果陣已經供應乏術。如果曾任改革早响董政時代執行,供求透明化之後,老懵董就唔會睇錯市,亦唔會有八萬五,而香港嘅樓市亦會避過咗果一劫。

所以曾任改革,絕對唔喺庸梁辣招嘅始作俑者,庸梁自已先至喺自作俑者,佢嘅好大喜功,將曾班子嘅心血完全搞喎哂!如果當日喺唐英年當選,果啲乜乜辣招、打私院、打水貸、限奶令、廢教育產業等等嘅消極廢策,一定唔會出現,因為唐氏同曾氏一樣,作風都喺順住大勢走,唔會逆市!而唐氏會更勝一籌,點解?因為佢冇曾氏果種打工仔心態!不過有人笑佢喺豬喎,而我就覺得,一個諗得出公私院互補呢種雙贏概念嘅人,喺唔會差得去邊;況且,一個特首自已有幾叻,唔喺最重要,能者擁之,先至喺最重要!

最後提埋呢次:如果挺梁,只喺為咗不滿前朝嘅一啲現狀,而寧願去信埋哂啲咁嘅人,期望一個咁嘅人可以帶嚟一啲改變,咁好抱歉,你呢個期望,喺永遠唔會實現;如果一個轉軚,只喺為咗有人達唔到自己嘅期望,而唔喺對自己嘅一貫理念作出過基礎上嘅修正,咁呢個轉軚,喺全無意義。博士解唔開呢個結,恐怕我就只可以贈你一句:切忌遇人不淑矣!

主宰命運嘅,喺人,唔喺數字。所以我重點睇嘅,喺人,唔喺數字。
6. 20年來毛也沒一條 2014-01-17 11:59:35
【本報訊】恒地(012)及傅老榕家族於『2010年』申請修改元朗南生圍發展計劃,因改動過大遭城規會否決。城市規劃上訴委員會前年接納發展商上訴,將案交還城規會覆核。城規會不服,申請司法覆核。高院昨指上訴委員會錯判,裁定城規會勝訴。

只涉發展商 不符要求
本案爭議是《城市規劃條例》的覆核程序是否適用。城規會認為,覆核程序只能在兩種情況下啟動,一是城規會否決圖則;二是圖則雖獲批准,但附加條件。本案只涉及發展商未能滿足附加條件,故城規會無權覆核。發展商則指出,城規會的任何決定,均可覆核。


法官林雲浩指出,覆核程序涉及公眾諮詢等事項,一次發展計劃可能引發多重覆核或上訴,不相信立法當局有意令程序變得冗長緩慢,也不認為缺乏覆核機制,發展商的憲法權受剝削。


城規會的上訴委員會於『1994年』批准南生圍發展計劃,當中包括興建高爾夫球場及低密度住宅,惟發展商一直未能符合有關環保、排污及交通等27項附帶發展條件,2010年第四度申請將規劃延期被拒,也因修訂方案改動過大被否決。

1994年搞到而家?
最後仲輸埋添!
請問關乜錢銀事?
7. 亮劍 2014-01-17 12:33:18

香港發展地產係點揾錢,請湯博士參考呢段舊報導。

昔日地產新聞 2011年01月14(Fri)

 

恒基新世界落禾沙已補價96

 香港文匯報訊(記者 顏倫樂)城規會今日將審批多項申請,其中最觸目的包括恒基旗下三盤,其中與新世界合作發展的馬鞍山落禾沙項目,早前申請增加3,200方米的非住宅樓面,以及增加2.6%單位數目至3,900伙、減少車位數量等,規劃署未反對,料今日將闖關成功;但同系元朗和生圍項目,擬建358幢洋房,則因未有詳細的濕地保育計劃等理由,遭規劃署反對。

 恒基與新世界合作發展的馬鞍山落禾沙項目,早於0910月完成近96億元補地價,每呎補額約3,243元。發展商早前向城規會申請增加3,200方米的住宅樓面,以作准許興建有蓋24小時開放的公眾行通道及附屬設施,隨後並修訂項目的發展參數,包括修訂最高物業高度由127.5增至129,單位數量由3,800伙增加2.6%3,900伙,但平均單位面積亦減少2.6%873呎等。

 同時,項目各類車位數量亦減少5.7%1,353個,發展商並將發展期數由之前分7期發展,減少至分6期發展。規劃署認為,有關修訂獲相關部門同意,而主要修訂為高度,屬輕微修訂,未反對申請,料今日可獲城規會通過。

呢个項目叫『迎海』,分幾期發展,土地成本加補地價每呎當你 3.5 K,加上建築成本 3.5 K,总共係咪 7 K

迎海呢个盤 12 年尾開第一期實呎 1 万,最近開星灣價格相若,即發展商「大賺 4 成幾」喎!

 

喺感覺就係事實嘅現況下,呢个仲唔係地產商無良嘅有力証據?

 

想當年CCL 指數喺 09 10 月約 73 點,恒基與新世界完成近96億元補地價,每呎補額約3,243元。

因為文件往來需時,咁計對上幾个月政府批呢個補地價應好合理,而嗰陣 CCL 應唔夠 70 点,即比照現在 CCL 120 點,4 年多大市升咗 7

四叔申請補地價嗰陣,政府應該揸到个價好盡,所以當恆基公報佢哋接受政府開出補近96億元地價嗰日,四叔已經拜神唔見隻雞,可知每呎補額約3,243元,根本就係市價

 

結論就係-----如果呢个迎海項目最終有賺,亦只不過係地產商看對後市咋!

 

而喺今時今日,政府話明你樓市再升的話,咁政府就會毫不遲疑再出招,那麽在有輸無贏的環境下,地產商如果仲走同政府申請補地價嘅話,拒哋个腦一定出咗問題!

 

MTR嘅項目亦可參照上面嘅分析!

8. to 7 2014-01-17 12:50:15
mtr 嘅項目, 地基已經打好左, 啲站仲要有咁大得咁大, 分分鐘仲係乘客出錢起, 條數計法應有唔同.
9. 永言 2014-01-17 13:16:05
唐英年連庸梁都贏唔到,俾人食住上,怪得邊個?佢有幾廣闊胸襟,但到隻狼撲到埋來先意識到個危險性,又怪得邊個?佢俾巿民官商勾結嘅形象咁深,點解唔係選舉工程上下苦功?最尾連阿爺都放棄佢,又怪得邊個?呢舖係注定香港人要輸!
10. 路母西幾時死 2014-01-17 13:21:00

路上,對香港來講,點都好過路母西條seven 頭。

TT最低限度不會玩死香港。

資本主義從來都是官商勾結,如果不要官商勾結,請求北韓。

11. 永言 2014-01-17 13:33:14
個重點係,你幾叻幾有凝聚力,都要你坐到正先講假。正如你考大學,你都要考好個DSE假。個考試制度係咁,你一係唔玩啫,你落得場玩就要諗下點考高分同埋點㩒低人啲分!我唔係話要零官商勾結,係要點樣淡化個色彩,等多啲公眾接受。都係嗰句,係全香港陪佢一齊輸。
12. 順民 2014-01-17 14:27:36
"珍惜香港" 君每一片言隻字﹐更勝千軍萬馬。可見香港市民當中不乏卧虎藏龍之輩﹐在下佩服得五體投地 ﹗

13. 順民 2014-01-17 14:33:48
"珍惜香港" 君每一片言隻字﹐更勝千軍萬馬﹐可見香港市當中不乏卧虎藏龍之輩。在下佩服得五體投地 ﹗

14. Andy 2014-01-17 14:36:42
大部分香港人都是非黑即白,以为CY唔好 = TT好, or vice versa!
15. 順民 2014-01-17 14:37:45
珍惜香港君:
聽君一夕話﹐勝讀十年書。
佩服﹐佩服 ﹗

16. 去死吧,689 2014-01-17 15:04:36
非也,我們只是反對共產黨。所以對飯民和CY,都一樣討厭。
17. 永言 2014-01-17 15:07:44
假如連政治危機都化解唔到甚至察覺唔到,你身邊啲奇人異士幫你擋得幾多箭,救得你幾多次?你個團隊點有效施政?你捱唔捱到個任期完?
18. 初哥 2014-01-17 15:15:00

to 7/F 亮劍

即發展商「大賺 4 成幾」喎! - 但不要忘記,這 4 成幾利潤是由一個 4 年多之發展項目所得,平均每年約10%,並不是不合理。

19. 業主讓步 太古城減價沽:現實喺要嚟面對,而唔喺要嚟逃避嘅! 2014-01-17 15:27:13

未來住宅供應趨升,施政報告後二手業主終於醒覺,藍籌屋苑連錄減價成交。鰂魚涌太古城有高層戶放盤約20多日,剛減價至626萬元沽出,建築呎價跌穿1萬元。同區康怡花園日前「開齋」後連錄買賣,有高層兩房戶累減50萬元,才以570萬元售出。

20. 港府未來大增供應 - CY及其團隊努力下強勢取回供應權 已取得階段性成果 2014-01-17 15:37:27

嚇窒業主 居屋公屋掀減價潮

本報訊】政府企硬不撤回樓市辣招,特首梁振英任內第二份施政報告提出大幅興建公營房屋,其中居屋供應更由每年5,000個大幅增加至8,000個,增幅六成。消息即時震散本已疲弱的二手樓市,居屋及公屋首當其衝,天水圍有居屋劈價一成走貨,私樓亦受波及。
記者:朱連峰

政府盲搶地建屋,除放寬地積比率,施政報告提出,2020年後,平均每年提供20,000個公屋及8,000個居屋單位,較去年目標再提高36%,當中居屋供應目標更由每年5,000個大幅增加至8,000個。隨着供應可能大增,恐加速樓價下跌。政策出台後,居屋及公屋首當其衝,天水圍及屯門連錄至少6宗減價成交。慈雲山也同時錄得3宗減價個案。

天盛苑劈價10%走貨

祥益地產蕭嘉偉表示,天水圍在施政報告公佈後即時出現兩宗減價。其中,天盛苑H座低層4室綠表盤,實用面積506方呎,在施政報告公佈後,即晚已將叫價調低10萬元至200萬元,昨日早上再減至190萬元,傍晚減多2萬元,累減10%至188萬才售出,低市價約3%。同屋苑G座中層4室,實用面積510方呎,也在施政報告後減價12萬元,至208萬元成交,買家為次批免補地價白表客。
屯門昨單日錄得4宗公屋及居屋買賣,全屬減價走貨。祥益地產胡志偉稱,兆康苑E座中層戶,實用面積476方呎,原叫價168萬元,施政報告後已減至160萬元,臨尾減多5萬元至155萬元才售出,買家為次批免地價白表客。屯門公屋良景邨及建生邨亦錄得減價成交。
富誠地產林栢榮稱,施政報告公佈後,黃大仙即錄3宗居屋及公屋減價成交,造價較高位回落約5%。其中,慈雲山居屋慈愛苑M座中層戶,實用面積650方呎,放盤8個月,累減15%至380萬元免地價易手。房委會昨日公佈,1月首15日僅錄29宗居屋第二市場買賣,本月成交量勢再創新低。

昇悅居低市價7%沽

私樓也齊齊劈價。長沙灣昇悅居3座高層H室,東南海景,實用面積512方呎,去年11月放盤開價620萬元,累減42萬元至578萬元售出,呎價11,289元,較部份銀行估價平約7%。
中原地產趙鴻運稱,鰂魚涌太古城錄施政報告後首宗買賣,太湖閣高層F室,實用面積545方呎,減價4萬元至626萬元成交。另外,青衣灝景灣6座低層B室,實用面積849方呎,叫價968萬元,減至948萬元賣出。
利嘉閣鮑允中稱,九龍灣淘大花園E座高層4室,實用面積374方呎,減價10萬元以380萬元售出。

 

21. 楼價升定跌? 2014-01-17 17:02:36
樓價在2014年是跌還是升,係左丁山最近向朋友之中嘅地產專家提出嘅問題。睇報紙報導,地產股分析師、經濟師多數睇淡,睇跌一至二成,悲觀派甚至睇跌二至三成,專家看法有無實質支持呢?新樓盤成交似乎好暢旺噃,特別係啲市中心新盤,例如灣仔囍匯大把人搶住要,雖則係價錢非常貴,一個四百呎單位要一千萬元或以上,左丁山聽到都伸出條脷,但老友記W就買咗一間喎,有乜用途呀?相信係當酒店房用,久唔久因為有應酬至深夜,就索性在灣仔過夜,唔返屋企。
一位房屋委員聽見市建局啲樓咁好賣,特別搵人帶佢去考察吓,佢在簽約揀樓現場,所見到嘅買樓人士,幾乎全部係銀髮一族,似係已經上岸之人,走來買個細單位做乜嘢?有關人士向佢報告:「灣仔係全港十八區最富裕嘅一區,大把隱形富翁住在灣仔,不少係買個細單位俾下一代做住宅嘅,或者係兩個老人家嚟住,貪方便兼懷戀少年時光在灣仔長大吖嗎,現在住緊嘅大單位咪讓俾兒子新抱,或女兒女婿住囉。」
委員聽完,認為幾有道理,上到現場睇樓,真係似足酒店房一間,真正廚房欠奉並非一般家庭住宅,千零萬買間「鬧市中心酒店房」,香港人都願意付出,故此地產大好友L對左丁山及委員講:「我成日話香港房屋有鋼性需求,隱形富翁之多,簡直數唔晒,80後買唔起樓,父母就同佢交首期五至六成,等啲仔女供得起樓。我要向啲40後、50後父母致敬,有此原因,我繼續睇好樓市,今年香港就業人數創新高,逼近380萬,家庭收入中位數繼續向上爬,加薪幅度亦有4%至5%,我敢膽話美國一定唔加息,唔好聽財政司司長出口術,唯一負面因素只係SSD、BSD、DSD啫。」呢三D辣招確係辣到啲中產換樓客眼淚水都飆埋出嚟,佢地最恨梁振英之處,並非冇普選,而係買樓先付DSD,慢慢等退稅,加埋金管局嚴限銀行按揭貸款上限,就令到一啲較高收入中產夫婦往往欠缺嗰百零萬做唔到按揭。委員有朋友嘅下一代夫婦兩人皆在投行工作,每月家庭收入近30萬,住八百幾呎樓,生咗一子一女,請咗兩個菲傭,太太話屋內住咗六個大人細路,太擠逼嘞,成日話要換間千二、千三呎,但就因為兩人雖有現金流嚟供樓,但一時之間唔夠現金交五成至六成首期及印花稅,咪日日鬧梁振英囉。
22. 煲浪追浪to9 2014-01-17 17:19:08
成单野唐点解会輸。
實事是當因委仔仁搞到唐公子講錯野:推双普選:
即晚司機朋友車有票老細去深圳見喬公接旨、
跟手民賤联表態支持路姆西。
白白都冇甘白哪。
當主子唔一定要叻,要睇佢既助手。
當日任縂話会幫唐公子,盛志文等等能人。
要知劉備得天下亦是身旁能人之助。
路姆西、、、、諗樣就一大堆,首選流精華。
23. 珍惜香港 2014-01-17 18:36:32
珍惜香港TO:14/F Andy

當日有種去理大投唐嘅人,唔喺你講果種非黑即白既心態,唔好低估呢一小撮人!

黑就喺黑,白就喺白。黑响邊度,白响邊度,我上面篇長嘢已經寫得太清楚,唔想重複。

不過,到咗今時今日先至識轉軚嘅人,心態就各有不同。好似我上文咁話,要是乎呢個轉軚,喺唔喺只喺為咗有人達唔到自己嘅期望,定喺對自己嘅一貫理念作出過基礎上嘅修正。都喺果句啦:

切忌遇人不淑!
24. 珍惜香港 2014-01-17 19:41:20
珍惜香港TO:9,11,17/F 永言

我唔否認,唐唐响選舉果陣,真喺幾懶嘅!一個懶人去考 DSE,輸咗,唔出奇;不過,佢又輸咗啲乜嘢?要怪嘅話,怪邊個?

原來當日去考 DSE 嘅,唔喺唐唐喎!咁究竟喺邊個呢?咪就喺香港人囉!

唐唐雖然幾懶,但起碼佢都叫做知道自己考緊試嘅;香港人,連自己考緊試都唔知!

仲有,閣下太高估响香港啲民綷嘅威力。响特首選舉果個時期,民綷其實唔太嚴重,只要守得住經濟,乜嘢都可以化解。到咗今時今日,啲民綷搞成咁,其實只喺俾庸梁嘅消極施政放大咗。你以為特首喺流架?上得到呢個位,咁易會被人拉番落嚟?你好擔心唐唐捱唔捱到個任期完?我反而覺得,如果呢個將香港搞成咁嘅庸梁都可以捱到個任期完,我就可以好肯定咁講,唐唐唔止可以做足成個任期,佢甚至會連埋任添!
25. 朗啨 2014-01-17 20:39:09
思歪正苦依家进行緊一个世紀大騙案,就算你馬多夫,都要行埋一二边。
幾年前已經開始话加息,会有好多地,熱$会流走⋯⋯楼價一定跌,「田雞」業主被嚇得騰騰震,相继成為信徒,將自住物業估出做淡倉!
斷舊估呢三年裏面,起碼都有十數万隻「田雞」沽空楼市,唔计交租贵过供果筆,平均每人賬面损失一百万,乘以十万就等如一千億大元。
由於貪曾及思歪從没間斷咁去誤導市場,还提供失实及作大供應量言論,再过兩三年楼價爆升,一定會有公文袋狀棍教啲输打赢要嘅『前田雞』,等佢哋逐只逐只跳出嚟攪一鑊二鑊集体诉讼。
所以條 PK 鹰依家吹得咁过引,並非全無後果,一个唔好彩比人入到波,香港真係破幾次產都唔掂。
所以有能力嘅人一定要及早踢爆條枌皮,否则只會everybody total loss.

公文袋「狀棍」一出,誰與爭瘋?
26. 路人 2014-01-17 20:54:59
香港D測量師好少俾人告,反為建築師大大鑊比人告就有﹝九倉告甘銘﹞。近年測量師行俾人告好似得一單商舖估錯價一兩億,如果D買家或者賣家經常發褸蟻動不動告人,測量師行會準確D囉!
27. 法子 2014-01-17 22:27:59
5樓 珍惜香港

你講哂我的心聲.

我亦做過同你一樣既嘢. 可惜看到真相的人始終不多.
28. 珍惜香港 2014-01-19 16:39:09
珍惜香港TO:22/F 煲浪追浪

所謂觀人於微,一個人嘅心理反射,喺會好容易會响行為上面透露出嚟。如果閣下有好細心咁睇當日果三個準特首嘅辯論會,就唔難發現,你講果個委仔仁,响後期嘅立場已經好明顯咁大細超,佢甚至不自覺地成個身都側咗埋去唐公子果邊。我可以好肯定,佢响果陣已經睇清楚庸梁嘅為人,甚至可以話同唐唐惺惺相惜,只喺礙於身份唔可以做到咁揚。所以佢唔喺搞到唐公子講錯野,呢個只不過喺佢地太啱咀形嘅 side effect。

其實,雙普選呢個問題,唔喺响阿爺度,而喺响香港人果度。你要人地俾你揀,就要先證明俾人睇你識揀,呢個喺你嘅責任,唔喺人地嘅責任!作為父母,如果你嘅細路只喺識得扖地扭計搞破壞咁去同你爭取,你會唔會放俾佢?呢個唔喺乜嘢人權問題,唔喺乜嘢國際標準,喺你夠資格未!所以點解我响上面咁話果次理大嘅全民投票,喺好關鍵。兩個都喺阿爺 approved 嘅選擇,香港人有種搞全民投票,由一個結果改變成另一個結果,阿爺點解唔 buy?你咁有骨氣,莫講會聽哂你話,你要搞雙普選,WHY NOT?

不過咁,你要扭計投白票,依家仲搞埋佔中,怪得邊個?所以點解話,香港人,連自己考緊試都唔知
29. 珍惜香港 2014-01-19 16:55:49
珍惜香港TO:27/F 法子

我地呢一小撮人,真喺搵多個都難。再識多一個,好開心!
30. 煲浪追浪致珍惜兄 2014-01-19 20:16:59
由貼文開始,小浪是極度对大話英这人反感,
小浪為人好简单,只有黑及白,没有灰的存在。
好是好,壞是壞,没有不好壞,
単說两蚊車船津貼,其實好完善。
再搞小巴两蚊,劃蛇劃足,多此一舉。
先說老人家坐小巴是極度不便,
加上安全問題,简直是低能白癡之舉。
要搞搞社區飯堂,讓老人家食便宜飯。
派福利從來是有作為政府之法,
搞社區托兒護老,讓有能力的人仕騰出從投社会工作。
派福利買民望,是極無能之政棍買票板斧。
因自己時間太少,想寫多D正面貼文亦有心無力,
只可寫丢路姆西大話英短文,
萬物歸一法,大話英落台香港先有運行。
今年小浪book定鹅頸稿七婆幫手,
打七個杏家橙小家小氣小喇叭既小人大話英。
祝条仆街早走早箸,一路好走。
在此谢过珍惜兄回文。
31. 煲浪追浪 2014-01-19 20:48:56
7,466最後更新: 0119 17:22 / 建立時間: 0119 14:06適中字型較大字型何家達攝《明報》撤換總編輯風波未了,由《明報》老闆張曉卿親信呂家明負責的加東版《明報》,繼續封殺所有提及該報撤換總編輯的文章。公民黨主席余若薇直言,加東版《明報》抽起專欄文章的做法是「行動已證明一切」,認為新聞自由收窄已非單一事件,「香港人唔可以再沉默」。至於《明報》高層聲言撤換總編輯只是正常人事調動,前政務司司長陳方安生回應指,傳媒影響力大,相信事件並非純粹私人機構人事調動這麼簡單。
32. Hongkong People 2014-01-19 21:44:00
珍惜香港:100%同意、拜服。

見到香港一路發展下來都真有D灰心。樓上有位朋友成日講唐唐嘅失敗,只可以怪佢自已,可能佢都講得對,但佢幸災樂禍嘅態度,好明顯佢唔知自已成為咗陪葬品,而香港而家有太多人唔知自己的處境,可惜可惜。

老實講,我都係一個渺小又自私嘅人,係香港而家咁嘅環境,經常係腦入面諗嘅嘢都係有乜嘢可以做而又對自已最好,香港環境差到乜程度應該要放棄,慶幸自已有選擇,但諗到要放棄都有D心灰。

祝大家好運!
33. 珍惜香港 2014-01-19 21:59:26
珍惜香港TO:網主

5/F 留言第四段,應該喺:星島「一鋪清袋」論,唔喺:明報「一鋪清袋」論。

方便嘅話,請幫忙改番啱佢,謝謝!
34. 永言 2014-01-19 22:29:43
To 32/F, 我不肯定你指的是不是我,我兩段留言的結尾都強調香港陪佢一齊輸,我唔知點解會解讀成我幸災樂禍同埋連自己輸左都唔知。
To 珍惜兄,我唔係唔明白梁生嘅種種問題,我只係理解唔到唐生响競選時的表現,點樣說服到大部分香港人去信佢得,你講香港人唔識選我唔否認,正如你地都講了解真相嘅人只得少數,即係識答呢份卷嘅人得少數。。。我第三次講,係香港人陪佢一齊輸,責任雖屬?就佢本人落敗責任,絕對係佢自己。就香港輸嘅責任,我只能夠講係香港特別行政區嘅所有持份者!!!
35. 689 正垃圾 2014-01-19 23:43:20

普選不普選不是我們關心的,事實上香港的奇蹟根本同民主無關。

香港的成功依靠的是資本主義,這是香港的核心。

但是現在最大的問題,飯民和CY等政客為了爭取基層的票,大搞社會主義,大搞大鍋飯,最終一定會出賣香港。

36. 掹車邊80後 2014-01-20 00:14:25
好耐無來


你講得真係好到Point, 覺得CY好清楚政治任務先係佢本錢, 成立港版金融辦同法改委, 意圖更加明顯,....可惜佢除左搞政治任務, 其他野真係好唔掂...祝大家同我自己好運

講番樓, 我地小市民, 總之唔好賣自住樓, 其他, 等啦

37. 珍惜香港 2014-01-20 03:45:29
珍惜香港TO:32/F Hongkong People,34/F 永言

相信呢年半以嚟,好多香港人,都變得好迷惘。不久之前我响一篇留言度講過,庸梁繼續當政,會越嚟越多人中招,連支持佢果啲人都唔會倖免,所以越遲醒覺嘅人,傷得越深。

但喺又唔需要太灰心嘅,中國有排都未可以全面開放,我地仲有時間。庸梁又唔喺成世做特首,連到任嘅機會又近乎零,佢喺玩唔死香港嘅,不過下一任特首就真喺多得佢唔少。幾十年嚟,香港都喺咁起起跌跌啦,千祈唔好諗移民,要對香港有信心嘛

講到自私呢樣嘢,我近排都喺咁借金融扭曲呢個境去從中取利囉,只要行正路,喺冇乜問題嘅。都喺果句:機會一定唔會放過,但做人就唔可以咁黑心。一個人唔為自己,點對得住父母同埋屋企人?只要守住呢啲原則,自私都可以好 OK。

至於 Hongkong People 果啲 comment,相信佢喺冇惡意嘅,唔好咁上心。我上面果兩篇長嘢都喺咁鋤博士啦,只喺想贈佢啫,一樣冇惡意。至於唐唐落敗呢樣嘢,我只喺從一個好簡單直接嘅角度去睇。正如劉備三顧草廬請諸葛亮出手相助,當然喺劉備需要諸葛亮,多過諸葛亮需要劉備。用諸葛亮嚟比喻唐公子,似乎太褒獎佢啦,不過香港人的確喺需要佢勝任特首,多過佢需要坐特首呢個位喎!
38. 珍惜香港 2014-01-20 04:06:38
珍惜香港TO:36/F 掹車邊80後

「總之唔好賣自住樓」
,响呢個時勢,呢句最啱聽!
39. 永言 2014-01-20 08:26:27
啱嘅,呢四圈惡打,再起個東換個庄再玩過,最緊要呢四圈唔好輸爆棚。如果無信心玩唔落去,倒不如起身去第度玩鋤D囉。
40. 亮劍 2014-01-20 08:44:33
珍惜香港⋯⋯
我喺唐梁爭霸戰中,一路認為CY唔掂檔,直到昨天佢頭馬飯焦話俾港人知,甚麼是講咗當做咗,更證明我呢件蛋㪚,喺政經問題上,清醒過唔少所謂精英!
好多人睇嘢看表面,感覺當事實,咁口舌便給,講嘢天花亂墜嘅CY,當然大勝戇直中年糖糖啦!
但如果唐生係一個十下十下嘅人,他公司仲唔執咗十世?佢仲可以喺政府嗰度步步高升?香港財政可扭虧為盈?
現在大家看到,唐唐嘅強項,其實係親和力,相對CY眾叛親離,表面十下十下嘅唐唐,喺政壇真是面面俱圓,就算冋泛民都可摸酒杯底傾談,睇人唔好咁膚淺大家都知,但唔知點解特首選舉嗰陣咁多人鬼掩眼!
41. 亮劍 2014-01-20 09:14:01
現在大家睇清楚,喺大家都有缺點,齊齊都有僭建的情況下,要你二選一,中產應該揀邊個?
1 喺香港政制踏前一步上,邊個可更有把握?
2 在增加土地供應上,邊個可更能說服新界鄉親及 Big 4 釋出新界土地資源?
3 在使香港經濟發展更上一層樓呢一方面,邊個更有能力團結政商工各界?
4 在籌備工作班子,搵合適人選Fit 位呢方面,又係邊個會醒啲?
5 你如果係有能力嘅高級公務員,你又希望跟隨邊個老闆?
6 你會相信一個連自己盤生意部舞唔掂嘅人,或信一個撹乜掂乜嘅人?
42. 珍惜香港 2014-01-20 21:57:13
珍惜香港TO:網主

真喺改咗!我唔喺 user 都肯幫我修正,好感激閣下!