地產博客 > 弼尖言論 返回
瀏覽人次:51189    回應:101
弼尖言論

想沽樓跟我玩期權?太遲了!

 

王弼

獅子山學會前主席
香港奧國經濟學院創辦人
2015年9月1日

  上一回講到樓市將會於一年內轉角,引起極大迴響。老實說,王弼都覺得自己好矛,一年實在太長,不過覺得樓市周期通常超過十年,正如今次樓市由03年見底起計一升就是十二年(08年只不過是打了個噴嚏),說一年轉角也不算太離譜。沒辦法,看見湯博士的細價樓爆煲論,爆煲只遲了幾個星期,便要請食飯認輸認低威,王弼不想重蹈覆轍,所以將安全系數有咁長拉咁長,怎知文章一出街,劈價報道便日日見,真蝕底。

  另外,我也發現,有一批網友非常關心王弼,例如我早前鼓勵大家把組合多元化投資股市,現在暴挫,有網友便慰問我夜晚是否睡得著,又勉勵王弼,說既然期權年回報20厘回報,應該很快翻身。

  首先,感謝網友們的慰問。股市暴挫,事實上也為難了我,日子真的較以前艱難。例如股票期權的回報,也由最好景的(6月)年率25%,大幅減到8月的13%,我也很怕有一天,如果玩股票期權也搞得像買樓收租一樣得兩三厘回報,那我有何顏面再見地產資訊網的父老?不過放心,今天是9月的第一日,本月的已落袋的期權金已錄得年率15%的回報,要超越6月的25%是有點困難,但要挑戰20%,不是沒有可能。

  講完期權,股票方面,有在明報追開王弼的讀者,都知我在股市大旺的5月,已經話過牛市最多玩半年,更重要的,是高呼只沽不買。而手上仍持有的股票,大多是一些將來經濟冰河時期,市民變得再窮,都要花錢光顧的例如中移動(941)、大家樂(341)、中華煤氣(3),和早已把資金由中國抽到歐洲執平貨的長和(1)。這些股份的派息,當然不會差過收租(更莫說上述股票中的藍籌可以透過沽售期權增加收入),既然樓市塔利班認為銀紙貶值,樓價長遠只升不跌,一味死揸,我又何嚐不可用相同態度,不理短期股價波動,把股票放在床下底收息?

  股票市場,波動遠高於樓市,樓市塔利班視之為洪水猛獸,但他們看不到的,是股市不如樓市之單料銅煲,股市可以一雞死一雞鳴,就算是同一個行業,諾基亞(Nokia)之死,意味蘋果之騰飛,蘋果股價在早幾年美國次按到歐債危機,仍然是反覆向上,甚至成為資金避難所。至於樓市,如果真的爆煲,則斷不可能太古城升康怡跌,樓市塔利班根本是無路可逃。當然,沒負債的,雖然租金會跌,但到時賤物鬥窮人,生活應不會受影響,但這個道理,跟揸股票食息又有何分別?而股票更有的優勢,是在緊急需要資金的時候,可以用多少,賣多少。樓,則一定要整個單位賣出,更會遭經紀壓價放血,難道手頭突然急需幾十萬,你可以只把廁所拆售嗎?

  其實股樓之間,各有優勝之處,所以王弼一路講的,不是叫大家盡沽所有物業,只揸股票,而是擁有一個平衡組合,甚麼類型的資產都有,正所謂狡兔三窟,就是古人智慧。可是,揸到滿手樓的塔利班,多謝政府的3D,就算今日想把一年前買來的一千萬偽豪宅變現,跟我學玩期權每個月搵十幾萬零用錢,都已經太遲了。至於那些早前聽了我把資產組合多元化的朋友,真的想學股票期權理論,可以Whatsapp 68898190 查詢或到 fb.com/buytillsuspension PM 我。廣告到此為止,下個月見。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 歷史長河 2015-09-01 11:50:56
弼兄,可喜可賀,容小弟插幾句嘴。

1. 你目前的戰績是年化了的回報率(annualised return based on monthly return ), 並非真正的年回報率。隨著時間推移及以後的戰績,這個回報率會變化. 
2. 小弟一直有計算過去十年房產投資回報率,年化回報率都在25%,也有高達3x%,並且未計租金收入。主要原因是有槓桿。這裡很多塔利班也應達到這樣回報。如果今年初有人入市,3成首期,以目前9%升幅來計,回報率已為30%,年化後會更高。當然,您可以說樓市很快跌三五七成。
3. 從數字看,小弟看不出您的投資優勢。當然,您可預期未來幾個月回報可達三五七成。

2. 山高雲低 2015-09-01 11:54:12

弼兄,

想糾正你少少野。就是揸樓變現十萬八萬無須折售廁所。按揭若是ALL MONEY的,可以隨時加按多少,也可以隨時還款。好方便。


3. 紅色資本家 2015-09-01 12:13:24
記得股神講過,當你覺得需要分散投資以對沖風險嘅時候,就正正係你唔知道自己做緊乜嘅時候,失敗往往都係咁樣發生。

唔知大家有冇睇過聶隱娘呢個傳奇故事呢,裡面有個絕世高手叫『空空兒』,呢個高手對敵永遠只出一招,如果一招做唔瓜你就收手走人,不過,99%佢嘅對手都係比佢一招做瓜嘅,投資亦都要好似『空空兒』咁專一先可以長勝不敗,千祈唔好周身刀無把利。

如果你無一二百億身家嘅,就最好專一樓宇投資一樣,唔好玩分散投資自誤啦。
4. 謝謝 2015-09-01 12:41:05
TO:Admin

微調下你個Mirror程式啦, 下下都要借朋友手機留言好唔方便, Detect IP 同Mac Address嘅程式已經好落後啦, 何必玩呢啲小動作呢, 謝謝.

5. 過路人 2015-09-01 12:58:16
哈... ..., 叫人玩股,仲要期權?大鱷的老友,對,這個版塊的人夠肥美,在這裡召集一下,應該可以為大鱷提供美點。
6. 待買樓 2015-09-01 13:10:41
加按要比息,仲要銀行批。沽股,二日就有錢。
7. xx 2015-09-01 13:14:04
Rubber article. You just want to tell us that you are the more smart person in the world!
8. 害死人 2015-09-01 14:09:20
聽你講真係會死人....... !
9. 亮劍 2015-09-01 14:20:49
王弼兄……
你話要是投資期權,年回報可達拾幾弍拾%,但請問:
1 喺香港能達標者有多少%?
2 大家都知期權係零和遊戲,你執豆咁執,咁邊個嘔呢啲錢出來,係咪坐喺 lFC 甲廈盤房做那些班交易員?
3 請問你的身邊人,包括你的同行、你的學生、你的朋友、你的同學……究竟有多少人,可達致單憑炒兩轉期指期權,就可搵兩餐,甚至家肥屋潤、創業興家,而佢哋之前又交了多少「學費」?
4 又請問能達到「神级」炒野境界要有甚麼條件,是否要學歷好,FQ、EQ、lQ及AQ高,資本及人脈都有齊?
10. 亮劍 2015-09-01 14:38:11
弼兄……老實講你係十年一遇的炒界奇才,上天對你不薄,這好比集智慧、美貌、好身材於一身嘅幸運兒麥明詩,能否同人講:「點解你唔讀好D書、點解你唔去留學、點解你唔選港姐、點解你仲係26腰?」
11. 亮劍 2015-09-01 15:28:52
其實高手玩期權,可跑贏你楼市塔利班不出奇!
但在期權市場,係九死一生;反之喺楼市,就阿豬阿狗,連唔識字既c9都可執一劑!
12. 笑無知 2015-09-01 15:37:14
講咁耐,原來班塔利班咩叫「玩」期權都未知,以為只係高槓咁簡單。
13. 亮劍 2015-09-01 15:57:31
楼上……咁唔識當然唔好去「玩」啦,呢家係咪要焗賭先?

亮劍 2015-06-03 08:53:01

王弼兄:馬鞍式、勒束式、蝴蝶式、飛鹰式、吉斯式、海式、蘭保式、爭辯式、側手翻式、圍牆式……上述期權的攻略,小弟相信你耳熟能詳,並能因應各種市況靈活運用,仲可隨時開班授徒㖭。


但香幾港有D咁嘅段数嘅人,極其量咪得拾幾萬人,嚴格來說連我亮劍亦可稱為期權白痴!


在證券及其衍生市場中,就是錢多、能最快揾倒正確市場訊息、有投資知識及能掌握合適軟件者勝,我唔係睇小散戶,以中長期例如5年,用累計盈虧計,贏你好彩,輸係應該。

這因為老散在明,等同你打開晒D牌,同人賭鋤大 D 或 13張;而那班能掌握消息來源真偽、有錢、有投資常識者在暗,就可擇肥而噬!


反之在2手楼市,無論買或賣,你的對手極可能都是老散,随時出現錯價或有死鸡執。

楼、股及債市的升跌,其實同貨幣供應有密切關係,而小弟相信在對下兩叁年,環球政府都是行量寞,正路當然要買股啦……若你自問是高手的話!!
14. Needless Self Fulfilling. 2015-09-01 16:42:46
王先生表示 :『正如今次樓市由03年見底起計一升就是十二年(08年只不過是打了個噴嚏)』。

歷史重溫一下2008年港股過足失常癮時的慘況 : 美女股神王雅媛2007年参加港股大赛时,恰逢牛市,恒指曾在港股直通车的消息刺激下达到历史高位30000点之上,在接下来的一年里,恒指又跌至11000点的10年上升趋势线支撑位。恆生指數下跌幅度百分之63.33%「王先生形容當時樓市情況只是打了個噴嚏」。

我們再看看今年「大蠢袋」恆生指數最高點30.Apr.2015為例: 28588.52,到今天恆指收市位為:21185.43,恆生指數從高位下跌幅度百分之25.90%。股市升跌碓可影響樓價是事實,但是樓市12年上升週期,就是位高勢危一定會爆或『樓市將會於一年內轉角』,理據並不充分,更加無須急急  自我實現!
15. LYC 2015-09-01 16:44:10
能夠長期可以靠抄期指和期權搵到食的人,萬中無一.
買樓長期收租至富就大有人在.
請王生不要誤導讀者以為可以好容易就靠抄賣期貨至富.
16. MAX 2015-09-01 17:02:26

弼兄,

在下30+歲, 單憑投資樓市6年已累過豐厚利潤, 遠超你果D咩年化回報,  點解要炒期權? 傻傻地.


17. Oscar Lam 2015-09-01 17:56:47
王兄,

在下对於投資股票没有意見。事实上我的許多朋友在投資股票方面都很成功。不過,對於閣下鼓勵大家炒股票期權我則有保留,當中涉及許多專業知識和風險,非一般投資者可以承受。

另外,想指出一點,投資物業的回報除了租金回報外,还要考慮物業增值取得的資本性回報。事实上,物業的資本增值回報往往比租金回報多很多。

閣下说,目前投資期權的年回報有15%,以如此高風險投資的回報才15%,对於物業投資者而言,這樣的回報率可以說是可耻的,不能接受的。

不过,大家也明白,現在是投資困難時期。王兄繼續努力,总有成功的一天。哈哈!
18. PW 2015-09-01 18:00:56
玩期權每個月搵十幾萬零用錢, so exaggerate ????
19. 一句到尾 2015-09-01 18:21:45
冇水魚入局,冇人輸錢點會有人贏錢?

20. yyfan 2015-09-01 18:22:58
好想知道邊個同王生講想沽樓玩期權?
21. Desmond 2015-09-01 19:01:03
王弼兄主要強調要達致一個平衡投資組合,我覺得這樣是正確的。


22. 70後小弟 2015-09-01 21:23:56
小弟的不少朋友,親戚,在過去幾個月,在股票及什麼什麼衍生工具上,都損手爛腳,少的輸了幾萬元,多的輸了幾十萬元,可憐他們月入只有萬多元。雖說願賭服輸,打死無怨,也真的使人聞者心傷。

輸了幾十萬的親戚說,年初原來想買樓,但是手多多,把原來想作買樓首期的錢輸了一半,現在上車無望了。

小弟最喜歡飛車,特別是電單車。早排有年輕朋友想學電單車,問我意見。我説,不要學,很危險的。
23. 歷史長河 2015-09-01 22:20:59
小弟孤陋寡聞,唔知王弼為何人。網上查了查,好似咩獅子山學會,仍是一頭霧水。有冇師兄幫忙解惑?
24. 引刀一快 2015-09-01 22:40:22
王弼兄

樓市好友依傢最得力嘅講法係大陸冧,資金跑晒去香港。
總之,度度唔掂淨係香港掂晒,好似復仇者2個城市飛咗上天,俾鐵甲人托住唔跌,D樓都唔駛冧喎!
25. 引刀一快 2015-09-02 07:02:09
王弼兄

百尺竿頭站腳,千層浪裏翻身,直挑一眾好友神經,有信念,有guts,看你出文引刀真舒一口悶氣。

26. 自我陶醉 2015-09-02 08:58:02
一衆樓市好友其實說得沒錯, 唔識期權真係唔好掂, 輸死冇命陪, 不過未跟知人點玩就先否定, 呢種學習態度就真係好有問題。  唔信咪跟人學吓, 唔一定要玩嘅, 唔work先番嚟拆招牌就有說服力喇!

加按層樓同賣掉部份股票變現, 根本就不能比, 賣股是將資產化為現金, 加按只是將已有資產化為更多負債, 在下跌週期, 只會死得更快更慘。

你執豆咁執, 咁邊個嘔呢?  答案係大把人,要買保險嘅基金大戶, 有手持重貨, 或大量沽空的, 也有等位買貨, 等位出貨的, 更有唔知期權係咩就玩嘅老散。

過去十年房產年回報有25%?  咁由2015入市後十年呢? 仲有冇25%?  由97摸頂起計10年又有幾多厘呀?  

樂觀和有自信係好事, 但千祈唔好畀樂觀自信影響自己嘅審判力。


27. 引刀一快 2015-09-02 09:25:41
自我陶醉兄

我覺得,其實唔少好友依傢都係嘴巴在負隅頑抗,實情私底下做緊乜大家都唔知。

然而,比較好嘅係,仍然話樓市唔跌嘅人,比以前斯文咗好多。

你算中2014年年尾CCL132,都俾D“好友”刪咗,呢度部份好友心態如何,昭然若揭。

好多時所謂樂觀自信,係現成環境造就嘅,樓市一路升,買中嘅人以爲自己好樂觀,其實呢種樂觀係大陸資金送俾佢地嘅,要繼續樂觀嘅話,請講講理據。

講到97年摸頂起計10年,有幾多厘都死喇,俾樓價折磨7年,飲乜滋隂補腎嘢都補唔番,好多前幾年賣樓嘅人,俾呢度D好友笑割禾青,其實根本就係解脫!97年以來嘅折磨,平復兼賺,渴望咗好耐嘅解脫加上對返家鄉患得患失嘅心情,前兩年賣樓實在無可厚非。


28. 引刀一快 2015-09-02 09:51:51
To 22樓    70後小弟

你朋友可能執到喇,首期跌咗半,好過樓價跌一半吖!

買股票,唔對路可以抽頭,買樓你點抽頭呀?
29. 自我陶醉 2015-09-02 09:52:37
引刀兄, 好友私底下做緊咩都已經唔重要, 最佳賣樓時機已過, 股市繼續走弱, 經濟繼續轉差, 唔劈價都幾難賣, 看看成交便知, 總放盤有多少個?  每週成交量有多少?  裡面多少是真成交?  多少真成交買了都不會蹋訂? 

二手樓根本就有價冇市, 升得再高都只是紙上富貴, 就像停了市的股票一樣, 得個數字而已。
30. 淡友才是塔利班 2015-09-02 10:21:31

把樓當成投資工具的正是一班淡友吧,很多近年來入市的業主只不過想有一瓦遮頭,有個家的需要,不到萬不得已,管你外邊風雲變幻,寧可少吃一碗飯也要繼續供樓。我夠知97年之後10年不好過了,但唔通拖家帶口長期租樓?於是,剛需被你們說成剛衰,入市=自取滅亡,樓市塔利班恐怕是一眾淡友!

退一萬步以史為鑒,97年阿貓阿狗都入的市,如今在辣椒,收按揭下業主的實力根本比97高一大截。難繼續升或許,有調整或許,大跌?你地就想喇!在媒體吹淡風只能嚇嚇貪婪的人,究竟是剛需定剛衰不如拭目以待!

今朝維記鮮奶22.9加到26.9,叫我減價賣樓?呵呵

31. Oscar Lam 2015-09-02 10:21:31
回29.醉兄,

你說得很对!最佳賣楼時機已過。在下於二、三個月前賣出二個物業,現已經全部成交。

我一直認为,如果已決定要賣楼,就不要太关注短期内CCL会再上升多少,這些是没有意義的。反而如何把握市場最佳氣氛賣楼,這才是重點。
32. 自我陶醉 2015-09-02 10:39:09
恭喜Oscar兄!  果然英明, 能把握時機, 當機立斷, 再次證明成功非僥倖。
33. 路人丙 2015-09-02 10:59:31
To:弼兄

波斯語『طالبان
‎』意即『伊斯蘭教的學生』咁解,翻譯成中文就即係『塔利班』,做塔利班在任何信伊斯蘭教嘅地方和國家都係一件好神聖嘅事,王生你偏偏將人哋伊斯蘭教咁神聖嘅『塔利班』名號強加於我哋呢班黑心又萬惡嘅樓市投資好友度,你唔怕比信伊斯蘭教嘅教徒『聖戰』?
34. 過來人 2015-09-02 11:00:29
自己都有做期權组合,輸起上嚟真係唔係人咁品。

其實樓並唔係一定要賣,要賣都賣俾銀行啦。

IMHO
35. Jerry 2015-09-02 11:04:35
TO :醉兄 、OSCAR 兄,

兩位高手都能在高位減持, 果然是強者! 哈哈 ^^

其實每種投資都各有長短,成功既關鍵在於時機。樓市和股市玩法很不同,期權就更複雜了。大家都在自己熟識既領域去投資,孰優孰劣就睇大家各自修為了! ^_^

從王弼兄既內容可知, 未來投資市場不容易,回報率趨向下。


36. Schumpeter 2015-09-02 11:23:46
炒股有一樣好炒樓,就係贏就大大聲,輸左唔出聲就冇人知。
不過未來一年只可以投資一種公具,就係認沽期權,套樓換put會係發達既終南捷徑。
中國情況其實非常惡劣,正如債王格羅斯所講,就好似有絕症既病人,每三個月換一次醫生,就算係從未成功過既巫醫都唔理得咁多,歷史上幾時有用margin炒高個股市就可以經濟轉型去內衰?
中國再換醫生,就好可能係打仗,閲兵就係一個暗示,之後xdd再會去美國同黑馬show hand. 
新中國成立以來,平均12年就打一次仗,韓國,印度,越南(打左兩次),蘇聯,中國欠世界一場仗,XDD任內一定要找數!
著名博客yst有本驚世奇書,一定唔可以錯過。

2020中國與美國終須一戰:當中國的復興之路遇上美國的重返亞洲

http://www.books.com.tw/products/0010642664
37. 引刀一快 2015-09-02 11:43:31
Schumpeter兄

咪嚇死我呀,中國要打,對手應該唔係美國,係俄羅斯!我係從最大利益角度推斷嘅。

至于南海週邊嘅小國,亦係有可能嘅。


38. 引刀一快 2015-09-02 11:55:07
美國同中國一齊衰,同病相憐,惺惺相惜,重返亞洲搭上中國,咁就真係可以牽制整個亞洲,從而再次威震世界,最緊要中國識得點對付印度,同美國合作係筍位,未來呢個蕭條唔係好過,中國千祁唔好重蹈覆轍,黐埋俄羅斯呢個食人唔𠼱骨嘅國家。
39. 引刀一快 2015-09-02 12:28:45
To 30樓 


唔駛驚,冇人打你間寶貝樓嘅主意,係叫D新丁唔好夾硬入市啫。

再講多次:

住,係剛需

賺錢,係剛需中嘅剛需

唔接受到蝕錢,就係剛需剛需剛剛需。

40. XX to Adimin 2015-09-02 12:31:18
Why did you delete my post?!!!! I really think that this article is a rubbish. No useful information at all. The author only to show off that he is the most smart person in the world.
41. 引刀一快 2015-09-02 12:53:05
To 31樓 OscarLam兄

果然係好友中嘅典範,知進退,得天下!好嘢!
42. 自我陶醉 2015-09-02 14:26:32
To 35樓 Jerry 兄

非常同意, timing 是投資中最重要部份, 同一樣資產, 不同時間入, 投資結果可以完全相反, 不顧時機盲目相信某種資產, 最終只會一敗塗地, 只要問問90年代投資日本房地產的日本人便知。
43. 測試 2015-09-03 04:03:57
測試
44. 真識香梘 2015-09-03 07:30:23
阿好友--真識香梘--都未發表偉論, 大家不妨等多陣。 不過佢話佢唔昜請既。
45. 珍惜香港 2015-09-04 11:08:16
珍惜香港

唔知 44/F 喺唔喺話緊我?已經講過好多次,我唔算好友,亦唔算淡友,唔好隨便將我歸類啦!今次回應王弼,喺遲咗啲,對眼唔好,冇法啦!

講到偉論,就真喺唔敢當。我只喺長氣,又鍾意用埋哂啲眼花撩亂嘅粗字體連結,所以啲回應比較顯眼啫!呢度咁多投資、投機高手,邊敢班門弄斧?就好似引刀兄,成日搬番自醉兄果單年尾 CCL132 出嚟,人地喺高手嚟嘛,梗喺鍾意低調啲,做乜強人所難?林一鳴估中恆指,咪一樣俾我寸佢背後理據唔相稱?估中一個數字,有乜咁大不了?

講到高手,莫過於王弼啦!旺市賺 25 厘,冧市都賺 13 厘喎!嗱嗱嗱,呢啲咪就喺高手中之高手,神人中之神人囉!面對啲咁嘅神人,真喺唔認喺塔利班都唔得啦!

半年前我提過果對老人家,尋日,又撞見佢地。咁又緣,當然要吹下水,玩下嘢,最近股市大冧,梗喺要嚇下佢地,將呢個網站嘅樓淡評論,一次過搬哂出嚟。講到股災之後,樓市好快大冧咁,跟住打蛇隨棍上,問下佢地,會唔會諗住襯高沽哂啲物業,揸番 CASH 避避難,等到樓市大冧再撈底,翻一翻?

點知,俾佢地哦咗我一大餐。啲老人家長氣起上嚟,真喺唔喺人咁笨;我就試下簡短咁撮番出嚟先:

後生仔,我食鹽多過你食米,股場十賭九輸,個市冧有乜咁出奇?我收租咁多年,市好加租,市差咪減租囉!啲物業喺好辛苦捱出嚟,租金雖然唔多,但比起以前果種辛苦,依家退到休,已經好滿足。有人臨老都冇瓦遮頭,發達邊有咁容易?你叫我揸咁多錢,想俾人呃哂咩!我只喺要安享晚年,唔想日日睇住個市,晚晚瞓唔著覺喳!

原來,所謂樓市塔利班,只不過喺咁。但响我眼中呢?大智若愚是也!

其實,呢個網站嘅各位高手,實在太睇得起佢地囉!講得好聽啲,就話人地收租致富;難聽啲,就話人地好彩買中咗就樂觀自信,以為樓市長升不跌;再唔喺,就寸佢地買樓唔諗抽頭、唔劈價都幾難賣之類。

唉!人地邊有話過要賣樓?唔賣樓,因為個樓價未創新高?你地咁鍾意用自己啲高手、神人嘅主觀思維,去睇塔利班,唔怪之得,會睇錯市啦

所謂樓市塔利班,根本就唔喺要發達,只喺望生存、望退休啫

「唔想日日睇住個市,晚晚瞓唔著覺」 ..... 就喺咁簡單!

仲有,唔好求其攞啲個案,就話樓市冧緊,真喺冧嘅話,大家唔會唔知。開價、還價、成交,根本就好閒。真正嘅跌市,喺個個要錢唔要貨,甚至喺貼錢都要送走件貨,就好似沙士咁,唔該各位清醒啲。你地危言聳聽,威迫利誘,喺唔會令到呢班樓市主流持份者沽貨嘅,冇佢地沽貨,點推得冧個市?

所以做人,真喺唔可以咁 CHEAP,想人地沽貨,用把口唱下就得?

王弼話:「想沽樓跟我玩期權?太遲了!」咁嘅服務態度,點得架!自醉兄提議,唔識期權呢,就跟人學下啦,唔一定要玩喎!喺唔喺同王弼賣廣告?但人地依家話太遲噃!不過,學下學下,點會唔玩?唔想玩嘅,學嚟做乜?自醉兄真喺識得講笑!

我就話,王生話哂都喺旺市賺 25 厘,冧市都賺 13 厘嘅神人,與其 SELL 樓市塔利班學玩期權,倒不如索性開隻基金,價格保證不變,年息定為 10 厘。依家咁多人埋怨啲高息基金,價跌到收息都蝕突,定價定息基金,一定大受歡迎!就連啲咁保守嘅樓市塔利班,都唔會抵受得住呢隻定價定息基金嘅誘惑,喳喳林割愛沽貨啦!而王生响無本之下,旺市賺 15 厘,冧市都有 3 厘賺,咁正嘅生意,去邊度搵?好過開班授徒吖!

咁我就預祝王弼,生意興隆!
46. 淡友才是塔利班 2015-09-04 11:25:45
「唔想日日睇住個市,晚晚瞓唔著覺」 ..... 就喺咁簡單!

所以做人,真喺唔可以咁 CHEAP,想人地沽貨,用把口唱下就得?

Can't agree more !!
47. Oscar Lam 2015-09-04 12:08:15
回45珍惜香港,

閣下建議弼兄開隻基金賣。据我了解,開基金賣要“証奸會”批準。不知弼兄是否有此能耐?另外,也不知弼兄如何保证?如果弼兄可以说服博士一起保证,那故事又不同了。哈哈!
48. FUN 2015-09-04 12:29:37
If there is such a guaranteed fund, I will sell my properties and get the "FUN"!
49. Oscar Lam 2015-09-04 12:33:46
珍惜香港兄,

还有一點,我对弼兄年賺25厘有绝对的信心。我只是有一點担心,期权乃零和游戏,如果对家是他的学生,和弼兄对賭而输錢,弼兄又於心何忍呢?
50. 亮劍 2015-09-04 13:18:18
珍港及OL兄………
在衍生工具市場,係智力及財力的比拼地方,比既係綜合實力。
少部分人真的可以憑知識及資本不對稱,而長期贏錢,而小弟深信王弼兄絕對是其中一份子。
我自認教而不善,無咁既能耐同精神去玩呢D高階嘢,因為咁會死好多細胞,呢家只求食少多覺瞓,畢竟有D錢非普通人可以賺的。

早在年幾前我提出,呢家你去買楼是儍的,但你去賣楼更儍。
呢家改為你現在走去買楼收租是儍瓜;但你走去賣走投資物業而投向衍生工具市場更儍,除非你有王生親自教路。
51. 歷史長河 2015-09-04 14:10:13
亮劍兄,今次小弟要同你唱反調了。如果佢有果能耐,仲在乎開班授課喱點收入咩?
52. 人生無常 2015-09-04 14:12:48
大勢已成,講多無謂,17年成交價見真章. 有人買左樓收租唧.等同用閑錢買左高息藍籌股收息唧,可以忽略不計. 升跌主因在供應和無力防守的人身.17年看看那方強就有勝負了.只看冰山一角找出對自己有利的証據,然後說對方可笑的可能才會被人笑
53. Schumpeter 2015-09-04 14:21:47
聽講王弼第一桶金都係物業上賺回來,好似係老豆做律師定做生意可以比D積蓄佢投資。
佢講既回報股神債王都做唔到,出名而做得既好似得馬多夫。
54. 引刀一快 2015-09-04 14:43:17

To45楼 珍惜香港兄

人家自我陶醉唔系买大细,实牙实齿就系计到年底CCL132,中到应晒!有D人忌才,偷偷将自我陶醉嘅准确预测删咗。边个咁做?呵呵……………,大家睇番个比赛就会知道边个咁小家架啦。

55. Joe 2015-09-04 15:39:37

 

股神50年來平均年回報不過19.7%,弼兄能超越股神這神級階段,相信不久將來世界首富是香港人囊中物了,可喜可賀....

 

56. 運輸工人 2015-09-04 16:25:57
CCL:146.78
都晤知佢點解簽?
57. Don't worry 2015-09-04 16:54:01

Don't worry, 3 months, 3 months and 3 months.....

 

58. 自我陶醉 2015-09-04 17:07:07
嘩!  做咩個個都擺我上枱?  嗰個CCL遊戲, 我隨口噏之嘛, 估過咩我都唔記得, 引刀兄唔洗咁認真喎!  嘿嘿!

珍兄, 你又誤會喇! 我只係話依家有價冇市, 改變主意要賣樓, 唔劈價好難賣啫!  冇講過叫一衆樓市忠實粉絲要劈價喎!  賣唔賣梗係要睇番自己實力喇!  如果好似珍兄咁有米, 破產邊緣都有錢去掃貨, 多多都唔怕買喇!  至於首期都要問人借嘅, 咁就要自己衡量喇!

咁翹我喺銀行又見到個伯伯, 問銀行定期續期可唔可以高息啲, 八卦問下, 原來佢係定幾球, 我又學人扮高人, 講吓做收租佬有幾好喇!  嘩, 幾乎畀佢鬧到反艇!  佢同我講: "後生仔, 你咪見人炒得咁過癮就炒埋一份, 買樓賺梗㗎! 你有冇見沙士幾多人炒樓PK? 收租? 跌7成喎, 收埋夠唔夠蝕先?你都懵懵哋嘅, 我幾十歲人, 仲得閒同佢追租, 整水喉,整呢整惱! 係囉, 個個買層樓收租都賺梗唔洗做喎,食懵你喇! 信我喇後生仔, 努力工作唔好成日都掛住不勞而獲!  "  我唯有答佢, 哦! 係嘅, 係嘅!
59. 四叔 2015-09-05 07:24:47
坊間流傳(地代告知)四叔步署盡散旗下各類不同尺碼貨, 講到似乎係散水一樣。 
60. 人生無常 2015-09-05 12:07:07
珍惜兄同自我兄,買樓收租同定存或者買股收息唧係個人喜好,一般人都係想一動不如一靜,突然改變一路以來做法唧老人家好少,基本可以忽略不計,而家講緊樓巿轉勢,轉勢睇唧並不主要靠珍惜兄所講唧主要持份者,套落股巿,上巿公司大股東唔賣股,唔通佢只股就唔會跌? 樓巿股巿都有投機者,都有實力不足的投機或跟風者.只要大環境轉差左(已好明顯),樓供應增加左,(好似股票玩發新股供股,股價自然無咁好). 東江鴨及重貨投機者開始走貨,跟風者及實力不足者下一步也會跟上,個勢一成,唯一不放的可能就係果D收租實力阿伯,但佢地放唔放,對大巿影響唔大,(股巿里大股東跌巿回購都擋唔住股價跌啦,何況只係唔賣),主因買唧人少左,想睇定D, 個價越低越少人追買,一直要到個平衝點,賣唧人賣唔賣都無所謂,買唧人感覺買左都唔怕時才叫定落來. 而家大家都話跌2-3成,我就無咁樂觀,起碼四五成.無他,中國已經停左個發動機,香港仲要內部問題不絕,同03有中國政策,08有美國QE幫不同.香港已經開始邊緣化了,我而家買樓都不買香港,只留自住同一個單位收租養老就算.人口老化,年青人減少,大陸人減少移民香港.仲點支持高樓價?
61. 歷史長河 2015-09-05 12:23:53
人生無常兄,「我而家買樓都吾買香港」,可否分享一下在邊度買丫?
62. 人生無常 2015-09-05 12:30:40

長河兄,

因為家人很多在美國,加上價位合適,買在美國

63. 引刀一快 2015-09-05 12:48:32

To 58楼 自我陶醉兄

你成日咁多一矢中的嘅预测,唔在意一次半次,不过我对于某D唔磊落嘅人,我实在系睇唔过眼。

其实,收租唔系唔好,但系利用收租作为诱惑,引诱人唔睇价入市买楼,呢种论调几时都要反驳,几年收租几十万,楼价蚀百几万,利息又系白俾多几十万。

64. 歷史長河 2015-09-05 12:48:38
人生無常兄,多謝分享!應該已有不俗回報,祝君更上層樓!
65. 過路人 2015-09-05 13:50:46
奇才王現在應該明白,這個版塊的人不是水魚,看得痛快
66. 過路人 2015-09-05 13:53:52
共嘲之,哈哈哈
67. 自我陶醉 2015-09-05 16:04:52
To 63樓 引刀兄,

都人去留空喇, 仲咬住人唔放, 真係呀!  

好友淡友啲預測都係段估㗎喇,唔好用引誘咁嚴重, 講到好陰謀咁, 你同嗰啲見到有人睇跌,就以為人吼住佢啲寶貝樓嘅人咪一般先識囉! 其實我覺得大家分別只係佢哋覺得買樓係財路, 我哋唔覺啫!  老實講,蝕咗又唔係你錢, 又唔洗你賠, 賺咗又唔會多謝你嘅, 信唔信話之佢喇! 

68. 細價樓=死 2015-09-05 19:01:54
正如博士早前鴻文所言,細價樓租客質素差,今日又有一單居屋租客燒炭,收2-3厘既收租佬有冇考慮風險溢價?比小小租金引誘買樓收租既人,一定係呢一波死先,到時佢地可能羨慕套股買股票只係輸二成本金果班人,至少冇咁大槓桿輸入肉!

69. 引刀一快 2015-09-05 19:19:23

To67 楼自我陶醉兄

其实你同我喺度吹水都系当作消遣啫,我估计买入呢度D师兄嘅物业,机会接近零!佢地成日话叫人唔好理价位高低,查实佢地最在意!

至于你彪炳战绩俾人del咗呢单嘢,我真系要讨个公道,表面系"人去留空",实际上阴魂不散,佢久唔久就化名"牛牛"返黎为佢原型大吹大擂。

htnh

 

70. 自我陶醉 2015-09-05 19:36:47
引刀兄, 仲吹得幾耐, 遊戲已經開始, 過多幾個月, 傻嘅都會知發生咩事喇, 投資樓市有幾安全, 大家拭目以待喇!

今日蘋果新聞
PMI勁跌 營商環境惡化
港企裁員速度 沙士以來最快
http://hk.apple.nextmedia.com/news/art/20150905/19283731
71. 地盤佬 2015-09-05 20:00:49
自醉兄維持依家係B浪嘅睇法定修正為大5浪尋頂?
72. 歷史長河 2015-09-05 23:12:05
刀兄,陶醉兄,小弟對你哋講個被刪事件不甚了解,可否詳解。據小弟了解,只有網站才有權刪帖,好友怎會有此權利?
73. 引刀一快 2015-09-06 05:58:58
To 歷史長河兄

事情乃誤會,事緣早前在下多番搜索,均無法再搜出自醉兄早前對CCL所作之預測,如今又出現了,事情告一段落,若然是引刀手誤也未可知。


74. Oscar Lam 2015-09-06 07:38:04
引刀兄,

不要過度估計、假設一些不肯定的事情,或者其他人背後的想法,很容易出錯,也沒有必要。只要講出自己的想法便可以了。
75. 自我陶醉 2015-09-06 08:59:36
本來就是小事一宗, 都是相互不信任所造成的誤會, 才把事情鬧大, 放下成見和執著便是!
76. 引刀一快 2015-09-06 09:25:58
那就當作是引刀手誤好了,我想法也是公正就好,沒有其它的。
77. 自我陶醉 2015-09-06 09:42:51
To 71樓 地盤佬兄

CCL已超越原先預計的143, 看來很有可能是5浪尋頂,  時間上也與道指快將完成的supercycle 吻合, 可惜CCL的數據只能追溯到1994,很難估計未來的調整幅度和時間, 但如果真的是上升過百年的5浪尾, 可以肯定的是未來將要調整的度量, 必然是波瀾壯闊, 時間漫長了。
78. 賭仔性格要不得 2015-09-06 11:51:20
   有刀手話內地樓市好快塌,講左成年喔。。。
79. 十郎 2015-09-06 12:09:06


      樓市係點 ?  唔駛睇喇  !

      寶寶,  張活游,  執定行李比陶三姑趕走啦.

      昨日睇新聞,  學到一句北方語 :  ' 煮熟的鴨 '  肉淋,  只有嘴硬.


80. 引刀一快 2015-09-06 12:36:00
千祁咪信引刀呀,嗱嗱聲番大陸買樓支持祖國喇。

(只對78樓適用,同胞勿近)
81. 自我陶醉 2015-09-06 16:48:54
78樓 講緊係幾十年升浪嘅轉勢, 一兩年誤差, 有咩出奇呢?  如果你咁勁, 不如講嚟聽下邊日開始轉勢喇。
82. 引刀一快 2015-09-06 18:28:37
自我陶醉兄

其實78樓係引刀fans嚟架,係因爲佢想買大陸樓未夠錢交首期,佢嫌依傢減價兩成仲未夠,老婆仔大住個肚等結婚,等唔切喇!
83. Marie 2015-09-07 00:48:26
在香港,地產霸權及自由行多年來不斷禍害港人生活。君不見現在滿街金行藥房海味店及所謂"電子免稅店",而且全部都是"服務"內地人的奸商騙子!!! 香港真的需要這麼多游客店嗎? 政府又沒有把關執法,導致現在香港旅游業聲名狼藉。
 
事實上在香港消費真的是貼錢買難受,租金昂貴令餐廳商店地方異常擠迫,服務態度又惡劣,貨品價錢又因租金貴得離譜,滿街都是"服務"內地游容的老千騙徒,市容越來越差,計程車司機態度惡劣,車廂就像垃圾房般;去過日本旅游,回到香港一分錢也不想在此消費!! 商戶為了交租千術百出,貨品價錢每一區都跟游客區一樣高昂,商戶都要謀取暴利來交租,市民用大部分工資供樓房,根本無力再消費!! 
 
這些所有退步墜落跟民不聊生都是地產霸權跟自由行洐生出來的禍害。香港一年到晚只懂吹噓自己是購物天堂,目的只是想賺盡內地人金錢,完全將旅客體驗跟感受置之不理,連旅游業都因此弄得無恥過人。在地產霸權同自由行這些"容易錢"之下,香港人真的已變得又笨又遲鈍……香港過去賺錢太過容易,引致各行各業都落後於人,現在大圍環境逆轉無力轉身,根本完全不值一分可憐!!
 
另一方面,地產商根本沒有當過"本地客"是人,好像尿壺一樣,不需要時嫌我們臭,現在尿急(生意跌)又要爬過來要本地人救他,,真是厚顏無恥。現在香港自立能力已被地產商和自由行徹底毀滅,現在他們是大得不能倒(too big to fail), 依靠他們就比他們吸乾,不靠的話香港人自己現在又已經什麼都不懂。如此下去,香港人只會繼續世世代代做地產商嘅奴隸。
 
所以大家要用實際行動say NO,堅決拒絕在香港消費。 不要縱容劣質服務/產品及地產霸權繼續為害香港。 為了後代,其實身為香港人,無論什麼派別都應槍口一致去殊滅此禍!地產霸權一日還在,香港旅業及民生都系死路一條!衣食住行基本需要消費當然不可拒絕,但我們可以選擇不要一年換一次手機,拒絕一星期一次昂貴自助餐,不要買一堆自己都用不完的衣服同化妝品,盡量在家造飯,刪減一些無謂的衝動消費,這樣子已經足夠。
 
沒有自由行之前香港是否貧窮地區?經濟結構同勞動力足會自動調節,正正香港人就系因為自由行跟地產太過賺錢,造成今日產業單一化跟勞動力流動性低,做老板投資地產坐定定年年超高回報,開金行藥房海味店保證賺大錢,為什麼要做實業慢慢來?人家星加坡產業均衡,互惠互利,他們一樣沒有資源,更加不像香港有中央支持xx通及什麼貿易協定,人家人均GDP早已超越我們香港了,人家沒有地產霸權,也沒有一年幾千萬自由行撐住,看看星加坡,大家就知道根本整個劇本就是發展商、大商家這些既得利益者跟港府編出來的大話: 香港一定"需要"高樓價跟自由行去續命。
 
如對香港有心,請將上文用FB或WhatsApp廣傳出去,利用每分力量救救香港,謝謝!
84. 亮劍 2015-09-07 09:28:12
引刀你有無看有線楼盤傳真?
星期六果集头15分鐘的話題,根本就是我喺呢幾年不停講嘅野!
你有線编採,又唔早 D 揚聲!
呢家你先話畀人知真實情況,淡淡同租住等會話:「真係多得你唔少」

http://cablenews.i-cable.com/webapps/program_video/property_videoPlay.php?video_id=12222805

我成日話根據 82定律,總要有人吃點苦頭。
但呢家隨時係打後弍叁拾年人生交叉點。
對上幾年上倒救生艇嘅,不但可享受資產增值,隨時有多D被動收入;反之放棄上救生艇的人,就不停交貴租、現金購買力给蠶食、上車條件不斷给收緊……呢家真的求生不得、求死不能。
85. 亮劍 2015-09-07 09:35:12
根本香港大力發展旅遊業,是用來照顧部分低下階層就業需要。
請問大家,如果你係大陸水貨客,要揾銀開飯,你本土派出來「少夠你」,你會不會洗手不干?
但調轉头你係一個想尋開心的旅客,你又會唔會專登走來香港「畀人少」?
86. 哈哈 2015-09-07 10:03:37


      " 煮熟的鴨 "..............哈哈


87. 水四郎 2015-09-07 10:15:24


     下一回上映................上咗車的,  求生不得,求死不能.


88. 好好笑 2015-09-07 10:28:59


      為什麼未上車的,     要求生不得,  求死不能  ?

      唔係業主就 ............ 要求生不得,  求死不能  ?



          
89. 引刀一快 2015-09-07 11:17:23
亮劍兄

根據你嘅二八定律,將會輪到超高價買細價樓嘅人”求生不得、求死不能“

我睇淡係呢兩三年嘅事,其實我喺香港2013年仲有四圍睇樓,不過,我想問問你,點解你依傢強調前幾年嘅嘢,你不如講講往後展望仲好喇。

好多嘢唔應該本末倒置,要搞旅游業,唔係一味拉人過嚟,係應該保持同創造旅游吸引力,等人地鍾意過嚟,願意嚟完再嚟,咁先係正路,單純斟酌入境人數,係被動行爲亦係短視,想長玩長有,要再減!呢樣嘢我唔奢求你馬上明白,過幾年就知道架喇。
90. 人生無常 2015-09-07 12:10:47
其實呢幾年我對香港唧好感一路減少,香港已經把自己最核心唧識應變競爭力降為吵鬧羅著數,地產霸權固然同曾貪果8年執政關係密切,但同時也看到年青人應對現實的不滿,不是努力求進,而是怨天怨地.咁樣唧社會環境,你俾層公屋佢住,佢會話點解無好唧管理同設施. 你俾佢仔女免費讀書,佢會話點解無課外活動資助,咁唧心態,點會有競爭力呀. 樓價係普遍呢種心態唧年青人里面,點支持得住,現在接近全民就業,佢地仲可以搬出來租屋住,到失業人多左2-30萬,呢到有一半估計返家人果到逼,你層樓唔減租租俾邊個?而且來緊細價樓供應多左,真係想起都怕. 樓巿供求永遠都係遲幾年, 升巿時唔夠供應,跌巿時供應剛好到. 留住錢到17年見真章. 永遠都系係錯配唧位買入賣出資產係最佳時機,但當然唔係一定捉到,不過有師兄係去年中到今年中賣樓成功唧,我感覺都捉到角了,之後就要睇眼光等買入位.
91. 地藏 2015-09-07 13:03:20

人生無常兄講得好

知命者不怨天 知己者不怨人

92. 十郎 2015-09-07 15:24:25


      買咗樓即係上咗救生艇,  

      今年2月上咗 388 只艇,  6月時都有賺 70%.

      問題係,  識唔識得落艇.


93. 亮劍 2015-09-07 16:25:13
今日出7月差估指數,建成量到7月總數為5814!!
今明兩年的落成量,因為出現鉛水楼事件,令到合資格的水喉工人出現短缺。
你成幢楼起晒,爭水喉未出倒纸,那可以入伙、能夠住人嗎?
建築商呢家就算有持牌水喉匠開工,當然首先攪翻掂D蘇州屎先啦,仲鬼得閒同你做靚個落成咩!

以前中央銀行真的會收緊財政來調節匯率。'
但呢家就各家自掃門前雪,那管他人瓦上霜。
現在係你QE到1%息,我就0.1%,第二個国家仲要負息添。

呢年零似D樣嘅三房,喺港九兩區都要上仟個,那麼從重置成本;按揭安排;從新入市計壓測幾方面,明知跌硬但都教你一動不如一靜。

無人「肯」或「敢」放手,二手盤源能從天而降嗎?
94. 引刀一快 2015-09-07 16:53:16
經濟唔好,即係樓市冇展望,咁條數就唔係咁計。


95. 引刀一快 2015-09-07 17:04:57
唔講經濟大環境,淨係講D水喉,有點脫離現實

96. 亮劍 2015-09-07 17:48:02
4. 亮劍 2015-03-03 09:17:40

好文分享……


好多人不明白為何政府連番出招,樓價都不跌反升,其實政府可做的根本不多,重點是自由行逐年增加,樓價就逐年升,我來解說下


首先,影響樓價最主要的因素有二:1.供求關係,即單位供應及需求的關係,當中包括租樓的需求. 2.市民買樓供樓及租樓的能力, 以下詳細說明:


1.供求關係:

即係多少人需要買樓租樓及有幾多單位供應,眾所周知,之前曾任權時期少起樓,做成供應少需求多,樓價自然會上升

2.市民買樓供樓及租樓的能力:

供應不足,樓價上升,但都要看市民的負擔能力,能否負擔得起供樓,當全港個個都冇野做,供唔起租唔起,樓價亦自然不會上升.


明白以上邏輯,就容易理解樓價升跌因素

今時今日因為最低工資,洗碗保安侍應以往只有數千元人工,今日都萬多元人工,試想一家三口,即使兩父母都只得萬四五人工,他們未必買得起樓,但卻租得起一間一萬元的單位,當每個家庭只要肯做,就租得起萬元樓,在供應不足下,投資者就可以將租金推高,租金足以蓋過供款,甚至做成現金流入.這情況下,一個很好的投資呢,投資者又怎會願意沽出或者降價呢?


有人說樓價很高,市民無法儲首期.但不要忘記,香港是很多有錢人的,例如灣仔區每五個成年人便有一個有一百萬流動資金,這是相當恐佈的數字,足證香港是極度富有的城市. 這批有錢人,他們要買幾間樓是非常容易的,所以在租金仍然向上時,投資回報吸引,他們就繼續買,然後讓低下層負責供. 你們明白嗎?


如果明白我所說, 就明白今日的樓價並非天價.要樓價下跌,關鍵在於經濟,即市民的可供款能力及負擔租金的能力.有沒有想過,為何03年後樓價不斷上升?因為自由行,自由行帶來龐大的就業率,基本上各行各業都因為自由行而令人工有增長,最起碼不用再像98-03年一樣年年減薪,隨住一簽多行及不斷擴寬自由行城市,來港自由行不斷增加,樓價亦節節上升.


某些報章及政客在愚弄市民,說自由行只佔GPD 1-2%,對香港經濟不重要,他們目的只是利用市民的無知去影響政府施政. 旅遊業本身帶來的GPD的確不高,但卻對就業率有很大影響.舉例, 一間金融公司如惠理(806),數十人的公司可以每年賺過億利潤,一間貿易物流公司同樣數十人,可以賺過千萬利潤,但一間數十人的酒樓,卻只能賺百多二百萬一年;這就是為何旅遊業帶來的GPD不高,但卻很重要,因為大部份人都不是做金融,許多人都只是做餐廳侍應廚師,售貨員等.


又有人說,廚師售貨員都只是個別行業及職位,自己沒有因為自由行而受惠,反而因為自由行令物價上升而受苦,其實這又是另一無知!自由行來港購物消費,例如去百佳超市,卓悅莎莎,萬寧,藥房金行等,真的只是這些公司及店鋪業主受惠嗎?有沒有想過一間零售店例如百佳惠康的貨物,有幾多百種類?來自幾多間批發進口公司?這些批發分銷公司多了訂單,是否要請多了文員、跟單、會計、採購?運貨多了,物流業司機的需求是否多了?倉務員是否多了?每年五千萬遊客,除了水貨客外,他們都會在港飲食,對香港餐飲業人手需求極大,洗碗都可以有萬多元了.還未計賓館酒店主題公園的士司機旅行社等,單單計這些直接受惠行業,已經滿足了香港許多人的就業機會.


再詳細一點,律師銀行會計等專業,生意主要來自什麼人?他們生意主要來自商人,批發零售旅遊等商人做生意多了,這些專業行業才能有生意.就業率多,樓價上升,地產經紀保險經紀又受惠.仲有醫生護士等都因為自由行而令到人工不斷上升, 各行各業有工做有人工加,連俾阿媽的買餸錢都多了,街市菜檔的收入都多了.明白這些行業聘請大量人手,其他行業如保安等便人手不足,便連保安都可以加人工,這樣就做成很低的失業率,當自由不斷增加, 人手需求不足,就有人工加. 現在你們明白政府當年夠膽讓最低工資推行的原因嗎?


以上所說就是簡單的連鎖反應,就是為何04年開放自由行後,香港人扭轉98-03年的慘況,失業率不斷跌,人工能夠上升.人工升,樓價就自然升. 要樓價跌, 很簡單, 看今日反自由行的程度去到什麼程度, 只要他們繼續騷擾旅客, 像泛民在街上派傳單叫自由行不要來港,香港經濟必定大受影響,市民收入下跌,樓價自然下跌.


最後, 有人說少了自由行,鋪租下跌,物價自然下跌,即使收入下跌都沒有所謂. 其實,這又是無知,被傳媒政客愚弄.停一停,想一想,香港的資源,如食物、食水、石油、建築材料主要來自哪裏?都是進口的,大陸近十年物價升了多少?人民幣升了多少,一個蘋果進口一元,就算你不用租金不用人工,但蘋果進口價亦在每年上升,你明白嗎?起初物價會因為鋪租跌而下跌,但之後便會跟通賬上升,而當香港人工資年年下跌時,香港人就明白什麼叫慘,這叫「滯漲」,物價上升但人工下跌,記住, iphone不會因為你人工跌而減價,去日本玩, 日本不會因為你人工跌而減價. 在這情況下, 香港人的可供樓及可租樓能力便減弱,樓價便會大幅下跌.


再深入一點,又有人說,香港不是只有自由行。但又有哪一行業能帶來這麼大的就業率及連鎖反應呢? 60年代,香港因為有大陸龐大且廉價的資源,加上人工平,而以工業起家; 80年代,大陸開放做世界工廠,香港轉型做貿易物流,做大陸及歐美的中間人, 聘請大量文員、採購等,貨車司機都幾萬元一個月,全中國的貨都來香港轉口, 香港因此發達; 2000後,大陸發達起來,大量基建有港口機場,大量海歸大學生,再不用靠香港了,香港優勢佔失,98-03年香港有幾慘,記得嗎?2004 香港終於又找到另一出路, 靠我們的法制,低稅, 轉型做服務零售業, 大做大陸有錢人的生意, 找到生存之道.


但去到今日, 香港未找到另一出路, 金融嗎?大陸開始發展前海、上海自貿區;科技嗎? 沒有;工業嗎?沒有;貿易物流嗎?在萎縮. 我們背靠大陸十多億人的生意及資源,本來很簡單的道理,就是繼續大賺大陸人的錢. 另外,靠香港的法制法治低稅率,吸引國際集團在香港設總部,但當中有一點很重要, 就是物流速度,包括貨運及人的流動, 即是內地人很容易進入香港,在香港設總部的外國人要入大陸很快,幾個小時就可以去到中國各地,明白嗎? 這就是為何政府不斷受到泛民反對,都要大起高鐵及大橋, 與大陸接軌, 你失去了這優勢,就失去做生意的機會,甚至被邊緣化,變成大陸二三線城市.


今日香港,有班人要阻香港與大陸接軌,阻起橋阻起高鐵,這都算了. 連最容易做的生意, 自由行生意他們都要騷擾,簡直愚蠢至極,他們只是想玩死香港,算了,政治方面我不談多了, 以上這些都是一些簡單的經濟知識, 當明白我所說, 大家若果希望樓價下跌, 有兩方面 1. 要求大加土地供應. 但要問過泛民等團體先, 因為填海會被鬧, 發展東北會被鬧, 發展郊野公園會被鬧, 大加供應並不容易 2. 削減自由行, 但政府內有經濟知識的人, 又怎敢這樣做呢? 這是在自掘墳墓, 他們可以做的, 只有勉強削減一簽多行以平民憤.


我估計, 在削減一簽多行後,樓價也只會有輕微下跌,除非有政策大減自由行數目吧..……


原帖由 wongjim 於 2015-3-1 11:11 PM 發表 





5. 亮劍 2015-03-03 09:25:50

其實在新一波收緊按揭條件前,大部分的買家:

已經可拿出四成以上首期出來;

只用月薪四成楼下供楼;

現在金管局只不過係將呢種情況寫死佢啫!

而且大家不要忘記,呢家新上車的買家,绝大部分都是 一人做事一人當,唔會用聯名呢種方式置業,那麼「個人平均只用月薪四成上下供楼」,即代替他/她們仲有剩餘供款能力做後援,當然前題係有如湯博士話齋,杜塞其他借款渠道或後門,例如果D不受監管的財仔,唔好畀不自量力的人「鼠」入來盲上車。


現在揸喺四大手上的生地,理論上夠起拾幾弍拾間楼,如何盤活呢批土地,就係打後十年能否做到供求平衡的關鍵!

我 1998 年已經上書叫政府將部分土地,以分期付款補地價……

到今時今日小弟深信,我呢條「屎橋」,係唯一可解決深層次房屋問題的解藥

98. 引刀一快 2015-09-08 06:28:33
亮劍兄,自由行唔减,長綫冇得玩。

你唔瞭解大陸,亦未瞭解今次呢個經濟巨浪,一切分析停留在上年年底。
我兩年幾前喺呢個論壇開始出帖,一直提到大陸經濟唔好,去年已經明白確立大陸會有一波經濟衰退大潮,你幾時認真回應過?
依傢唔係婆仔買菜鬥智鬥力,係國家以至環球層面嘅問題,香港可以以區區行政手段就完全避過?

99. To 引刀 2015-09-10 12:13:29
自由行唔減長綫無得玩,可否解釋?
100. 引刀一快 2015-09-11 08:00:27
To 99樓 

依傢減都遲咗喇,失咗時機。
101. To 100樓 2015-09-11 08:15:11


你真係扯王之王。


102. 香港人 2015-09-14 19:15:48
好在沒有沽樓跟 你 玩期權?太好了!