地產博客 > 資深會員專欄 返回
瀏覽人次:32098    回應:31
資深會員專欄

收租佬記趣 (三) : 村屋 ? 嚇餐死 !

 

打工仔

2015年12月10日

村屋 ? 嚇餐死 !

 

小弟買樓經驗中,有一次既經歷十分難忘 ! 係乜野? 你地估下?

 

在上世紀90年代, 小弟曾經買入一間村屋, 果層係二樓夾係中間價錢不貴, 當時乜都唔識, 地代話好話買得過就買了!

 

買返來做乜? 收租? 自用? 通通都唔係, 只係聽人講話平就買!

最後成交後一直空置, 唔識打理, 間中入去睇下都甚少!

 

有一日, 突然想起自己有間村屋, 好耐無入去睇過唔知變成乜野樣! 於是入去睇睇,

點知去到,一打開大門一睇! 驚嚇萬分! 見到乜?

 

一眼望入去, 幾百尺的客廳内, 滿佈活生生的超巨型大黃蜂 !

我估計有幾百到一千隻! 即時關門等自己冷靜一下, 心想搞邊科?

於是立即離開擇日重賽!

 

幾日後, 我帶齊架餐同千隻黃蜂決一死戰! 我買左半打殺X, 膠袋, 掃把等等, 打開門不間情由就向佢地噴射 ! 結果, 噴到手仔都軟!

半打殺X死全部噴晒立即離開!

再擇日上去收佢地皮!

 

過幾日上去, 當然大獲全勝, 點算下真係有幾百隻之多!

最後查出原因, 係廚房内一隻氣窗無關好,加上長期空置又無打理所以變成黃蜂巢了!

 

後來該層村屋順利售出!

 

哈哈哈!

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 引刀一快 2015-12-10 14:10:53
沙發!長河san慢咗一步。
2. 歷史長河 2015-12-10 14:11:31
Yes, 慢咗一步。
3. 引刀一快 2015-12-10 14:17:09
打工仔兄

你走寶喇!係我就一定唔會用殺蟲水!依傢喺大陸上山收黃蜂都要百幾蚊一斤,你遇見呢個巨型蜂巢,成個都係寳,黃蜂浸酒可以去風濕,蜂蛹浸酒補到流鼻血,仲可以炒蛋,或者生食,生食豐腴肥美,依傢好難食得到,諗起都流口水!
至于剩低嘅蜂巢,你可以問問魚蛋仔姐姐有乜用。
4. Oscar Lam 2015-12-10 14:20:23
打工仔兄,

賣出賺咗幾多?
5. 打工仔 Andy 2015-12-10 14:22:07
吓 ! 堅定流! 
依家快快去執返間先, 哈哈哈!
6. 打工仔 Andy 2015-12-10 14:28:59
Oscar 兄

耐到記不清了, 好似賺少少!
7. 打工仔 Andy 2015-12-10 14:32:34
引刀兄

沙發點解? 
8. 自我陶醉 2015-12-10 14:34:27
謝打工兄分享! 有啲美國嘅恐怖災難片開場嘅情節feel,好在唔係毒蜂!  哈哈!
 
下次唔好用殺虫水肉博,因為自己會都吸唔少,用殺它死毒冒,用法簡單,當係放催淚彈就得,放完即閃! 第日先清理現場。
9. 引刀一快 2015-12-10 14:34:35
打工仔兄

呢個問題我答過新抱仔,沙發典故係不雅嘅,不過依傢大家都指搶到1樓咁解。
10. 引刀一快 2015-12-10 14:35:58
自我陶醉兄

不如下次見到通知引刀,我包起!
11. 自我陶醉 2015-12-10 14:45:27
引刀兄,

一定,一定!  除咗蜂蛹酒,仲可以蛇酒,老鼠仔酒,全部平啲讓哂畀你。之後仲有杯曱甴定驚茶補一補,免費嘅,哈哈哈!
12. 打工仔 Andy 2015-12-10 14:57:40
自醉兄

果時我有帶膠袋嫁, 用泥套住自已個頭, 係透明個隻呀,
依家想起都笑到噴飯呀! 哈哈哈哈!
13. 新抱仔 2015-12-10 15:45:39
打工仔,

你令我想起初中往事。我好明打開門果下恐怖。之後,我都不會買村屋。

我阿媽都試過買西貢村屋2樓,中間果層。試過忘記關露台門,下午落雨,睡完午覺一出客廳,成屋飛蟻,係好多好多,成個白色地板全部一點點,我好記得果一下,我嚇到呆左,衝返入房,關門,勁驚,冇食晚餐,等阿媽回來我才肯出返客廳。
14. CD ROM 2015-12-10 17:05:54
有錢就係任性!!!  而打工仔確係非常非常任性!!!  買樓如買棵菜果個氣勢真係萬夫莫敵!!!

話說村屋呢家野我一般都勸朋友只租不買, 喜歡就買層apartment收租再租村屋自住. 其實最怕唔係蛇蟲鼠礒, 係d祖地問題. 家人任職相關政府部門, 聽過d賴野case太多, 自己咁熟都唔敢沾手.............
15. 打工仔 Andy 2015-12-10 18:20:50
新抱仔師姐

真係要頂得顺 d 小動物先可享受村屋呀!
16. 打工仔 Andy 2015-12-10 18:25:35
CD 兄

呢個真係一個很好的方案, 可以試試自己是否適合, 否則買下又不喜歡就烦了! 
仲有咁多問題, 買真係要諗清楚先好!
17. 引刀一快 2015-12-10 20:05:46
自我陶醉兄

哇,隻隻都係好嘢!老鼠仔必須未出毛嘅,蛇就要毒蛇為佳,至于杯甴曱茶,飛沙走奶加冰唔該!
18. 打工仔 Andy 2015-12-10 20:19:34
引刀兄

我成日有種錯覺, 廣州好多老鼠甴曱 ! 
19. 引刀一快 2015-12-10 20:19:36
打工仔兄

唔係錯覺,係事實,不過要睇區份,住近街市就度度都一樣。
20. 歷史長河 2015-12-10 20:29:47
刀兄,我只知道沙發係指搶到1樓,至於不雅典故,從未聽聞,請指教。
21. 引刀一快 2015-12-10 20:51:16
長河san

你即係明跣我啫,引刀俾人話牛屎已經夠慘,講埋D咁嘢,俾人貼咗猥瑣標簽就大劑!

不過出于學術態度,通俗文化亦係一種社會知識,我俾Key words你搜索吧,希望當年嘅網頁尚在,不保證解說是否杜撰。

沙發 手槍 圖
22. 歷史長河 2015-12-10 20:55:25
刀兄,本著對學術認真態度,我己search, 冇乜不雅內容。
23. 引刀一快 2015-12-10 21:42:35
夠膽你就喺你篇文度公示,大家判斷,呵呵呵
24. Sugar 2015-12-11 09:43:14

打工仔兄:

有趣!

文章越寫越順,很生動!!

加油:百尺竿頭,更進一步!!!


25. 打工仔 Andy 2015-12-11 10:12:53
多謝糖姐支持, 小弟定必努力!
26. 物業初哥 2015-12-12 11:52:47
打工兄村屋好呀,3樓連天台同面積,天台可以養咩都得,又可以做私人工作間!
27. Sugar 2015-12-12 12:04:30

初哥兄:

同感!

尤其鍾情西貢近禁區的村屋~~~世外桃源~~讓人忘憂不知今夕是何年~~~

28. 打工仔 Andy 2015-12-12 12:39:15
初哥兄 

係就係, 用來渡假不錯, 每日出入就要揸車先可以!
29. 打工仔 Andy 2015-12-12 12:40:03
糖姐

你有村屋嗎? 
30. 2011年開始 2015-12-12 15:01:54
村屋睇過幾次,真的不敢買,打工仔兄好彩,無驚無險賣出.
31. 打工仔 Andy 2015-12-12 15:46:28
2011師姐

小弟果時乜都唔識, 唔hi 野已經萬幸!