地产博客 > 文亮语 返回
浏览人次:66592    回应:202
文亮语

狭路相逢狠者胜

 

汤文亮博士

纪惠集团行政总裁
2015年11月22日

       在刚过去星期五,星期六,有两个大型讲座,我要认真准备,所以没有新的地产评论文章,今早,又开始写,我相信令大家最关心就是两大地产商在元朗的新楼盘同时开卖,几日前已经有记者问我,今次两大地产商新盘对垒,谁会是赢家,我话,在物业投资者口诀中有「等、忍、狠」,今次,他们也算得是狭路相逢,我认为将会是狠者胜,何谓狠,就是行到最后一步,对方有很大机会退让,最低限度都不会硬拼。

      今次长实先出价,老赵的确狠,以低同区十年楼龄一成的楼价开售,一般人想也想不到,不过,老赵狠得有道理,因为在同区,长实没有大型新楼盘,即是没有心理包袱,可以狠得起,反观对手,因为同区有大型新楼盘,而该楼盘尺价是高於长实新楼盘,所以迟迟未敢为新楼盘开价,如果开得太低,一定会对已售楼盘有影响,太高则会为长实托价,将市场上购买力送给长实,所以,开价的确有些犹疑,不过,我相信仍然会以低价开售,但单位质素不会太好,而且数量不多,但会符合要求,大家拭目以待。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 2011年开始 2015-11-22 10:34:29
实地睇过地盆,属于旧区新楼,附近环景麻麻,适合上车人士,朗屏站附近还有华懋及信和嘉华的朗8,多数不会开得平过长江.
2. 自我陶醉 2015-11-22 10:39:15
但系盲好话人地唔系犹豫,系睇好后市,又唔等钱使,所以唔急住卖喎! 会唔会等长实1Q清枱先出手呢? 真系拭目以待!
3. 元朗友 2015-11-22 11:24:45
世宙前面的同乐街日夜都有十个八个企街 , 世宙地盘内也有两座公营房屋一齐起紧 , 当然发展商会只字不提 , 最好去现场实地观察做ㄧ个精明消费者、唔好入伙先后悔!
4. 打工仔 Andy 2015-11-22 11:43:50
自醉兄早晨

我地好友都唔系盲目睇好, 现在楼市经新楼减价促消后, 二手的购买力的确下降不少! 
好友现在去下旅行, 吃渴玩乐下, 都几好呀! 

共等之


5. 自我陶醉 2015-11-22 12:09:39
打工兄,我都唔系话你, 我话嗰啲无论个市发生紧咩,结论都系楼价会升嘅盲好,即系口盲心盲嗰啲, 你口盲心醒,唔好争住认喎! 呵呵!

6. 引刀一快 2015-11-22 12:16:11
打工仔兄

你咁嘅讲法似乎有点偏颇,“去下旅行, 吃渴玩乐下,”呢D嘢边个唔得喞?自我陶醉兄长年都有得玩喇,系要“好友”先有条件做咩?
7. 自我陶醉 2015-11-22 12:18:39
原来我旧年4月出嗰篇文仲未out, 等联储局12月揭盅后先再update吓最新情况!


14. 自我陶醉 2014-04-24 12:36:59

楼价来自本土经济, 由於香港系外向型经济体, 在分析楼价去向前, 必须认清当前环球特别是中美之局势。

自从08年美国金融海啸, 各国以超大规模的量宽试图挽救经济, 但从欧美经济及就业复苏之缓慢及通胀长期偏低看来, 他们距离真正复苏还有漫长的路要走 , 在另一边厢, 量宽已导致亚洲多国出现不同程度之金融及资产泡沫。 在商品及债券方面, 眼见通胀无望, 退市在即, 黄金、 美债、 以至一众商品泡沫已相继爆破, 对於一些有领先性的经济活动指标, 如波罗的海干散货指数和黄铜价格, 近月都创出近年新低, 这都说明现今之经济改善只是一个假象, 都属镜花水月而已。 至於还未爆破的欧美股市, 及香港楼市, 个人认为问题不在於泡沫会否爆破, 而是在於何时爆破。

很多网友说现时楼市是由刚性需求带动, 并不存在泡沫。 这点我绝不同意, 因为楼价上升幅度早已脱离市民实质收入增长。 各国大规模的量宽令利率处於极不合理之水平, 形成你们所说的positive carry, 便是造就今天楼市泡沫的主因, 当利率正常化后, 楼市的投资及投机需求亦会随之减退。

还有几点各位必须搅清楚:
1. 耶伦从没说过2016才加息, 她只是以估计就业要2016才回复正常水平引导市场这样去想, 试图淡化早前说2015加息之言论, 这并不代表她立场真正改变。 本人并不看好美国经济, 但认为美国不可能到2016才加息, 原因有两个:

i. 现时的低利率, 对就业之帮助极为有限, 没错他们的失业率的确从9%以上减了3个百分点, 可是他们的劳工参与率 (Labor Force Participation Rate) 也同样从66%以上降至63%, 同样下跌3%, 这表示就业率没有根本改善, 只是想找工作的人减少, 令失业率下跌。 所以他们心底里都很清楚所谓之经济复苏只是为市场营造的假象。
Ref: http://data.bls.gov/timeseries/LNS11300000

ii. 延迟加息既无法带动就业, 亦会大大增加他们的滞胀风险, 对他们来说这比起单单失业率偏高更可怕百倍。

2. 之前C观点所提之美国战后婴儿潮, 有些深层问题他没有带出, 由於那些人已届退休之龄,开始提取退休金, 这会对股市及当地政府之退休褔利做成负面影响, 亦可能成为股泡及更多地方债爆破之导火线。

3. 自上年开始, 中国已不断进行正回购, 抽走市场多余资金, 配合了领导门反贪腐之决心, 国内部份地区之资产泡沫已开始爆破, 情况不容忽视。

在中美经济都不容乐观的情况下, 本港楼市还可以有多大上升动力呢? 所以我依然维持楼市会在2015减息前后见顶的看法。

8. 打工仔 Andy 2015-11-22 12:25:11
引刀兄
你讲得好岩! 
你何时到京都玩呀?
9. 打工仔 Andy 2015-11-22 12:26:07
自醉兄

多谢分享! 
10. 如是 2015-11-22 12:34:05

两大盘万人空巷,看来都受到过去升市而唔买的教训,趁新楼贴市价买番间先。
大跌?都要住啦,更何况博士话最多跌两三成。
加息?唔会好多,少出街食一餐饭而已。
失业?.......um..冇谂过!


11. 引刀一快 2015-11-22 12:34:40
To 5楼 自我陶醉兄

所谓“口盲心醒”同“口盲心盲”最大区别,就系依家会唔会入货罗。

BTW,其实话人“口盲心醒”,系咪继续暗示“口是心非”?

系咁嘅话,我钟意盲好多D喎。
12. 引刀一快 2015-11-22 12:37:08
长河san

千祁咪对号入座呀,你咁精仔,绝对系“口醒心醒样样醒”!

颁个醒目仔奖章你先!
13. 自我陶醉 2015-11-22 12:44:46
11楼 引刀兄,

用“口是心非”有啲负面,可能佢哋系我失散已久嘅兄弟, 佢个名叫“自我麻醉”。呵呵!
14. 西门吹雪 2015-11-22 13:05:25
自醉兄分享的文章系4月出?
咁真系快人一步。当时股市升到巴巴声,我仲以为得博士够胆话跌。

刀兄,打工兄话去旅行,者系话"无眼睇,有佢跌,反正佢大把可以承受任何情况"咁解。所以自醉先话佢口盲心吾盲。其实我一路觉得打工兄系hope for best and prepare for the worst 既人。绝对比盲好聪明多了亦更有实力。
15. 打工仔 Andy 2015-11-22 13:16:41
引刀兄

我都系随口嗌, 不要太认真! 哈哈!
16. 打工仔 Andy 2015-11-22 13:18:38
自醉兄

自我麻醉跟自我盲目是否一样! 哈哈!
17. 自我陶醉 2015-11-22 13:36:45
回16楼 打工兄

好唔同, 要自我麻醉都算系怕痛,有知觉嘅正常人,高过自我盲目好多㗎!  其实,最紧要唔系存有害人之心,老点人高位同佢接货就冇问题。 
18. 向饭民说不 2015-11-22 14:25:17
自醉兄拿了4月份的报道,但是自醉兄却看不到临近的深圳在过去一年新楼升幅度达到40%,香港的邻居楼价尺价开始超越香港。以前只是lump sum 因为大陆楼,一般面积比较大,现在连尺价也开始追上香港。
看来香港变成深圳人的后花园只是时间问题。
19. 打工仔 Andy 2015-11-22 14:27:58
自醉兄

所言甚是! 
20. 自我陶醉 2015-11-22 14:50:01
回14楼 Simon1兄,

你误会了,嗰篇文唔系今年写的,而系上年2014年写, 当时仲估CCL升到2015年中,最多去到143就回头,点知要到146几先有见顶迹象,有啲走眼。
21. 向饭民说不 2015-11-22 14:56:25
发展商正利用代理回赠BSD and DSD, 在一次证明这些税项最终都系香港人比。
22. 西门吹雪 2015-11-22 15:44:35
自醉兄,143 同146差吾得几多。真高人也!
小弟拜服
23. 历史长河 2015-11-22 16:33:22
自醉兄劲过博士,佩服佩服,竟然连2015年减息都看到了,再佩服佩服。
24. 历史长河 2015-11-22 17:34:57
打工仔兄,  2011兄,师兄们所言甚是,哈哈!
刀兄,师兄所言也甚是,哈哈!
陶醉兄,师兄所言极甚是,哈哈!
元朗友兄,师兄所言真甚是,哈哈!
如是兄,师兄所言如甚是,哈哈!
向饭兄,师兄所言非常甚是,哈哈!
Simon 兄,师兄所言绝对甚是,哈哈!

共甚之,哈哈呵呵嘻嘻!

25. Oscar Lam 2015-11-22 18:52:50
回7 自醉兄,

你对经济和利率的分析很有见地!
26. 打工仔 Andy 2015-11-22 18:56:48
长河兄

你今日好开心喎! 
27. 愁死我 2015-11-22 19:07:53
这两年储返点钱,想上车,想入1500-2000万的楼,睇过好多楼,依家都话要跌2-3成,向业主还20%,业主都唔肯卖,如果市价入货,一年后,冇著2成即系3-400万,想想都惊,如果等两年,唔知会点,愁啊,真主
28. 珍惜香港 2015-11-22 20:45:50
珍惜香港

话说,今年年头,我响回覆亮剑兄嘅最后,写咗呢一句:

大势所趋,总要发生;成败得失,不在朝夕

跟手,就发生连轰三傻,同细价楼爆煲论事件,当中,我亦多次引用到呢一句。直至三月初,我先至再详细去解释,当时写出呢一句嘅心态。今日,CCL 响破顶唔入数,破底照入嘅新计法之下,跌咗 3.X%,同时呢,全城出尽力唱淡,响本地消费,依然强劲之下,都要搞到个社会气氛,好似沙士重临咁。

有啲嘢,我唔想讲到明,费事俾人话我,破坏唔知边个嘅好事。不过坦白讲,呢种做法,我不敢苟同,都喺果句啦,行直线,讲真话,从来都唔喺问题;玩曲线,同玩火冇分别!今日,见到呢个回应箱嘅言论,我只能够同大家讲,拭目以待,同埋,再赠各位一句:

大势所趋,总要发生;成败得失,不在朝夕!

几日前,亮剑兄话自己衰咗,年头估个楼市先升后回,尤其喺新界细楼,起码要回番 5~8%,点知个 CCL,只喺跌咗 3.X% 咋。吓?咁都叫衰咗?其实,我都认为亮剑兄,真喺衰咗,但唔喺差果几多 % 嘅数字问题,而喺佢预测回跌嘅背后原因,唔正确。至於,真正嘅背后原因喺乜,都喺果句,费事讲到明,哈哈!

好多人,只喺执著预测嘅准确性,但又唔去睇清楚,果啲所谓预测,究竟喺凭乜嘢理据推出嚟。而我呢,就从来唔钟意晒预测,只会将我认知嘅事实、体会,同大家分享。记得两年前,有位署名寄生虫嘅回应者话,个楼市不嬲都喺一手卖家玩哂,二手卖家都喺睇一手卖家出价而定价。跟住我就回覆佢:边个话二手一定要参考一手?边个话一手唔会参考二手?大家都喺响度睇紧个市场可以承受几多,呢样嘢喺好互动,唔喺咁单方面嘅!

今日有人话,发展商贴住,甚至低过二手出价喎。咦?我两年前嘅「预测」,咪即喺应验咗?哈哈哈!

讲真,我呢两年半以嚟,写咗咁多长嘢,当中,唔知有几多个算喺「预测」呢?唔知有几多个准?又唔知有几多个唔准?唉!有乜所谓?

以前,二手买卖流量大於一手,个别业主定价,跟一手价平少少去货,喺当时嘅常态。依家呢?二手成交量超低,成交价就反映咗市场购买力嘅上限,所以发展商,自然要睇住呢个上限出价。原来,香港嘅楼市,就好似环球经济咁,已经不知不觉,进入咗一个「新常态」啦!

今时,真喺唔同往日,我成日都话,仲用埋哂啲旧嘅思维去谂嘢,已经不合时宜。既然喺因为楼市,结构上嘅转变,而令到发展商贴住,甚至低过二手出价,咁我地就唔可以因为呢个「常态」嘅转变,就断言楼市转角,唔转角呢,就喊哂口咁话,唔合理、唔正常罗!

总之,都喺果句:

大势所趋,总要发生;成败得失,不在朝夕!
29. 大宝二宝 2015-11-22 21:46:36
今年来,我字典内加多十个字 :

[天地有正气,唔要听歪理]

共勉之,哈哈!
30. 西门吹雪 2015-11-22 21:56:47
我已经好耐无睇珍港兄既留言。。。原因可能因为我程度低吧,总是看吾明。

今次看到 
大势所趋,总要发生;成败得失,不在朝夕!

心底内万分认同。虽然内容依然吾明。但系呢句好肯定是对的。估吾到呢度真系咁多高手!!
31. 神算 2015-11-22 22:08:23
珍惜兄,

感觉上你讲到个市好似比人屈咁,不过唔系屈上就系屈落,也很合理吧。个市冷静一下,反而避免太多盲目入市嘅人。有能力及有需要嘅,适当时候就会再入市,何用太多金科玉律呢?
32. 打工仔 Andy 2015-11-22 22:22:34
珍惜兄

我也十分认同"出口説真话, 出手做实事" 现在楼市十分乱, 小弟每日读报纸关於楼市文章少则5.6篇, 多则十几二十篇, 可能也不算多!
但发现差不多9成文章都在唱淡未来楼市。

当然其理据大家都清楚,不用多说, 但我自已觉得就算楼市要回调, 也不会多於10%, 点解? 睇睇内地经济,讲差但都要保6%增长,
美国加息? 加多少少都系平息, 全球QE未停! 

话说回头, 本港的大型基建在未来几年会落成, 对本地经济会有带动, 所以只要没有过份借贷者,根本十分安全!

共勉之

33. 打工仔 Andy 2015-11-22 22:29:36
Simon 1 兄

因为小弟以前试过输到 pk, 所以现在无论升升跌跌都系平常心面对! 哈哈!

共勉之
34. 历史长河 2015-11-22 22:50:53
知我者,谓我心忧;不知我者,谓我何求。
35. 觉醒 2015-11-22 23:19:07
市场开始知道二手是压不下去,原因是通通货澎胀引发的效应,虽然一手发展商有少少退一步,但其实平少少开盘,正是再一次引发另一次爆发,像当年环宇海湾一开即时见㡳反弹一样,发展商做法十分聪明,相信这盘一开,市况再次转升。
36. 觉醒 2015-11-22 23:25:52
To 32/F 
能有打工仔兄的目光者为小数,所以赌楼市大跌者最后只会输到返唔到身。大家拭目以待。
37. 自我陶醉 2015-11-22 23:31:24
喺新常态下,真系冇得跌,唔系迫害,一定系幻觉,跌嗰少少,真系唔洗咁快喊哂口咁话,唔合理、唔正常喎!睇长……线加嘛!

共睇知,呵呵!
38. 珍惜香港 2015-11-23 04:59:24
珍惜香港TO:31/F 神算

其实楼市,喺唔喺被屈,我一啲都唔关心。坦白讲,我从来都唔睇 CCL,你任何时刻,问 CCL 几多呢,我喺答唔到你。至於果啲 3.X% 之类嘅数字,都喺引用其他回应者嘅内容,信佢地罗!

我之所以重提年头旧事,喺想大家回顾一下。当日细价楼急升,令到无论好友淡友,都心绪不宁,担心政府出招,个个礼拜,喺咁盯住个 CCL,搞到好似倒数咁,何必呢?结果今年发生咗乜事,唔使多讲。

每当人心异动,就会有事情发生。

今日,个社会气氛,真喺好差,好多人,愁眉苦脸,都唔知为乜。问佢地,香港嘅经济,好差咩?听闻喺喎!差响边度?唔知噃!零售、旅游业呱?哦,再问下佢地,自己嘅生意差咗好多?唔算吖?自己份工危危乎?又唔喺吖?不过话说,个市真喺好差嘛!咁,边个市好差?差响边?答唔出。FINE,就当个唔知乜市好差,咁关你乜事?又答唔出。

原来,依家啲人话愁,根本就唔知道,自己愁啲乜!

价,始终喺由人定出嚟,所以,我从来都只喺话楼市坚固,但冇话过楼价冇得跌。有啲人,见个市郁果少少,就大造文章,呢样我都唔介意。我最介意喺,明明香港嘅经济,冇乜大碍,点解要搞到个社会气氛,好似沙士重临咁?好好玩咩?人地量力而为,又有需要,边个位上车,关我地乜事?咁八卦人地啱唔啱位入货,又唔见关心一下,有冇人因误受社会气氛嘅影响,错判形势,响事业上、生意上,作出咗错误嘅决定?

点解,为咗要影响大众买唔买楼,呢啲咁个人嘅决定,就不惜牺牲狮子山下,一群默默耕耘嘅血汗一族?

我重提,所谓嘅金科玉律,阁下以为我著眼楼市,而 Simon 兄亦唔太明白。咁我就将三月初份补充,里面嘅一小段抄番出嚟,或者会容易啲理解:

「势之所趋,要嚟嘅,始终要嚟,而我地每一个人,亦有权基於本身嘅唔同情况,就住大势,作出自己嘅选择。成与败,得与失,可能只喺迟早嘅问题,何必执著去争一日之长短?我地拥有嘅一切,喺多年争扎求存嘅成果,千祁唔好因为一时气焰,就间接摧毁咗今日正在争扎求存者嘅未来。」

而所谓气焰,唔喺自以为可以预知未来嘅气焰,而喺自以为可以掌控一切嘅气焰

真正能够,掌控一切嘅,只有神
39. 自我陶醉 2015-11-23 08:08:24
22、23楼 长河兄

千祈唔好咁讲,我只系楼市白痴,嚟呢度前连CCL点计都未知,要亮剑兄指点,而且,仲日日向博士学习,恶补成年,先大约知个市发生咁咩。 至於今年加唔加息,都系55波,转个头股滙大跌,欧罗插水,又唔洗加㗎喇! 加定唔加,连耶伦都唔知,何况系我。

共估之,哈哈!

40. 自我陶醉 2015-11-23 08:45:21
30楼 Simon 1 兄

千祈唔好介意,我成日都听到引刀兄话唔明,而我都同你哋一样多数都唔明㗎,连打工兄咁高层次都话要睇几次喇!  

净系呢个 “新常态唔可以用旧思维”即系点?我谂咗成年都未明喇! 以前仲以为,新常态即系有升冇跌喇,原来今日先知,楼市坚固得嚟,楼价又一样会跌喎! 咁即系同以前一样有升有跌? 定有跌冇升呢? 唉! 怕且仲要参详多三五七年先会明咩系新常态。

不过,今次呢句 “大势所趋,总要发生;成败得失,不在朝夕!”, 又真系大衆化好多,无论睇升定睇跌都啱用,到时开边瓣都一定中!

谂深一层,其实唔明先系正常,人哋系PI喎, 同我梗系唔同层次喇!  边有咁易明呀!真系要多多学习,多多学习!

41. 历史长河 2015-11-23 08:47:28
陶醉爱珍港真是路人皆知,哈哈!

Have a nice day all!
42. 如是 2015-11-23 09:06:41

自我陶醉兄,PI 系唔系命理大师?趋势不可违,天命不可违!

古书云:

    易曰。天道亏盈而益谦。地道变盈而流谦。鬼神害盈而福谦。人道恶盈而好谦。

    六祖说。一切福田。不离方寸。从心而觅。感无不通。


43. DSY 2015-11-23 09:40:32

大户心怀鬼胎,小民人云亦云,就是现在市场的代表!有因终有果。

TO 27

我今年都入左差不多价钱的单位,业主价硬过条铁。珍港师兄讲的非常接地气,你可以参考下。有机会寻到便宜货的应该是非常细价楼,且多单位的地区(如天水围,沙一),或者是30年以上旧楼,因并不在小妹考虑范围,所以决定不再等“有可能”的减价(仲要比你买的到),选择早上会,享受“一定”的低息。按按计算器便知,头几年多还点本金是非常划算的!

44. 自我陶醉 2015-11-23 09:52:18
回如是兄

我都唔多识咩系PI,总之系好嘢,小弟只知系玄之又玄,有缘则圆,无缘则泫,睇极未完,睇完晕眩,谂完更眩,皆因小弟无缘是也。
45. 史路比 2015-11-23 10:06:38
小弟曾在元朗住过20年,觉得长实个位几好,比yoho之前几期都好,走去朗屏站应该是7分钟内,楼下大把野食,开车的可以2边走,唔错。
46. 向饭民说不 2015-11-23 10:52:01
楼上,最重要是有北姑chicken食。
47. 神算 2015-11-23 11:00:23
珍港兄,

抱歉未能记住阁下所有评论,人老了,读写能力及记忆力下降,哈哈!

阁下冀为机构投资者,应对市场趋势更有前瞻,不会只看已发生事物吧。小弟作为美资公司管理层,每月看到各样分析报告也正如你所讲心绪不宁,可能是小弟多虑吧。

还有这个坛是讨论地产,如果唔讲楼市升跌,何需喺呢度吹水?
48. 自我陶醉 2015-11-23 11:24:54
回18楼向饭兄,

如果小弟无理解错,阁下嘅论点系深圳嘅泡沫如果大了10寸,港楼无可能只大5寸,最少都应该有8寸。但有否想过,其实香港的泡沫一直都是比深圳大,现在它只是追回失地而已。

从宏观因素看,深圳楼近年大升,不外乎以下原因:
1. 09年4万亿刺激方案,引发投机及高通胀
2. 最低和人均工资大幅上升
3. 受深圳前海发展带动
4. 国内生产力及竞争力提升
5. 国民缺乏投资渠道

反观香港,我们只是一个吸二手烟的烟民,一是靠大陆游资推动,二是靠美国放水,当美国收水,大陆经济下滑,并加强打激资金外流,香港当然是首当其冲,加上内耗不断,在资源和人才上缺乏长远竞争力和增长动力,工资水平升幅远低於深圳,而且,港资流动不受管制,投资渠道多不胜数,两地房价自然背道而驰。

不知兄台知否,在上海市区地段的中产房价,不少已升越千万,深圳只是急起直追而已, 因此,观乎两地之发展方向,并计及日后增长动力,深圳楼价追上香港,甚或比香港更贵,是大势所趋,只是时间问题而已,不足为奇。 
49. 引刀一快 2015-11-23 11:32:51
自我陶醉兄

深圳楼市大涨加多一条:

有“消息”指,深圳有可能升格为直辖市,所以个个都扑过去抢位。
50. 珍惜香港 2015-11-23 11:59:00
珍惜香港

TO:42/F 如是

阁下两道古书,到位之处,绝非等闲。

唔使扮傻啦,哈哈哈!

TO:47/F 神算

呢度喺地产网,当然以讨论地产、楼市为主。楼市同经济,息息相关,讨论范围可以好广,至於楼价,只喺冰山一角。不过,楼价既然喺热门议题,大家关心楼价,亦可以理解,但不宜过份聚焦。

楼市升跌,喺由一系列已知及未知嘅因,组合而成嘅果。过份聚焦果,而忽视因,会造就太多盲点,令人迷失。
51. 安全驾驶 2015-11-23 13:04:56

51/F Simon1兄,

按你所说,阁下认为1113会为16做势,使16之收益更大?

如果是真的,请指教1113会有可益处?

53. 望东楼 2015-11-23 13:31:31
虽然我唔同意西门兄讲嘅嘢,但理论上系可行嘅。比方话:老赵,你元朗放我一马,我将军澳就隐形一年。咁当要做到好隐晦啦。
54. 西门吹雪 2015-11-23 13:56:00

PN兄对极~应该系我谂多左~已经删掉~~

ADMIN大人,52都唔驶POST了~谢~

55. 向饭民说不 2015-11-23 15:33:19
今次区选证明了,上年百万人反占中,并无夸大。第二港大民意调查报告肯定是被渗透,收买,扭曲民意,不但欺骗了全香港人,还欺骗了饭民自己,所以这个调查报告 is bull shit。难怪港大世界排名一年差过一年。
56. CD ROM 2015-11-23 17:15:54
刀兄, "直辖市"一说我也略有所闻. 有d消息人仕表示, 深圳会因此扩张版图tim wor~~~

讨论既焦点, 已经变左做 "那里是新深圳???" ~~~
57. 引刀一快 2015-11-23 21:35:07
CD ROM兄

呢点真系难讲,睇势头似惠州,但系论发展就东莞有利。

上年年底我师弟话深圳边皮三个新盘,一日卖50亿,似乎就系消息市。
58. 打工仔 Andy 2015-11-23 22:07:16
引刀兄

小弟近排上左东莞两次, 全新楼盘只需一千多元一尺, 十分抵买! 不过其生活水平只是20年前的深圳, 大把地可以发展!
59. 向饭民说不 2015-11-23 22:59:51

引刀,转钛啦?不过深圳已经成为中国的矽谷啦。楼价贵当然有道理。

不过如果东莞,惠州并入深圳,那边天量供应,对楼价的是什么影响,真的不知道。

60. 向饭民说不 2015-11-23 23:10:34
惠州和东莞并入深圳,主要压力肯定系来自广东政府。如果这两个地方并入深圳,深圳变成"直辖市",广东省的财政收入肯定小一大部分。广东省的实力肯定下跌不少。
61. 向饭民说不 2015-11-23 23:22:27

饭民和毒果真系垃圾,最仲意断章取义,自欺欺人。今次区议会的选举,基本上系全民普选。虽然激进伞兵大胜。

但是饭民还不知道今次选举,其实是饭民大败,以前相信选民基础上6比4。饭民6,而建制系4. 但是今次选举倒转了,建制系6,饭民变成4. 如果没有其他变数,以建制派的配票能力,下次选举估计可以拿到决定性的选票。

62. 引刀一快 2015-11-23 23:57:20
To  58楼 打工仔兄

系咪一方呀?定系一平方英尺先?千几蚊一方系6年前嘅山旮旯价位,09年雅居乐有宣传过花都天涯海角咁远嘅楼盘1500人仔“起”。
63. 引刀一快 2015-11-24 00:01:39
向饭

我唔知你讲紧乜呔喎,深圳依然系我唔多钟意嘅地方,不过如果深广地铁连通,我又觉得东莞抵买,因爲十分一价钱都唔驶。
64. 打工仔 Andy 2015-11-24 07:09:23
引刀兄

系一万多元一平方。
65. 自我陶醉 2015-11-24 08:37:26
47/F 神算兄

如果识睇报告同分析,又知道呢个世界发生紧咩嘅,又洗咩做盲好呢?

42/F 讲嘅嘢似乎开你嗰瓣多啲喎,唔知同八字会唔会都有咩关系呢? 如果有的话,嗰啲之前不可一世,话要加租加到人瞓街嘅人,仲有嗰啲唔钟意发灾难财,但喜欢衬火打劫、落井下石,成日话自己沙士时劈人价劈到人哋叫苦连天嘅人,又可以有咩下场呢?呵呵!

66. 历史长河 2015-11-24 09:15:30
陶醉兄,

[如果识睇报告同分析,又知道呢个世界发生紧咩嘅,又洗咩做盲好呢?]

尼句如果咁讲是否也对?

[如果识睇报告同分析,又知道呢个世界发生紧咩嘅,又洗咩做盲淡呢?]

风物长宜放眼量!

67. DSY 2015-11-24 09:41:47

关注政策新闻而忽略数据资料分析,可导致差之毫厘谬以千里;

同样的,关注数据资料分析而不放眼全域,只能是一叶障目而不见泰山!

68. 引刀一快 2015-11-24 09:42:38
To 66楼 长河san

依家世界发生紧嘅事,同埋报告与分析,正系向淡,明系向淡,盲咩?

有向好嘅消息、资料、论据,不妨提出,单单耍嘴皮,冇意思。
69. 自我陶醉 2015-11-24 09:52:03
长河兄

当然可以喇,问题唔在於好定淡,而在於个盲字。不过,话虽如此,如果某些人,净系睇三个字,就开始无限幻想,无限扩大,就以为自己识分析嘅人另计。

边三个字? 咪“新乜乜”, 同“负乜乜”罗!

以下系我之前嘅发言,盲好同盲淡都啱睇㗎,你有兴趣可以慢慢参详:

9. 自我陶醉 2015-11-06 12:37:31
讲到投资,可以有四类心态,其实大家等嘅嘢都唔同,你又系边一类?

1. Hope for the best, prepare for the worst.  ~ 等稳守突击
2. Hope for the best, prepare for the best.  ~ 等运到或等没顶
3. Hope for the worst, prepare for the worst.  ~ 等世界未日
4. Hope for the worst, prepare for the best.  ~ 等入青山

70. 引刀一快 2015-11-24 09:56:22
To 64楼 打工仔兄

东莞就算靓位都大把二手4-6千一方。
71. 西门吹雪 2015-11-24 10:07:24

其实每个人都有自己立场,有D人手持重货,当然期望楼市长升长有。无货既又期望楼市下跌...

可是作为投资者应该放下自己既期望作客观分析。我一路都讲自己期望楼市下跌,但系只要客观分析就知道楼市现况未系太差,只可以话系轻微向淡。我觉得之后再向上既机会是有的,不过就系唔值得系呢个MOMENT再追入,风险很高。我相信自醉兄既看法与我相近。

72. 历史长河 2015-11-24 10:09:11
陶醉兄,如果正反讲都得,咁我就唔再评论了。口水帖是也!
73. 自我陶醉 2015-11-24 11:20:02
Simon1 兄,

非常同意,由始至终都系值博率嘅问题。楼市转势系一个过程,唔系一个点,真系要静心观察。不过,有一点可以肯定,已经过份离地嘅资产价升得越高,只会跌得越痛。


长河兄,

真系不枉你将某人啲文章放枕头底,果然练成语言伪术嘅高超本领。佩服! 佩服!  刚刚先讲完重点唔系“好”字,系“盲”字,不如你又试下将“盲”字换第个字喇!


引刀兄,

唔洗咁认真嘅,呢啲系我同乡“自我麻醉”,再迟啲可能仲会见到“自我催眠”,“自我消失”,“自我毁灭”。呵呵!

74. 珍惜香港 2015-11-24 11:33:05
珍惜香港TO:71/F Simon1

正确嚟讲,阁下第一段应该喺咁写:

手持重货嘅人,喺唔会希望楼市跌;无货嘅,就唔会希望楼市升。

两种写法,喺有分别,你嘅写法,只涵盖投机者,而上面嘅写法,就涵盖所有投资、投机者。我喺属於自醉兄提到果四类心态之中,第一类嘅英文版本,但唔喺中文版本喎,点解?原因,同我话你第一段两种写法嘅分别,同出一辙。

Hope for the best,喺为攻;Prepare for the worst,喺为守。

呢个,就喺我多次提及过果种,积极正面嘅投资态度攻,喺以 the best 作部署,所以当然喺 Hope for the best 啦;而 Prepare for the worst 呢,只为最坏嘅情况,作风险准备啫!但喺中文版本,等稳守突击,就截然不同。等 the worst 先至攻,即喺 Hope for the worst,唔喺 Prepare for the worst,属投机行为。所以,英、中两个版本代表嘅,喺两种完全唔同嘅心态。

真正嘅长线投资者,从来唔会「等」,只喺会「变」
75. 历史长河 2015-11-24 11:45:23
陶醉兄,连珍港兄大名都唔敢提?

尼几句best/worst 口号多於实际也!唔知等股灾战述算唔算hope for the worst(股灾), prepare for the best(高位出货)? 
76. 自我陶醉 2015-11-24 12:09:47
长河兄,

你又问错人喇,语言伪术唔系我强项,我亦从来冇修读或修炼过,你最好问啲专家啱啲。:p 
77. 历史长河 2015-11-24 12:30:45
陶醉兄真是全能选手,今日变咗太极高手,哈哈!好,非常之好👌!
78. 望东楼 2015-11-24 12:48:32
hope for the worst(股灾), prepare for the best(准备好钱{低}位{入}货)??
79. 打工仔 Andy 2015-11-24 13:36:47
Simon1 兄

你讲得好! 
其实对於楼市前景方向, 始终离不开供求, 购买力及群众的预期, 利息如果不太高就影响不大, 
所谓各师各法, 要长战不败除了个人实力, 也要顾及群众心态! 
对楼向, 我都系会以长线偏好! 
80. 引刀一快 2015-11-24 14:00:39
To 76楼  自我陶醉兄

人家长河教授系“人口学”专家嚟嘛,有乜口技唔识?语言伪术就闲闲地喇,分分钟Ron  Jerome 会颁个Oral大帝俾佢添!
81. 西门吹雪 2015-11-24 14:29:35
多谢各位师兄既认同和赐教~小弟0系度真系获益良多。
82. 自我陶醉 2015-11-24 15:02:11
引刀兄,

人哋两师徒要互相切磋,表现啲绝技你睇,你咪拍手鼓励吓罗! 对於我哋呢啲正常人,净系识hope for the best scenario, prepare for the worst scenario 嘅啫,边度识玩咁多口技呀! 

共睇之,呵呵!

83. 打工仔 Andy 2015-11-24 17:23:17
自醉兄

我想像你手持一杯美酒, 坐系到摇摇下睇戏! 哈哈哈!
84. 自我陶醉 2015-11-24 17:39:52
回打工兄,

正是!正是!  知我者莫若打工兄了! 唔睇又点知除咗可以扭曲成攻守,由best变worst, worst变best嘅把戏,仲有啲咩花样呢!  唉! 一打断台戏,就冇嘢睇噜! 

共等之,哈哈!



85. 历史长河 2015-11-24 18:15:38
陶醉大师及引刀教授真乃世外高人,手执美酒,遥睇我地芸芸众生营营役役,谈笑间成就咗人世间各种美事,真是羡煞我地。

愿两位高人:人生得意须尽欢,莫使金樽空对月
86. 神算 2015-11-24 18:33:18
I only know 'Hope for the best' is for the favorable outcome. 每个人睇法唔同,我同意对楼市要灵活变通,但坐货不代表不是投机! 若你话我知有工具可有效对冲物业,咁又唔同,否则如果冇大量流动资金,都几大问题。
87. 自我陶醉 2015-11-24 19:21:10
引刀兄,都系你喇! 连长河兄都求其吟两句诗嚟耍我喇,冇戏睇㖭!

嗱! 成日话要观摩人啲大作,不如考下你,观唔观摩到,人哋点样用语言伪术将黑变白,啱变错,有理变歪理呀?

都系认真啲,畀个练习你:

如果我打算喺恒指升1000点,沽100张期指,跌3000点后准备平仓,系咪即系乎合佢Hope for the best, prepare for the worst 嘅投资者定义呢?

用71楼嘅“Y你移晕”大法,解释吓点解系,唔该。

仲有,要练成神功,记得今晚瞓觉前,呀唔系听朝瞓觉前先啱,将心法印一份放喺枕头底喎! 嘿嘿!




88. 自我陶醉 2015-11-24 19:32:51
86楼 神算兄

你谂唔到,证明你系正常人喇! 呢度有好多歪理,都冇人明㗎!
89. 打工仔 Andy 2015-11-24 22:06:15
长河兄

我知道边到有笋价杯面买, 搵日我同你一齐去扫杯面好吗? 哈哈哈!

共扫之
90. 历史长河 2015-11-24 22:36:47
多谢,一定要有面同享!
91. 珍惜香港 2015-11-24 23:18:27
珍惜香港TO:86/F 神算

Hope for the best,prepare for the worst 喺一句 IDIOM(可以参考呢条 LINK),主要喺用嚟表述,一种积极正面嘅人生态度。用响投资、投机领域,其实唔太适合,亦会造成误导,硬套嘅话,极其量只能用响抗风险呢个部份。

将一句风马牛不相及嘅 IDIOM,各自表述,冇话边个啱,边个错嘅,所以呢方面,无须太认真。不过,通过唔同回应者嘅表述,亦可以睇得出,每位嘅态度、立场、同著眼点,从而互相学习。要有呢种态度,讨论先至有意思。

至於阁下话,坐货唔代表唔喺投机,呢个当然啦。我话过,好多投资者,都喺一个投资、投机嘅 MIX

物业「投资者」,喺以收租为主,一个「纯」物业投资者,对楼价嘅敏感度好低,入货之后,喺唔会成日睇住个市,只要有租收,懒理你升升跌跌。至於,物业「投机者」,就喺以赚价为主,对楼价嘅敏感度好高,入货之后,会成日留意住个市,睇下几时可以高沽。「纯」物业投机者,喺抗拒收租,甚至会将物业空置,因为佢地认为,租约啲咁嘢,只会锁住个物业,令佢地错失高沽嘅时机。

所以你提到果种,坐货投机,喺属於后者。

而阁下讲对冲,就令我谂起,响写紧环球经济新常态之续果阵,有人亦提出过一条问题。佢问,有冇投资工具,最能对冲楼市大跌?呢个人,应该唔会就喺阁下呱?哈哈哈!

果次,我喺咁回应:呢个问题,喺唔会有答案,因为冇一种投资工具,可以保证响价格上一定同楼市嘅表现相反。不过任何衍生时间回报,即喺收息嘅工具,都可以对冲价格嘅下调;所以物业本身,已经有自我对冲嘅作用。投资物业嘅时间回报,即喺租金收入;自住物业嘅时间回报,就喺悭咗嘅租金支出。

好明显,坐货投机,喺做唔到对冲。所以点解,对买楼嘅人,我从来都喺赠呢一句:

量力而为,唔好投机
92. 历史长河 2015-11-24 23:50:59
珍港兄今次讲得好到位,所以小弟讲陶醉大师那四句话系「口号多於实际」,冇乜指导价值。同样冇价值的还有引刀教授一直引以为豪的「刚刚需」论。

谈到对冲,不买楼是一种被动对冲,另外还有一种主动对冲法 - 搵身边盲好对赌。如搵唔到,可搵我来赌。我目前已经压上一半身家参与一场赌局,12月31日揭晓。仲有一半可以陪盲淡玩下。
93. 自我陶醉 2015-11-25 00:23:20
有趣!  越来越有趣,呵呵!

~~~~~~

69. 珍惜香港 2015-09-17 11:54:59
好多投资者,都喺一个投资、投机嘅 MIX。

44. 珍惜香港 2015-05-17 11:24:31
一个人,只可以选择投资,或者投机,唔可以两样都喺,否则几乎一定输!


94. 引刀一快 2015-11-25 01:47:22
住,系刚需

赚钱,系刚需中嘅刚需

唔想蚀钱,就系刚需刚需刚刚需。


95. Joe 2015-11-25 02:08:01

有趣有趣,原来自醉兄先系果位print出来放响床头睇十次的忠实读者。

不过师兄quote珍兄果两句,睇番上文下理,也无犯驳之处。

前果句系讲事实上不少人搞不清自己究竟系投资定投机,因此MIX的大有人在。 而后果句系讲如能真正分别自己是投资/ 投机,才是致胜的关键点。

有错请补充....

96. 神算 2015-11-25 02:32:36
珍香兄,

我只想讲,对冲系控制持货风险,同时间回报无关。物业自我对冲,这个讲法很新,不过租金本身亦有风险,实际上亦做不到对冲效果。

长河大师,

没有买楼无需对冲,租楼住严格上是消费。如果你有还有一半身家是流动资产,你绝对在安全线上。
97. 打工仔 Andy 2015-11-25 07:30:00
神算兄

珍惜兄文章非常到位!
物业租金回报可达至平衡持货成本, 令投资者持货能力增强! (高位买入除外) 
例设租金回报如有5%, 一般按揭利息约2- 3%左右, 扣除一般支出乜可平衡, 几年已还左不少本金,
以早年入货者为例。
98. 打工仔 Andy 2015-11-25 07:34:35
Joe

小弟也有同感!
99. 打工仔 Andy 2015-11-25 07:36:57
长河兄

为我地既鱼蛋粉一齐加油! 哈哈!
100. 自我陶醉 2015-11-25 07:43:55
Joe兄乜你都咁夜? 呢个世界,真系好难搵到一个思想、行为、价值观都完全同自己相反嘅人,梗系要珍惜喇,尤其对住啲喜欢玩文字游戏,写嘢模棱两可,前言不对后语,自己讲完又唔认嘅对手,份外有挑战性。哈哈!

而且呢两师徒口才了得,移晕大法唔work, 又变阵嚟个金蝉脱壳,再加啲惯用嘅大小通杀论点,一唱一和,互相配合,实在精彩。
101. 打工仔 Andy 2015-11-25 07:49:31
自醉兄

今次土俄事件, 是否一只黑天鹅? 
102. Oscar Lam 2015-11-25 08:10:37
醉兄,早啊!

美国12月加息看来已成定局。你对未来几年欧美经济和美国利率走势有何看法?
103. 自我陶醉 2015-11-25 08:28:01
打工兄,

黑天鹅到处都是。

"大势所趋,总要发生;成败得失,不在朝夕! "

哈哈!
104. 引刀一快 2015-11-25 08:52:29
我谂起欧阳锋同欧阳尅。
105. 打工仔 Andy 2015-11-25 08:59:25
引刀兄早

"我谂起欧阳锋同欧阳尅 "
点解? 
106. 自我陶醉 2015-11-25 09:05:21
Oscar兄, 早晨!  

现时世界经济处於通缩边缘,美国其实唔应该加息,风险很大,但国内要求加息的政治压力很大,美衆议院几日前刚通过一条Fed Oversight Reform and Modernization Act,限制联储紧急借贷权力,要求将利率政策同一条数学公式挂钩,将会对联储局货币政策,利率控制嘅主动权有深远影响,奥巴马会否运用否决权,还要再看看发展,但看来12月加息真的很难避免。法例撮要可参考:
https://www.govtrack.us/congress/bills/114/hr3189/summary

小弟打算12月底再来个大总结,请容我暂时卖个关子。

107. 自我陶醉 2015-11-25 09:13:02
104楼 引刀兄

小弟也有同感,呵呵! 
108. 打工仔 Andy 2015-11-25 09:27:03
多谢自醉兄的分析!
109. 神算 2015-11-25 09:44:16
引刀,

欧阳克可能系富二写照。

自醉兄,

狗急会跳墙,睇下耶伦点拆。
110. 引刀一快 2015-11-25 09:52:05
呵呵,大家心水都咁清,我唔驶“此乃肠也”喇,打工仔兄。
111. 自我陶醉 2015-11-25 10:53:48
神算兄,

狗急跳墙, 同金蝉脱壳有咩分别?  都系呢句啱我:Hope for the best, prepare for the worst.

共观之,哈哈!
112. Oscar Lam 2015-11-25 22:52:58
醉兄,

多谢你的意见并期待你的总结!
113. 珍惜香港 2015-11-25 23:40:37
珍惜香港

TO:95/F Joe

多谢阁下代为解话,其实果两句,一句喺嚟自今年九月,一篇讲投资、投机,以及将两者嘅心态,引入去剖析物业市场嘅回应;另一句就嚟自今年五月,一篇讲沽自住楼炒跌,同股神阿伯,针对个别投资、投机取向嘅回应。所以两篇喺属两个唔同 TOPIC,唔睇全文,只喺断章咁,抽两句出嚟比较,喺冇意义。

其实两篇之间,即喺今年六月,我亦出过一篇回应,对阁下提到,关於了解自己嘅心态,同投放嘅目标,分清楚当中投资、投机以及赌博成份嘅重要性,有更详尽嘅表述。

TO:96/F 神算

对於长揸不放,长线收租嘅物业投资者嚟讲,对冲嘅意义其实唔大,太介怀楼价下跌嘅人,根本就唔应该投资物业。或者,将租金讲成喺物业持货风险嘅自我对冲,响经济学定义上唔太恰当,但租金回报所产生嘅现金流,对楼价下跌风险,确实起咗抗衡嘅作用。

如果冇咗租金回报,物业喺冇投资价值,而经济同社会结构,亦唔会容许。

严格嚟讲,租金对冲嘅,唔喺楼价风险,而喺响杠杆之下,利息成本上升嘅风险。经济好,利息上升,但租金亦会上涨;经济唔好,租金下调,但利息亦会下跌。不过香港响全球低息环境影响之下,经济好,利息又低,以致过往十年,业主赚尽咗个息差,而息差亦吸引更多人入市,带动楼价上升。

用以抗风险嘅防线,转成取利嘅武器,呢个情况,沙士果阵亦发生过。我入货嘅弹药,本来就喺用作抗风险嘅储备,只喺当时个市差到,连抗风险嘅储备,用埋嚟入市都足够有余。所以点解话,我从来唔发灾难财,果啲摆住钱响度,等灾难嚟到至入货嘅,先至喺发灾难财。至於买嘢噤价,坦白讲,个市好都要讲价啦,唔通追价?我噤价果阵,人地就扮哂嘢,叫苦连天,到交易果刻,咪又喺笑住咁甩身

如果你凭著一个,积极正面嘅投资态度,面对将来嘅「如果」以跑出正面结果嘅假设去出击,咁就算你嘅假设喺错,真喺跑出咗一个负面嘅结果,咁你用作抗风险果度防线,虽然规模冇用作出击果剂咁大,但已经足以转守为攻,只喺冇赚得咁尽啫,不过至少,心安理得。

讲番经济好,利息又低呢个现象,有啲人视之为,唔合理、唔正常。佢地认为,呢个喺泡沫,既然喺泡沫,就迟早都一定会爆,所以佢地选择等待,储定弹药,等灾难来临,从中取利,发下灾难财,但一等呢,就等咗 N 咁多年。而我,就将呢个现象视之为,步入新常态嘅一个过程。既然喺新常态,即喺市场嘅变化,唔喺暂时,而喺会恒常化,所以我唔等,选择顺势而行,结果就发掘到,债嘅机遇

几年之内,我将原始资产,由原来嘅三倍,再扩大至十倍,现金流收益,扩大十倍。风险方面,经历近期连串市场波动嘅试练,我对风险嘅承受能力,亦证实为市场一般能力嘅十倍。唔知呢种风险比一般低,但回报比一般高嘅投资操作,又算唔算,唔合理、唔正常

神算兄贵为美资公司管理层,应该唔会将我讲嘅嘢,视之为歪理嘅,喺唔喺?不过无论如何,我嘅所谓歪理,就令我行得到今时今日。阁下提到,坐货投机价格对冲之类,其实,任何投资、投机,都有风险,而任何抗风险措施,都冇可能涵盖所有可能性。投机者坐货,当然要搞价格对冲,但喺,投资者持货,价格对冲嘅重要性,就相对地低。

因为,真正嘅投资,最重要,就喺响持货果一段时间内,充分行使投资物嘅值,以带嚟最大嘅利益,呢个就喺「庄」。至於增持、沽走,只喺投资嘅必要动作,而唔喺取利嘅关键,呢个就喺「闲」

所以,持货之道,先至喺投资之道!
114. 历史长河 2015-11-26 08:02:59
珍港兄的三个十倍道出了残酷真象,可这让每年6至10厘已自觉人生得意之士情何以堪?

今年又是一个好年头!祝兄台向百倍进军!
115. 自我陶醉 2015-11-26 08:18:02
唉! 又用番断章取义博人唔睇呢一招,今日真系冇惊喜! :(  仲有冇第二招呀?
116. 自我陶醉 2015-11-26 08:33:21
长河大师,咩现金流扩大十倍? 讲直接啲,咪借人啲钱做margin买垃圾债投机罗,儍仔! 买澳洲纸稳阵好多。

所谓,大话就怕计数,现金流大十倍,计番要畀嘅息,即系做几多倍杠杆?  唔识计数,净系识抱个term出嚟大人,有鬼用咩?  呵呵!  今日都系冇惊喜!
117. 历史长河 2015-11-26 08:42:01
陶醉兄,傻仔也好,欧阳克也罢,你开心就好。

关於那3个十倍,这里一帮盲好都明白是点,您不明白不足为奇。思想决定人生,正在进行中。
118. 引刀一快 2015-11-26 09:31:28
多余喇,大倍数回报嘅嘢,呢度个个都有,自我陶醉兄前几日话我知果D吓一跳嘅大倍数回报,都系轻描淡写,睇嚟系懒得喺呢度晒。

十倍算乜唧。
119. 引刀一快 2015-11-26 09:39:55
呢个论坛嘅讨论重点系,依家系入市时机还是出货时机,十倍?系咪够胆讲几时入市都十倍呀?
120. 神算 2015-11-26 09:51:38
珍惜,

感激阁下嘅分享,获益良多。有一点补充,对於你所提经济好丶利息又低这环境,对香港这种被动经济体,并不是新常态,返而是从来都受制於此。每次发生这周期都令一部份人财富暴增,而这周期持续时间视乎外围经济好坏。又因为货币利率与美国这个成熟经济体挂鈎,每次利率正常化过程,亦迫使香港进行去杠杆情况,这个没有实质上改变。若果认为这是新常态,就会忽视当中风险,当周期完结,市场逆转一定会发生,这个无可避免。正确嚟讲,「Prepare for the worst」的意义更重要。另外量宽这种操作,衍生产能过剩呢个问题严重,但不在这里讨论。
121. 自我陶醉 2015-11-26 11:31:16
算啦刀兄,人哋连赚住等, 同蚀住等嘅分别都唔明,无谓嘥气喇!  佢话自己几叻咪几叻罗!  讲真,唔系咁杠杆法, 洗咩03年要接近破产边缘呀?

唯有祝佢哋好运喇,呵呵!
122. 神算 2015-11-26 11:56:46
自醉兄,

而家可能已经抽唔到身,冇谓下石啦!你听唔到Arbitrage trading 咩,人哋玩紧高阶操作呀,不过希望唔好损手啦。
123. 自我陶醉 2015-11-26 12:10:37
神算兄所言甚是,不过千祈唔好畀佢呃到,佢最叻就系求其搵啲term出嚟大人,到你一同佢讲,就即刻哑口无言。
124. 引刀一快 2015-11-26 12:32:30
呢D部份系网络search技巧,部份系做人态度,当佢哑口无言嘅时候,其实我亦为一样米养百様人而无语。
125. 珍惜香港 2015-11-26 14:03:13
珍惜香港

TO:114/F 历史长河

百倍进军,唔使谂啦,我呢份人,非常保守,保守到连啲基金佬,都怕咗我。增长到今时今日,已经喺极限,打后利润能够以稳定复式增长,亦已经喺最 BEST。况且,息差收窄,将会喺趋势,不过呢样嘢,主要唔喺嚟自加息,而喺嚟自,新常态嘅其中一项基础特性。

要做到低风险,高回报,喺非常困难。但有一个条件,必须要满足,就喺,你一定要喺一个投资者,绝对唔可以喺一个投机者。一丝投机心态,足以令你 PK

记得早前提过,经营多年,我可以算喺先锋,之后就衍生咗一系列抄袭同变种个案。据我所知,呢群个案,经历过两个大浪之后,好多都搞到损手烂脚,最后输突离场。第一个大浪,我称之为金融扭曲第三波,而第二个大浪呢,当然就喺几个月前嘅大跌市啦!

我喺最早开始,同埋属少数做得成功嘅个案,凭嘅,当然唔喺运气。我响呢个网站写嘅,虽然都喺概念嘢,但喺非常有用,能够深切体会嘅话,响实战里面,真喺可以用得著,就算你同我做紧嘅嘢,完全唔同,呢个就喺讲概念嘅好处。所以,我唔会叫人买边只嘢,甚至连依家应该沽乜入乜,都唔会提。因为呢啲咁具体嘅决定,喺因人而异,唔同嘅人,做同一样嘢,效果可以唔同,甚至喺相反,讲得太具体,分分钟会累死人。

有啲人,唔明白,就对我攻击,呢个由他。好多嘢,唔明,总好过一知半解

TO:120/F 神算

关於香港经济好丶利息又低呢个现象,可能阁下冇留意,我喺话,步入新常态嘅一个过程,本身唔喺一个新常态。而我一向强调开嘅,环球经济新常态,可以用下面呢一段总结:

所谓新常态,就喺全球各经济体发展成熟之时,先洗未来钱之势趋向极化,用嚟包底嘅新兴市场又买少见少,结果形成增长放缓,举债渡日,以致货币供应泛滥,市场走向薄利多销嘅环球经济现象。

所以,利息低会喺常态,但经济好呢,就唔一定。

至於量宽,造就出嚟嘅大量资金,其实喺落唔到去实体经济度。你喺咁印,都唔会将一个成熟咗嘅经济体,变番做一个发展中嘅经济体。即喺话,产能过剩,唔会喺后量宽嘅关键问题,反而,资源嘅掠夺,先至喺问题。

简单讲,今日嘅量宽,只喺揾人埋单嘅工具啫

所以做人,真喺唔好咁投机

TO:121/F 自我陶醉

所谓破产边缘,喺因为官司缠身,唔喺杠杆。你钟意玩攻击,我可以当你透明,但公开留言,唔可以太过份,生安白造。你唔记得嘅,可以用网站传统版右上方嘅搜寻功能。就算喺繁体字人,写嘢,都要负责任嘅!
126. 引刀一快 2015-11-26 14:23:06
我够怕咗你喇,嘻嘻
127. 历史长河 2015-11-26 14:59:28
118楼刀兄,你唔会将「资产增加十倍」同「下一注赢十倍」两件事搅混吧?

你119嘅问题,其实我讲十倍到百倍时,唔系已定下起点咩?

刀兄,陶醉兄,神,

在下从冇怀疑过你地智商,不过见识,情商同幽默感真喺愖忧。这样打仗,胜算不大啊!


「牢骚太盛防断肠,风物长昜放眼量」
128. 神算 2015-11-26 15:11:16
长河大师所言甚是,佩服! 小弟真要努力增加见识同幽默感。
129. 历史长河 2015-11-26 15:16:38
神啊,饶恕我吧!
130. 自我陶醉 2015-11-26 15:25:39
长河大师, 我嚟吹下水咋喎! 乜你谂住要打仗咩? 同边个打? 为啲咩打? 赢咗会点? 输又会如何?

“大势所趋,总要发生;成败得失,不在朝夕!”

你师傅呢句真系几好用,够哂大包围!  无论输紧赢紧都啱用。哈哈哈!
131. 自我陶醉 2015-11-26 15:27:42
唔紧要,神唔饶恕你, 我饶恕你。嘿嘿!
132. 引刀一快 2015-11-26 15:28:59
长河大师所言甚是,佩服! 小弟真要努力增加见识同幽默感。
133. 引刀一快 2015-11-26 15:38:10
134. 历史长河 2015-11-26 15:38:37

1. Hope for the best, prepare for the worst.  ~ 等稳守突

2. Hope for the best, prepare for the best.  ~ 等运到或等没

3. Hope for the worst, prepare for the worst.  ~ 等世界未

4. Hope for the worst, prepare for the best.  ~ 等入青

住,系刚需

 

赚钱,系刚需中嘅刚需

 

唔想蚀钱,就系刚需刚需刚刚需。

135. 引刀一快 2015-11-26 15:59:18
你终於悟到喇。
136. 引刀一快 2015-11-26 16:05:42
To 127楼 长河san

你119嘅问题,其实我讲十倍到百倍时,唔系已定下起点咩?

终点呢?咪话我知叫曾孫收货喔,或者中国改用越南盾之后先算喔。
137. 神算 2015-11-26 16:08:20
长河本身已升格为神,点解?因为佢已预知下年又系一个好年头,呵呵!

小弟略看一下,2015 至 2017 年天干地支相克,表象危矣。


138. 历史长河 2015-11-26 16:10:49
神,天干地支有冇显示边度相克?
139. 引刀一快 2015-11-26 16:14:47
又扮哑。
140. 自我陶醉 2015-11-26 16:15:15
刀兄,原来长河大师枕头底连我哋啲文都有喎!
141. 历史长河 2015-11-26 16:22:11
刀兄,你冇问该问之问题。其实该问的是资产规模,这个是重点。唔通你要李生也增长百倍?珍兄觉得百倍难,要么是谦虛,要么规模太大。对小弟不算难,因为我只有1蚊,到100蚊并不难。你话对吗?
142. 神算 2015-11-26 16:22:30
讲小小,

2015 乙未 = 木尅土

2016 丙申 = 火尅金 — 丙申有机会合水,睇月份。

2017 丁酉 = 火尅金 — 呢年较凶,阴尅阴
143. 历史长河 2015-11-26 16:22:49
是香港,中国,全球?
144. 神算 2015-11-26 16:32:25
长河神,

万物不离五行,自己谂。
145. 历史长河 2015-11-26 16:35:57
神,我的投资项目都在火星有冇影响?
146. 神算 2015-11-26 16:46:24
咁你快啲番去啦!地球很危险。
147. 历史长河 2015-11-26 16:50:25
神,穿红底褲可否避过一劫?
148. 引刀一快 2015-11-26 16:50:35
长河san

点解要针对单一规模?一蚊变100蚊唔易,因爲要有可重复性,去除特异例子,就好似CCL,既切头又切尾。
以你衹买不卖理论管理,5间起算,今日入市几时可以升到十倍?现此声明,唔系屋嘅数量升十倍,因爲楼市跌到可以0首期的话,唔算。而且要货币冇出现重大变化爲准。

149. 引刀一快 2015-11-26 16:53:01
长河san你著开襠褲可以擋煞,记住做埋临、兵、斗、者、皆、阵、列、在、前嘅手印!
150. 神算 2015-11-26 16:57:19
河神,你著女人红底试试,唔得就带埋胸围,记住po上嚟。讲认真的。
151. 自我陶醉 2015-11-26 17:11:18
神算兄,果然厲害! 香港7字尾嘅年,好多时都有大鑊嘢, 67暴动,87股灾,97亚洲金融风暴,07恒指见32000大顶,系咪都同“丁”火有关?
152. 神算 2015-11-26 18:12:35
自醉兄咪咁认真啦,我应酬下河神姐,八字不看死物,要将流年流月夹入八字去分析,每个人运势都唔会一样,不过流年尅冲始终阻滞多。
153. 历史长河 2015-11-26 18:20:48

148 刀兄, 鑒於你问点咁无知个问题,以上回应修改如下:


刀兄,陶醉兄,神,

 

在下从冇怀疑过你地智商,不过见识,情商同幽默感真喺愖忧。这样打仗,胜算不大啊!

 

刀兄,

在下从冇怀疑过你地见识,不过智商同情商真喺愖忧。这样打仗,胜算不大啊!

154. 小师妹 2015-11-26 18:43:40
天干的“丙"和地支的“申"系唔会化水,只有同是天干的“丙"和“辛"才可以化水,当然还要看月令是否"子“或"亥“才可引化!
155. 自我陶醉 2015-11-26 18:53:49
哦! 神算兄,收到!


156. 神算 2015-11-26 18:56:50
小师妹,多谢指点,讲紧上下合,不会影响千支性质,但引发气。
157. 打工仔 Andy 2015-11-26 19:16:48
哗! 今日天气冻但呢到好真热闹呀!
158. 打工仔 Andy 2015-11-26 19:20:55
长河兄

我地得三里半, 好难令人家信你嫁! 人地日炒夜炒, 你边有禁好精力呀? 哈哈哈! 
159. 打工仔 Andy 2015-11-26 19:24:14
引刀兄

北风起,  令我想起长提河边两旁的美食呀! 香肉!
160. 鱼蛋仔 2015-11-26 19:41:13

To: 154/F小师妹,

神算都多谢你指点,睇来你已经是大师父了。而叫自己做神算的,是否应该改名叫神棍呢?

共算之!哈哈!

161. 小师妹 2015-11-26 19:59:58
To: 156神算高人
小妹岂敢指点 !  只知道丙火会削弱申金的力量因火克金之故 , 不知道你所说引发的是什么气?! 希望不是晦气就好了 !

To: 160鱼蛋姐:
小妹只是路过乘乱UP, 见笑了!
162. 神算 2015-11-26 20:16:32
呵呵,睇嚟河神好多女粉喎! 鱼旦姐劈头就一句神棍,多多得罪喎!
163. 打工仔 Andy 2015-11-26 20:19:28
神算兄

大家开心下姐! 哈哈哈!
164. 打工仔 Andy 2015-11-26 20:22:07
话时话, 依家系股市揾餐饭都真系不容易!
165. 引刀一快 2015-11-26 20:22:42
长河san

你评乜都冇所谓,只要系你评嘅就冇所谓喇,升十倍呢个问题系你自己带出嘅,唔好夹硬推喺人身上。

我发现你捻花招真系捻唔厌喎,你唔厌,我厌。


166. 引刀一快 2015-11-26 20:26:24
神算兄

人家唔稀罕你“算”,佢地钟意你嘅“X”嘛,你咪顺下意,叫做“神X”罗。

167. 大宝二宝 2015-11-26 20:37:30
回165 , 166 刀兄

做咩讲D咁嘢呀?我以为去错咗风月版, 睇紧贾平凸添。莫非之前真系闭関练神功?哈哈哈…………
168. 历史长河 2015-11-26 20:39:41
我一直讲,这论坛里女士们叻过好多男人,哎,可悲!

睇好,不仅是人生应有的态度,也是做为男人的基本要求。点解?女人最需要安全感,我很难理解一个整日睇淡世界的人能给到你所爱的人咩安全感?我地通常讲女人系弱者,这个世界只要还有一个弱者睇好,我决不睇淡。

因为:

睇好,不仅是人生应有的态度,也是做为男人的基本要求。
169. 自我陶醉 2015-11-26 21:24:33
唉!个市跌嗰少少就short咗! 真系可惜。都话唔好乱学人做盲好㗎喇!
170. 如是 2015-11-26 22:04:42

睇好也好,睇淡都好,何必执著。甚么都好,自得清净心。

万般带不走,唯有业随身。

171. 鱼蛋仔 2015-11-26 22:18:00

To: 167/F 大宝兄

我都估到有D人刻意讲D令女性难堪的说话。你放心,我活到一把年纪,甚么贾平凹体,小儿科来嘅。反而,我相信尼道各位网友的眼睛是雪亮的,大家更清楚他的卑鄙人格,是何等的低桩。

共卑视之!哈哈!

172. 打工仔 Andy 2015-11-26 22:57:13
女人原来真系唔虾得既! 蛋姐好野!
173. 引刀一快 2015-11-26 23:07:41
话人就得,俾人谛返转头就发烂渣,评我乜冇所谓,呵呵
174. 引刀一快 2015-11-26 23:14:44
大宝兄,

你唔止睇到风月版,仲睇埋倪震体添,系咪睇到毛管栋呢!
175. 大宝二宝 2015-11-26 23:28:50
回鱼蛋仔,刀兄

相信大家都系讲吓笑啫,唔好咁认真。

哈哈!
176. 打工仔 Andy 2015-11-26 23:34:38
大家吹下水, 认真你就输! 哈哈!
177. Joe 2015-11-26 23:42:59

性,系刚需

讲笑,系刚需中嘅刚需

适可而止,就系刚需刚需刚刚需。


178. 惜缘 2015-11-26 23:49:40
To 170楼 如是兄

好一句: “万般带不走,唯有业随身”。

阿弥陀佛!
179. 历史长河 2015-11-26 23:50:41
关键时刻总能看到Joe兄及惜缘兄智者的身影。二位的出现是纲友们的刚刚需。 

180. 引刀一快 2015-11-26 23:51:20
to  169楼 自我陶醉兄

原来欧阳克系灵媒嚟架,吹阴风,煽鬼火,系佢绝活。

不过讲嘢就真系冇咗逻辑,唔通真系short?
181. 引刀一快 2015-11-26 23:56:03
To 177楼 Joe兄

性,就算系刚需,都唔会求诸此地卦?

如果人地识得对人客气、识得适可而止,我又驶乜陪佢“讲笑”吖!
182. Joe 2015-11-27 00:09:55

刀兄,此地比性更有性人之处,更多性趣,共寻之....

183. Joe 2015-11-27 00:18:29

补充,系寻刀问醉的好地方,哈哈!

184. 自我陶醉 2015-11-27 00:34:14
引刀兄,

讲讲笑,吹吹水又一天,无谓咁认真喇!打工兄话斋,认真你就输。 好男不与女斗,神算兄都咁大方,值得大家学习,有时以暴易暴未必管用啊!

至於长河大师,已经short咗一段时间,据我观察,应该系Sugar去咗澳门之后,以后又少一个对手。呵呵!



185. 自我陶醉 2015-11-27 00:51:32
如是兄,惜缘兄,

好似徐志摩咁走潇洒啲喎:

悄悄的我走了,正如我悄悄的来; 
我挥一挥衣袖,不带走一片云彩。
186. 历史长河 2015-11-27 08:20:26
148楼刀兄,关於怎样再升十倍的问题,其实里度好友都知,是投资房地产入门知识。你浸淫地产版经年竟然连皮毛都未学到,我本著事实求是之态度讲怀疑你的的智商。怀疑即不太肯定,有何不妥?

不过你也不是冇机会,给你一个礼拜时间,如果你能悟到,我可以将该顶帽子帮你摘掉,如何?计时开始......
187. 西门吹雪 2015-11-27 10:07:36

哗~呢度咁热闹~~无留意TIM HAHA

长河兄~

小弟亦十分认同以前买楼可以升十倍。尤其系楼价低又可以按9成半既时候。回想起来早年本小,抄股所得真的很有限。本小倒是抄楼好~

不过,今时今日又唔系首置既话,买来收租按得5成,楼价又好难短时间再升几倍。试问如何可做到升价十倍。如果你话2-30年投资既话,升价十倍其实只是追到通帐而已。

188. 西门吹雪 2015-11-27 10:34:48

河兄~以太安楼为例~1968年售价介乎$17300-$27000之间 (from Wiki), 今时今日已经几百万了。帐面近50年升左以百倍计。但系当年人工只有一百几十蚊。你话升左百倍,到低系咪真系层楼升左呢?

我一直很认同你讲,如果系想保值,又有稳定租金收入,买楼长揸唔理佢系好选择。但系近日成日讲升价十倍甚至百倍,的确比较误导别人呢...

189. 引刀一快 2015-11-27 10:57:09
Joe兄

今朝起身冇宿醉挂?
190. 历史长河 2015-11-27 10:58:38
Simon 兄,你是醒目仔,请给刀兄一个机会,容佢念两个礼拜再公布答案不迟。
191. 引刀一快 2015-11-27 11:06:44
自我陶醉兄

好沮丧,原来花咗咁多时间嚟同个精神科常客讨论。

我地睇淡系因为形势、环境,点知佢话睇好系因为女人喔!我觉得好似上咗hidden camera嘅搞笑节目,依家对著镜头傻笑。
192. 引刀一快 2015-11-27 11:20:50
Simon1兄

一直讨论重点都系时机、形势、环境,已经够喇。至於理念,就系各司各法。

D人话两个礼拜,咪又系玩嘢,玩风水佬果招。
193. 历史长河 2015-11-27 12:10:35
刀兄,D人玩失踪时系否挥一挥衣袖,有冇带走D云彩?
194. 自我陶醉 2015-11-27 12:19:04
引刀兄,

老实讲,你真系已经输咗! 你输在太认真,还记得我说过为何我只会买长期派息的股票吗?  你谂谂,连年年做audit嘅公司,都可以随时做假,佢攞盘数畀你睇又如何? 

你竟然对一个自己讲过嘅嘢都唔敢认嘅人咁认真, 系咪抵输呢?   你知人资产个base有几大咩? 你知人现金流原先系几多,而家系几多咩? 你知人做嘅嘢风险有几大咩? 你知人有几大杠杆咩?   我去买大细,10秒回报有100%㖭, 你有时间就帮我计计即系年复合回报系几多喇!  

你有冇试过1年嘅投资得个吉? 之后,如果你赚到1蚊就增长无限大㖭喇!  你话劲唔劲先? 无他,数字把戏嚟啫!  净系攞住个回报率就莽言边个叻,边个唔叻,呢啲人叻极都有限,呵呵!10倍? 再呵呵!

都系嗰句喇,网络世界嘅嘢,唔好信太多,亦唔洗咁认真!

195. Joe 2015-11-27 12:19:54

 

刀兄,何只宿醉,小弟在此早已烂醉如泥,如痴如醉,醉生梦死,今朝有酒今朝醉.....

196. 引刀一快 2015-11-27 12:52:46
自我陶醉兄

系,系,系,对著佢,就系衰认真。
197. 引刀一快 2015-11-27 12:53:57
睇好系爲咗女人........我继续傻笑..............
198. 自我陶醉 2015-11-27 12:59:47
刀兄,为女死 ,  为女亡 ,  为女关进什差房 。你听过未?  呵呵!
199. 引刀一快 2015-11-27 13:08:57
自我陶醉兄

听过,不过我觉得佢D花招真系,冧死女,女若狂,闺女人妻尽入囊!

终於喺地产网睇到传说中嘅倪震体!
200. 神算 2015-11-27 16:23:07
刀兄,

河神噚晚应该系谂啲倍数嘅花招,高兴得滞,食饭已经醉咗...... 睇好系为咗女人.....唉...

唔系珍惜兄睇到会谂乜?....定系...
201. 引刀一快 2015-11-27 16:56:42
神算兄

定系......,嗱,我地转一个角度去分析,其实,女人都可以视为一种资源,系咪?起码蛮荒世界嘅理念系咁,咁欧阳克钟意黄蓉,欧阳锋钟意梅超风,都系人之常情。
202. 历史长河 2015-11-27 20:49:32
我信,我望,我爱,

故我在!
203. 打工仔 Andy 2015-11-27 20:58:28
长河兄

信, 望, 爱三德! 
主与我们同在!