读古文（9）苏东坡（江城子）记梦之十年生死两茫茫

苏东坡妻王朝

位於 惠州西湖 王朝坟墓前的六如亭

 

妾来架下化??

汤兄文章每日必睇

千金难买少年穷，呢个喺事实。

千金难买少年穷。

见过鬼才会怕黑传神啲, 而且博士话斋, 怕黑都唔会话俾人知佢怕黑嘛.

少年得志，语无论次。

to 2楼: 别找妾! 一个老婆已经够烦, 加多一个是自寻烦恼 > <"

To 珍惜香港兄

你文章太长，我跟段落回应。

上面话，谂紧好唔好为民主议题写篇长嘢；后嚟，大家好快就终止咗个讨论。本来已经唔谂住写，但见占中期近，结果都喺开咗笔。为咗唔想搞乱博士新文章嘅留言区，都喺写番响呢个 EXPIRED 嘅区度，赠有缘人啦！真系有缘喇

前文有云：物竞天择，适者生存；古往今来，永恒不变。意图违反呢两个自然定律嘅，小至个人，大至国家，势必走上灭亡之路。进化论，亦喺基於呢两个自然定律；每一物种，之所以能够进化，皆因面对弱肉强食嘅世界，优存劣亡，只留低胜者可以继续繁衍。进化之路，只能向前，绝不能停；停，就即喺灭亡！

进化系因应环境变化，唔系单纯嘅弱肉强食，自然环境中，有狮子就必须有羚羊，当弱者消失，强者亦命不久矣。

人类发展到近代，出现咗智慧；智慧，令人类创造出文明，从而主宰呢个世界。但喺，文明亦同时衍生咗骄傲同自我；结果，骄傲同自我，搞出咗「人权」呢样嘢。人权，令到人类多次违反「物竞天择，适者生存」呢两个自然定律，招至一次又一次嘅失败。如果人类再唔觉悟嘅话，最终会走上灭亡之路！

哗！讲乜呀！歪理！人权从来都喺公认嘅真理嘛！

惜港兄，人权概念系基于社会嘅构成而産生嘅。

其实，我都好唔想达至呢个结论；可惜，每当我退一步，以宏观去睇果阵，见到嘅世界，的确喺咁。就睇人权嘅基础：生存；话说，每个人，一出生，就拥有生存嘅平等权利。咦？乜唔喺适者，先可以生存咩？原来呢个人权嘅最底线，本身就已经违反咗「适者生存」啦！而当「适者生存」遭沦陷，「物竞天择」亦会随之失守，因为响人权嘅最底线之上，会衍生一系列嘅平等权利，最终会冲击到「物竞天择」呢个定律！

你讲紧嘅唔系“人权”，而系“人道”，今时今日莫讲系香港，就算大陆都睇唔惯D“惨无人道”
嘅事情。

近代一个最典型嘅例子，就喺共产主义嘅崛起。共产主义，本身就喺建基於人权；呢种人权，就喺每个人，都拥有平等财产嘅权利；财产，必须平均咁分配俾每个人。所以，一个共产主义社会，完全违反哂「物竞天择，适者生存」呢两个自然定律，个体无须竞争，社会无须进步，人人共存，人人共产。结果，所有奉行共产主义嘅国家，都喺彻底咁失败，无一幸免！

惜港兄，首先，冇一个国家系真正嘅共産主义，只有社会主义。咁点解当时咁多国家加入社会主义阵营呢？ 共产主义 一样讲“ 物竞天择，适者生存 ”，就系以共産主义去同资本主义竞争。喺大陆，“优秀”、“先进”呢D辞几时都唔会少见，竞争从来就冇被掩埋过！不过竞争目的、理念唔同啫。

资本主义，之所以能够成为近代较成功嘅财产分配体制，正喺因为佢符合咗「物竞天择」；通过对社会贡献能力嘅竞争，促进咗人类嘅进步。但喺人权呢个包袱，始终令到人类无法遵从「适者生存」呢个定律。结果，人权，就衍生咗「福利」呢样嘢。「不适者」，通过福利，逃过灭亡厄运，得以生存。可惜，大自然喺残酷嘅，优者响数目上往往远少於劣者；违反「适者生存」嘅恶果，就喺物种以优少劣多嘅比例繁衍，步向灭亡！

老人、残疾人、智障、孤寡、单亲............多得你唔少..............！日本仔屠杀我地都俾你合理化咗。

一条解决呢个问题嘅出路，就喺将劣者，转化成优者。所以，早期嘅福利制度，只喺会俾劣者生存嘅最基本元素。响最基本嘅福利制度之下，劣者会被社会歧视、忽略，意识上，同灭亡冇分别。不过呢种歧视、忽略嘅社会态度，反而能够激发起劣者改变命运嘅动力，令佢地置於死地而后生，转化成优者。发展中嘅资本主义社会，因为能力上只能提供最基本嘅福利，往往造就咗呢个促进劣转优嘅环境，令到社会高速咁向上发展。香港嘅上一代，就正正喺一个典型嘅例子。
问题系，无力“转化成优者”嘅人，点处理？越系高度发展嘅社会、地方，越系少机会自力更生，一间餐厅请几个精神病康复者，生意都唔使做。香港地唔畀你上山种菜，唔畀摆街卖嘢，依家有埋最低工资，想收平D捱下都唔得，纸皮有限，执下又话赶絶阿婆。

但喺，唔知几时，福利开始变质，慢慢转化成福利主义。原来，罪魁祸首，又喺人权！

人权，将每一个人嘅政治权利，划上等号。呢样嘢，就喺所谓嘅「民主」！响「物竞天择，适者生存」呢两个自然定律得以严格遵守嘅情况之下，一人一票嘅民主制度，喺唔会有问题，因为劣者已经全被淘汰，唔再存在啦！可惜，人类无法遵从「适者生存」呢个定律，形成优少劣多嘅比例；从此，劣者唔再需要咁辛苦将自己转化成优者，以取得社会嘅资源，因为佢地已经能够以大多数嘅选票，令到政策向福利倾斜；「物竞天择」，终於受到冲击！

如果唔系大陆将政策向香港倾斜，香港一样斗唔过好多地方。扶持弱者系人道，如果一个社会连呢点都可以否定，咁呢个一定系食人族！
如果今日香港仲会饿死人，仲会有人因爲冇钱冇得医病嘅话，咁香港好应该被国际社会淘汰。
唔好妄想有“劣者已经全被淘汰，唔再存在啦！”呢种咁严重嘅缪误！就算香港死晒最“弱”嘅350万人，咁只不过系将贫富綫喺死剩嘅350万人中间，再一次画啫。 

而每当「适者生存」遭沦陷，「物竞天择」失守之后，下一步，就会喺灭亡之路！

民主制度发展成熟嘅国家，普遍都喺入不敷支，之所以维持到今时今日，喺因为佢地能够通过经济手段，掠取其他国家嘅血汗同资源。堪称世上最民主嘅国家，亦喺世上最入不敷支嘅国家；呢个国家，利用军事，利用科技，利用货币，去渣干其他发展中国家嘅血汗同资源，先至可以填补佢要维持呢个自命最民主嘅制度而需要付出嘅沉重代价。唔喺咁嘅话，呢个国家嘅体制一早就已经崩溃咗！

呢D咪就系你一直倡议嘅“ 物竞天择，适者生存 ”罗， “呢个国家，利用军事，利用科技，利用货币，去渣干其他发展中国家嘅血汗同资源”， 全部都得手，我地又吹佢唔胀架。
香港又可以自给自足咩？早就唔得喇。

至於冇足够经济能力发展民主制度嘅国家，后果喺点，有目共赌。

天，从来冇赋予过我地每一个人平等嘅权利；只喺人类嘅骄傲、自我，以为可以胜天！
天，透过孔子教导我地每一个人平等嘅权利。

人权，只不过喺一个美丽嘅谎言！法西斯

曾经沧海，除却巫山，新人无论如何不及旧人。如果只有偶然三朝两夕的闲愁，那只证明是：

人间自是无情痴，此事只关风与月。而已吧 ！

Agreed with you totally.

活着却没有灵魂的日子，强作坚强，未尝过又怎会明白

苏东坡（江城子）之记梦

　　十年生死两茫茫，不思量，自难忘。
　　千里孤坟，无处话凄凉！
　　纵使相逢应不识，尘满面，鬓如霜。
　　夜来幽梦忽还乡。小轩窗，正梳妆。
　　相顾无言，惟有泪千行。
　　料得年年肠断处，明月夜，短松冈。

懒人看一遍、哭一次，18年来感受就一如此词。

经历过断肠事之人，方知断肠之痛。

昨晚看了张艺谋新作《归来》！

虽然内容并不是精彩,但巩俐及男主角的演技十分到位！

也许能表达出爱情的真谛！

"千金难买少年穷。"

真的???

少年穷的现象，普遍存在呀!

看罢懒人兄的故事，学会了一句「珍惜眼前人」，感恩。

别人笑我太肉麻，我笑他人爱不知！

醉过方知酒浓，爱过方知情重。有此经历，此生已不枉过。

陈道明是影帝啊！香港人不识而已！

陈道明是影帝啊！香港人不识而已！

现在的年青人普遍就是吃喝玩乐,打机,讲民主!话自由!人云亦云!当佢地步入中年时,就会恨错难返!

13楼 懒人兄思念亡妻之伤痛， 确实令人感触， 希望兄台能放下悲痛， 珍惜眼前人， 开开心心过每一天。

懒人兄 20岁到48岁，正是人生最激情岁月，听见都戥你难过，多救猫狗、动物，缘不灭。

To 13

莫为失去而难过，应为曾经有缘遇上而感欣慰!

呢一页都很伤感，珍惜眼前人。

TO 16 物业初哥兄

19岁与初恋情人共谐连理，28载鳒鲽情深、恩爱之情，至今犹刻骨难忘。1996年1月仍开心旅游，2月得知爱妻已患末期肺癌时，突然天空如见极光、地面仿如粉红，懒人此时方领悟风云色变惨况，拿著化验报告泪流满面蹒跚回家，管不了偶有路人侧目。同年4月爱妻在院呼吸衰竭弥留之际，医生和弟弟劝我不要再急救，让她免多受苦安详离去，但必须要我同意说＂不救了＂，这三个字，字字比千斤重，拼尽气力说时泪如泉涌、肝肠寸断，此刻此生难忘。

短短四个月，上天把我最心爱的人瞬间夺走，怨恨无奈无助之情无由倾诉，珍惜眼前人，懒人愿与物业初哥兄珍之重之。

TO 各位网友

非常感激各位网友温情，好事偏多磨，愿各位珍惜眼前所拥有。

引刀一快兄，请勿介意，兄台如各位网友一样，系懒人嘅好网友。

Support! Please take care. 

To 懒人兄

To:I3/F懒人兄

看过了懒人兄的自白，觉得懒人兄是一位重情重义的人。不但如此，还充满了智慧，待人接物谦厚有礼，你身边的人真有福气！往事已逝，珍惜眼前人。加油！

26. 懒人兄，

【珍惜香港】

TO：27/F 蜕变中嘅懒人兄

年纪越大，经历嘅失去就越多；都喺果句，珍惜眼前人啦！

好多人，面对至亲，都会有口难言；咁，唔通要等到人去，至可以直言？

所以，自己人，一定要畅所欲言！

TO：9/F 引刀一快兄

好失望，阁下成篇回应，只喺执著一系列定义上嘅嘢。我篇长嘢嘅重点，你根本就 GET 唔到。不过仍然好多谢你嘅回覆。

话咗唔搞乱博士新文章嘅留言区啦，所以都喺去番果边覆你。

不要怕伤心而不去想，故人永远活在我们的心里

我嘅宝贝因意外离去，一个月瘦咗15磅，真正喺皮都摺埋，嗰时成身鱼肚纹，珍惜眼前人，互勉之。

懒人兄，请恕小弟多言，老兄的元配夫人，是得急病，不幸效96年4月仙游的，距今是18年零2个多月。

To 36楼 Li 

呢个问题好尖锐，懒人兄嘅情况我有体会，当年初恋飞我，我两个礼拜就揾咗我元配。简单嚟讲，同在，尽心尽力，分开，翻篇迈步。

瞄中，仍谨守安份，抽离，方才不失时机。懒人兄冇失操守吖。

珍惜香港兄

你连定义都未搞清，点讨论呢？

攞住错嘅定义，点推论合理嘅结果呢？

回懒兄

事隔已18年， 望你伤痛随着岁月慢慢减少。 未来快快乐乐开开心心过日子。

共勉之！

曾 钰 成 建 议 她 考 虑 少 一 点 说 没 用 的 说 话 ， 又 指 她 的 麦 克 风 很 刺 耳 ， 希 望 大 家 安 静 等 会 议 恢 复 。

抱歉，小弟有此一问，乃老妻常问我这个问题。

Li 兄说的也是啊，像10F顺民兄讲，曾经沧海难为水，除却巫山不是云。蜕变兄和前妻有廿多年夫妻感情，但她走后未足半年蜕变兄就另结新欢，睇来蜕兄也是一个贪新忘旧之人呢.

TO 35 LI 兄

自命坚毅无比的我, 看到师兄们一些伤心的故事! 

TO 各位网友

以情疗情伤确真有效，自宝贝离开后，整整一年行尸走肉，到精神再有依托后体重才回复正常，但到某时某刻内心还是戚戚然，往事如烟。

原来五行之外，就系六道轮回。

人家系话你搅错定义呀，傻仔！

原来五行之外，就系六道轮回。

To 懒人兄

TO 51 自我陶醉兄

缘份天注定，呢句话其实无得驳，懒人时常同太太讲笑，如果唔系Helen(亡妻)舍我而去，无论你几靓、几有学识、几本事，我都唔望你一眼，你执到嘞，跟住俾佢打到周围走。

两个不同背景、互不认识的人， 可以走在一起共同生活， 这便是缘份啊!  好好珍惜！

我喺以宏观因果关系，去简化社会嘅现象。「物竞天择，适者生存」套用响同一物种里面，与唔同物种之间，喺两回事，而呢个 TOPIC，会喺前者。所以点解我用同一物种嘅进化做比喻，而唔喺讲唔同物种之间嘅弱肉强食。我喺写「面对弱肉强食嘅世界」，物种「本身」嘅进化；阁下讲狮子同羚羊，喺离咗题。应该喺话，当羚羊消失，狮子就必须通过进化去适应，弱嘅狮子会死亡，强嘅狮子会生存同繁衍；通过优存劣亡呢个进化过程，物种会不停进步。大家喺面对同一个环境竞争，而唔喺强嘅狮子，去食弱嘅狮子。

相信我，你冇搞清楚咩系进化、演化嘅原理，同埋进化演化唔能够硬套喺今日社会嘅原因。
我同意依家利用政府资源嘅人太多，太滥。呢D最好系靠行政手段一步一步整顿，比如向香港政府通报港人大陆资産资料等等，大陆肯出面，好多事都好好话为。

人权，同人道，当然喺两回事，我亦喺讲前者，唔喺后者。所以「不适者」喺指败於竞争嘅失败者，唔喺指先天有缺陷嘅人嘛！即喺话，唔食羚羊就宁愿死嘅狮子，唔喺跛脚嘅狮子喎！所以，老人、残疾人、智障、孤寡、单亲，唔会多得我唔少，因为我质疑嘅喺人权，唔喺人道！

香港人成日以孙先生嘅三民主义閙大陆，蒋生仲话要用三民主义反攻大陆，你要反其道嘅话，就睇你本事，赤裸裸嘅反人权，希特拉操刀都唔会work。

古时，通过战争去占有土地同人民，喺好正常。中华民族都喺通过多年战争，将唔同嘅民族，融合成一个中国。随著人类文明嘅发展，以占有为目的嘅战争已经唔再被容许作为竞争嘅手段。至於，以屠杀泄欲嘅禽兽行为，根本唔喺属於竞争嘅手段，唔好扣我帽子，我冇合理化呢啲嘢！

惜港兄，呢度个个都系斯文人，离开真正嘅“弱肉强食”远得很，香港人绝大部分都系受制度保护长大，真系放入斗兽场，邉系大陆人果皮？名校仔，亦斗唔嬴屋村仔、围村仔。“物竞天择”嘅竞争规则，严格咁限制喺一个合你心意嘅范围，你梗系支持喇。
我个人认爲，强嘅定义，就系目光远大，并能爲朝向目光所指而自律及奋斗，我憎日本但绝不否定对方嘅强，请问惜港兄，你心目中强嘅定义系乜？

将劣者，转化成优者，喺唯一解决「适者生存」被违反嘅出路。你话越高度发展嘅社会、地方，越少机会自力更生，我唔认同。社会高度发展，都一定有自力更生嘅机会，只喺形式唔同咗。除非有缺陷，唔喺嘅话，一样可以转营。今时今日，基层工作，其实有好多出路，唔做食市，可以去做管理员。唔好攞执纸皮阿婆、精神病康复者嚟讲，我从来冇反对过福利去俾啲真喺有需要嘅人喎！

讲件往事你知，我细个好怕麻风佬，但系以前有个麻风佬攞住个竹篮卖糯米醸大肠，我又会帮衬佢，仲会倾囊，以前好多老人喺街边摆卖旧嘢、针綫、白榄，我好中意帮衬，借头借路买立杂嘢。呢D系出于怜悯，我一路都好留意呢D嘢！对于爲生存而挣扎嘅人、付出努力改善生活嘅人，特别系条件唔好果D，我深感敬意并衷心支持。你可以睇睇鹅颈桥果D拾荒老人，依家都俾人赶絶咗喇，打小人有地方特色，又得到政府支持喔！
以前我见到D乞衣，摘柠檬叶、黄皮碌柚叶嚟卖，依家呢？摆街又拉又鎻。
管理员？？？呵呵，打崩头未死得你就做喇。


至於大陆将政策向香港倾斜，喺一个双赢，唔好将呢样嘢同福利或者人道相提并论。中国有咁多城市，点解要睇你？我冇话过，「应该要」劣者全被淘汰，唔再存在；我喺话，一人一票嘅民主制度要 WORK，除非劣者全被淘汰，唔再存在！至於果个世上最入不敷支嘅国家，我响贡献论里面都话过，只不过喺物竞天择，适者生存嘅一个宏观版，我只喺冇再重覆啫！仲有，你可以唔自给自足，但喺唔等於你可以债台高筑！

呢个就系劣者定义嘅问题。何谓劣者？

唔好话我法西斯，我篇长嘢嘅重点，你根本就 GET 唔到。我Get到，唔同意唔认同咁解啫。

好失望，阁下成篇回应，只喺执著一系列定义上嘅嘢；不过仍然好多谢你嘅回覆。
定义都唔清晰，点讨论？

To 50楼 懒人兄

我以爲你系咁解咋，你玄咪配合你玄下罗。
睇埋你同现任嘅一番话，营销造诣登峰造极！一言一语支配大局，值得小的学习。

TO 55 引刀一快兄

懒人觉得多数人都会被真实、真心、真诚嘅行动或说话感动，无须刻意营销。

懒人兄

回 43 苏东坡兄：（Li 兄说的也是啊，像10F顺民兄讲，曾经沧海难为水，除却巫山不是云。蜕变兄和前妻有廿多年夫妻感情，但她走后未足半年蜕变兄就另结新欢，睇来蜕兄也是一个贪新忘旧之人呢.）

记得博士写过（怕鬼唔好话俾人知 ），懒人无回应过，因为懒人用咗好多办法，等亡妻出现半年有多，但都系失望，其实我好想回应请问点样至可以见到鬼，但系当日个个网友都话怕鬼，我唔好意思写。

亡妻离去半年内，懒人将亡妻骨灰盅、亡妻衣服以人形放在床头边，每晚拥著睡，半夜醒就坐著等，倦了再睡，又将拖鞋放床边，希望有一日或夜会见到魂夸归来，最初家人唔知，因为我系独自住，后来佢哋无意中发现，妈妈叫我将骨灰盅放庙中安置，我唔肯，自此弟弟就好多时收工饭后来陪我，静静地坐著无野讲，陪我睇亡妻生前录影带，我留泪佢就递纸巾俾我，或者一齐哭，好多时半夜至走，弟弟明早要返工会好辛苦，我叫佢唔使陪我，佢话佢想嚟睇亚嫂生前录影带，我知道家人好担心我，直至到妹妹介绍咗现任太太同开始有约会，弟弟就无嚟陪我，我谂为自己为家人都要重新振作，我信亡妻都唔想我咁颓萎，於是与太太继续发展，直至太太叫我才将骨灰盅放庙中安置。

原来要安慰极度伤心嘅人，系不宜讲折哀顺变之类说话，只要无言静静陪著，或讲一啲其他话题，或陪佢行一段路，睇吓风景就好足够，系懒人嘅悲痛体会。

自我陶醉兄

引兄，早晨

唔使咁客气，引兄，其实真心情话对太太讲，一定无问题，就算你唔讲太太都会感觉到，你讲咗，太太会好感动，揽住你锡，有著数，试试看。

唷！！！懒人兄！！！！

我意思系我唔会同现任提前任，女人始终有条刺，你嘅做法对我嚟讲直情釜底抽薪。

引刀好怕鬼，但系接触呢类事物唔少，煞气唔够。

引兄，所以我认为世上边有鬼，如果有，Helen(亡妻)几艰难都会见我一面。

牛、龙、羊、狗四个属相，比较容易见。

懒人属牛，都无见过。

懒人兄

有D人，一世都唔会遇到，有D人会避都避唔开。

引兄信佛？讲啲野咁玄。

我拜观音、关帝

To 59/F 引刀兄， 系呀， 我呢个唔黐家， 间唔中就会消失几日。

自我陶醉兄

引刀兄， 那你会入市吗？

自醉兄，我都有谂过我个仔可能系Helen嘅转世，要锡个仔多啲。

懒人兄， 这的确是继续gup住你嘅最好办法，哈哈！

自我陶醉兄

gup ＝ 伋？

引刀兄， 唔识写gup, 仲以为 (目及) 但又搵唔到。A股买建行有得谂。

 昅jie就有，我都揾唔到 “目及”

你要装大字库先得架.

建行？系咪架，系我就睇睇D权证。

【珍惜香港】TO：54/F 引刀一快兄

我嘅定义，好清晰，阁下唔可以因为自己唔认同，就咁话人地错嘅！

人类、社会、文明，从来都喺大自然嘅一部份。自然定律，支配地球，支配国家，深化至每一个个体，绝对唔喺硬套。我讲嘅天，就即喺大自然，唔喺乜嘢神佛。而物竞天择嘅竞争规则，亦唔喺由我去定，唔好话乜嘢合我心意；我只喺讲事实，唔喺要 SELL 啲亲乜乜或者反乜乜果啲意识形态，千祈唔好误会。你话，天，透过孔子教导我地每一个人平等嘅权利；我唔敢同孔子比，我只喺不自量力咁，去充当大自然嘅代言人啫。

强，喺冇一个固定嘅定义。响自然界里面，强者，即喺「适者」。本来，善於捕捉羚羊嘅狮子，就喺强者；但喺，当环境转变，羚羊灭绝，狮子就唔可以只喺怨个天，点解唔俾佢地生存嘅机会。天，从来都冇绝人之路，羚羊灭绝，可以转营去追鹿。为咗坚持追捕仅存嘅羚羊，争扎求存，付出努力嘅狮子，固然值得尊敬；但到最后，真正嘅强者，正喺果啲放低执著，将捕捉羚羊嘅能力，转化成捕捉鹿果啲成功转营嘅狮子。

「目光远大，能爲朝向目光所指而自律及奋斗」，只喺阁下认为嘅强者，唔好将自己嘅定义，当做真理。呢种人，我都好尊敬，但喺尊敬还尊敬，如果故步自封，只为理想，唔识得去适应周遭变化嘅环境，咁我就认为，呢啲唔算喺强者。你讲果啲风土嘢，当年亦红极一时；果阵喺个大环境，而唔喺个政府，去容许呢啲模式嘅生存；唔好成日觉得啲嘢喺咁人为。随著时代嘅变迁，人口嘅上升，好多嘢，制度化，规范化，企业化；摆街又拉又锁，喺因为依家嘅营商环境，已经唔再容许呢种模式嘅生存，而唔喺政府要同边个过唔去。

政府唔喺万能，要支持一个行业，都要配合天时地利，大势所趋。就好似矽港计划咁，机会过咗，环境变咗，做乜都冇用，唔喺你可以点样奋斗，个时代巨轮就会俾面你，碌番转头。你讲果啲风土嘢，如果要长期依赖政府先至可以生存嘅话，根本唔算喺乜嘢行业，极其量只能够好有限，就当搞个博物馆咁；要大行其道，已经喺过去式。你可能觉得，有好多人，唔喺唔努力争扎求存，只不过喺条件唔好啫；真喺咁？

条件唔好，点解唔可以创造条件？我中学果阵，成绩只喺一般，而我理想嘅专业，当时好红，A LEVEL 成绩唔够 TOP，都唔使旨意入到大学读呢门嘢。自己家贫，冇钱买书买电脑，就惟有靠个公共图书馆，单以书本嘅知识，再以书写假扮电脑嘅运作去做程式设计，仲参加埋公开比赛。结果，我从 WAITING LIST 靠面试得到赏识，成功入读呢门学科，同学哗然！如果当时，我只喺埋怨自己条件唔好，成日问点解社会唔支持，学校唔俾机会，你估我嘅命运会喺点？

适应环境变化嘅能力，亦喺自力更生必要嘅条件。唔好问我，何谓劣者，费事你自己唔同意，就话我错。我用劣呢个字，喺嚟自优胜劣败，优存劣亡呢两个词，自己体会。不过我可以好肯定咁答你，驱蝗、反东北、占中果班废青，无论点样定义，都喺劣者！

今天看到少年厨神的死讯， 又印证了博士话 “少年得志” 是一大憾事了。